Lotería Nadal CIG 2026

Temos á vosa disposición a lotaría de Nadal da CIG para o sorteo do vindeiro Nadal (22/12/2026).  Xogamos o mesmo número ca anos anteriores e as participacións volven ser de 5 euros sen recargo.

Os puntos de venda están no local da CIG en San Caetano, Edificio Central (Presidencia), 3º andar, teléfonos 981 545 909 / 981 545 987.

E no local da CIG en San Lázaro, baixo da Consellaría de Promoción do Emprego, teléfonos 981 546 999 / 881 997 290.

Ante as desilusións que nos dan cada día os responsables da Xunta (procesos selectivos eternos, concurso eterno, comisións de servizo sine die, promocións internas eternas...) a ver se podemos darnos unha alegría.

A DXEP acumula atrasos, evita dar prazos e deixa sen resposta as demandas da CIG

A rolda aberta de intervencións da Mesa Xeral volveu evidenciar unha Administración instalada na demora e na falta de transparencia. A directora xeral de Emprego Público e Administración de Persoal (DXEP) confirma que haberá "repescas" en todos os procesos de estabilización e acceso libre, pero non pon datas; non responde ante o caos no Consorcio e alega descoñecer a información trasladada pola CIG sobre gardacostas. Moitas promesas, ningún calendario e demasiadas cuestións sen resolver. A CIG esixe solucións concretas e responsabilidades.

Repescas en todos os procesos, pero sen datas

A DXEP confirmou que realizará listas complementarias (repescas) de todos os procesos, tanto de estabilización como de acceso libre (como son corpos xerais, infantil, persoal laboral lingüista e os demais procesos pendentes, incluídos auxiliar de bibliotecas C2, SPIF e persoal auxiliar coidador, así como os procesos de promoción interna e concursos que continúan sen resolver).

Porén, non concretou ningún prazo para a publicación das listas nin para rematar os procesos. A CIG esixe un calendario claro. A directora está a outras cousas.

Consorcio: centros paralizados e ningunha resposta

A incorporación da escala de facultativos deixou centros sen acceso aos sistemas informáticos, mesmo ás persoas responsables da dirección, impedindo a xestión ordinaria dos servizos. A isto súmanse os atrasos nas baixas na Seguridade Social do persoal que non estabilizou, que dificultan a súa reincorporación ás listas de chamamentos. Volven repetir o caos das escalas infantís.

Preguntamos cando vai intervir a DXEP, tal e como solicitamos por rexistro e ao que a directora xeral non contestou.

Retirada de prazas: decisións que prexudican as persoas aspirantes

O BAILE DAS COMISIÓNS DE SERVIZOS

Dende o día 1 de setembro de 2026 publicáronse uns 2500 postos de traballo para cubrirse en comisión de servizo na Xunta. Estas comisións, como todos sabemos, danse pechando o puño, erguendo o dedo índice e sinalando a afortunada ou afortunado elixida/o, que pode ser calquera de nós. Moitas veces aténdese ao currículo de cada un ou unha; outras, porén, ás simpatías persoais da xefa ou xefe de quenda. En calquera caso, nunca se rexe por un procedemento regulamentariamente establecido.

Deste xeito a Xunta pretende varias cousas:

- Que se ocupen os postos que lle interesa cubrir á Administración cando eles consideren axeitado, sexa necesario ou non facelo.

- Que as persoas que acceden á comisión renuncien a parte dos seus dereitos, non vaia ser que os xefes e xefas non queden contentos/as.

- Que a inamobilidade do funcionariado público que aparece na nosa lexislación sexa unha quimera que só importa nos papeis.

- Que a neutralidade, imparcialidade e obxectividade sexan conceptos tan bonitos como alleos á realidade. Lembremos o que pasou con ALTRI.

En definitiva, que as comisión de servizos veñen sendo utilizadas pola Xunta de Galicia para ter atado e ben atado (a que me soa isto) o traballo dos compañeiros e compañeiras durante o tempo que estas duran.

E en que plan estamos cos cursos de galego para o funcionariado?

O novo Plan da lingua galega promete aumentar a formación do funcionariado sen contar cos recursos precisos

Urxe unha solución para o persoal laboral da categoría de titulado/a superior lingüista ao non se corresponder a carga de traballo coa xornada parcial aprobada pola RPT

O día 13 de xullo de 2026 publicouse no DOG a Resolución do 6 de xullo de 2026 pola que se nomean persoal laboral fixo na categoría 40 do grupo I de persoal laboral da Xunta de Galicia, titulado/a superior lingüista, as persoas aspirantes que superaron os procesos selectivos, mediante o sistema de concurso ou de concurso-oposición, para cubrir un total de 18 prazas derivadas dun proceso de estabilización para regularizar a situación do profesorado declarado persoal laboral indefinido non fixo da Xunta de Galicia. Para a toma de posesión declarouse, como para outros procesos con resolución en período estival, a urxencia e así o prazo foi de 15 días naturais desde o día seguinte á publicación no DOG.

Porén, malia que tivo que tomar posesión con urxencia, este persoal atópase neste momento en suspensión de funcións en espera de que comecen os cursos de linguaxe administrativa e xurídica o día 1 de setembro, dado que ata esa data non está convocado ningún dos cursos que este persoal debe impartir.

Calendario laboral Compostela 2027: vén con dous días de moscosos a maiores

 O Diario Oficial de Galicia (DOG) publicou con data 02/07/2026, unha vez aprobado polo Consello da Xunta, o calendario laboral de Galiza para o próximo ano 2027. 

