A carreira administrativa poderá solicitarse a partires do venres día 02/12

 

O día 28 de novembro publicouse no DOG os acordos para o desenvolvemento transitorio dos sistemas de carreira (carreira administrativa para o persoal funcionario e complemento de desempeño para o persoal laboral) tal e como vos indicamos aquí.

Pero OLLO. Isto non é a convocatoria para o acceso extraordinario aos graos I e II.

As ordes polas que se convocan os procedementos para o acceso aos graos I e II, serán publicadas, segundo nos confirma Función Pública no DOG do día 01/12/2022, e polo tanto o prazo de 15 días hábiles comezará a contar o venres día 02/12/2022 onde xa se poderá solicitar a través de http://fides.xunta.gal.

A aquelas persoas que con anterioridade á apertura do prazo presentaran ou presenten solicitudes SE LLES VAI DENEGAR, e polo tanto non é recomendábel facelo.

Para quen xa a presentou deberá facelo outra vez a partir do día 2 e a través do FIDES.

Calendario Laboral 2023 dous moscosos adicionais

Para o ano 2023 ao caer o 24 e 31 de decembro en domingo, haberá dous moscosos adicionais. 

O Diario Oficial de Galicia (DOG) publicou en data 05/08/2022, unha vez aprobado polo Consello da Xunta, o calendario laboral de Galicia para o próximo ano 2023. 

A normativa estatal, fixada polo Real Decreto 2001/1983, establece as 14 festas anuais de ámbito nacional non recuperables, remuneradas e de carácter obrigatorio. Destes 14 festivos, dous son elixidos por cada concello. Dos outros 12 restantes, nove son de carácter obrigatorio e non substituíbles a non ser que coincidan en domingo: 1 de xaneiro (para o 2023 coincide en domingo e pasa o 25 de xullo), Venres Santo (7 de abril), 1 de maio, 15 de agosto, 12 de outubro, 1 de novembro, 6 de decembro, 8 de decembro e 25 de decembro. 

Ademais, outros tres festivos de carácter nacional poden ser substituídos polas comunidades autónomas: o 6 de xaneiro, que nunca se cambia, agás que coincida en domingo; o Xoves Santo (6 de abril), que Galicia non cambia tradicionalmente; e dáselle a opción ás comunidades entre o 19 de marzo e o 25 de xullo. Sempre se elixe o 25 de xullo, xa que é o Día Nacional de Galicia, tal e como quedou establecido polo Decreto 8/1978, do 10 de xullo. 

Pola súa banda, o Concello de Santiago de Compostela aprobou en xullo como festivos locais para 2023 os tradicionais da Ascensión e San Roque (que este ano non ten substitución ao non caer en domingo). 

 No 2023 haberá dous días moscosos adicionais 

Consonte ás actuais instrucións de permisos, vacacións e licenzas, no seu punto 12º establecese que os días 24 e 31 de decembro permanecerán pechadas as oficinas públicas, agás os servizos de Rexistro Xeral e Información. Cando os días 24 e 31 de decembro coincidan en sábado, domingo ou día non laborable, terase dereito a dous días adicionais de asuntos persoais. 

Así mesmo, o persoal que traballe os días 24 e 31 de decembro poderá desfrutar de dous días adicionais de asuntos persoais. 

Estas potenciais incorporacións foron feitas a raíz do contundente recorte nos moscosos (e outros dereitos) no 2012. Inicialmente o persoal da Xunta tiñamos 9 días de asuntos propios ao ano pola lexislación autonómica e máis os días adicionais por antigüidade recoñecido polo EBEP. Lembramos que os moscosos foron compensacións pasadas de non subir o salario ante un IPC desbocado.  

