mércores, 30 de decembro de 2015

A Xunta destina 1,7 millóns de € de subvencións aos grandes medios de comunicación privados só por existir

A resolución destas clásicas subvencións de concorrencia non competitiva publicouse no DOG do 28 de decembro.

A maior subvención levouna La Voz de Galicia, S.A. con 681.901,96€; séguelle a bastante distancia Faro de Vigo, S.A. con 265.075,75€ e El Progreso de Lugo S.L. con 126.635,24€. Por outra banda, en cuarto e quinto lugar temos dúas empresas con fondas dificultades económicas, como son Editorial Compostela S.A. e Editorial La Capital S.L. con 90.086,01€ 86.118,78€, respectivamente. 

360.000€ en convenios coa prensa para amosar a potencialidade de Santiago e divulgacións de I+D+I

Ao final do ano publican estes convenios subscritos xa no primeiro e segundo cuadrimestre.

Se as subvencións para os medios de comunicación publicadas no DOG do 28 de decembro souberon a pouco, no DOG do 29 de decembro publícanse un total de 360.000€ en convenios de colaboración subscritos pola Secretaría Xeral de Medios coa Corporación Voz de Galicia, S.L.U e máis coa Editorial Compostela, S.A.

No primeiro cuadrimestre a Secretaría Xeral de Medios suscribiu un convenio de colaboración con Editorial Compostela, S.A. para a difusión informativa da potencialidade de Santiago de Compostela nos medios de comunicación do grupo El Correo Gallego por valor de 115.000€.

No segundo cuadrimestre este mesmo órgano suscribiu dous convenios coa Corporación Voz de Galicia, S.L.U: o primeiro por valor de 125.000€ tamén para a difusión informativa da potencialidade de Santiago de Compostela nos medios de comunicación do grupo e o segundo por valor de 120.000€ para a divulgación de información relacionada coa investigación, desenvolvemento e innovación (I+D+i) en Galicia.

martes, 29 de decembro de 2015

Novo borrador: criterios de excepcionalidade para a cobertura de postos de xefaturas de servizo ou equivalentes por libre designación

Algunhas das "escusas" mesmo son un insulto para a profesionalidade do colectivo de persoal funcionario

Achéganos o director xeral da Función Pública o 2º borrador dos “Criterios de excepcionalidade para aplicar a postos de nivel 28 (ou equivalente) en desenvolvemento do artigo 91 da Lei 2/2015, do 29 de abril, do emprego público de Galicia”. Descargar

A este novo borrador din ter incoporadas incorporadas en cor vermella "algunhas das alegacións presentadas polas organizacións sindicais". Este novo borrador remíteno para que formulemos novas alegacións ata o 8 de xaneiro de 2016.

luns, 28 de decembro de 2015

Boletín CIG - Saúde Laboral Nº 17: 20 anos da Lei de prevención de riscos laborais, pouco ou nada que celebrar

http://www.cigsaudelaboral.org/files/documentos/Boletin%20CIG%20Saude%20Laboral%20N%C2%BA%2017%20%28version%20galego%29.pdf
Para a súa visualización e descarga únicamente prema sobre a portada

Xa está dispoñible para descarga electrónica o número 17 da revista de Saúde Laboral da CIG. Neste número trátanse os seguintes temas:
  • 20 anos da Lei de prevención de riscos laborais, pouco ou nada que celebrar
  • Glifostato: o herbicida total
  • Sinistralidade laboral: un monstro que non para de medrar
  • Síntese de actividade 2015 do Gabinete de Seguridade Laboral da CIG
Está a disposición a nova ferramenta “Asesoramento Técnico” que permite realizar consultas on line en materia de prevención de riscos e saúde laboral; o acceso ao formulario de contacto pode atoparse na  portada da web ou premendo aquí.

mércores, 23 de decembro de 2015

A Xunta eleva para 2016 o límite dos contratos a dedo

Unha emenda do grupo popular no parlamento galego ao Proxecto de Lei de ordenación de asistencia xurídica eleva os límites actuais para os contratos menores da administración galega de 25.000€ ata 50.000€ no caso de obras e de 9.000€ ata 18.000€ para o resto. Tamén  se elimina a obrigatoriedade de solicitar 3 ofertas. Isto pasou case sen pena nen gloria entre a opinión pública.

A anterior emenda vén nun momento crítico  para o PP no que o ano que vén xóganse a Xunta. Non esgrimen máis razóns para esta modificación que "unificar o criterio co que establece a lexislación básica" pero nada fala das razóns de oportunidade eleitoral.

71.900,00 € para a contratación dun servizo de avaliación da eficacia das campañas institucionais na Xunta

O DOG de 22 de decembro publica o anuncio de licitación (benditos contratos con publicidade!) para contratar un servizo de avaliación da eficacia das campañas institucionais. O orzamento de licitación, IVE engadido, é de 71.900,00 €. A ver quen ten a sorte que lle toca esta lotaría.

Non semella moito,  aínda que se podían comprar unhas cantas vacinas do menigococo B ou tratamentos médicos para a hepatite C. En realidade é un escándalo como sempre foron un escándalo e moi criticadas polo seu elevado custo e baixa eficacia esas marabillosas campañas institucionais na Xunta que "nos animan" a emprender,  a ter descendencia, a ir vivir ao rural, a consumir medicamentos xenéricos, etc. Na seguinte ligazón podedes atopar unha escolma.

Quizáis por eso veñan agora con este contrato para ver a eficacia de tantos millóns en gasto publicitario que marcharon polo retrete. Para cando unha regulamentación seria dos cartos malgastados en publicidade institucional? É necesario ver tanto logo da Xunta en tantos valos, páxinas de prensa e páxinas web?

Non teñen palabra: no 2016 íamos recuperar o 33% do complemento específico nas extras

Por moito que se faga coincidir o ingreso das nóminas co día da lotería de Nadal, non nos fan esquecer que esta xa é a 6º paga extraordinaria na que non cobramos o complemento específico (ou equivalente para persoal laboral). E polos Orzamentos aprobados onte, aínda seguiremos así todo o 2016 se non lle pomos remedio.

Con esta medida o goberno galego obten uns "ingresos" de 200 millóns ao ano e claro, a base de non pagarnos é sinxelo andar a cumprir cos obxectivos macroeconómicos. Porque o que non entendemos é tanto presumir de ser os primeiros en cumpir cos obxectivos de déficit pero logo nada de ser os primeiros en recuperar dereitos. É un insulto que nos traten como persoal público de 2ª ao ser os únicos traballadores e traballadoras públicas con este recorte sobre as nosas costas.

Na confección dos Orzamentos para o 2015 dixeran que recuperaríamos un terzo do complemento específico no 2016, outro terzo en  2017 e finalmente no 2018 cobraríamos de novo os complementos específicos nas extras. Na confección dos Orzamentos para 2016 din que recuperaremos a totalidade dos específicos nas extras para 2017. Sempre prometendo un ano por diante do diñeiro que poñen nos orzamentos e logo incumprindo. No 2016 hai eleccións. Poderemos crerlles algo?

A CIG rexeita uns orzamentos continuístas que manteñen os recortes nos servizos públicos e no seu persoal

É necesario un Plan de Recuperación do Emprego que permita garantir unha sanidade, ensino, servizos e administración públicos e de calidade.

