A CIG esixe responsabilidades á Consellaría de Industria pola non medición do gas Radón en San Caetano

No enésimo capítulo do tema do radón nos edificios da Xunta de Compostela, a CIG vén de dirixirse seguindo as indicacións de Inspección de Traballo ante a Consellaría de Industria.

A CIG expuxo varias veces dende fai 6 anos ata a data actual, no Comité de seguridade e saúde laboral de Servizos Centrais da Xunta de Galicia, a queixa e inquietude de varias traballadoras e traballadores polos niveis de gas radón nos edificios administrativos da Xunta de Galicia en Servizos Centrais, sobre todo nos sotos e andares baixos dos mesmos. Solicitouse reiteradamente que se mediran os niveis deste gas en cumprimento da lexislación vixente xa que Santiago de Compostela e unha zona de alto risco por a morfoloxía do seu chan. 

Ao CSIF non lle importa a saúde do persoal traballadores de Servizos Centrais

O vernes 24 de maio de 2019 tiñamos convocada en primeira convocatoria ás 11:45 h. e en segunda ás 12:00 h. reunión ordinaria do Comité de seguridade e saúde laboral en onde, entre outras cousas tiñamos que tratar unha ampla orde do día con temas de importancia como a avaliación de riscos de 7 centros de servizos centrais e as medidas de emerxencia plnaificacdas e actuación de prevención para este ano.

Acórdase mobilizacións polas convocatorias dos concursos de trasalados

Na asemblea sobre a situación dos concursos de traslados da semana pasada acordouse mobilizarse pola inmediata convocatoria destes.

Nunha primeira parte fíxose unha exposisción da situación actual dos diferentes concursos na Xunta de Galiza, que con peor ou maior número de convocatorias, comparten a falta de previsión e regularidade na convocatoria e os elevados prazos de resolución e toma de posesión. Existe unanimidade en que concursos deben demandarse como dereito á mobilidade, conciliacióne progresión profesional. Está claro que hai demanda dun concurso porque o alto número das comisións de servizo así o confirmarn. O que hai que abordar é cómo facelo.

Convocatoria de asembleas: concursos de traslados

Nestas semanas son moitas as persoas que nos preguntades que pasa co concurso de traslados, algo que vén xa de lonxe na Xunta de Galiza, de lonxe polo que respecta á Administración xeral pois nos consta que en Ensino levan outro ritmo. A inquedanza e o malestar aumentou desde a publicación da CIG da seguinte nota e a situación está chegando a ser insostíbel polo que vemos necesario a convocatoria de asembleas por este motivo.

A primeira asemblea terá lugar este venres, 24 de maio, ás 9:00 h no Salón 2 de San Caetano. Nela abordaremos a situación actual dos concursos e as accións a levar a cabo na lexítima defensa do noso dereito de progresión profesional, mobilidade e conciliación familiar.

Publicadas as axudas para traballadores que se acollan á redución de xornada para o coidado de crianzas

A Secretaría das Mulleres da CIG informa que no DOG deste mércores, 22 de maio, sae publicada a convocatoria de axudas para as persoas traballadoras e as familias monoparentais que, entre o 1 de xullo de 2018 e o 30 de xuño de 2019, ambos incluídos, estean unha situación de redución da súa xornada laboral para o coidado das crianzas. Estas axudas teñen como obxecto a conciliación da vida familiar e laboral como medida de fomento da corresponsabilidade. 

»Consulta aquí o texto completo publicado no DOG  

Elexido o presidente e secretario da Xunta de Persoal a favor da CIG por unanimidade

Resultaron elexidos como presidente e secretario, respectivamente, os nosos compañeiros Toño e Fulgencio

O 20 de maio quedou constituído o órgano de representación do persoal do centro con máis traballadores e traballadoras da comarca de Santiago. Por vez primeira na Xunta de Persoal dos Servizos Centrais da Xunta de Galiza, os cargos de secretario e presidente recaeron por unanimidade nas únicas propostas presentadas: as da CIG. Na sesión constitutiva do Pleno, ademais da presentación, elexironse os cargos da Presidencia e Secretaría, tratouse o tema do novo regulamento e comentouse o funcionamento de cara os vindeiros 4 anos.

