Onde está a Carreira profesional na Xunta de Galicia?

A Carreira profesional na Xunta é un tema que roza a ignominia.

Despois dunha negociación express no ano 2019, impulsouse unha carreira profesional que non contou co apoio deste sindicato, pero que se instaurou.

Chegou a pandemia e por motivos económicos paralizouse todo, a xente que tiña que comezar a consolidar o grao II quedou empantanada e os que tiñan que comezar a cobra o grao I, o mesmo.

Amais, a CIG denunciou a ilegalidade de deixar aos compañeiros/as temporais fóra do acordo e gañou, pero esto non era óbice para modificar o acordo e avanzar no mesmo.

A Carreira profesional, a día de hoxe, sabemos que foi unha quimera que se montou a Xunta de Galicia para convencer ao persoal laboral para a súa funcionarización, porque senón non se explica a paralización.

Neste ano asistimos a sintura dun novo Acordo, agora chamado de "carreira administrativa" para burlar as sentenzas de aplicación sobre a carreira profesional. Pero nen sequera ese novo acordiño se pon en marcha e os miles de funcionarios/as desta Administración seguimos a esperar con cara de idiotas por un complemento que si teñen desenvolto os compañeiros do Sergas e de Xustiza.

E todo isto na situación de perda de poder adquisitivo enorme que estamos a sufrir as traballadoras e traballadores públicos dende hai anos, pero que se recrudece neste 2022 pola inflación galopante dos prezos.

Pero parece que agora mesmo esto non interesa, non interesa promocionar profesionalmente ao persoal e garantirlle dereitos salariais, interesa máis arranxar o do concurso de méritos, ou os enchufes das comisións de servizo e o concurso específico; ou mesmo cambiar de coches no parque móbil.

O persoal funcionario de carreira tamén existe!!!!

Estes días estamos asistindo a unha verdadeira tormenta de actividade e tamén de despropósitos na Función Pública desta casa. Por un lado están os procesos de consolidación a través do concurso de méritos e concurso-oposición derivados da Lei de estabilización de emprego e por outro lado están a desenvolverse as funcionarizacións de todo o persoal laboral fixo.

Tamén, e por fin, está rematándose o concurso de traslados da Administración xeral e as tomas de posesión dos procesos en destino provisional mais seguimos a esperar pola promoción interna que a ver se está lista para setembro.

O caso é que ante maremagnum de actuacións, o persoal que aprobou no seu día unha oposición non podemos quedarnos atrás nas nosas reivindicacións.

O TRIBUNAL SUPREMO DALLE A RAZÓN A CIG: inadmitido o recurso da Xunta pola carreira profesional

 

O Tribunal Supremo lémbralle á Xunta que non hai nada que casar porque a xurisprudencia é clara: a carreira profesional ten que ser para todo o persoal

A sentenza gañada pola CIG contra a orde que regula o grao I do sistema extraordinario da carreira profesional xa é firme ao inadmitir o Tribunal Supremo o recurso da Xunta e por tanto se confirma a obriga que a sentenza gañada no TSXG establece para a Xunta de “reconocer el derecho de estos colectivos a participar en el procedimiento de reconocimiento del grado I de carrera profesional, y condenar a la Administración a estar y pasar por tal declaración.” 

Fundaméntase a providencia na “carencia no recurso de interese casacional obxectivo para a formación de xurisprudencia.” E isto é así porque o Tribunal Supremo xa se pronunciou en innumerábeis ocasións no sentido de que a carreira profesional ten que ser universal.

A Xunta ten agora dous meses para executar a sentenza e incluír a todo o persoal que cumpra os requisitos (sexa funcionario de carreira ou persoal interino ou laboral) no ámbito subxectivo do primeiro grao extraordinario.

Aínda que algunhas compañeiras e compañeiros xa o comezachedes a cobrar (incluídos os atrasos) porque as sentenzas individuais foron mais adiantadas, este pronunciamento o fai xa con carácter xeral para quen cumpra os requisitos que xa se estableceran para o persoal funcionario de carreira.

Coas sentenzas gañadas na man, na CIG estamos dispostas/os para negociar con Función Pública as modificacións necesarias para dar este dereito a quen ata o de agora se lle negou.