Concentración de delegadas e delegados da CIG-Área Pública este martes ás portas do Parlamento de Galiza coincidindo coa sesión de debate e aprobación da Lei de Orzamentos para 2016. Uns orzamentos continuístas porque seguen recortando os servizos públicos, as condicións laborais do persoal dependente da Xunta de Galiza e non garanten a cobertura de todas as vacantes que se produciron ao longo destes anos.

luns, 21 de decembro de 2015

Prevención de riscos laborais: programación de actividades para 2016

Achegamos o documento da programación para 2016 en materia de prevención de riscos laborais na Xunta de Galiza. Descargar 

Inclúe a previsión dos centros nos que se realizarán avaliacións de riscos e medidas de emerxencia. Tamén conta con apartados adicados á vixilancia da saúde e a formación e cursos previstos tanto pola EGAP como polo Servizo de Prevenzón e a mutua.

Actuacións nos centros dos Servizos Centrais

venres, 18 de decembro de 2015

17D: A marcha das velas do Parlamento á porta santa

Pola recuperación dos dereitos ao descanso e a conciliación da vida familiar do persoal de atención directa de política social. Mais de 300 persoas participaron con velas nun recorrido reivindicativo e emotivo.

O xoves, 17 de decembro, celebrouse en Compostela, en xornada de tarde, a MARCHA DAS VELAS POLA DEFENSA DOS DEREITROS DO PERSOAL LABORAL DE POLITICA SOCIAL. O motivo de dita MANIFESTACIÓN  é demandar da Consellería de Política Social, anteriormente de Traballo e Benestar, a defensa dos servizos sociais, contra os recortes en atención directa e contra as privatizacións. Denunciando as especiais condicións de traballo do persoal dos centros dependentes deste departamento da Xunta de Galicia. Negándose en todo momento o dereito de negociación e impoñendose carteleiras de traballo abusivas e machacadoras, sen posibilidade de conciliar a vida laboral e familiar.


mércores, 16 de decembro de 2015

NON ESQUEZAS: O 20-D BÓTAOS!


Dúas sentenzas obrigan á Xunta a pagar a totalidade das pagas extras do 2013

Son xa dúas as sentenza que lle recoñecen ao persoal funcionario dos servizos centrais da Xunta a cobrar de xeito íntegro os dous complementos específicos das pagas extras de 2013. Este complemento específico na Xunta oscila entre 400€ nun posto de subalterno/a ata 1500 nun posto de subdirección. A estas cantidades as sentenzas súmanlle os xuros de demora e ata 400 € de costas xudiciais. As sentenzas son firmes e non cabe recurso.

No ano 2013, o goberno de Feijoo decidiu recortar o complemento específico (ou concepto equivalente para o persoal laboral) nas dúas pagas extras de todo o seu persoal pasando a ser Galiza unha das escasas comunidades nas que se aplicou un recorte adicional. Recorte que continúa hoxe en día e que está no proxecto de Lei de Orzamentos que se prorrogará mínimo este 2016, medida co que aproximadamente están a quitarnos uns 200 millóns de euros por ano.

Máis de 3 millóns en persoal de Gabinete e aínda queren crear unha xefatura de sección por LD para botar unha man

Falamos da proposta de modificación da RPT dos órganos superiores da Presidencia e falamos da creación da XEFATURA SECCIÓN DE COORDINACIÓN, nivel 25, que propoñen que sexa de libre designación.

Nas nosas alegacións opoñémonos rotundamente a súa creación como Libre Designación e máis coas argumentacións que se nos dan, entre elas  INFORMACIÓN ESTRATÉXICA PARA A TOMA DE DECISIÓNS DO PRESIDENTE E  VICEPRESIDENTE DA XUNTA DE GALICIA.

Poderían explicar para quen traballa este posto  para a Consellería da Presidencia ou para a Consellería de Vicepresidencia? ASESORAMENTO E DEPENDENCIA DIRECTA DUN ALTO CARGO, cal dos dous? O Presidente ou O Vicepresidente? e que vai asesorar ? Tendo en conta que a Consellería  da Presidencia ten destinado nos orzamentos de 2016 un total 1.483.000,00 euros para persoal  eventual, e a Consellería da Vicepresidencia ten unha partida de 717.000,00 euros no mesmo concepto sumando ambas 2.200.000,00 euros. 

A Valedora do Pobo admite a trámite tres queixas da Xunta de Persoal

A Valedora do Pobo vén de mandar comunicación de que admite a trámite as últimas tres queixas presentadas pola Xunta de Persoal. 

A primeira queixa vai con relación á non cobertura temporal de postos vacantes nos Servizos Centrais por mor de maternidades/paternidades, circunstacias derivadas da conciliación da vida familiar e laboral e outros casos derivados de incapacidade temporal.  + información

A segunda está relacionada coa penalización dos permisos para as persoas que gozan de flexibilidade horaria por motivos familiares. + información

Derrogación da lei de medidas: terceiro asalto, xoves, 17 de decembro

Quen algo quere, algo lle custa

Dentro do calendario de mobilizacións emprendido desde os comités da Consellaría de Política Social, o vindeiro xoves, 17 de decembro terá lugar a 3ª data da manifa que partirá do Parlamento de Galiza ás 17:00h e rematará na Praza da Quintana. Desta volta, como novidade a manifestación discorrerá con velas.

Cómpre recordar que o proxecto de Lei de Orzamentos 2016 mantén prorragadas boa parte da Lei de medidas de 2012 entre as que se atopa a suspensión do artigo 19 do convenio colectivo (dereito a descansos en domingos e festivos) que empeora a prestación dos servizos públicos. Outras como a de "pagar por enfermar" xa forons convetidas en permanentes a través da Lei de emprego público. Pero a recuperación económica non era sólida!? Pois non o é a recuperación dos servizos públicos.

Xustiza convoca 1.644 prazas de auxilio xudicial, tramitación e xestión procesual

Presentación de instancias desde o 12 de xaneiro ata o 1 de febreiro de 2016

Pica na imaxe para ampliar
No BOE do 15 de decembro publicáronse as convocatorias da Administración de Xustiza para o ingreso nos seguintes corpos:

Auxilio xudicial (C2): 752 prazas
Tramitación procesual (C1): 376 prazas acceso libre; 376 prazas promoción interna
Xestión porcesual (A2): 140 prazas (só promoción interna)

luns, 14 de decembro de 2015

Amplíase a duración do horario de verán... na Administración Xeral do Estado

En plena campaña eleitoral, aínda que xa fora anunciado cando a recuperación dos días de vacacións e moscosos por antigüidade, o BOE vén de publicar a modificación das instrucións de xornada e horario laboral do persoal ao servizo da Administración Xeral do Estado.

As dúas modificacións son referentes ao horario de verán e máis a inclusión da reincorporación paulatina ao servizo efectivo tras tratamento de radioterapia ou quimioterapia. A principal crítica é o electoralismo da medida que desde xullo aínda van e a publican agora, precisamente agora. Supoñemos que a Xunta, dado que o ano que vén é ano electoral, fará o propio aquí, que facer electoralismo tamén saben aínda que non teñan máis imaxinación que para copiar, tarde, mal e arrastro o que vén de Madrid.

venres, 11 de decembro de 2015

Publicación das listas definitivas para cobertura temporal de postos na Xunta

No DOG do 11 de decembro recollese a resolución da Dirección Xeral da Función Pública pola que se fan públicas as listas definitivas para o desempeño transitorio de prazas reservadas a persoal funcionario e a contratación temporal de persoal laboral da Administración da Xunta de Galicia, reguladas no Decreto 37/2006, do 2 de marzo. Accede á resolución

As persoas solicitantes admitidas en cada unha das listas dos anexos poden consultarse no portal web da Xunta de Galicia na epígrafe Función Pública. Accede á consulta de listas de substitución

Nas ditas listas figura a seguinte información:

286 comisións de servizo do persoal funcionario entre outubro e novembro de 2015

Achegamos a listaxe de comisións de servizo, prórrogas, adscricións e revogacións para o persoal funcionario da Xunta dos pasados meses de outubro de novembro. Descargar

Nestes dous meses, concedéronse un total de 78 novas comisións, a medio gas polo tanto, comparado cos meses anteriores. Con respecto ás prórrogas hai, nestes dous meses, 158, unha suba considerable tendo como referencia ás 48 en total do mes de setembro. Entre renovacións e novas, suman un total de 286. Polas datas de concesión dedúcese que isto obedece a que se están efectuando renovacións "sine die" até a data de resolución do concurso, algo que se seguirá producindo até... marzo, abril, maio, xuño?

