A Xunta aproba unha suba salarial de entre 4.156,32 a 10.195,36 €/ano para o 2025

Segundo recolle a DA 15ª (Medidas de homologación retributiva aplicables a determinadas escalas de persoal funcionario) do proxecto de Lei de Orzamentos

Trátase de acabar co agravio retributivo que se dá cos postos do Consello Consultivo e o Consello de Contas. A medida non afecta a todas as escalas de persoal funcionario e nin sequera comezan polas máis desfavorecidas. Só afecta aos niveles 28 e 30 das escalas de persoal letrado e de finanzas. Non hai como estar preto do poder e ter que dárlle sempre cobertura legal e financeira ás ocorrencias políticas máis diversas, para que se teñan en conta as prestensións lexítimas de melloras retributivas o resto do persoal da Xunta queda conxelado a espera do que diga o goberno central.

As novidades que nos trae a Lei de Orzamentos en material de persoal para 2025

O que diga o Goberno central e, se lles dá a gana, convocan o grao II ordinario e III extraordinario da carreira profesional (e a ver con que requisitos). A realidade é que cando chegue o 1 de xaneiro de 2025 subirán os prezos de todo e o noso salario ficará igual que no 2024.

E nada de recuperar os dereitos perdidos na lei de medidas do 2012 (aquela que ía ser temporal): fondo de acción social, 9 días moscosos de base, artigo 19 do convenio colectivo... E tampouco nada de solicitarlle ao Goberno central que elimine o recorte das pagas extras de 2011: as nosas pagas extras querémolas completas!

Calendario laboral 2025: dous días moscosos a maiores e outros dous que non

O Diario Oficial de Galicia (DOG) publicou en data 24/07/2024, unha vez aprobado polo Consello da Xunta, o calendario laboral de Galiza para o próximo ano 2025. 

A normativa estatal, fixada polo Real Decreto 2001/1983, establece as 14 festas anuais de ámbito nacional non recuperables, remuneradas e de carácter obrigatorio. Destes 14 festivos, dous son elixidos por cada concello. Dos outros 12 restantes, 9 son de carácter obrigatorio e non substituíbles a non ser que coincidan en domingo: 1 de xaneiro, Venres Santo (18 de abril), 1 de maio, 15 de agosto, 12 de outubro (este ano coincide en domingo e Galiza cambiao polo 17 de maio), 1 de novembro, 6 de decembro, 8 de decembro e 25 de decembro. 

O Comité Europeo de Dereitos Sociais admite o caso da "CIG contra España"

Admite a reclamación referida ao insuficiente SMI español, que o Goberno intentou que se declarara “inadmisíbel” argüíndo que a central sindical só representa á clase traballadora galega

Aínda que na Administración pública o SMI non nos afecta nas nosas retribucións, como sindicato nacionalista e de clase preocúpanos xa que o SMI afecta de xeito capital á clase traballadora e moito e máis nun país empobrecido como o noso. Grazas a esta acción da CIG, Galiza conta e a clase traballadora tamén; non se pode permitir que o Goberno máis progresista da historia 2.0 siga a incumprir as indicacións europeas de ata onde ten que chegar o SMI. E que non nos venda motos de que coa ultradereita peor e mellor pouco que nada. Na CIG non nos conformamos con migallas. Nós producimos, nos esiximos.

Podes acceder á decisión de admisibilidade.

As mesas de «negociación» coa Xunta: o maior espectáculo do mundo. Pasen e entretéñanse!

MESA PREVIA E MESA XERAL DE EMPREGADAS PÚBLICAS DO 15/10/2024. COMISIÓN DE PERSOAL E MESA XERAL DE EMPREGADAS PÚBLICAS DO 16/10/2024

Señoras, señores, pasen e vexan! O maior espectáculo do mundo… está en San Caetano e é de balde, aínda que de entretido ten ben pouco… 

Nun novo alarde de hipocresía e desvergoña inadmisíbeis, propios de sistemas de ultradereita, que dinamitan calquera posibilidade de albiscar ese fenómeno estraño que, para eles e elas, é a BOA FE NEGOCIAL, dende a Dirección Xeral de Emprego Público convócasenos a un maratón de mesas de «negociación» onde o eixo central, como ben di o seu nome, é supostamente a NEGOCIACIÓN, neste caso a «negociación» nin máis nin menos que do Anteproxecto da Lei de medidas (materia de persoal) e da Lei de orzamentos para 2025.

