Calendario laboral 2025: dous días moscosos a maiores e outros dous que non

O Diario Oficial de Galicia (DOG) publicou en data 24/07/2024, unha vez aprobado polo Consello da Xunta, o calendario laboral de Galiza para o próximo ano 2025. 

A normativa estatal, fixada polo Real Decreto 2001/1983, establece as 14 festas anuais de ámbito nacional non recuperables, remuneradas e de carácter obrigatorio. Destes 14 festivos, dous son elixidos por cada concello. Dos outros 12 restantes, 9 son de carácter obrigatorio e non substituíbles a non ser que coincidan en domingo: 1 de xaneiro, Venres Santo (18 de abril), 1 de maio, 15 de agosto, 12 de outubro (este ano coincide en domingo e Galiza cambiao polo 17 de maio), 1 de novembro, 6 de decembro, 8 de decembro e 25 de decembro. 

Vacacións e concursos de traslados

A ninguén se lle escapa que as tomas de posesión do concurso de traslados de corpos xerais anunciadas para finais de maio / principios de xuño van provocar inconvenientes na xestión dos cadros de vacacións dos centros. Iso por non falar de que pode chegar xente nova a desempeñar novas funcións cunha inminente ausencia de persoal para formalo. Na maioría de centros os cadros de vacacións fican sen facer debido a situación volátil das tomas de posesión.

Non está de máis recordar dúas cuestións: as vacacións son irrenunciables e a Administración ten obriga de formar ao seu persoal para os novos postos. Con relación ao primeiro, os cadros de vacacións deberán reordenarse (se estiver xa elaborados) coa nova realidade do novo persoal e tendo en conta a normativa vixente que establece unhas preferencias e criterios de desempate na selección das datas. Que non vola intenten colar con iso de que sodes as novas e de que "aquí xa eliximos todas, ti colle o que queda". Iso non é así.

Entroido 2022: modificación da xornada dos días 1 e 2 de marzo

A Dirección Xeral de Función Pública fixo público un aviso sobre a modificación da xornada de traballo dos días 1 e 2 de marzo de 2022 pola celebración das festas do Entroido. A modificación ten os seguintes termos:

Horario oficial: a hora de saída do martes 1 será ás 14:00 horas e a de entrada o mércores 2 será ás 9:00 horas.

Horario de flexibilidade automática: a hora de saída o martes 1 será ás 14:00 horas, quedando reducida en 30 minutos a parte fixa e en 45 minutos a parte flexible do horario. A hora de entrada o mércores 2 será ás 9:00 horas, quedando reducida nunha hora e quince minutos a parte flexible do horario.

Horario de flexibilidade por conciliación: a hora de saída o martes 1 e o de entrada o mércores 2 queda reducida nunha hora e quince minutos dentro da franxa horaria autorizada.

A xustiza obriga á Xunta a motivar as prórrogas das comisións de servizo

Pao xudicial á Xunta polas prórrogas non motivadas das comisións de servizo. A CIG denunciou no 2019 a prórroga non motivada de 347 comisións de servizos por falta de xustificación da sua prórroga, algunha dende o ano 2010. 

A mala xestión das persoas responsábeis da Dirección Xeral de Función Pública cos concursos de traslados fixo que a comisión de servizo fose para moitas compañeiras e compañeiros a única opción de mobilidade ou, incluso, de ter algo de carreira administrativa. Para máis, a súa concesión opaca e sen criterios obxectivos de selección asenta na administración xeral un sistema caciquil e vergoñento de provisión de postos. A Xunta non dá datos de quen solicita a comisión, non motiva a decisión da persoa seleccionada, nin o tempo, ou os motivos da prórroga. 

2022: 9 días de asuntos particulares... coma no 2011!!

Semella que retrocedéramos no tempo 10 anos e volvéramos a ter 9 días de asuntos propios

Como se non houberan modificado primeiro en 2012 a LFPG e logo consolidado na LEPG de 2015, cómpre recordar que ata 2011, na Xunta tiñamos 9 días de permiso por asuntos particulares. E non por privilexio, senón por dereito que compensou a perda de poder adquisitivo brutal, unha perda que se está a volver a dar na actualidade cun IPC desbocado que triplica a suba salarial que imos ter este ano. Ou promocionas ou consegues unha comisión de servizos ou non hai maneira de manter o poder adquisitivo como persoal público na Xunta de Galiza.