A cuestión non é xa o tempo sen nova convocatoria pública da comisión, a cuestión é porque un posto pode ocuparse de xeito temporal baixo criterios arbitrarios cando ese mesmo posto para a súa ocupación definitiva ten uns criterios taxados e obxectivos. Iso por non falar de que non hai transparencia nin nas candidaturas presentadas a cada posto nin na puntuación outorgada. Para cando o concurso permanente? Por que non mentres tanto unha asignación das comisións de servizo en función da puntuación do último concursoo ou por que non comezar metendo un mínimo de criterios obxectivos de fácil baremación para a súa asignación como ten o persoal laboral? Á esta Xunta moderna, non lle interesa a obxectividade, senón a discrecionalidade.

Vergonzoso: prezos abusivos na cafetería do Gaiás

Desde que abriu as súas portas a Cantina, sobre todo desde a última concesión, aumentou o trato
Reclamamos prezos xustos na cafetaría da Cidade da Cultura
discriminatorio e as queixas polos prezos abusivos que se cobran ao tomar un refresco ou un café o persoal público da Xunta de Galiza que prestamos servizos na Cidade da Cultura. 

Hai que lembrarlles constantemente que somos traballadoras e traballadores públicos e que se chegou a un "acordo verbal" polo cal o prezo debe ser menor có PVP. En vez disto, cobran ás veces como se se tomase algo nunha das cafetarías máis luxosas e céntricas de Santiago. Escóitanse comentarios dos usuarios deste único bar en máis de 2 quilómetros á redonda como que “queren facer caixa cos traballadores”. Este e outros comentarios polo estilo é habitual oílos.

xoves, 10 de decembro de 2015

Adianto de Nadal para "o funcionariado"

Clica na imaxe para descargar o CIG-Informa
Din no PP que "fixeron os deberes", que por iso nos devólven o que era noso. Non, os deberes fixémolos nós, en todo caso.

Aproxímase o Nadal (e a aprobación dos Orzamentos 2016) e seguen soando ecos nos medios da sorte que temos "o funcionariado" da Xunta pois imos cobrar unha enésima devolución de paga extra de 2012. Algún xornal fala mesmo de "adianto de Nadal" e é que esa paga dá para moito... para moito xogo político.

Este ano cobraremos 5 pagas extras: xaneiro, maio, xuño, outubro e a que está por chegar de decembro. Desiguais si, e 3 con atrasos, pero non é de estrañar que logo a opinión pública se forme unha idea que non é correcta e que as traballadoras e traballadores públicos temos que andarlle aclarando mesmo ás nosas persoas máis próximas.

A través dos medios de comunicación a xente faise unha idea equivocada de que nos devolven cartos case todos os días: cando anunciaban a devolución, cando aprobaban a norma, nalgúns casos cando a debatían e ao final cando se cobraba definitvamente. Para maior agravio, na Galiza cobramos aínda en máis cachos (e máis tarde) que no resto do Estado: en xaneiro un 12,5%, e maio un 12,5%, en outubro un 25% e a saber como cobraremos o outro 50% en 2016. Iso de xeito bastante groso, polo miúdo o tedes aquí.

Festas locais galegas para o ano 2016

No DOG 9 de decembro publicaronse as festas laborais de carácter local para o ano 2016 (2 por concello), correspondentes aos concellos das catro provincias da Comunidade Autónoma de Galicia. No DOG de 24 de xullo xa se publicara o calendario laboral para 2016 para a Comunidade Autónoma. 

Estas festas laborais xa foran publicadas nos respectivos boletíns provinciais e se lle da publicidade agora no DOG ante a conveniencia de que se coñezan as festividades de ámbito local desta comunidade autónoma sen ter que consultar diferentes boletíns oficiais. 

Ligazóns de interese:

Inspectores/as farmacéuticos concéntranse para denunciar a incapacidade de Sanidade para xestionar alertas sanitarias

Demandan un maior compromiso da Xunta de Galiza coa saúde pública 

Farmacéuticos/as Inspectores de Saúde Pública manifestaranse este xoves, día 10 de decembro, diante da consellaría de Sanidade para reclamar da Xunta unha maior responsabilidade sanitaria que evite riscos innecesarios para a saúde da poboación. Alertan do escaso número de inspectores/as e da falta de medios para inspeccionar a totalidade das instalacións que sería preciso abranguer.

No comunicado que veñen de emitir sinalan que as recentes alertas sanitarias de tipo ambiental, tanto a da auga non apta para o consumo en Ferrol, como o abrocho de lexionelose en Lugo, “puxeron de manifesto a incapacidade da consellaría de Sanidade para xestionar estas situacións de crise, debido principalmente a unha falta de medios e a unha deficiente organización dos servizos de inspección”.

mércores, 9 de decembro de 2015

Novo sistema baixas: o persoal facultativo incompetente, a persoa traballadora delincuente e as mutuas entidades todopoderosas

A CIG denuncia que o novo sistema de xestión por IT é “un ataque frontal e directo contra a clase traballadora". 

O pasado martes, día 1 de decembro, entraba en vigor o novo sistema de tramitación das incapacidades temporais derivado da aplicación dos cambios lexislativos introducidos tras da aprobación do Real Decreto da Incapacidade Temporal e da nova Lei de Mutuas. Cambios que a CIG xa denunciou no seu momento e que afectan directamente aos dereitos e contraprestacións dos traballadores/as traballadoras por atacar directamente á clase traballadora”.

A modificación do sistema de tramitación das Incapacidades Temporais está intimamente ligado á reforma funcional das mutuas que pasan a ser as salvagardas dos intereses económicos das empresas, contra os dereitos dos traballadores e seguindo as directrices dun goberno de dereitas e neoliberal.

venres, 4 de decembro de 2015

16 postos retirados do concurso de traslados de corpos xerais e outros temas pendentes Función Pública

No DOG de 4 decembro publicaron a resolución da retirada de 16 postos do concurso de corpos xerais das que ofertaron inicialmente coa convocoatoria no DOG 20 de maio. No anexo I da resolución de Función Pública veñen desglosado a listaxe dos postos, varios deles de niveis 18, 25 ou 26, e as razóns da retirada que se agrupan en tres:
  • Amortización: 10 postos nos Servizos Territoriais da Inspección de Servizos Sanitarios; 1 posto na AMTEGA; 1 posto na SX de Medios.
  • Execución de sentenzas: 2 nos Servizos Territoriais do FOGGA en Lugo e 1 na xefatura territorial da Coruña
  • Erro material: 1 nos servizos territoriais da ATRIGA en Ourense.

