Subiuche o soldo a Xunta a tí?, a min non. Posición da Permanente da Xunta de Persoal de SSCC

De seguido podedes ver escrito aprobado na Permanente da Xunta de Persoal con data 30/10/2024 e enviado o Sr. Presidente da Xunta de Galicia e o Conselleiro de Facenda sobre a suba salarial de determinados funcionarios da Xunta de Galicia, este escrito presentouse no Rexistro Xeral da Xunta con data 05/11/24 as 10:32h.:

Asunto: Suba salario a determinados funcionarios (letrados e interventores) da Xunta de Galicia segundo o proxecto de Lei de Orzamentos para o ano 2025

Na reunión da Permanente da Xunta de Persoal de Servizos Centrais de data 30/10/2024, aprobouse por unanimidade o seguinte comunicado para o Sr. Presidente da Xunta de Galicia:

Nos, como representantes dos traballadores de Servizos Centrais (SSCC), non nos parece mal a subida de salarios, o que si estamos totalmente en contra e que a quen se lles suba e aos que teñen os mellores emolumentos da administración da Xunta de Galicia, estamos falando de niveis 30 e 28A, aos que se lles quere subir segundo o proxecto de Lei de Orzamentos para o ano 2025 entre 4.156,32 ata 10.195,36 euros/ano, para igualar o complemento específico o persoal letrado do Consello Consultivo que e de 29.316,00 euros/ano, compre dicir que estes colectivos (letrados e interventores) aos que se lles sube o especifico teñen xa respectivamente un complemento de 25.159,68 e 19.120,64 euros/ano, respectivamente, a xustificación básicamente e a carga de traballo, cousa que non e certo, xa que a carga non varía por máis que se cobre mensualmente.

Lembramos que a Xunta de Galicia ten funcionarios traballando con niveis 10 e 12, os cales teñen de especifico 6.477,94 e 6.813,80 respectivamente (fonte Orde de confección de nóminas para 2024 DOG 15/07/24). Tamén lembrámoslle dende esta Permanente que o Fondo de Acción Social esta con unha sola liña de axudas, que e para discapacitado a cargo, o resto das axudas cargounas esta administración da Xunta de Galicia coa Lei de Medidas temporais do 2012, con esa norma tamén mutilaron as pagas extras de todos os funcionarios da Xunta Galicia, a día de hoxe non cobramos as pagas extras completas.

Tamén queremos lembrar entre outras cousas que os traballadores que se funcionarizan, pásanlle os trienios de laboral a funcionario, entendo que para aforrar uns euros, incumplindo sentenzas do Tribunal Supremo. Coa carreira profesional, pasa outro tanto de desastre, para aforrar uns euros, non se lles da aos laborais que non se funcionarizan, ou os que si, por reunir todos os requisitos que marca o acordo Xunta/Sindicatos se trocea en dúas, tres ou catro partes.

E agora os que máis gañan, queren igualarlle os específicos ao persoal do Consello Consultivo, nos decimos que si, pero que se empece a igualar os específicos aos que menos gañan (xa puxemos exemplos), empezando por os niveis 10 e seguindo subindo ata o 30 o final. Tamén que se volva o fondo de acción social anterior o 2012, carreira profesional para todos, trienios como se teñan consolidados, pagas extra completas para todo o persoal funcionario....

Neste escrito tamén lle lembramos da ilegalidade de subir soldos con unha Lei de acompañamento, sendo un tema negocial cos sindicatos e de carácter de persoal.