Si queres descargar o calendario laboral de Santiago de Compostela para o ano 2023 pica no siguinte enlace: Calendario 2023                                                                           

Ordes de convocatoria de acceso aos graos I e II da carreira profesional

 

A nova Orde para acceder ao grao I e II do sistema extraordinario de carreira ultímase en Mesa Xeral de Empregados Públicos. A Administración tráeos en formato de "Acordos" para que CCOO e UGT continúen dóciles a dicir amén, mais non aproveitan para corrixir as eivas anteriores. Limítanse só a cumprir as sentenzas firmes ao mínimo indispensable.

Despois de que Función Pública decidira non publicar a Orde de acceso ao grao II no segundo semestre de 2020 (e lembramos que daquela non había ningunha sentenza que llo impedira), tráennos agora uns borradores nos que inclúen a case todo o persoal que cumpra os requisitos, obrigados polas sentenzas gañadas pola CIG.

Os importes anuais, tanto do grao I como do grao II van ser os seguintes:

IMPORTES ANUAIS DA CARREIRA
Ano	%	A1/I	A2/II	C1/III	C2/IV	AP/V
2022	60%	1.553,47 €	1.087,20 €	774,72 €	595,08 €	480,89 €
2023	80%	2.071,30 €	1.449,60 €	1.032,96 €	793,44 €	641,18 €
2024	100%	2.589,12 €	1.812,00 €	1.291,20 €	991,80 €	801,48 €

O procedemento para solicitar o acceso, unha vez aprobado, será a través da plataforma FIDES que de xeito automático determinará se se cumpren os requisitos. No caso de que o programa non admita a solicitude de carreira dunha persoa, esta disporá dun prazo de 10 días para poder presentar a solicitude e documentación xustificativa en sede electrónica. Non van aceptar actualizacións de expedientes no Portax, polo que se non temos introducida a formación, deberemos agardar a que nola requiran.

Pero ollo esta carreira trae trampa:

Pacto salarial 2022-2024 para todo o persoal empregado público: máis perda de poder adquisitivo

 

A proposta, aceptada por CCOO e UGT, e rexeitada pola CIG, ELA e CSIF, non compensa sequera a perda do poder adquisitivo que xa temos consolidada en 2022, de preto do 10%, a un trimestre de rematar o ano

A suba acordada para os anos 2022, 2023 e 2024 non chega a compensar a inflación de prezos que xa temos neste ano 2022. Neste sentido, hai que ter en conta que en setembro o IPC interanual situouse nun 9%, mais que estivo por riba do 10% boa parte do ano.

Goberno, CCOO e UGT están a propoñer para o actual ano 2022 un incremento do 3,5%, que en realidade inclúe o 2% que xa está aplicado dende xaneiro e ao que lle sumarían un pago único do 1,5% en decembro. Xa que logo, o persoal ao servizo das administracións públicas perdemos como mínimo un 5,5% de poder adquisitivo só no ano 2022.

A Xunta segue a manter o nivel de comisións de servizo en cantidades intolerabeis

 

O concurso de corpos xerais rematou (e xa eran horas) en xuño deste ano coas tomas de posesión; pensabamos que con isto minguaría a adxudicación e prórrogas de prazas en comisión de servizos. Non foi así: abonda botar unha ollada ao cadro que segue para decatarnos do despropósito: 

	XANEIRO - XUÑO	XUÑO- NOVEMBRO
COMISIÓNS DE SERVIZO	206	832
PRÓRROGAS DE COMISIÓNS	178	511
TOTAL	384	1.343

Así podemos observar un incremento de case o 400% de cobertura de prazas o cal é unha mofa para o persoal funcionario dos corpos xerais que esperan e esperan por concursos cuadrienais (para o resto do persoal, como escalas e corpos especiais ou persoal laboral, o concurso de traslados é ciencia ficción). 

A Conselleira de Infraestruturas, beneficiada polos atrasos na integración da EPOSH

O DOG de 08/04/2015 publicou a orde do 25 de marzo pola que se inicia o procedemento de integración como persoal laboral da Xunta de Galiza do persoal laboral fixo da extinta Empresa Pública de Obras e Servizos Hidráulicos (EPOSH), adscrita á entidade pública empresarial Augas de Galiza. O número de postos a integrar era de 48 e se establecía un prazo de 15 días  para manifestar a opción de integración.