Cómpre descatar o ámbiente de cordialidade e o mantemento no cargo do presidente da anterior Xunta de Persoal, Toño Fernández (Cultura). Pola súa parte, a CIG leva tamén o cargo do secretario que recae en Fulgencio Fernández (Amtega). Compañeiros de sobra coñecidos entre o persoal funcionario dos Servizos Centrais pola súa dilatada traxectoria no traballo sindical.

Pepe Gotera e Otilio: unha chapuza eleitoral

Pepe Gotera e Otilio chapuzas a domicilio

Agora co paso do tempo e coa debida tranquilidade, podemos analizar o que pasou no proceso eleitoral do persoal funcionario en servizos centrais. O caso é que a actitude e responsabilidade do subdirector xeral de réxime xurídico da Dirección Xeral da Función Pública deixou moito que desexar en canto a facilitar o execicio do dereito nas votacións e fomentar a participación.

Xa dende un primeiro momento houbo bastantes dúbidas e problemática de onde se ían colocar as mesas, ou se habería ou non buses para o persoal pero todo se precipitou a semana das eleccións e o mesmo día eleitoral. Fallos clamorosos foron:

A Xunta de Galiza paraliza os concursos de traslados do seu persoal con fins políticas

Un total de 5.788 resolucións  de comisións de servizo "extraordinarias" na Xunta desde o último concurso

O último gran concurso de traslados na Xunta convocouse o 20 de maio de 2015 e abriuse o prazo de toma de posesión o 27 de setembro de 2016. Esa era a convocatoria para o persoal de corpos xerais; o máis abundante na Xunta das algo máis de 8.000 funcionarias e funcionarios da Administración xeral.

Peor o teñen o persoal laboral ou o resto de persoal funcionario de corpos especiais ou escalas, onde temos as últimas convocatorias dende o ano 2012 para atrás. Igual que no caso anterior, dende a convocatoria até a efectiva toma de posesión pasa ao redor de un ano e medio; algo xa de por si inadmisíbel nunha administración moderna do século XXI.

Manifestate en defensa do galego o 17 de maio

A plataforma cidadá Queremos Galego, da que a CIG fai parte, sae á rúa o venres 17 de maio, Día das Letras, para esixir “liberdade, igualdade e xustiza para o galego". 

Baixo o lema “Máis que nunca, Queremos Galego”, o colectivo convoca actos reivindicativos en varias vilas e cidades ás 12 da mañá:

Para cando os segundos exames da promoción interna? E no resto de procesos?

A CIG trasladoulle estas preguntas ao director xeral de Función Pública.

Centos de compañeiras e compañeiros que concorren á promoción interna non saben a día de hoxe cando se celebrarán os segundos exercicios deses procesos selectivos. Nen sequera unha data aproximada.

Tendo en conta que agora comeza un período vacacional, e co fin de conciliar a vida laboral e familiar, saber si se celebrarán as probas no verán, antes ou despois, parece de sentido común, e non parece correcto que, a diferenza doutras Administracións as persoas funcionarias da Xunta que concorren a estes procesos non saiban se se van poder desprazar durante o período vacacional, se collen antes ou despois as vacacións para aproveitalas como período de estudo, ou simplemente como van xestionar o seu tempo en función dunha data que todos/as deberíamos coñecer xa.

Borrador do Decreto de funcionarización do persoal laboral fixo da Xunta

Achéganos a Administración o polémico borrador do Decreto de funcionarización nado do "acordo de concertación"; polémico entre o persoal funcionario pero tamén polémico entre boa parte do persoal laboral: sen concurso previo, coa chantaxe da carreira profesional, polos corpos/escalas onde se produce a funcionarización, pola promoción interna encuberta (en certos grupos), polo sistema de funcionarización, polo persoal que pode ou non participar, tamén persoal integrado dos chiringuitos, e sobre todo, polos efectos, cambio de vínculo xurídico incluído. 

Se a empresa pon tanto empeño nesto, será por algo.

Descargar borrador

Cada vez menos persoal quere traballar en Política Social polas precarias condicións laborais

A CIG quere denunciar a situación que están a sufrir os/as traballadores/as da Consellería de Política Social na Xunta de Galiza, situación que incide directamente no deterioro evidente dos servizo públicos de benestar.