E non esquecemos tampouco que a Xunta suspendeu unilateralmente o dereito ao cobro do grao II, polo que non imos admitir que se negocie unha cousa sen poñer en marcha a outra.

Que se poñan a traballar e se senten a negociar sen esgotar o prazo que nos obrigue a solicitar a execución de sentenza.

Carreira profesional: interésanche as disputas sindicais?.....a nós tampouco

Sabemos que moitas persoas están fartas de ver “guerras” entre as organizacións sindicais, neste caso sobre o asunto da carreira profesional. Pero tamén queremos que comprendas que si se difunden bulos ou mentiras, dende a CIG non podemos calar porque iso sería outorgar ante a desinformación e transmisión de bulos.

A algunhas persoas ás veces isto as leva a pensar iso de “todos os sindicatos son iguais”. Pois non, non somos iguais. E agora CSIF que estivo agochado co asunto da carreira profesional asoma a cabeza para dicir que CCOO e UGT mal pero que a CIG tamén. Así que vamos a aclarar unhas cantas cuestións nas que faltan á verdade.

Manifesto da Xunta de Persoal de SSCC en contra das políticas de persoal da Xunta de Galiza

A Xunta de Persoal de SSCC ,a proposta da CIG, aprobou na derradeira permanente un manifesto en contra das políticas de persoal da xunta de Galicia. Este acto enmárcase no contexto do Informe publicado polo  Consello de Contas onde non deixou títere sen cabeza ao analizar  a xestión do persoal da Xunta de Galicia por parte da Dirección xeral da Función Pública. O Manifesto podes descargalo aquí.

Para máis inri o goberno galego, por parte do seu presidente,  escudouse vanalmente que parte da culpa da súa ineficacia está en que os procesos selectivos tardan porque os sindicatos piden 6 meses de tempo entre convocatoria e exames (que cara dura!!!). Ogallá só duraran 6 meses e non anos como nos teñen acostumados. Aproveitamos o texto para denunciar as principais eivas neste Titanic chamado Función Pública:

• Concursos de traslados regulares na súa convocatoria (anuais) e rápidos na súa execución (3 meses).
• Procesos selectivos áxiles e organizados por unha comisión profesionalizada.
• Promoción interna ampliada e que se base na medición de competencias reais e non exames inasumibles.
• Organización axeitada de todas as Rpts
• Comisións de servizo transparentes, obxectivas  e con procesos avaliables.
• Reactivación  da carreira profesional.
• Dotación de medios persoais e técnicos á propia DXFP para que poida cumprir en tempo e forma todas as súas competencia.

Este texto foi enviado ao resto de Xuntas de Persoal da Xunta de Galicia para facer un fronte común de todo o persoal funcionario, para facer ver aos nosos xestores e a opinión pública o que se move debaixo da alfombra dos grandes titulares de prensa.

Martes, 23 de novembro, é o día do cabreo

Barreiro vaite xa!

Levamos anos denunciando a desfeita na xestión da Dirección Xeral da Función Pública; anos de denuncias nos xulgados, anos de concentracións e mobilizacións, anos de broncas nas mesas do suposto diálogo laboral.

A cousa non mellorou e certamente empeorou e existen unha  manchea de eivas na organización do persoal da Xunta de Galicia: os concursos sen convocar nen resolver, a carreira profesional parada, as comisións de servizo a moreas, os procesos selectivos dando problemas un día si e outro tamén, xa non digamos nada de como se leva o da promoción interna, etc, etc.

Nos últimos meses recibimos centos de chamadas de cabreo por estes motivos, e mañán é o día no que tedes que mostrar ese cabreo. Así, a CIG Administración pública convócavos a todas e todos o MARTES DÍA 23 AS 11.00 HORAS NA EXPLANADA DIANTE DE PRESIDENCIA.

É a hora de berrar e mostrar a nosa indignación e non queixarnos só polos corredores, na cafetaría ou nos locais sindicais.

Acude e faite escoitar!!!!!