Non sabíamos se houbera ou non peticións de integración do persoal laboral fixo da EPOSH. O caso é que polo transcurso do prazo de tres meses previsto sen existir resolución expresa, quedaron todas desestimadas.

As retribucións do persoal do EPOSH son totalmente opacas e son as establecidas no ano 2005 no convenio asinado polo goberno, en funcións, de Manuel Fraga,  sendo Alberto Núñez Feijoo o conselleiro de Política Territorial,  de quen dependía organicamente este chiringuito. No convenio se establecen unhas retribucións mui por enriba das do convenio único do persoal laboral da Xunta e o valor do trienio representa un 5% da suma de todos os seus haberes.

Lotería de nadal CIG 2022

Temos á venda a lotería de Nadal da CIG.  Xogamos o mesmo número que anos anteriores, e as participacións voltan a ser de 5 euros sen recargo.

Como sempre o punto de venda principal está no local da CIG en San Caetano, soto de Educación, teléfono 981 545 909.

Tamén esta a venda no local da CIG en San Lázaro, baixo da Consellaría de Promoción do Emprego, teléfono 981 546 999.

Ante as desilusión que nos dan cada día (procesos selectivos, concurso, comisións de servizo...) a ver se podemos darnos unha alegría.

EXIXIMOS A FUNCIÓN PÚBLICA CONCURSO ABERTO E PERMANENTE XA!

Dende CIG-Servizos Centrais decimos que os concursos de traslados na Xunta de Galicia son eternos, de feito en algunhas escalas só se fixo un dende que existe a Xunta de Galicia, e non falemos do concurso específico que inda nunca se convocou, e vai por o camiño de quedar nun proxecto máis das ideas da Función Pública Galega, como o da carreira administrativa horizontal.

Se falamos do concurso da administración xeral este convocase, pero con nivel de incumprimento de prazos, que nadie o entende. Cando era manual en menos de dous anos estaba convocado e resolviase en menos de un ano, e dende vai uns dez anos cando esta informatizado, convocarosen e resolveronse dous, en uns prazos medios de cinco anos por concurso, facilitando o funcionario todolos datos para a súa resolución, e pensamos que as convocatorias van a ir a peor.

Lonxe queda, pois fai mais de cinco anos, cando o director Xeral da Función Pública, e o mesmo director que esta hoxe na Función Pública Galega, prometeunos que se convocaría un concurso anual ou semestral ata que se puxera en marcha o concurso aberto permanente, dixonos aos representantes dos traballadores, que xa estaba licitado e que AMTEGA se estaba encargando da parte técnica. Seríamos unha administración pioneira nisto, en eses tempos, ahora xa non, adiantaronos outras administracións que teñen instaurado o concurso aberto e permanente como por exemplo https://www.elperiodicodearagon.com/aragon/2022/10/13/dga-plazas-funcionarios-concurso-meritos-empleo-publico-77200503.html .

Bases de procesos selectivos lei 20/21

 

Os criterios de bases para os procesos de estabilización derivados da Lei 20/2021 van ir á Comisión de Persoal xunto coa carreira profesional o venres 28 de outubro, despois de pasar primeiro por Mesa Xeral de Empregados Públicos, tras a solicitude da CIG para intentar aportarlle melloras.

O último borrador de criterios de bases xerais para as convocatorias de estabilización trae, de novo, cambios sen explicación. E xa van 6 borradores diferentes con vai e ven en puntuación nos méritos, engádegas e incluso volta atrás en cuestións xa acordadas. Ante esta situación na CIG esiximos que se trate previamente na Mesa Xeral de Empregados Públicos para intentar mudar a posición da Función Pública naquelas cuestións que son lesivas para o persoal.