Menos discursos e máis concursos: cousas que ían ser no 2015 e serán no 2016 (se é que son)

"Menos discursos e máis concursos" foi un dos lemas estrela
das concentracións de San Caetano
ACTUALIZACIÓN (30/12/2015): a estas alturas aínda non temos nada do pouco que dicían a comezos deste mes que estaría en decembro: non hai lista definitiva de persoas admitidas e excluídas do concurso de traslados de corpos xerais, non hai proposta de refundición de categorías laborais (e polo tanto seguen sen ter data para convocatoria do concurso de persoal laboral), non houbo reunión para mirar os cambios no Decreto das listas de substitución e non houbo mesa para "negociar" as novas instrucións de persmisos; destas dúas últimas cuestións xa se presentaron alegacións. Que pasa na Función Pública? Esiximos unha xestión eficiente e o director debería asumir a súa responsabilidade polas dilacións reiteradas e inexplicábeis da maioría dos procesos.

Estes días, entre reunión informal co director de Función Pública e Mesa Xeral, ofrecéronse algunhas pinceladas deses asuntos que van máis lentos que o cabalo do malo.

Atención especial merecen os concursos de traslados porque estaba previstos de xeito permanente no V Convenio Colectivo, estaba prometido ao inicio do novo goberno no 2009 (tamén para persoal funcionario)  e mesmo no último debate do estado da autonomía o conselleiro de Facenda avanzaba para o 2016 "concursos máis áxiles, sinxelos e con maior periodicidade". Só temos promesas que non valen nada e un uso político do noso dereito de mobilidade e hoxe en día única forma de facer carreira profesional por méritos propios. Baste recordar a última nota de prensa sacada pola Xunta por mór da publicación da lista provisional de persoas admitidas e excluídas. Moi triste...

Todo o que debes saber sobre a nova regulamentación da Seguridade Social sobre as incapacidades temporais

Entre moita polémica polo poder que se lle da ás mútuas con relación á alta en enfermidades comúns, publicouse en 2014 a nova "Lei de mútuas" e o RD 625/2014 de xestión de incapacidades. Estas normas xa avanzaban os cambios dos que hoxe en día falan os medios de comunicación e que xa faloron precisamente o ano pasado cando se publicaron.

En xuño de 2015 chegou a Orde ESS/1187/2015 de desenvolvemento se ben ata o 1 de decembro non entrou en vigor. Precisamente, a raíz desta entrada en vigor, volven a facerse eco os medios de cousas que xa se coñecían, pois coa entrada en vigor desta Orde só se matizaron algúns aspectos ou ben se fixeron públicos os novos modelos de partes de baixa, alta e confirmación.

Deixámosvos a continuación material que vos pode ser de utilidade na vosa xestión das incapacidades temporais nos primeiros 365 días de duración, ou o que comunmente coñecemos como "baixas":

xoves, 3 de decembro de 2015

Política Social segue pasando polo arco do triunfo as sentenzas do TSXG


Reunirse coa representación do persoal non equivale a negociar.
O Comité de Empresa de Política Social da Coruña con data 25 de Novembro de 2015 trasladaba un escrito á Xefatura Territorial é á Secretaría Xeral Técnica co fin de proceder a unha negociación real das quendas de traballo e os seus criterios. Recordamos que este comité ten gañadas tres sentenzas ante o TSXG por incumprimento da Xunta da súa obriga de negociar as carteleiras, a última de outubro deste ano.

Pois ben, recibiron ao comité de empresa o 1 de decembro (o que fan 3 sentenzas do TSXG...). As persoas representantes da consellaría din o seguinte:

Regulamentación de permisos para as eleccións do 20 de decembro

No DOG do 2 decembro publícase a resolución onde se regulan os dereitos electorais do  persoal  ao  servizo  da  Comunidade  Autónoma  de  Galicia nas eleccións convocadas para o día 20 de decembro. 

Esta resolución afecta tanto para o persoal que tendo queda de traballo ese domingo, como para aquel que forme parte dunha mesa, dunha candidatura, ou actúe como intereventor/a ou apoderado/a.

mércores, 2 de decembro de 2015

A Xunta estáfanos 33 millóns nas pagas extras do 2013 que recoñece a Xustiza

Catro novas sentenzas só nos Servizos Centrais da Xunta favorables á recuperación dunha cantidade que oscila entre 130 e 500€ correspondentes á paga extra de xuño de 2013. Destas, tres xa foron pagadas coa nómina de novembro.

A contagotas van chegando as sentenzas xudiciais pero todas baixo un mínimo común denominador: recoñecen o dereito a 1/3 do complemento específico na paga extra de xuño de 2013. A maiores, unha delas, ao haber silencio administrativo, estima na súa totalidade a recuperación dos dous complementos específicos das pagas extras do 2013 e mesmo condena a 400€ en custas procesuais á Xunta. As catro sentenzas recollen que á cantidade que se ten dereito a percibir débenselle engadir os xuros desde a data de reclamación.

Campaña vixiancia da saúde para persoal de centros de ensino: solicitudes até 10 de decembro

Ábrese o prazo para solicitar as revisións médicas de empresa para o persoal que traballa en centros docentes da Consellaría de Educación. Remata o 10 de decembro.

Mediante a Resolución da Secretaría Xeral Técnica da Consellería de Cultura, Educación e Ordenación Universitaria, do 27  de novembro de 2015, autorízase a difusión da campaña de vixilancia periódica da saúde para o persoal docente e non docente destinado en centros docentes públicos non universitarios dependentes da Consellería de Cultura, Educación e Ordenación Universitaria.

A Xunta duplicará a súa PRESUNTA oferta de emprego público no ano das eleccións autonómicas

Para 2016 prometen máis de 2000 prazas de emprego público, así o anunciou o conselleiro de Facenda na súa intervención parlamentar do martes, 24 de novembro. Este ano a oferta foi dun total de 1163 prazas das que 1/3 foron para para Administración Xeral.

Estas últimas semanas soaba na prensa que se duplicaría a oferta de emprego público da Xunta para o ano que vén. O primeiro do que se soubo foi Ensino porque o conselleiro de Educación xa o anunciara no Parlamento a finais do mes pasado a convocatoria de máis de 1.000 prazas. Despois algúns medios, previo pago, desglosaban mesmo os datos do resto dos 2000 postos que facilitou o conselleiro.

En reunión do 27 de novembro o director de Función Pública ofrece as seguintes pinceladas adicionais: desminte o publicado nalgúns medios de convocar as 700 prazas de incendios que están en réxime de temporalidade,  fala de que como moito serán 200 prazas en Administración xeral entre persoal funcionario e laboral, que por primeira vez se ofertarán 6 prazas específicamente para a quenda de persoas con discapacidade intelectual, que valoran sacar o proceso de funcionarización na OPE 2016 e que nada da consolidación das OPE 2008 que para 2016 o Ministerio de Facenda non autoriza

martes, 1 de decembro de 2015

Modificación da RPT dos órganos superiores da Presidencia

Achéganos a Secretaría Xeral da Presidencia unha modificación da RPT dos seus órganos superiores (Emigración, Medios, Deportes e a propia SX da Presidencia). Dan de prazo para facer alegacións ata o 14 de decembro.


Nesta proposta avánzase na estratexia da Xunta de inverter a súa pirámide de recursos humanos, amortizando unha pila de postos base para crear postos de nivel. A nivel de promoción profesional é positivo ter postos de niveis 18 e 25 aos que poder concursar pero non a costa de seguir segando por abaixo. Con esta política estamos vendo situacións de servizos sen ninguén debaixo ou con moi poucas persoas e mesmo sen ningún posto base e logo virán as subcontratas (con ou sen 3%), as asistencias técnicas ou encomendas de xestión. 

venres, 27 de novembro de 2015

A manifestación pola derrogación da lei de medidas e polo concurso de traslados percorre Compostela

Pasadas as 10:30 horas, saía de diante do Parlamento de Galiza a manifestación do persoal laboral da Xunta a que tamén se lle uniu persoal funcionario en apoio. A demanda principal foi a recuperación dos numerosos dereitos laborais, salariais e sociais –recollidos no V Convenio Colectivo- sustraídos polo goberno do PP nestes últimos anos, so pretexto da crise. A marcha finalizaba diante do edificio administrativo de San Caetano.