• As cinco Xuntas de Persoal Funcionario da Xunta de Galiza piden o cesamento do director xeral da Función Pública

Orzamentos e lei de medidas 2022

 

A Xunta impón a modificación da lei de emprego público e os orzamentos en materia de persoal para 2022

O acontecido na Mesa Xeral de Empregados Públicos do 15 de outubro non foi pasar o rodete, foi unha falta de respecto a todos os traballadores e traballadoras da Xunta de Galiza. Non teñen escrúpulos e desta vez foi o recente falecemento do conselleiro de Facenda a escusa para non informar debidamente e modificar a lei de emprego público as présas e sen negociar.
Así, Función Pública solucionou en menos de 24 horas o amargo trago de cumprir coa lei e sentarse coas organizacións sindicais previa aprobación no Parlamento destas leis que afectan ao persoal empregado público.

Os Orzamentos para 2022

Non nos deron documentación ningunha. Soltaron uns poucos datos xerais (sen diferenciar nin sectores, nin consellerías, nin moito menos partidas orzamentarias). De seguro que serán máis completos no telexornal da RTVG. Preguntamos e... Isto é o que hai:

• Suba salarial que marca o goberno do Estado: 2%
• Recuperación do poder adquisitivo perdido na Galiza: CERO
• Recuperación do complemento específico nas pagas extras: CERO
• Recuperación do Fondo de Acción Social: CERO
• Recuperación das compensacións e dereitos do V Convenio: CERO
• Recuperación de emprego público: CERO
• Graos extraordinarios 1 e 2 da carreira profesional: parece que si, pero non se sabe canto, nin onde, nin para cantos.
• Orzamento para pasar o persoal de incendios de 9 a 12 meses: na “bolsa” (debe ser un caixón de xastre dos orzamentos)
• Orzamento para as “primas” do persoal escollido para os Fondos de Recuperación e Resiliencia (FRR): unha incógnita.

Se estás cabreado ou cabreada coa xestión da Función Pública: vente a protestar o xoves, 3 de xuño.

Xa levamos demasiado tempo calados e caladas, a pandemia non nos permitiu facer grandes concentracións nen manifestacións; pero xa é hora de cambiar o paso. Xa o dicíamos vai pouco: hai que respectarse como traballadoras e traballadores públicos, é hora de actuar. Todas e todos xuntos.

A Dirección Xeral da Función Pública co seu emperador en desfeitas ao fronte, o señor Barreiro, xa nos ten hastiados e hastiadas de tanta incompetencia. Primeiro, a imposición a cachos dunha carreira profesional inxusta e agora paralizada, logo vén a desfeita dos procesos selectivos, mal feitos e retrasados, logo sigue co enchufismo no servizo de concursos, engadiu unha funcionarización mal organizada, mantén a trapallada ilegal das comisións de servizo e como punta do iceberg segue a marearnos cun CONCURSO XERAL DESAPARECIDO e outros dos que nin sequera responde.

OS ACORDOS SON PARA QUE SE CUMPRAN: OS DA CARREIRA PROFESIONAL TAMÉN

 

Os acordos que asina a Xunta de Galiza, sexa con quen sexa, están para cumprirse, neste caso falamos do “Acordo de concertacións do emprego público de Galicia”, asinado entre a Xunta de Galiza e varias organizacións sindicais. Neste artigo queremos falar en concreto do tema da carreira profesional no seu punto Quinto:

 Despois de 40 anos.....meta

“Sistema excepcional e transitorios dos grados I e II” onde di    textualmente o citado acordo “No segundo semestre do ano 2020, a Dirección Xeral da Función Pública publicará a  convocatoria    para que aqueles que teñan recoñecido o grado I e  conten cunha   antigüidade de 11 anos, a través deste réxime  transitorio e  excepcional, poidan solicitar o encadramento no  grao II. O dito  grao será recoñecido con efectividade do 1 de  xaneiro de 2021 ou  1 de xaneiro do 2022, segundo este nos  grupos B, C1, C2 e a  agrupación profesional ou nos grupos A1 e  A2 respectivamente, a  aqueles que cumpran os requisitos que se  establezan, e o seu  pagamento fraccionarase en catro ou tres  anualidades    respectivamente tal e como se indica a seguir...” Grupos B, C1, C2 e agrupación profesional, en 2021 o 33,3%.