Adianto do calendario laboral galego para 2022: tres moscosos adicionais

No 2022 ao caer o 24 e 31 de decembro en sábado, haberá dous moscosos adicionais. Adicionalmente, ao caer festivo o 1 de xaneiro en sábado, haberá un terceiro moscoso adicional Descargar calendario

O Diario Oficial de Galicia (DOG) publica hoxe, unha vez aprobado polo Consello da Xunta, o calendario laboral de Galicia para o próximo ano no que a Comunidade galega terá como festivos propios os días das Letras Galegas (17 de maio) e de San Xoán (24 de xuño). 

A normativa estatal, fixada polo Real Decreto 2001/1983, establece as 14 festas anuais de ámbito nacional non recuperables, remuneradas e de carácter obrigatorio. Destes 14 festivos, dous son elixidos por cada concello. Dos outros 12 restantes, nove son de carácter obrigatorio e non substituíbles a non ser que coincidan en domingo: 1 de xaneiro, Venres Santo (15 de abril en 2022), 1 de maio, 15 de agosto, 12 de outubro, 1 de novembro, 6 de decembro, 8 de decembro e 25 de decembro. No ano 2022 hai dous festivos nacionais que coinciden en domingo: o 1 de maio (día do Traballo), que se substitúe polo 17 de maio, día das Letras Galegas; e o 25 de decembro (Nadal), que se cambia polo día de San Xoán (24 de xuño). 

Pleno da Xunta de Persoal de SSCC (Videoconferencia)

O pasado venres 18 hubo pleno da Xunta de Persoal; de feito foi o primeiro pleno celebrado por videoconferencia na nosa historia.

O caso é que fomos quen de incorporarnos ás novas teconoloxías para tratar entre outros temas como:

- A actuación da comisión permanente da XXPP nestes meses de pandemia: ligada sobre todo a solicitar medidas sanitarias anti-covid na volta ao traballo, incorporación do teletrabalo a todos os postos (mención expresa do bo facer da Consellería de Política Social da que deberían copiar moitas outras), implementación de mámparas e máscaras; e solicitude de información e seguimento dos contaxios en SSCC...

Calendario laboral Compostela 2021 (para descargar en formato pdf)

Coma sempre, achegamos o calendario do novo ano cos festivos nacionais, autonómicos e locais para Compostela. Agardamos que sexa vosde axuda. 

Podédelo descargar picando na imaxe ou dende esta ligazón: Calendario CIG 2021 

Agardamos que a Administración xa defina no Portax os dias de asuntos que corresponden para o ano 2021, que segundo as nosas contas deberían ser dous máis, ao cadrar dous festivos nacionais en sábado.

Felices Festas!!!

Calendarios CIG en formato físico (para recoller no noso local sindical)

Xa temos á vosa disposición os calendarios do ano que ven, desta vez co logo  de "Non confinen os teus dereitos".

Coma sempre están en tres formatos:

- Formato peto, tamaño tarxeta de crédito.

- Formato mesa, tamaño folio triangulado.

- Formato parede, tamaño A3 (destes temos moi poucos).

Podedes pasarvos polo local de San Caetano a recollelos, (chamade antes por se acaso 45909), ou mesmo para despois do Nadal podemos pasar a levalos a algún sitio se non podedes achegarvos.

Felices Festas a tod@s!!!

Agora sí: "Xunta de Galicia" ten que subministrarnos as máscaras tamén en edificios administrativos

Dende mediados de xullo e cando se fixo obrigatorio o uso de máscaras (DOG 18 de xullo)  a CIG-Administración demandou que a Xunta de Galicia subministrara estas a todo o seu persoal. Ante a negativa da administración  levamos  facendo unha campaña de denuncias en todos os centros de traballo para que subministrara as máscaras; tamén o denunciamos nos Servizos Centrais.

A Xunta como sempre, actuou dunha maneira moi desorganizada e houbo centros onde suministrou máscaras (Turismo, Sanidade) pero na maioría deles e sobre todo nos edificios administrativos cada un tivo que traer a súa.

Agora a Inspección de traballo da Coruña fixo un requerimento para que a Adminsitración autonómica cumpra coa súa obriga como empresa tamén nos edificios administrativos. Podedes velo no enlace do final desta noticia; pero basicamente ven a dicir:

- Dende a orde todos os centro de traballo teñen que suministrar máscaras aos seu traballadores e traballadoras como medida de seguridade.

- As unidades administrativas non son (como dí a Xunta dunha maneira torticeira) centros privados senón públicos onde todos os departamentos son susceptibles de acceso público.

Cantos positivos COVID hai na Xunta?

Todos os días nos contades sobre compañeiros/as positivos COVID ou contactos de positivos nas diferentes consellerías (a última de hoxe parece ser que foi en Función Pública); levamos dende principios de setembro co mesmo conto.