En primeiro lugar, reclamouse a derrogación  da Lei 1/2012 de medidas do emprego público pola que se suspenderon os artigos 19; o 29 de dereito a comedor; o 34.2 e a disposición adicional terceira, referida ao fondo de acción social. Unha lei que aínda sigue en vigor, cando non os seus artigos incorporados á actual Lei de emprego público como o de pagar por enfermar.

martes, 24 de novembro de 2015

Manifestación: POLA RECUPERACIÓN DOS DEREITOS DO V CONVENIO

Xoves, 26 de novembro.
Saíra ás 10:30 dende o Parlamento de Galiza con chegada a San Caetano.

Convoca Comité Intercentros.


POLA DERROGACIÓN DA LEI DE MEDIDAS.


PARTICIPA!

luns, 23 de novembro de 2015

25N, día internacional contra a violencia machista

http://www.galizacig.gal/avantar/novas/18-11-2015/a-secretaria-da-muller-da-cig-lanza-a-campana-na-tua-empresa-tamen-hai-violencia-co
O vindeiro mércores 25 de novembro, conmemórase o Día Internacional para a eliminación da violencia contra as mulleres.

A violencia machista é a principal causa de morte das mulleres de entre 15 e 44 anos, por diante do cancro, a malaria, os accidentes de tráfico e mesmo as guerras.

Na cúspide da pirámide de violencia está o feminicidio, o asasinato de mulleres polo mero feito de selo. Mais na base da sociedade patriarcal atopamos outras manifestacións, formas sutís de violencia que podemos atopar nas nosas relacións familiares, sociais, no ámbito da parella, no traballo, na escola, nas organizacións e na comunidade no seu conxunto. 

Borrador das novas instrucións de permisos, vacacións e licenzas: que hai de novo?


Dito e feito. O mércores denunciabamos a utilización da vía de feito na xestión do permiso por exame, en concreto da Consellaría de Política Social, e ao día seguinte chegou o borrador das novas instrucións de permisos onde vén recollida parte desa vía de feito como unha proposta de modificación das instrucións. Pois ben, canto menos que garden as formas e esperen a aplicar a nova norma ata que estea aprobada e publicada.

Este novo borrador vén a fusionar as instrucións de 2013 coa modificación recente de xullo deste ano (para adaptalas á nova lei de emprego público) e incluír ademais as recentes modificacións referentes ás vacacións e aos mosocos. Como non, polo camiño, meten tamén algunha puntilla e outras que estaban metidas, deixannas igual.

En calquera caso, parabéns, que isto ían remitilo vai dúas semanas e o atraso foi só dunha, non como outras moitos temas que escoitamos que "van remitir un borrador esta semana" e logo nin esta semana, nin a seguinte, nin a seguinte....

Que hai de novo? 

Novidades temarios EGAP, calidade irregular e non oficialidade

Xa cando coñecíamos que ía haber novas modificacións nos temarios que rexerán as probas de acceso aos corpos xerais (libre e promoción interna), a EGAP publicaba no seu web os temarios correspondentes ao acceso libre A2 e A1 (só en castelán, ollo). Recordamos que os temarios correspondentes a promoción interna foron publicados entre xullo e setembro. E onde están os de C2 e C1 de libre?


O curioso disto é que, tras tanto agardar, xa podían ter metido as actualizacións recollidas no DOG 18 de novembro, ou sexa, que aínda terán que vir (como no caso de promo interna) unha nova versión destes temarios cos últimos cambios. A nota de edición final destes temarios é do 12 de novembro. O compromiso incial da EGAP era telos listos antes do 15 de setembro.

O peor de todo é que a día de hoxe non hai previsión para a publicación actualizada destes temarios que empregan moitas opositoras e opositores para preparar estas probas ("canto antes" dixo o director xeral da Función Pública) A única data que se nos facilitou é que os primeiros exames non serán antes do 1 de abril. Confiamos e solicitamos á EGAP que as actualizacións estean listas, como moito, o mes que vén.

Calidade irregular nos temas e non vinculación para os tribunais

A Xunta non cubre nin todas as baixas por maternidade nin ningunha paternidade

Nota pública da Xunta de persoal dos Servizos Centrais

É preciso que se recolla por lei a obrigatoriedade das Administracións públicas de cubrir as baixas, canto menos, en todos os casos de conciliación da vida familiar e laboral.

Do mesmo xeito, propoñemos que se cubran temporalmente todas aquelas prazas que teñan previsto ofertar con carácter definitivo no ano 2016.


Neste contexto de pulo económico, que parece indubidablemente constatado polo Goberno galego, non entendemos os problemas de infradotación e falta de cobertura de postos vacantes que se están a producir na Administración autonómica, e en particular nos Servizos Centrais onde a cobertura temporal de postos é algo excepcional.

Denunciamos sobre todo a non cobertura con carácer xeral de baixas derivadas de incapacidade temporal por motivos de conciliación da vida familiar e laboral como son: maternidades, paternidades, adopción, acollemento, redución por garda legal, risco durante o embarazo ou risco durante a lactación natural. E isto, a pesar de que existe reserva legal de posto e non presentan un incremento de gasto para a Administración autonómica.  Por suposto, tampouco están cubrindo con carácter xeral as baixas por incapacidade temporal, independentemente do tempo que leven vacantes e por tanto tamén de que lle supoña un custo menor á Administración autonómica cubrilas porque están subsidiadas pola Seguridade Social ou mutualidade correspondente.

venres, 20 de novembro de 2015

Tras a entrega de máis de 3 millóns de sinaturas a UE promete melloras no CETA (o TTIP con Canadá)

Martin Schulz, presidente do Parlamento Europeo, non perdeu a oportunidade de aceptar as firmas da Iniciativa Cidadá Europea (ICE) para deter o TTIP durante as mobilizacións en contra deste tratado, que vai a favor única e exclusivamente das grandes empresas e a gran banca e en contra da xente do común.

Estaba claramente impresionado polo gran número de firmas (para que conste: 3.284.289!!) e fixo dúas promesas: En primeiro lugar, quería pedirlle persoalmente á Comisión de Peticións do Parlamento Europeo que valorase se se podería conceder unha audiencia aos promotores do Stop TTIP. En segundo lugar, referiuse ao acordo CETA UE-Canadá na súa forma actual como problemática e pediu á Comisión Europea que inicie renegociaciones co novo goberno de Canadá.

mércores, 18 de novembro de 2015

A Xunta invéntase as instrucións de permisos a golpe de casuística

Como non o actor principal é Política Social, antiga Consellaría de Traballo e Benestar, que nesto do réxime de permisos sempre marca distancia co resto... pero para mal. Nesta ocasción remiten ao persoal unha aclaración sobre o permiso para exames no caso de realizarse noutra localidade. O caso é que desta volta fixeron a consulta a Función Pública e foi Función Pública a que refrenda unha interpretación sobre o permiso por exame indo máis aló do que está escrito, ou sexa, limitando máis do que poñen as actuais intrucións.