Isto é o que di literalmente o acordo e a data de hoxe, 25 de xaneiro de 2021, está no apartado do programa “portax”, que é dende onde se debe solicitar, pechado. 

Non se está a cumprir porque no segundo semestre nunca estivo aberto, polo que dende a CIG esiximos que se cumpra xa o citado acordo, que se abra inmediatamente o prazo, que sería o primeiro requisito para solicitalo, e logo que aos traballadores que cumpran o resto de requisitos se lle abone a cantidade correspondente  dende o 1 de xaneiro.

Aínda que este pago xa vai efecturarse con efectos retroactivos, de si conleva unha perda económica para o persoal,  xa que a Xunta non paga con xuros, que debería facelo pola súa mala xestión dos tempos.

E igualmente está a acontecer co persoal dos grupos A1 e A2, que tiñan que ter ingresado na nómina de xaneiro 2021 o ultimo troceado do grao I, e non se veu por nengún lado.

ANTINOVAS DE FUNCIÓN PÚBLICA

 Xa non lle podemos chamar novas pois son cousas sempre vellas (levan meses no tinteiro) e por riba sen solucionar, por eso elaboramos a nova acepción denominada Antinova que vai ser adxudicada no diccionario ao bon facer do señor Director xeral da Función Pública. Van esas antinovas:

* CONCURSO: Xa non podemos decir nada pois se nos revolve o estómago. O que está claro e que depende das tomas de posesión. Por certo seguen a sacar prazas da listaxe coa excusa de amortización e inmediatamente aparecen dadas en Comisión de servizo (señores de Turismo , entre outros, vai por vos).

* TOMAS DE POSESIÓN: Parece que van para adiante, pero agora está o follón de que non hai prazas para escoller (claro mestúraselle todo ao mesmo tempo: concurso, consolidación, estabilización, PI). E estamos a observar incrédulos como hai algunha organización sindical que ata propón sacar das listaxes as prazas cubertas por interinos. Como sigamos así imos ter que ofertar as prazas dos gabinetes....

* CONCURSOS DE CORPOS ESPECIAIS: Aparte do de gardacostas que están no allo, o resto virá para o ano que ven; ou sexa ide pensando no 2025 máis ou menos, visto o que pasou no Concurso xeral.

* CARREIRA PROFESIONAL: A cousa non pinta ben, pois seica non hai cartos e amáis temos as novas incorporacións das funcionarizacións; pero se recortamos as axudas a La Coz de Galicia. as externalizacións a mansalva (Tragsa, Tragsatec, Indra, e Boquete style) e as papatorias en San Caetano, igual temos xa algo no peto.

* COVID: Despois de varias denuncias a inspección de traballo xa sabemos que a Adminsitración ten que suministrarnos máscaras (ten de prazo ata decembro) e parece que vai xestionar unha compra masiva; pero seguimos con problemáticas como unha instrucción do uso da máscara no posto de traballo e da ventilación das unidades, así como unha implantación urxente do teletraballo COVID. Pero a esto último xa vimos na última reunión que o señor Barreiro dixo que non se ía implantar mentre a situación da pandemia seguira nestes termos (debe pensar  que é boa...)

*TELETRABALLO: Andamos a voltas coa nova regulación do teletraballo ordinario, e xa imos coa terceira versión. O texto mellorouse notablemente coa aportación das OOSS pero segue a ter certo sabor discrecional. Na vindeira semana aprobarase; e esperemos que se poida solicitar con celeridade.

* CONCURSO ESPECÍFICO: Pois aínda que pareza mentira existir existe, de feito xa se negociou alá polo ano 2018 pero debeuse meter nun caixón. Temos así centos de xefaturas de servizo aínda en comisión de servizo, que ben poderían deixar liberadas moitas prazas de nivel 25 para o concurso de méritos dos mortais.

* COMISIÓNS DE SERVIZO: Se un o pensa ben a Xunta é actualmente unha Gran Comisión de servizo, pois dado o bloqueo e retraso dos concursos, as comisións están todas nunha situación de ilegalidade, cruzándose e recruzándose para que non cante moito que pasan dos catro ou cinco anos. Onde está aquela tan demandada regulación obxectiva da concesión das comisións? Seguimos como na época Fraga, ou peor....