Criterios para as bases de estabilización

En resumo a día de hoxe o que hai no borrador de Función Pública para a Comisión de Persoal:

A CIG mobilizase contra uns Orzamentos da Xunta que non garanten nin recuperación de dereitos nin de salarios

 

Delegados e delegadas concentráronse diante do edificio de San Caetano para exixir melloras

Delegados de delegadas da CIG concentrámonos na mañá do xoves 20 de outubro diante do edificio administrativo da Xunta de Galiza en San Caetano para manifestar o seu rexeitamento a unha Lei de Orzamentos que non garante ningún tipo de medida para compensar nos seus salarios o desmesurado incremento do IPC (que na Galiza é superior ao do Estado), nin a recuperación de dereitos laborais.

Denunciamos que nos orzamentos para 2023 a Xunta de Galiza fixo un “copia e pega” do “pacto a perdas” negociado ás agachadas e asinado na Mesa das Administracións Públicas do Estado por CCOO e UGT, e que supón unha perda de poder adquisitivo nos vindeiros anos, a sumar ao que xa leva perdido o persoal.

A perda de poder adquisitivo que teñen as e os empregados públicos na Galiza, cando aquí a carestía da vida é maior porque o IPC interanual está xa no 9,2%. 

Nin sequera establecen a xornada das 35 horas, a pesar de estar no pacto estatal.

Na Lei de orzamentos para o 2023 a Xunta manterá suspendida a aplicación de todos os pactos e acordos retributivos e todos os dereitos recortados pola Lei de Medidas 1/2012 cando xa é hora de recuperalos, como é o caso do artigo 19 de V Convenio Colectivo, a suspensión de determinados artigos do Acordo de condicións do SPIF (nos que se regulan os descansos, as compensacións por noites ou domingos e festivos) ou os días de libre disposición, entre outros.

Xunto a iso denunciamos que se “hipoteque”, por moitos anos, a mobilidade do persoal da administración pública galega mediante a apertura de postos ao persoal doutras administracións públicas para a cobertura de prazas mediante comisións de servizos que durarán dous anos prorrogables de xeito indefinido ou que se manteña bloqueada a recuperación do Fondo de Acción Social, na contía e nas modalidades que existían até os recortes aplicadas polo PP.

A CIG concentrarase este xoves 20 en San Caetano contra a Lei de Orzamentos 2023

 A CIG convoca unha  concentración  para  este  xoves,  día 20  de  outubro, ás 11:00 horas, diante da entrada principal do edifico administrativo da Xunta, en San Caetano, contra unha Lei de Orzamentos de Galiza para 2023, que non garante nin suba salarial, nin recuperación de dereitos laborais.

A CIG-Administración denuncia que nos orzamentos para 2023 a Xunta de Galiza fixo un “copia e pega” do “pacto a perdas” negociado ás agachadas e asinado na Mesa das Administracións Públicas do Estado por CCOO e UGT, que supón unha perda de poder adquisitivo nos vindeiros anos, a sumar ao que xa leva perdido o persoal.

Denuncia ademais que non contempla ningún complemento, a maiores, que compense a maior perda de poder adquisitivo que teñen as e os empregados públicos na Galiza, cando aquí a carestía da vida é maior porque o IPC interanual está xa no 9,2%.

Salarios e reforma LEPG (Mesa Xeral 17/10/22)

 A Xunta presenta na Mesa Xeral (17/10/22) a súa proposta de salarios pola que o persoal empregado público perderá arredor dun 10% do seu poder adquisitivo nos próximos tres anos. A proposta é un “copia e pega” do “pacto a perdas” negociado ás agachadas e asinado na Mesa das AAPP do Estado por CCOO e UGT.

Con isto o salario vai subir un 3,5% (ao 2% de suba no 2022 se lle engade un 1,5% adicional con efectos retroactivos) un 2,5 % no 2023 e un 2% no 2024. Algo completamente insuficiente para paliar a perda de poder adquisitivo neste e nos vindeiros anos, tendo en conta que no 2022 no mes de outubro o IPC interanual na Galiza está no 9,2%.