A limitación consiste en que se as instrucións actuais xa non fan diferenciación entre se o exame é na mesma ou distinta localidade. En calquera caso, nas anterirores si o facía pero esa era a única, non en función se as probas defintivas de aptitude eran derivadas de "cursos de formación do persoal". Pois ben, Traballo e Función Pública decidiron entrar en máis detalles do que hai escrito actualmente e din que iso de "todo o día cando sexa noutra localidade" é só para exames que non sexan nin da EGAP nin dos sindicatos, que para estes últimos só "o tempo imprescindible".

Derrogación da lei de medidas: 26 de novembro, segundo asalto

Dentro do calendario de mobilizacións emprendido desde os comités da Consellaría de Política Social, o vindeiro 26 de novembro terá lugar a 2ª data da manifa que partirá do Parlamento de Galiza ás 10:30h e rematará en San Caetano, como a anterior.

Precisamente, representantes do persoal laboral reuníanse esta semana cos grupos parlamentares para reiterarlle a necesidade de derrogar a Lei de medidas "temporal" do 2012. Coma sempre, total apoio dos grupos da oposición e discurso de "recuperación económica" por parte do grupo do Goberno. 

Publicadas no DOG as modificacións nos temarios das oposicións de corpos xerais de acceso libre e promoción interna

Pouco máis dunha semana despois de dalo a coñecer, a Administración publica no DOG do 18 de novembro a modificación nos temarios dos procesos selectivos de corpos xerais de acceso libre e promoción interna convocados en xuño. Ver convocatorias inciciais.

Estas modificacións xustifícanse pola recente aprobación da nova Lei de procedemento administrativo común das Administracións públicas, a nova Lei de réxime xurídico do sector público e mais do novo texto refundido do EBEP. Máis información

Accede ás modificacións

martes, 17 de novembro de 2015

Acto informativo: A Sanidade pública en perigo. Calendario de vacinas infanto-xuvenil

A plataforma SOS Sanidade Pública, da que forma parte a CIG, organiza este mércores, 18 de novembro, un acto informativo con relación ao calendario de vacinas infanto-xuvenil. 

Este tema está de triste actualidade debido a recente morte dun neno en Boiro por meninxite B, que se une ao do ano pasado en Arteixo, así como das recentes mobilizacións pedindo a inclusión da vacina no calendario oficial. Recordamos que en outubro se legalizou a venta da vacina en establecementos farmaceuticos do estado español a un prezo desorbitado, a pesar do cal o seu desabastecemento segue sendo xeneralidado. 

Se che interesa o tema e a defensa da Sanidade Pública, acude este mércores ao Centro Sociocultural do Ensanche (Compostela) ás 20h.

luns, 16 de novembro de 2015

Cando se fai caixa coa alimentación das nosas nenas e nenos

Comedores públicos nos colexios xa!

Que é iso de andar cociñando a comida en Málaga e "ultimala" en Galiza!? Iso por non falar de que fan 2 empresas de Málaga nestas concesións. Esa é aposta da Xunta de Feijóo polo emprego no noso país, por non falar da súa aposta por privatizar un servizo público como é os comedores escolares que como vemos trae os seus riscos.

Esta é unha cuestión que nos interesa xa non só como traballadoras e traballadores do público senón como nais e pais.

Criterios de excepcionalidade para a cobertura de postos de xefaturas de servizo ou equivalentes por LD

Descargar criterios

Achega a Dirección Xeral de Función Pública os criterios de excepcionalidade para a cobertura de postos de xefaturas de servizo ou equivalentes por libre designación. Este texto vai consonte ao artigo 91 da actual Lei de emprego público de Galiza onde se recolle que todos os postos de xefatura de servizo ou nivel equivalente serán cubertos por concurso específico salvo excepcións, que se farán por libre designación, polas súas "especiais características". Recorda moito esto a aqueles criterios que tamén se sacaron da manga para seguir cubrindo por LD 28 e algúns 25 a pesar da última modificación da lei de función pública que falaba tamén de cubrilos por concurso.

A realidade é que esta excepcionalidade estaba sendo empregada na maioría de RPTs como algo bastante habitual; máis ben a excepción era o concurso específico. En todo caso, que conste que entre libre designación e este modelo de concurso específico que recolle a lei (mesmo para postos de nivel inferior ao 28) é como comparar entre Guatemala e Guatepeor. A realidade é que os concursos específicos están deseñados como LDs encubertas cunha blindaxe durante 5 anos. A realidade é tamén que esta proposta non é máis que unha blindaxe xurídica para que a Xunta se cure en saúde e que  permite cubrir calquera destes postos por libre designación como xa se viña facendo.

Actuacións do último pleno da Xunta de Persoal SSCC de outubro

No último pleno ordinario que se celebrou no órgano de representación do persoal funcionario que traballa nos Servizos Centrais da Xunta de Galiza, chegáronse aos varios acordos, todos por consenso, relacionados coa penalización da Xunta á conciliación familiar do seu persoal, a non cobertura de vacantes, baixas e maternidades, falta de precisión nas datas de Función Pública, traslados de unidades administrativas, dependencia das secretaría xerais técnicas dos postos base,  ano de imputación do FAS, altos prezos da cafetaría de Gaias e outros temas que están aínda abertos, relacionado coa denuncia á Valedora do Pobo e a publicidade das RPTs.

A Xunta de Galiza penaliza a conciliación familiar do seu persoal

A resolución do 10 de xullo de 2015, que modifica as instrucións do réxime de vacacións, permisos e licenzas para adaptala á nova Lei do Emprego Público colou unha modificación que sinala o seguinte "Os empregados públicos que teñan concedida a flexibilidade horaria por motivos de conciliación familiar e laboral, deberán xustificar a imposibilidade de cumprir cos  seus  deberes  de  conciliación  no  dito  horario  para  poder  facer  uso  deste permiso", con respecto ao acompañamento dun familiar dependente á hora de ir a calquera cuestión médica.

A Xunta de Persoal dos Servizos Centrais esixe a derrogación inmediata desta modificación. Impón unha penalización gratuita ao persoal que dispón desta modalidade horaria que o discrimina con respecto ao resto do persoal ao converilo para este persoal en recuperable; algo que non contempla a lei. Co mesmo argumento poderían impor que calquera permiso ou licenza, por exemplo, cando teñamos a un familiar ingresado no hospital, acabe sendo compensado, se non podemos xustificar a imposibilidade de cumprir cos deberes de conciliación no dito horario... pero de que horario estamos a falar? por outra banda... Presentarase escrito dirixido aos órganos competentes nesta materia, máis á Comisión de Seguimento da Flexibilidade e á Valedora do Pobo.

Isto está tamén relacionado con outra denuncia do órgano de representación relacionado coa non cobertura en todas as consellarías das baixas en todos os casos relacionados con aspectos da conciliación familiar e laboral, comezando polas maternidaes, paternidades, adopcións e acollementos, lactancia, ou riscos durante o embarazo ou lactación natural.

venres, 13 de novembro de 2015

Modificación dos programas que rexen os procesos selectivos de corpos xerais por promoción interna e acceso libre

Descargar modificacions nas ordes das convocatorias

Este tema estivo cocéndose durante todo o mes de outubro mais ao final a resposta chegou en novembro. Na reunión do luns, 9, avisaron e enviaron a proposta de modificación dos temarios convocatorias que iría á Comisión de Persoal do mércores, 11, pero só a título informativo. Fica pendente a publicación no DOG. 

Esta modificación nos programas das convocatorias é consecuencia da publicación o 2 de outubro da Lei 39/2015 de procedemento administrativo común e da Lei 40/2015 de réxime xurídico do sector público, ademais da actualización do Real Decreto Lexislativo /2015, de 30 de outubre, polo que se aproba o texto refundido de la Lei do Estatuto Básico do Empregado Público.