Dende o ano 2012, a Xunta de Galiza do Partido Popular de Feijoo o único ao que se adicou, con respecto ao persoal ao seu servizo, foi a eliminación dos dereitos de traballadoras e traballadores.

Esta situación, que se resume na eliminación de cuestións básicas para o persoal como é o librar dous días seguidos á semana, librar fins de semanas alternos, compensar con descanso o traballo en festivos e domingos, conciliar a vida laboral e familiar (por sistema a Consellería de Política Social denega todas as conciliacións que se solicitan), etc.... resúmese en que cada vez menos persoal de asistencia directa (ATS/DUE, Aux. Clínica) queira traballar na consellería e se vaian a traballar ao SERGAS, con mellores condicións, tanto económicas como laborais.

Reunión Fondo de Acción Social: segue reducido a unha soa axuda

Desde 2011 o persoal da Xunta leva perdidos máis de 57 millóns de euros de masa salarial.  

O Fondo de Acción Social fica reducido a unha axuda e esta administración non ten intención, polo menos de momento, de devolvérnolo e iso que a economía galega, segundo os políticos que gobernan este pais, vai vento en popa e a Xunta de Galiza ten superávit este ano por primeira vez na historia.

Previsiblemente publicarase a finais de maio.

Este xoves tivemos polo mal chamado Fondo de Acción Social (FAS), que fica relegado só a axuda para atención de persoas con discapacidade. Nesta reunión a CIG propuxo o seguinte:

1.- Reiterámonos nas alegación feitas por escrito que foron as seguintes:

Avance do calendario laboral galego para 2020

O persoal público da Xunta terá un día de asuntos persoais a maiores ao caer o 15 de agosto, festivo estatal, en sábado.

O 9 de maio a Xunta informou positivamente a proposta de calendario laboral para 2020 da Consellaría de Economía, Emprego e  Industria. Neste proposta a aparecen como festivo no noso país o San Xosé (19 de marzo) e o San Xoán (24 de xuño), ao substituír os festivos estatais do 1 de novembro e 6 de decembro que caen en domingo.

Entre os festivos nacionais que teñen carácter opcional, Galicia elixe sempre o 25 de xullo, por ser o Día Nacional de Galicia, ademais do día de Reis (6 de xaneiro) e o Xoves Santo, que o próximo ano cae o 9 de abril.

Moita sorte, compañeiras e compañeiros de promoción interna.

Dende a CIG queremos desexar moita sorte a todas e todos os que se van presentar esta semana ao primeiro exame da promoción interna. Estas son as datas:

- Subgrupo C1 > martes, 7 de maio de 2019, ás 16.30 horas, no recinto da Feira Internacional de Galicia en Silleda.

- Subgrupo C2 > venres, 10 de maio de 2019, ás 16:30 horas,  na Facultade de Dereito de Santiago de Compostela.

- Subgrupo A1 > sábado, 11 de maio de 2019, ás 10:00 horas, na Facultade de Dereito de Santiago de Compostela.

- Subgrupo A2 > sábado, 11 de maio de 2019, ás 16:00 horas, na Facultade de Dereito de Santiago de Compostela.

Son moitas e moitos os que estes días faltan ao seu traballo, moitas horas estudando para poder progresar e moi poucas prazas. Moito esforzo por culpa duns procesos inhumanos, nos que non se sabe cando van saír, cando van ser as probas, como vai ser o exame, que nos vai entrar... e xogando coas datas por parte de Función Pública sen ter en conta ao persoal que se deixa o seu tempo, a súa vida e os seus cartos en academias. 

Reunión previa da constitución da nova Xunta de Persoal

O pasado 25 de abril tivemos unha reunión previa para acordar a constitución da nova Xunta de Persoal segundo as eleccións do pasado mes. Asistimos cinco das catro organizacións sindicais con representación (faltou UXT) e acordamos:

• A redacción dun novo regulamento de organización.

• A celebración do primeiro pleno neste mes de maio; onde entre outras cousas tomarán posesión as novas delegadas e delegados e elexiremos os cargos de Presidenta/e e Secretaria/o.

• Tamén demos contas de temas pendentes estes días: obras de San Caetano, problemática da externalización de informes na Consellería de Cultura.