A maiores este pacto de perdas contempla unhas subas adicionais se se cumpren determinadas condicións que en principio parecen que non se van cumprir, tal e como sucedeu co anterior acordo para os anos 2018- 2020.

A Xunta, sen intención de negociar nin salarios nin dereitos

Comisión de Persoal 10/10/22: Apróbase o Anteproxecto de Lei de medidas urxentes para a redución da temporalidade

 

O Anteproxecto de Lei de medidas urxentes para a redución da temporalidade no emprego público da Comunidade Autonoma da Galiza pasou pola Mesa Xeral o 10 de outubro e apróbase na Comisión de Persoal do día 11 co voto favorable de CCOO, UGT e CSIF e en contra da CIG.

Esta norma reproduce a Lei 20/2021 de temporalidade coas súas discriminacións sen dar unha solución a moitas das eivas que se derivan da lei estatal. Cabe lembrar que a Administración Xeral da Xunta é a campioa da temporalidade, superando o 30% de media de persoal temporal e interino.

Fixemos un esforzo ata o derradeiro minuto para mellorar o texto pero esta lei aínda non responde as expectativas do persoal. E como isto non remata aquí, imos poñernos en contacto cos grupos parlamentares para que recollan as nosas emendas e as defendan na tramitación parlamentar da lei. Función Pública segue tratando de xeito vago moitas cuestións que deberían ser definidas nesta lei, e a maiores crea novas escalas e especialidades e modifica de xeito significativo funcións e requisitos para escalas xa creadas sen telas negociado previamente.

Destacamos:

• Limita a fase de concurso do concurso oposición a 30% experiencia-10% outros méritos.

Reiniciase a carreira profesional paralizada pola Xunta

Despois das nosas sentenzas favorables ao recoñecemento do dereito para todo o persoal a Xunta e os sindicatos asinantes poñen en marcha, despois de tela paralizado durante case dous ano, a carreira profesional.

Os novos acordos de carreira, se ben teñen melloras gañadas pola CIG nos tribunais seguen a ter fundamentalmente 3 eivas:

1) Non recoñecen o carácter retroactivo do grao I para o persoal interino e temporal.

A Xunta, CCOO e UGT queren borrar do mapa a carreira profesional e invéntanse unha nova

Igual que bloquearon a posta en marcha do grao II hai dous anos

Despois de termos unha xuntanza sobre os novos borradores de carreira profesional (cos eufemismos de chamarlle “carreira administrativa” para o persoal funcionario e “complemento de desempeño do posto” para o persoal laboral) todos se congratulan de que se pon en marcha unha carreira e que é universal. Recoñecen entón que a outra non o era?

O que pretenden con este novo modelo de carreira é AFORRARLLE Á XUNTA TER QUE PAGAR entre 1 e 3 anos ás persoas empregadas públicas, en concreto:

• 1 ano do grao II ás persoas funcionarias de carreira dos subgrupos C1, C2, AP e laborais fixos dos grupos  III, IV e V.
• 3 anos do grao I ás persoas funcionarias interinas e laborais temporais de todos os subgrupos.

Para tratar de disfrazar o seu recorte de dereitos e que perderon todas as sentenzas tratan de contarnos trolas para xustificar o ben que o fixeron, “parón xudicial”, “anulación”, ou ben confesar sen pudor na exposición de motivos do novo acordo que se confundiron, que o que acordaron non era o desenvolvemento da carreira profesional recollida no EBEP e na LEPG, senón unha “carreira administrativa”.

Por que non cobramos o grao II da carreira?

CIG-Área Pública exixe convocar xa a Mesa Xeral para negociar a recuperación salarial

  

A CIG-Área Pública vén de dirixirse por escrito á ministra de Facenda e Función Pública para exixir á convocatoria inmediata da Mesa Xeral de Negociación das Administracións Públicas co obxectivo de iniciar canto antes a negociación das medidas de recuperación dos salarios e dos dereitos do persoal empregado público que debe conter o Proxecto de Lei dos Orzamentos Xerais do Estado para 2023.

