Constitúense os primeiros tribunais das oposicións Xunta á espera de concretar novas datas de vindeiros exames

Segundo información da páxina web da Función Pública, están constituidos xa os tribunais de promoción interna do C2, C1 e A2, ademais do A2 da escala de Finanzas. Agardamos que en breve se constitúa o A1 de promoción interna e o A1 da escala de Finanzas.

Por outra banda, lembramos que a principios deste mes quedaron tamén de facer pública as datas previstas para os distintos exames da quenda de acceso libre. Asimesmo, teñen a intención de  establecer,  aínda  que  non  sexa  con  exactitude,  as datas dos segundos exames da promoción interna. Só na escala técnica de finanzas (libre e promoción interna) o tribunal avanzou un cronograma coa data do segundo (2ª quincena de xullo) e terceiro exercicio (2ª quincena de outubro).

Estas son as datas dos tribunais que xa realizaron a primeira sesión constitutiva:

• CORPO DE XESTIÓN DE ADMINISTRACIÓN (PROMOCIÓN INTERNA): Data de constitución do tribunal: 28 de abril de 2016. 

• ESCALA TÉCNICA DE FINANZAS: Data de constitución do tribunal: 27 de abril de 2016

• CORPO AUXILIAR DA XUNTA DE GALICIA (PROMOCIÓN INTERNA): Data de constitución do tribunal: 26 de abril de 2016. 

• CORPO ADMINISTRATIVO DA XUNTA DE GALICIA (PROMOCIÓN INTERNA): Data de constitución do tribunal: 26 de abril de 2016. 

Novas relacionadas:

• Datas previstas para os primeiros exames de promoción eterna de corpos xerais e das escalas de Finanzas 

• Publicada no DOG a composición de case todos os tribunais da promoción eterna de corpos xerais e das escalas de Finanzas

• Publicados no DOG a composición dos restantes tribunais de promoción interna de corpos xerais e das escalas de Finanzas.