A normativa estatal, fixada polo Real decreto 2001/1983, establece as 14 festas anuais de ámbito nacional non recuperables, remuneradas e de carácter obrigatorio. Destes 14 festivos, dous son elixidos por cada concello. Dos outros 12 restantes, 9 son de carácter obrigatorio e non substituíbles, a non ser que coincidan en domingo: 1 de xaneiro, Venres Santo (25 de marzo), 1 de maio, 15 de agosto (este ano coincide en domingo e a Xunta de Galiza cámbiao polo 19 de marzo, San Xosé), 12 de outubro, 1 de novembro, 6 de decembro, 8 de decembro e 25 de decembro. 

Ademais, outros tres festivos de carácter nacional poden ser substituídos polas comunidades autónomas. Dous deles son o 6 de xaneiro, que nunca se cambia, agás que coincida en domingo, e o Xoves Santo (26 de marzo), que Galiza non troca tradicionalmente. Así mesmo, dáselles a opción ás comunidades entre o 19 de marzo e o 25 de xullo. Sempre se elixe o 25 de xullo, xa que é o Día Nacional de Galiza, tal e como quedou establecido polo Decreto 8/1978, do 10 de xullo (este ano coincide en domingo e a Xunta de Galiza cámbiao polo 17 de maio, Día das letras Galegas).

Pola súa banda, o Concello de Santiago de Compostela aprobou como festivos locais para 2027 a Ascensión e o San Roque, como é tradicional en Compostela. A Consellaría de Emprego, Comercio e Emigración publicou a totalidade de festivos locais para o ano 2027, En data de hoxe non esta publicada no DOG a citada Resolución   .

Xuntanza con Emprego Público polos autos de extensión de efectos de sentenzas de destino definitivo

 

O venres 3 de xullo de 2026 tivemos unha xuntanza informativa coa directora xeral de Emprego Público na que deu unha serie de información a respecto dos autos de extensión de efectos de sentenzas de destino definitivo.

O 29 de abril a Xunta de Galiza recibiu o veredicto do Tribunal Supremo polo que desestimaba o recurso de casación interposto pola Xunta de Galiza contra tres sentenzas de autos de extensión de efectos.

A Xunta presentou recursos de casación contra todos os autos de extensión de efectos que foron saíndo pero, unha vez emitido este veredicto, o Tribunal Supremo estaos inadmitindo, polo que todos os autos adquiren firmeza e xeran xurisprudencia.

O 22 de maio tivo lugar unha xuntanza cos sindicatos para informar que lles ían enviar unha serie de comunicacións a todas as persoas que promovesen autos de extensión de efectos e que, dependendo da situación desas persoas, elaboraron diferentes modelos de comunicacións.

Tiñan un modelo para aquelas persoas que solicitasen medidas cautelares e xa estaban ocupando o posto con carácter definitivo por execución provisional do auto. A esas persoas o que lle indicaron nese modelo é que permanecerían nese posto no que xa tiñan unha resolución de adxudicación e que, por tanto, non as convocarían para a elección de destino.

Despois había outras solicitudes con autos que non estaban executados de forma provisional ou incluso que aínda non tiñan auto porque estaban suspendidas polo TSXG mentres non se pronunciase o Tribunal Supremo. Agora que o Tribunal Supremo se pronunciou, os autos das solicitudes de extensión de sentenza adquiriron firmeza e xa lles están chegando ás persoas afectadas, que xa poden instar a súa execución á Xunta de Galiza. Para todas estas persoas, segundo a súa situación, Emprego Público elaborou dous modelos:

A crueldade da DXEP nos actos de elección de destino e RPT da Aturga

Na Comisión de Persoal do pasado venres o único punto da orde do día foi a modificación da RPT da Axencia de Turismo de Galiza (Aturga), na que non se tivo en conta ningunha das alegacións feitas pola CIG na mesa sectorial de persoal funcionario ante a D.X. de Emprego Público e onde a súa directora rabenou a negociación previa dos sindicatos coa Axencia na cal se conseguira a posibilidade de incremento do complemento especifico dos dous postos de técnicos/as de cociña polo cambio substancial de horario. Ante iso, o voto da CG foi en contra desta modificación.

Na rolda de intervencións recordamos que o día anterior rexistramos un escrito dirixido á DXEP no que expresamos o noso total desacordo coa retirada para os vindeiros actos de elección de destino de postos que xa pasaron polos concursos de traslados. Pedimos transparencia nestes procesos e esiximos unha explicación de por que actúan como actúan, así como polos criterios de elaboración das listaxes de postos para os diferentes actos de elección de destino.

Cando o normal sería que esas listaxes estivesen conformadas cos postos que non se adxudicaron no concurso de traslados, o que nos atopamos son listaxes nas que desaparecen postos sen argumento ningún, tendo que facer investigacións e suposicións do que sucede, xa que recibimos multitude de chamadas de parte do persoal notificando que faltan postos, en moitos casos en centros periféricos, co que supón isto nun acto de elección de destino tan masificado. Mentres, o que si inclúen son postos que non pasaron previamente polo concurso de traslados.

As respostas da directora xeral resultan abraiantes, tanto como a súa actitude non negociadora, xa que o que nos veu dicir en repetidas ocasións no transcurso da xuntanza é que a única obriga que ten é a de ofrecer tantos postos como persoas aprobadas. Que simpática! Sen máis explicacións nin argumentos sólidos, resulta cruel a súa negativa a incluir todos os postos vacantes, como sempre esiximos dende a CIG, condenando o persoal a ter que desprazarse ao longo da xeografía galega en busca dun destino definitivo.

Tamén insistiu en que as listaxes de postos que figuran na web de Emprego Público son totalmente informativos, que os postos que van para o acto de elección de destino son "cousa" da Dirección Xeral de Emprego Público, co cal "non se retira nada" e que a directora creou esas listaxes como considerou oportuno. Tal cual.