A Área Pública da CIG (Administración, Ensino e Saúde) rexeita que o Goberno español pretenda puentear a Mesa Xeral (na que están presentes as centrais sindicais máis representativas no ámbito da función pública) ao convocar unha reunión só con tres sindicatos (CCOO, UGT e CSIF) para abordar e pactar unha suba salarial que afecta a todo o persoal empregado público.

Se o Goberno ten interese en facer unha rolda previa de contactos, a Área Pública da CIG reclama non ser excluída e que, na súa calidade de sindicato máis representativo, sexa tamén convocada á reunión do próximo mércores para explicar as súas propostas.

Marco legal de negociación

En todo caso, lembra que o ámbito legal de negociación das condicións laborais e económicas dos traballadores e das traballadoras ao servizo das Administracións é a Mesa Xeral. Que o Goberno español pretenda chegar a acordos fóra deste marco, contando só cunha parte da representación sindical, furta o dereito fundamental de participación das miles de empregadas e empregados públicos galegos que escolleron á CIG como sindicato de referencia.

Onde está a Carreira profesional na Xunta de Galicia?

A Carreira profesional na Xunta é un tema que roza a ignominia.

Despois dunha negociación express no ano 2019, impulsouse unha carreira profesional que non contou co apoio deste sindicato, pero que se instaurou.

Chegou a pandemia e por motivos económicos paralizouse todo, a xente que tiña que comezar a consolidar o grao II quedou empantanada e os que tiñan que comezar a cobra o grao I, o mesmo.

Amais, a CIG denunciou a ilegalidade de deixar aos compañeiros/as temporais fóra do acordo e gañou, pero esto non era óbice para modificar o acordo e avanzar no mesmo.

A Carreira profesional, a día de hoxe, sabemos que foi unha quimera que se montou a Xunta de Galicia para convencer ao persoal laboral para a súa funcionarización, porque senón non se explica a paralización.

Neste ano asistimos a sintura dun novo Acordo, agora chamado de "carreira administrativa" para burlar as sentenzas de aplicación sobre a carreira profesional. Pero nen sequera ese novo acordiño se pon en marcha e os miles de funcionarios/as desta Administración seguimos a esperar con cara de idiotas por un complemento que si teñen desenvolto os compañeiros do Sergas e de Xustiza.

E todo isto na situación de perda de poder adquisitivo enorme que estamos a sufrir as traballadoras e traballadores públicos dende hai anos, pero que se recrudece neste 2022 pola inflación galopante dos prezos.

Pero parece que agora mesmo esto non interesa, non interesa promocionar profesionalmente ao persoal e garantirlle dereitos salariais, interesa máis arranxar o do concurso de méritos, ou os enchufes das comisións de servizo e o concurso específico; ou mesmo cambiar de coches no parque móbil.

PODER ADQUISITIVO PERDIDO: PÓÑANSE AS PILAS NOS ORZAMENTOS.

 Os acordos de concertación social entre a Administración e os sindicatos estatais vinculaba por primeria vez os nosos soldos ao PIB nacional e non ao IPC como era costume.

Dende a CIG viamos un perigoso antecedente ao poñer en risco o equilibro entre suba de prezos e revalorización dos salarios, e iso que naqueles anos 2018/2019 no se vía vir a crise que estamos a padecer actualmente.

Así negociaronse incrementos fixos da orde do 2% cuns posibles complementos baseados nunhas variables (PIB, débeda pública) que xa non se van  dar.

Pero claro, o aumento dos prezos rolda todos os meses deste ano 2022 o 10%, e con seguridade pechará o ano por riba do 8%, e con iso ninguén contaba cando se pechou ese mal acordo.

En resumo, temos que ser quen de darlle a volta a este acordiño e por enriba da mesa subas de soldos para o ano 2023 que compensen polo menos en parte a perda tremenda de poder adquisitivo do persoal funcionario. Estamos a falar dunha suba que  como mínimo iguale a alza dos prezos.

