Nestes dous meses produciuse un incremento considerable, xa que pasamos de 114 novas concesións (a suma de comisións de servizo e adscricións provisionais) nos dous meses anteriores a 145. Con respecto ás prórrogas realizadas, no perído anterior de decembro de 2015 e xaneiro de 2016 concedéronse un total 152, no entanto nos meses de febreiro e marzo deste ano renováronse 231. Ou sexa, un repunte importante, cando menos no tema das novas concesións. O aumento das prórrogas hai que achacalo, cando menos en parte, á falla de resolución do concurso.
Seguimos reclamando, dende a CIG, como levamos facendo dende hai anos, un concurso permanente, que minimice o máximo posible esta forma temporal de provisión de postos que ao final se converte en case defintiva dada as frecuencias dos concursos. O que non temos claro aínda, a pesar de certas intencións manifestadas, é que á propia Administración lle interese avanzar nesta cuestión e iso que con ela se evitarían os saltos multitudinarios de persoas entre unidades e se favorecería a boa marcha dos servizos.
Co que si imos estar vixiantes, porque xa pasou noutras ocasións e non queremos que se repita, é en que non se utilice o concurso de traslados para apalancar dúas prazas, “a que pido e a que me dan, ou a que teño en LD” ou mesmo á utilización das comisións de servizo cruzadas. Hai uns cantos subdirectores/as e xefes/as de servizo que concursan polo que pregámoslles tanto a estas persoas, coma á propia Función Pública, que non se fagan certos xogos para facer unha fase B do concurso ou perverter de xeito grave a convocatoria, prexudicando a todo o persoal que participa con nada máis que coas reglas de xogo que están nas bases e coa relación de prazas ofertadas.
Con respecto á calidade das prazas en comisión concedidas ou prorrogadas estes dous meses (nos que non se produciu ningunha revogación) temos os seguintes datos:
Nível
18
|
Nível
25
|
Nível
28
|
Subdirección
|
TOTAL*
|
|
Novas
Comisións
|
26
|
27
|
26
|
8
|
125
|
Prórrogas
|
56
|
57
|
14
|
1
|
231
|
Adscricións
|
1
|
3
|
10
|
3
|
20
|
*
Inclúe as de todos os níveis.
Á vista destes datos temos que deixar claro que nos parece un escándalo que haxa subdirectores/as que sexan nomeados en comisión e se pasen anos apalancando dúas prazas. Eue se fagan prórrogas "sine die" desta situación é unha burla á escasa regulamentación desta situación que fala de 6+ 6 meses. Xa a nova Lei de emprego público prevé unha situación de privilexio para este persoal para vindeiros concursos, que non teñan tanta présa...O dito, agardemos á pronta resolución do concurso para que se estabilice algo, cando menos, esta provisionalidade crónica e sumamente clientelar que temos nesta Administración.
CONCURSO PERMANENTE, XA!
Novas relacionadas:
Ningún comentario:
Publicar un comentario