Non hai na Xunta unha verdadeira práctica de transparencia, non informan aos Comités de seguridade (salvo a honrosa excepción de Cultura), non coñecemos as medidas específicas tomadas; non sabemos de número de casos nen departamentos; ou sexa a Xunta fala moito do Covid e protocolos pero na súa casa non actúa conforme ás súas normas.

Nen máscaras nos dan.

Todo esto liga coa paralización das solicitudes de teletraballo (agora xa ata suspenden os procedementos desde as secretarías xerais técnicas para evitar o silencio positivo porque non lles chegan os informes preceptivos de Función Pública e Avaliación...) e seguen a marear a perdiz entre as Secretarías xerais e Avaliación e Función Pública, dando largas e sen facer unha verdadeira política de persoal anti-pandemia nin proconciliatoria que faría que no caso de acontecer algún  caso COVID o impcato fose moito menor e de paso facilitarlle os dereitos ao traballo a distancia e de conciliación ao seu persoal.

Señor Feijóo, onde quedou a transparencia? E o sentidiño? E a aposta pola conciliación? E a Administración eficiente? O iso é só para os descursos na TVG?

Consellaría de Facenda: exemplo de como xestionar mal os dereitos de conciliación e máis en tempos de COVID

Esta consellaría foi a primeira en limitar a flexibilidade familiar esixindo en todo caso unha franxa obligatoria de permanencia independentemente do posto, limitando así a conciliación de horarios e mesmo a ausencia durante días (de obrigada recuperación) por motivos famliares que permitiría este dereito.

Hoxe traemos a este foro á consellería do señor Valeriano, sí  a todopoderosa Facenda, parece que non só vai en cabeza en poder dentro da Xunta senón en como facer as cousas mal en cousas relacionadas coa conciliación e co COVID. Nós que teríamos que estar pelexando contra o Covid temos que gastar folgos en pelexar contra Facenda por cousas elementais. Pois van eses golpes:

- Primeira na frente: Xa é coñecido o caso do interventor delegado da súa consellaría (xa o explicamos noutro artigo) que foi cesado por exercer o seu dereito ao teletraballo ante o silencio positivo.

- Segunda no mentón: Esta consellería segue a enviar ao seu persoal inspectores a traballar sen as mínimas medidas de protección (máscaras, guantes, pantallas), e despois nos queixamos de que suben os contaxios.

Función Pública desenténdese dos problemas derivados da COVID a espera "do que digan de Madrid"

O 17 de setembro acudimos a unha reunión en Función Pública para ver se o director xeral da Función Pública seguía vivo, preocupadas pola súa inacitivade, e para falar dalgunhas cuestións das que temos evacuados varios escritos sen que tiveran ningún tipo de resposta e que preocupan a gran parte do persoal. Atendeunos, sen moita gana e en 10 minutos, o seu subdirector.

 

Dá igual que lle preguntedes polo teletraballo, polos permisos por confinamento ou polos procesos selectivos. O resumo é rápido: ou non van facer nada ou directamente non contestan. Entremos en materia:

Solicitude Comisión de Seguimento do Protocolo para a reincorporación do persoal público e as medidas de prevención Covid-19

Pasou a época de vacacións e a maior parte do persoal xa está reincorporado ao seu posto nos centros de traballo. Función pública comprometérase a regular o teletraballo adaptando a situación sanitaria. Desde entón non tivemos ningunha nova, nin borradores nin reunións da comisión de seguimento.

A evolución da pandemia do Covid-19 na Galiza nos últimos días aconsella implantar medidas urxentes en relación coa presencialidade do persoal nos centros de traballo.

Setembro: volta ás oficinas cheas, teletraballo no limbo e Barreiro polos Cantóns

Estamos a principios de setembro, a pandemia por desgraza non fai máis que aumentar (novas medidas onte no DOG para Compostela), para a semana que vén volta a meirande parte das traballadoras/es ás unidades e a xestión do señor Barreiro foi NULA neste tempo. Foi este un agosto como o de outros anos, como se non pasara nada, todos os temas quedaron aparcados...

Onde quedan aquelas reunións da Comisión de seguimento do protocolo? e a previsión de reunión do grupo de implantación do teletraballo? Desde xullo non se fixo nada máis e os gromos, contaxios ou confinamentos que xa están a suceder nas consellerías (Cultura, Traballo..) están sendo agochados e disimulados.

A administración dixital ten que implicar unha redución da xornada laboral e aumento do teletraballo

En 7 anos que aumentou a administración dixital, a Xunta non fixo a penas cambios na Orde de xornada laboral, teletraballo e flexibilidade

Ano 2012: daquela o Goberno da Xunta gustaba de empregar "racionalizar" e "modernizar" como sinónimos de recortes nos servizos públicos e/ou privatizacións. O moderno e o racional era despedir xente, non cubrir xubilacións, pagar por enfermar, ter menos días de vacacións e por suposto, cobrar menos e baixar impostos.