A CIG recomenda solicitar a carreira profesional a todo o persoal

En previsión das futuras sentenzas que se produzan, a CIG convida a todo o persoal funcionario e laboral (independentemente do seu actual vínculo fixo/temporal), a solicitar por vía administrativa o complemento de carreira profesional.

O sistema de carreira profesional pactado por CCOO, UGT e Xunta vén a ser unha especie de retribución de sexenios, como xa teñen os docentes. E así como o dereito a cobrar os trienios depende unicamente do tempo traballado (non da relación contractual), o dereito á carreira (ou sexenio), non llo quixeron recoñecer ao persoal funcionario interino, laboral temporal ou indefinido. Tampouco ao persoal laboral fixo que non quera funcionarizarse.

A carreira profesional na Xunta na corda frouxa

O director xeral da FP facendo equilibrios
 coa carreira profesional , os concursos, a
funcionariazación e a promoción interna

A Xunta, CCOO e UGT asinaron unha carreira profesional suxeita a provisión de fondos adicionais, crearon un complemento sen garantía orzamentaria.

Puidemos ler o fin de semana do 1 de xullo en varios medios de comunicación a existencia de controversia entre o Goberno do Estado e a Xunta de Galiza e que afectaría á carreira profesional, os incrementos salariais e outros aspectos do Acordo de concertación asinado por CCOO, UGT e Xunta (DOG do 28/01/2019).

O Boletín Oficial do Estado (BOE) do venres 31 de maio publica dúas resolucións polas que anuncian o comezo de negociacións para resolver as discrepancias entre Estado e Comunidade Autónoma de Galiza por certos artigos da Lei de orzamentos e a Lei de medidas fiscais e administrativas de Galiza para o ano 2019 relacionados co Acordo de concertación e a carreira profesional. De ter razón o goberno do Estado, podería ser anulado o complemento de carreira.

Admitida a trámite a demanda da CIG polo Acordo de Concertación do Emprego Público de Galiza

O Tribunal Superior de Xustiza de Galiza admite a trámite o recurso contencioso-administrativo presentado pola CIG contra a Orde do Acordo de Concertación do Emprego Público de Galiza pactado pola Consellería de Facenda e os sindicatos CCOO e UGT.

Desta forma da comezo a loita xudicial da CIG para a salvagarda dos dereitos do persoal e así dar solución das inxustizas deste mal Acordo que non recupera os dereitos laborais e económicos perdidos na última década e establece discriminacións entre o persoal empregado público.

Nesta demanda a CIG fixa os seguintes obxectivos:

Comisión de Persoal e Mesa Xeral do 25/03/2019: oferta de emprego público, carreira profesional...

Esta semana, como xa avanzábamos, ía ser unha semana intensa e o 25 de marzo concretouse nunha Comisión de Persoal e Mesa Xeral na que se trataron temas diferentes. Iso si, os concursos de traslados pode esperar para este Goberno, aínda que algo comentaron ao final de todo de que "en breve nos poderían avanzar unha data...", pra mexar e non botar gota.

Na Comisión de Persoal aprobáronse cos votos da Administración e UGT e CCOO, o sistema de extraordianrio de acceso ao grao I da peor carreira profesional da nosa contorna, a maldita funcionarización, as bases para os procesos selectivos da escala téncica de estatística e de letrados/as.

Na Mesa Xeral fíxose que se neogociou algo da oferta de emprego público para 2019 e tamén desinformaron de varios temas, do máis variado, e coa fiabilidade e precisión a que xa nos ten acostumbrados o director.

Que demo pasa cos concursos de traslados?

A última semana de marzo vai estar ben completiña de asuntos a discutir cos responsábeis políticos da Administración. Vamos tratar a orde de convocatoria do sistema extraordinario de carreira profesional, os criterios xerais de funcionarización do persoal laboral fixo, a convocatoria de varias oposicións, unha xuntanza co conselleiro do Medio Rural, RPTs e até a oferta de emprego público de 2019.