Lotería de nadal CIG 2024

Temos á vosa disposición a lotería de Nadal da CIG para o sorteo do vindeiro nadal (22/12/24).  Xogamos o mesmo número que anos anteriores, e as participacións voltan a ser de 5 euros sen recargo.

Os puntos de venda están no local da CIG en San Caetano, soto de Educación, teléfono 981 545 909.

E no local da CIG en San Lázaro, baixo da Consellaría de Promoción do Emprego, teléfono 981 546 999.

Ante as desilusión que nos dan cada día os responsable da Xunta (procesos selectivos eternos, concurso eterno, comisións de servizo sine die, promocións internas eternas...) a ver se podemos darnos unha alegría.

Concursos de traslados e procesos selectivos... seguen traballando (sic)!

 

Nas mesas xerais que se celebraron estes días insistimos no que preguntamos na anterior Comisión de Persoal do 19/09/24: cal é a situación de TODOS os concursos de traslados convocados (listados provisionais de admitidos, elección de postos, toma de posesión), e dos NON CONVOCADOS (cando pensan comezar as negociacións, cando convocan, etc...)?

Facemos constar que neste momento hai convocados 6 concursos e queremos coñecer en que estado están:

F0424 - CONCURSO DE ADMINISTRACIÓN XERAL 2024.
F0324 - ESCALAS DE ENXEÑARÍAS, ARQUITECTURAS, CIENCIAS.
F0224 - INSPECCIÓN E AXENTES INSPECCIÓN DE CONSUMO.
F0124 - CONCURSO DE GARDACOSTAS 2024.
F0223 - ESCALAS SERVIZO DE PREVENCIÓN DE INCENDIOS.
F0123 - AXENTES AMBIENTAIS/FORESTAIS.

Non acabamos de entender por que non se convoca o resto tendo en conta que en moitos deles o número de efectivos que vai concursar é mínimo, poñemos por exemplo a escala de arqueoloxía onde ademais o anterior concurso se convocou dentro do de especiais.

De telos convocados e resoltos “sobre o papel” xa se tería avanzado para no momento de finalización de procesos selectivos e promocións internas, facer todas as tomas de posesión simultáneas.

Están traballando neles.

Están traballando coas consellerías o asunto dos concursos específicos.A directora xeral comenta que están traballando nas listas definitivas de algúns como por exemplo o de administración xeral. E aí remata a explicación.

Procesos selectivos

Informacións das mesas xerais: carreira profesional, lactación, Illas Atlánticas, trienios, etc.

MODIFICACIÓNS DO DECRETO 151/2022 DE MOBILIDADE DO PERSOAL FUNCIONARIO DE CARREIRA

A maiores da aberración na que finalmente deron marcha atrás en relación á medida a prol dos homes, manteñen estas outras outras:

1. Modifican o artigo 15.2 para que as persoas das comisións de valoración dos concursos ordinarios non teñan que pertencer ao corpo ou escala do concurso de que se trate senón simplemente a un grupo de titulación igual ou superior ao esixido nos postos convocados. Isto débese a que en escalas con pouco persoal e onde pode concursar un grande número de efectivos pode haber problemas para constituír as comisións.

2. Outra modificación é a dos puntos 3 e 4 do artigo 38 relativa á obriga das persoas a dispor ou adscritos provisionalmente de solicitar determinados postos nos concursos ordinarios, onde suprimen a opción de facelo a unha das grandes cidades, por a elección da localidade do posto ao que estea adscrito provisionalmente a persoa funcionaria. Argumentan que ás veces é difícil en determinadas escalas dar postos definitivos nalgunhas localidades.

Neste punto observamos aspectos positivos pero tamén o perigo de que se poida utilizar, en prexuízo das demais persoas concursante, ao poder adscribir a unha persoa á localidade onde pretenda concursar.

Evidentemente opoñémonos a que unha modificación deste calado se leve a cabo querendo despachar este asunto enviando a documentación horas antes para que non poidamos estudala.

ROLDA ABERTA DE INTERVENCIÓNS

Entrou VOX na Xunta?. A deriva ideolóxica en materia de Emprego Público

 

Na produtiva mesa xeral do día 15/10/2024 agromaron unha serie modificacións normativas que parecen ditadas pola ultradereita unhas e pola facción da boina outras, pero todas cunhas marcadas connotacións ideolóxicas e políticas.