Ano 2013: nun acerto serodio, aínda que con importantes eivas que fican sen solucionar a data de hoxe, aproban a Orde de xornada laboral, flexibilidade e teletraballo, no que por fin "moderno" equivalía a "conciliación persoal, familiar e laboral" e algo favorábel para a clase traballadora que somos.

Desde o 2013 ata o 2020 pasaron xa 7 anos e moitos cambios na actividade productiva da Administración xeral da Xunta de Galiza coa introdución de diversas ferramentas de tramitación electrónica, coroados coa publicación en xullo de 2019 da Lei de administración dixital que vén sentar as bases xurídicas dunha Administración galega dixital plena, alomenos, nos servizos que non implican atención presencial obrigada.

Horario de entroido 2020

Achegan aos servizos de Persoal o horario extraordinario con motivo das festas de Entroido. Aos traballadores/as  que prestan servizo en Compostela ao seren o martes de entroido festivo só nos afecta o horario de mércores:

a) Horario oficial: Entrada o mércores as 9.00 horas

b) Horario flexibilidade automática: Horario de entrada as 9.00, ou tendo unha redución dunha hora e quince minutos na parte flexibe.

c) Horario flexibilidade por conciliación: Redución dunha hora e quince minutos na franxa horaria de de traballo.

Póliza de accidentes do persoal ao servizo da Administración Autonómica da Galiza

A Consellería de Facenda formalizou unha póliza de seguro cuxo obxecto é a cobertura dos riscos de accidentes do persoal da Administración da Comunidade Autónoma que se defina como asegurado.

A Compañía indemnizará en caso de falecemento, incapacidade permanente total, incapacidade permanente absoluta, gran invalidez ou invalidez parcial, en todas as continxencias derivadas de enfermidade profesional ou calquera accidente (Laboral ou non laboral que non estea expresamente excluído pola póliza) sufrido durante as 24 horas do día polo Asegurado e en calquera parte do mundo.

Adicionalmente a póliza establece a posibilidade da contratación dun seguro de vida e outro de accidentes, voluntario, para o persoal amparado pola mencionada póliza, tal e como está recollido no Anexo I da póliza. Esta adhesión voluntaria é totalmente independente da póliza da que é tomadora a Consellería de Facenda. Para calquera trámite, os interesados poden poñerse en contacto coa corredoría de seguros intermediaria na póliza: AON GIL Y CARVAJAL, SAU, CORREDURÍA DE SEGUROS, no correo-e: adhesionvoluntaria.xunta@aon.es teléfono: 981216013

Orzamentos: todo xenial nas nosas retribucións, dereitos e servizos públicos

Concentración en solitario da CIG hoxe diante do Parlamento coincindo co debate das contas para 2020. Para o resto de sindicatos da Función Pública, coma para o Goberno da Xunta, semella estar todo xenial: o recorte das pagas extras, a suspensión do artigo 19, a supresión dos moscosos adicionais, do FAS, a carreira profesional de merda, a falta de concursos permanentes, de promocións internais reais ou a falta de aplicación das 35h ou de medidas de conciliación que hai noutras Administracións. 

Nós non consideramos que o único camiño que nos queda é renunciar á nosa dignidade e aceptar as migallas que caen das mesas de "negociación". Delegados e delegadas da Área Pública da CIG (CIG-Administración, CIG-Ensino e CIG-Saúde) concentráronse este martes diante do Parlamento de Galiza, coincidindo co debate dos orzamentos para o ano 2020, para manifestar o seu rexeitamento a unhas contas que non contemplan nin a recuperación dos dereitos que en material salarial, laboral e social lles foron roubados, nin a recuperación dos servizos públicos que están sendo desmantelados por mor dos recortes impostos na última década.

Calendario laboral 2020: moscoso adicional

Xa dispoñible para descarga o noso calendario laboral 2020 na Xunta de Galiza (inclúe os festivos locais en Compostela).

A Xunta aprobou no DOG 12/07/2019 o calendario laboral do 2020, con datas festivas habituais como o Día Nacional de Galiza ou o San Xosé (19 de marzo), ás que este ano súmase o San Xoán (24 de xullo).

Posteriormente, no DOG 28/11/2019 publicáronse os festivos locais de toda Galiza para 2020. O martes de Entroido volve ser das máis elixidas para engadir aos festivos de carácter estatal ou autonómico. En Compostela, serán festivos o xoves, 21 de maio (Ascensión) e o 25 de febreiro (martes de Entroido), ao caer en domingo o San Roque (16 de agosto).