Nos últimos meses, os asuntos da Función Pública galega van a un ritmo frenético nada propio. Todo un espellismo porque normalmente as cousas logo soen ir lentas, extraordinariamente lentas (salvo os recortes, claro). Porque o caso é sacar a oferta de emprego público e as convocatorias, que despois xa se verá como anda o proceso (lento, normalmente, moi lento). Será que veñen aí as eleccións. E non nos referimos ás sindicais do 11 de abril, senón as municipais, europeas, as do Congreso e do Senado... E por último, por que demo non lle dá o mesmo impulso aos concursos de trasaldos? Mellor ter a milleiros de empregadas e empregados públicos en comisión de servizo ou adscrición?

Segunda labazada do Tribunal Supremo aos asinantes da carreira profesional

Outra sentenza do Tribunal Supremo, agora contra un acordo de carreira profesional do Institut Català de la Salut que excluía ao persoal interino.

A semana pasada informamos aquí de que o Tribunal Supremo fallou en contra dun acordo de carreira profesional que excluía ao persoal interino e temporais nas Illes Balears. Pois ben, nunha sentenza de data 21/02/2019, o Tribunal Supremo volve sobre os mesmos argumentos sobre a discriminación salarial por vínculo laboral, esta vez para declarar discriminatorio o acordo de carreira do Institut Català de la Salut.

Mesa Xeral 15/03/2019: carreira profesional, funcionarización, procesos selectivos

O venres 15 de marzo houbo Mesa Xeral onde se "negociaron" os seguintes asuntos: carreira profesional, funcionarización e procesos selectivos de Estatística e de Letrados/as. En varios demandamos a bolsa de horas positivas do Kronos dun mes para outro para fomentar a conciliación e a publicación inmediata do Decreto de listas.

Primeira labazada do Tribunal Supremo aos asinantes da carreira profesional

O Tribunal Supremo ven de fallar a favor de incluír ao persoal interino e temporal na carreira profesional das Illes Balears.

Un mes e pico despois de que CCOO e UGT decidiran coa Xunta que o persoal interino e temporal non ten que cobrar a carreira profesional, o Tribunal Supremo, nun caso similar ao noso vén de fallar que si teñen que cobrala e que existe discriminación de non facelo.

En concreto:

• "que a carreira profesional establecida nos acordos ratificados polo acordo do Consello de Goberno das Illes Balears de 8 de maio de 2015 está incluída no concepto “condicións de traballo” da cláusula 4ª do Acordo Marco incorporado á Directiva 1999/70/CE referida ao principio de non discriminación, e aos efectos de valorar as diferenzas de réxime xurídico aplicable aos funcionarios interinos e ao persoal laboral temporal, ao que ven referida a actuación impugnada."

Comisión de Persoal 06/03/2019: oposicións, decreto de mobilidade, funcionarización, carreira...

Os cronogramas aceleran cando chegan as eleccións...

O 6 de marzo celebrouse unha comisión de Persoal onde se levaban dous procesos selectivos (persoal ordenanza e persoal subalterno) e o Decreto de mobilidade do persoal funcionario. A parte disto, en varios, tratáronse outros asuntos como os xa habituais da carreira profesional, novas sobre procesos selectivos, a funcionarización etc. 

Coma sempre a información vai en dous tempos, a que xa recibiron primeiro os sindicatos pactistas e a que recibimos as que nos negamos a asinar o que nos poñen enriba da mesa porque "é o mellor posible".

Carreira profesional: procedemento para acceso anticipado ao grao I

Función Pública enviounos o proxecto de orde sobre o procedemento para o acceso ao réxime extraordinario do grao I do sistema de carreira profesional do persoal empregado público da Administración xeral da Comunidade Autónoma de Galiza. Descargar. Temos ata o martes 12 para enviar alegacións. Se queres dicirnos algo, contacta coa CIG.

O procedemento refírese ao persoal funcionario de carreira. E como novidade, xa que o acordo non o prevé ata que se funcionaricen, tamén van incluír ao persoal laboral fixo ao que se lle recoñecerá o grao I de xeito provisional "mentres non se convoquen os procesos de funcionarización", tendo a consideración de pagamento "a conta". Non aprobar a funcionarización suporá a suspensión dos pagamentos, aínda que non se establece de xeito expreso si nese caso terán que devolver os importes cobrados.