Os homes por riba, por suposto...

En algo tan sinxelo como unha modificación do Regulamento dos procedementos de mobilidade do persoal funcionario de carreira relativa ás comisións de valoración dos concursos ordinarios introducen unha CLÁUSULA IDEOLÓXICA, que parece sacada dun texto de VOX: aplicar unha medida de discriminación positiva A FAVOR DOS HOMES, no sentido inverso ao que se establece na normativa en materia de igualdade utilizando medidas de acción positiva no sentido contrario. Non sabemos de onde saíu ese texto ou quen lle intentou colar este catecismo á DXEP.

O caso é que despois de que puxéramos de relevancia tal asunto e de que lles fixéramos ver que incluso iría contra a normativa de igualdade, a directora xeral reflexionou e finalmente retirou esa modificación.

¡FUERA GALLEGO!

Coa desculpa da falta de persoal en determinadas escalas e categorías, traen a mesa outro punto ditado por VOX. Propoñen eximir do coñecemento de lingua galega ao persoal de determinadas categorías sanitarias. Queren dar a entender que van ter que recorrer a persoas doutras comunidades, países ou estados, ante a insuficiencia de persoal sanitario na Xunta de Galiza. Facémoslle notar que isto se debe entre outros factores, a que unha parte importante de persoal que se formou neste país ESTÁ FORA, noutras comunidades e noutros países en condicións mellores. E que incluso o persoal propio marcha para o SERGAS en canto pode. Así que a cuestión non é que non haxa persoal formado en Galiza, senón que determinadas políticas teñen determinados efectos.

Até cando imos sufrir a ineptitude da directora da EGAP?

   

O sindicato presenta máis de 30 demandas e reclamacións sobre a xestión da EGAP e 285 propostas de cursos recadadas de entre as traballadoras e os traballadores, afiliación e persoas delegadas do sindicato, ante a ausencia de oferta formativa para moito persoal e diante da diferenza abismal entre a oferta e a demanda en formación como a linguaxe administrativa galega, a igualdade ou a formación do Marco Galego de Competencias Dixitais

Dende a CIG criticamos e denunciamos a falta de negociación para a planificación e deseño dun plan anual de formación e actividades para todo o persoal da Administración xeral da Xunta e entes instrumentais que estea ben elaborado e estruturado, e que dea resposta ás necesidades de formación reais e actuais en todas as áreas temáticas, sen exclusións. En todo o proceso de elaboración do plan de formación o persoal e sindicatos non cortamos nin pinchamos, todo é decisión unilateral da directora da EGAP. Este proceso é moi sinxelo e básico, a diferenza do que fan outras escolas de administración pública, e consta destes 2 pasos:

1. Envío aos sindicatos dunha circular unha vez ao ano para recibir achegas nun prazo estipulado.                                          

2. Recepción das achegas dos sindicatos (a maioría ignoradas ano tras ano) e, sobre o esquema do plan de formación anterior, repetición da maioría das actividades e das mesmas persoas formadoras para o ano seguinte.  

A opacidade é absoluta á hora de decidir e deseñar ano tras ano os plans de formación en calquera aspecto que nos veña á cabeza, como calquera dos seguintes:    

Erro 500---Erro da Xunta

 

Durante a semana pasada foi imposible acceder á moitos procesos selectivos da páxina de Función Pública.

Publicáronse varias resolucións e baremos provisionais e iso implica a existencia duns prazos que hai que respectar e polo tanto, para dar garantía plena aos interesados, deberíanse poder consultar durante todo o período de alegacións eses baremos. Incluso se poderían publicar con anterioridade pois nada o impide.

O día 04/10/2024 publícanse no DOG unhas resolucións relativas á baremación provisional de varios procesos selectivos de concurso da agrupación profesional de persoal funcionario e de varias categorías do grupo V que afecta a miles de persoas, pois son procesos masivos, e a páxina da un erro:

Error 500--Internal Server Error

Dende a CIG foi imposible contactar telefónicamente coa DXEP polo que nos puxémos en contacto a través de correo electrónico para que trate de solucionar este problema e habilite unha solución para canto antes.