Presentan as modificacións, din que a EGAP fará os cambios oportunos nos seus temarios "o máis rápido" e que, a modo compensatorio, os exames non serán en nigún caso antes do 1 de abril do 2016.

Planificación de persoal: tirar para adiante tapando buracos

A política de personal na Xunta, aparte de escasa en medios, é escasa en ideas. O exemplo témolo no que está a acontecer estos días coa proposta de modificación da Área de Cultura da Consellería de Educación, Cultura e Ordenación Universitaria na que teñen que crear 4 postos de Tec. Superior de Bibliotecas porque non teñen suficientes para a elección de destino.

Na oferta de emprego público do ano 2011  aprobouse un  proceso selectivo das escalas nas que se ofertaban 7 prazas do grupo A1 de Técnico Superior de Bibliotecas.
No ano  2013 elaborouse unha proposta de modificación da actual RPT que incluía unha importante amortización de prazas das escalas da área de Cultura, a saber afectando tanto as especialidades de arquivos como de bibliotecas onde se eliminaban varias prazas de grupos A1 e A2 (sen dotación actual e pendentes de eliminar)

Dúas novas sentenzas a prol do pagamento da parte devindicada do complemento específico da paga extra do 2013

A vantaxe de ser a Xunta, que non pagas o que é de lei ao teu persoal e non pasa absolutamente nada... xa irán á Xustiza se queren cobrar.

O Xulgado do Contencioso Administrativo Nº 1 de Ourense e o Nº 1 de Pontevedra veñen de ditaminar senllas sentenzas nas que se estabelece o pagamento do complemento específico das pagas extras. O Goberno galego segue negándose a restituír este concepto adiando o seu pagamento, supostamente, ao ano 2017. O que xa confirmou é que nada de recuperalo con efectos retroactivos, non sendo a xente que está indo aos xulgados pola parte divindicada do ano 2013.

No ano 2013, o goberno de Feijoo decidiu recortar, no pagando o complemento específico (ou concepto equivalente) as dúas pagas extras de todo o seu persoal pasando a ser Galiza unha das escasas comunidades nas que se recortaba este complemento nas pagas extras. Recorte que continúa hoxe en día e que está previsto que se prorrogue até o 2017 e co que aproximadamente están a quitarnos uns 200 millóns de euros por ano.

mércores, 11 de novembro de 2015

Seguimos a cámara lenta nos asuntos da Función Pública

Non máis populismo eleitoral cos nosos dereitos!
Descarga CIG-Informa Migallas Electorais

O luns, 9 de novembro, houbo unha desas reunións do director da Función Pública cos sindicatos nas que se din moitas palabras pero realmente a información é moi pouca. Falaron dos seguintes temas: RPTs, procesos selectivos persoal funcionario, concursos, OPE 2016, permisos, contratación temporal, refundición categoraías persoal laboral... O mércores, 11 de novembro, na Mesa Xeral completaron algunha cousa máis.

Iso por non falar de que no fondo subxacte unha falta total de vontade negociadora; a Administración leva a súa idea e é esa a que sae adiante porque yo lo valgo. Baste como exemplo que avisan ese luns que o mércores hai Mesa Xeral e, de seguido, Comisión de Persoal na que meten tamén as ordes de modificación dos temarios das oposicións de persoal funcionario.

Agora, co tema electoral, están facendo moitas reunións de escaso contido e cunhas míseras concesións, desas que polo que lle costaba, xa podían telas feito antes pero recordade que antes as traballadoras e traballadores públicos eramos vagos e ineficientes, agora fálase de recoñecer as nosas contribucións e de facernos partícipes tamén da "recuperación económica"... lástima que non gocemos dela como están a gozar a banca e as grandes empresas.

Datos de concesións e denegacións de flexibilidades horarias e teletraballo de outubro 2015

A Administración remítenos os datos acumulados das flexibilidades horarias e do teletraballo con relación á data de 31 de outubro.

Disparouse neste mes pasado a flexibilidade automática nos servizos periféricos (+206), pasando por primeira vez os datos globais de 7000 resolucións favorables (menos da metade de todo o persoal que traballa en Administración Xeral da Xunta (ou sexa, sen Ensino, Saúde e Xustiza). 

As flexibilidades familiares seguen avanzando lentamente cara as 1000; subiron este mes 14 nos servizos periféricos e 2 tan só nos Servizos Centrais. O teletraballo, que mellor forma de conciliar a vida laboral, familiar e persoal, aínda se move máis lentamente e está en 86. Só 86 persoas en toda a Administración Xeral da Xunta fai teletraballo de xeito oficial dos 2000 potenciais usuarios/as que vendía a Xunta a comezos de 2014.

venres, 6 de novembro de 2015

Modificación Decreto de listas de substitución: alegacións

A CIG presentou alegaciónsao proxecto de Decreto polo que se modifica o Decreto 37/2006, do 2 de marzo, que regula o nomeamento de persoal interino para o desempeño con carácter transitorio de prazas reservadas a funcionarios e a contratación temporal de persoal laboral da Xunta de Galiza.

Descarga

Novas relacionadas:

Un microconcurso de traslados con 10 postos e ademais 3 deles para amortizar

Esto é o que sucede no concurso de traslados da escala de estatística e anuncia o camiño da extinción que xa inciaron cos postos públicos en xeral e que sufren en marior medida canto máis pequena é a escala. 

A realidade é que a amortización de postos de libre designación non leva a mesma intensidade cos de concurso, co que se está a producir unha inversión da piramide de recursos humanos máis que evidente no que cada vez máis choio acaba sendo subcontratado. O obxectivo final: privatizar todas as funcións posibles. Os efectos: menos servizos públicos, menos postos para concursos ou promoción profesional e tamén máis posibilidade de corrupción.

Modificación da RPT de Vicepresidencia e Consellaría de Presidencia, AAPP e Xustiza

Achega a empresa os cambios que vai facer respecto da súa proposta inicial logo das alegacións das organizacións sindicais e tamén achegan un par de cambios a iniciativa propia. 

Escaso, moi escaso para todo o que podían cambiar... nas amortizacións, na inversión da pirámide dos recursos humanos, na titulitis, na apertura de postos a outras Administracións ou no da recentralización dos postos bases na SXT e mover ao persoal ao seu antollo baleirando de sentido os concuros de traslados...

Proposta inicial

Cambios respecto do borrador da memoria xustificativa, logo da reunión coas organizacións sindicais

Concurso de traslados de corpos xerais: 2752 persoas admitidas provisionalmente

No DOG do 6 de novembro publicouse a resolución de aprobación da lista provisional de persoas admitidas e excluídas no concurso de traslados de corpos xerais de persoal funcionario da Xunta de Galiza.

Esta lista xa foi anunciada que ía ser publicada en setembro e finalmente demorouse ata novembro sen moitas máis explicacións. Supoñemos que se trataba de depurar os posibles erros. En total, e de xeito provisional, hai 2752 persoas admitidas e 169 excluídas. Recordamos que o número de postos inicialmente ofertados ascende a 1310 pero hai que ter en conta a fase de resultas e as persoas que só concursan nesta fase, por vez primeira

As persoas que non aparezan en ningunha destas listas e aquelas excluídas disporán dun prazo de 10 días hábiles, contados a partir do día seguinte ao da publicación, para reclamar.

xoves, 5 de novembro de 2015

Calendario laboral 2016 actualizado (inclúe festas locais)

https://drive.google.com/file/d/0B1evwCG_jwK2dWRYZ2k0Q2JrNzg/view

Trala aprobación en xullo do calendario laboral 2016 coas festividades propias do noso país, a finais de outubro chegou a publicación no BOE do calendario para todo o estado español coas festividades nas diferentes comunidades autónomas.

O ùltimo en chegar é a publicación nos boletíns oficiais das provincias das festas locais en cada concello (2) que habería que sumar ao calendario laboral. Para todas aquelas persoas que traballamos nos Servizos Centrais temos que ter en conta que o 5 de maio, xoves, (Ascensión) e o 16 de agosto, martes, (San Roque) serán os festivos no concello de Santiago de Compostela e por tanto non laborables.


Ligazóns relacionadas:

Lotaría de Nadal da CIG - Núm. 84.535

Xa temos lotaría de Nadal, o mesmo número de sempre, o 84.535, ao que xogamos todos os anos nos Servizos Centrais da Xunta de Galiza.

Se desexas adquirir unha participación (ou as que queiras, mentras non a esgotemos...) só tes que acudir aos locais da CIG en San Caetano e San Lázaro.

No local de San Caetano téñena á vosa disposición a compañeira Mar Peteira e Xosé Ramón Vázquez. Tamén vos podedes poñer en contacto con nós a través da conta cig.sscc@gmail.com.

Xa está chamando Amancio Ortega que quere a metade dos números, así que non vos durmades...

Convocadas 1.332 prazas na Administración Xeral do Estado

Instancias até 23 de novembro de 2015

En marzo foi publicada a Oferta de Emprego Público para 2015 e agora (xusto agora) chega a convocatoria de varios dos procesos selectivos con maior demanda. Como sempre, a encargada da súa realización será a Comisión Permanente de Selección.


Novo sistema telemático de autocálculo da pensión de xubilación da Seguridade Social

A partir do día 5 de novembro está dispoñible na Sede Electrónica da Seguridade Social a nova aplicación para facer o autocálculo da pensión de xubilación. Ter un certificado dixital ou DNI electrónico facilita a obtención dos datos precisos para o cálculo.


Con este servizo, poderás efectuar un cálculo aproximado da contía da túa futura pensión de xubilación. Deberás introducir os datos que se che van requirindo, contando en determinados casos cunha opción de "axuda" con explicacións para o seu correcto enchemento.

De acordo cos datos introducidos, o sistema determinará:

Principais novidades da nova versión consolidada do Estatuto Básico do Empregado Público

No BOE do 31 de outubro publicouse o Real Decreto Lexislativo 5/2015, de 30 de outubro, polo que se aproba o texto refundido da Lei do Estatuto Básico do Empregado Público.

Son varios os textos legais que o Goberno do estado español sacou adiante a última hora (recordamos a nova Lei de Procedemento Administrativo e a de Réxime Xurídico das Administracións Públicas) e tamén son varias as versións consolidadas baixo a forma de Real Decreto Lexislativo que están a publicar: a semana pasada foi o novo texto refundido do Estatuto dos Traballadores e nesta semana tocoulle ao Estatuto Básico do Empregado Público mais tamén, entre outros, ao texto refundido da Lei da Seguridade Social.

Principais novidades do texto refundido do Estatuto Básico do Empregado Público

venres, 30 de outubro de 2015

Comisións, prórrogas e adscricións persoal funcionario de setembro de 2015

No mes de setembro hai unha volta aos níveis anteriores ao verán con respecto á concesión de novas comisións pero no que se refire a prorrogas destaca unha considerable baixada (temos 48 en setembro cando en xullo e agosto houbo 185 e en xuño 124). 

O caso é que isto último pode responder a diversos factores pero aínda así semella que se deixaron de renovar algunhas comisións. Se ten algo que ver co concurso ou non é difícil de saber. Unha cousa que chama a atención é que non houbo ningunha adscrición provisional durante o mes de setembro, ferramenta que se estivo utilizando nos meses anteriores, cando menos puntualmente, para colocar a xente á que se lle acabara o chollo nos concellos, logo das últimas eleccións municipais. Destacar tamén dúas revogacións neste mes na Coruña que ao ser encadeadas son provocadas polo cesamento da que está no primeiro elo desta cadea.

Trala manifestación pasada por auga, o conselleiro de Política Social toma nota (resumo da reunión)


Para conseguir algo, hai que mollarse. Este é o resumo do acontecido onte nun paso máis da loita do persoal laboral dos centros públicos da consellaría de Política Social. Tras a manifestación celebrada baixo unha chuvieira que rematou ás portas de San Caetano, representantes do Comité de Empresa da Coruña reuníronse, despois de anos, co novo conselleiro competente na materia.

Ao final da manifestación, na que participaron traballadoras e traballadores de todo o país, a escritora e activista galega Luz Fandiño deu lectura ao seguinte manifesto.

Continúan as mobilizacións, agora máis que nunca

xoves, 29 de outubro de 2015

Concentracións nas sete cidades en repulsa ao segundo asasinato machista esta semana

A maioría de concentracións convocadas terán lugar este sábado

A CIG fai un chamamento a participar nas mobilizacións convocadas polo feminismo galego en repulsa ao asasinato machista dunha muller en Vigo, a segunda galega asasinada en tan só unha semana, a sexta asasinada a mans da súa parella ou exparella, e a novena vítima do machismo en Galiza, dado que nin a parella da muller asasinada en Arbo nin o dobre crime das meniñas de Moraña contabilizan nas estatísticas oficiais.

Desde a Confederación Intersindical Galega unímonos ao rexeitamento da violencia machista e facemos un chamamento á mobilización de toda a sociedade galega contra este feminicidio. Que o silencio non nos faga cómplices. Ningunha agresión pode quedar sen resposta.

CONCENTRACIÓNS:

mércores, 28 de outubro de 2015

Promoción interna Xunta: 2015 persoas competirán por un máximo de 320 prazas

Non era sen tempo, aparecen ao fin no DOG do 28 de outubro as 4 resolucións polas que se fan públicas as listaxes provisionais de persoas admitidas e excluídas nos procesos selectivos de promoción interna de persoal funcionario de corpos xerais.

Estas prazas convocadas en xuño deste ano arrastran unha demora máis que evidente por mór da acumulación das ofertas de emprego público de 2009, 2011 e 2012. Tralo atraso na covocatoria saltou a polémica polo cambio de modelo respecto das últimas convocatorias sen xustificación razonable algunha.

Cuestións que fican no aire son: a interpretación que vai dar Función Pública ás novas lei de procedemento e réxime xurídico con razón ao temario das convocatorias e se respectarán as previsións de marzo-abril para o primeiro exame.

Delegados e delegadas de Política Social queiman a lei que deteriora o seu traballo e anuncian mobilizacións


A cita foi martes, 27 de outubro, no Rexistro de San Caetano, onde os 4 comités de empresa da nova consellaría de Política Social citaron aos medios para dar a coñecer as mobilizacións con relación á precarización da súa situación laboral. Posteriormente, as cinzas metéronas nun sobre e dirixíronllas ao novo conselleiro, Rey Varela, xunto cunha carta coas súas reivindicacións.

As traballadoras e traballadores destes centros alí presentes readuciron a cinzas la Lei 1/2012 de medidas temporais en determinadas materias de emprego público, normativa que supuxo o deterioro da súa calidade de traballo e de atención ás persoas demandantes dos servizos sociais públicos. Esta lei ten suspendidos, entre outros, o artigo 19 do Convenio colectivo da Xunta que regulamentaba o descanso deste persoal en domingos e festivos.

Está afectado todo o persoal laboral que traballa a quendas en centros públicos de residencias de maiores, centros sociocomunitarios, centros de menores e centros de atención a persoas con discapacidades.