Amais queremos que se desatasque a carreira profesional, verdadeiro timo deste goberno xunteiro que asina acordos que nin sequera é capaz de cumplir.

A Xunta aproba o Decreto de Mobilidade: Unha oportunidade perdida, vai seguir o enchufismo

 

A Xunta de Galicia publicou o luns 12 no DOG o Decreto que vai regular a mobilidade do persoal da Comunidade autónoa  e dos entes instrumentais. Trátase dun decreto marco que dá as pinceladas básicas para os concursos, e que terán unha concreción maior nas convocatorias propias. Decir que este Decreto fora supostamente negociado no ano 2019 , sen aceptar case nengunha achega sindical e agora tres anos máis tarde aprobado  case ás agachadas. Os puntos máis importantes refírense a : 

• CONCURSOS: Trata de alixeirar a carga de baremación; dividida en méritos necesarios (antigüidade, galego, traballo desenvolvido) e méritos optativos (carreira profesional, formación, titulación, reunificación familiar, áreas funcionais). A esixencia que fixemos da convocatoria regular queda nun pequeno brinde posibilista "procedementos abertos e permanentes" pero sen datas concretas. Seguen permitindo renunciar antes da toma de posesión se consigues outro posto (apalancamento coas Lds).

  As resolucións "deberán facerse no prazo de 6 meses", nada de obrigacións. Tal como foi o último concurso da administración xeral e con todos os corpos de especiais á espera, case sona a cachondeo 

• CONCURSO ESPECÍFICO: Nova modalidade e verdadeiro motivo deste Decreto; regula a provisión dos postos  de Concurso específio (CE) que xa veñen así definidos  nas Relacións de postos de traballo, que son basicamente os de xefatura de servizo, direccións de centros externos e habilitacións. . As OOSS non estarán presentes na Comisión de Valoración non sexa que lle destapemos os chanchullos. Cada cinco anos voltarase a valorar ao persoal para poder continuar ou cesar. A CIG segue a apostar polo concurso de méritos para todas estas prazas. Cabe destacar que hoxe en día todas estas prazas (son centos) están en comisión de servizos irregulares pois superan con creces os dous anos de mandato.

• LIBRE DESIGNACIÓN: Reservada para os postos de Subdireccións e vicesecretarías, así como para as secretarías de altos cargos e outros postos que así o determine. Non achega nengunha transparencia ao proceso de elección que segue a ser moi oscurantista.

• COMISIÓNS DE SERVIZOS: É neste eido onde se ve a verdadeira vocación da Administración (que o importante non cambie). Non se toca nada en absoluto, seguiremos tendo comisións eternas, pois valida a posibilidade de superar en varios casos  os dous anos como máximo de nomeamento nunha comisión. Dous anos que por experiencia sabemos que se superan amplamente en case todos os casos. Amáis non garante para nada a concesión pública, baremada e transparente.

• PERMUTAS: Regulaas pero só entre persoal funcionario de carreira, non queren saber nada das permutas entre persoal interino como fai Ensino. Con uns condicionantes  de cinco anos de servicios prestados que non compartimos.

• OUTROS: Regula tamán a ascrición provisional nouras AAPP, por motivos de saúde, traslados por violencia de xénero. Por último meten de calzador a estruturación das áreas funcionais.

Carreira profesional: a Xunta intenta resetear o acordo para non incluír a todo o persoal e non pagar o grao II

 

A Administración tráenos un acordo para “negociar” coma se fora algo novo e non existira unha orde de carreira anterior

A proposta de Función Pública constitúe unha fraude dirixida a evitar o cumprimento das sentenzas gañadas pola CIG e que supoñen que todas as persoas empregadas públicas, se cumpren os requisitos, deben ter dereito á carreira profesional.

Despois de que a Xunta perdese todas as demandas que levamos adiante e de que tanto o Tribunal Superior de Xustiza de Galiza como o Tribunal Supremo lle deixasen as cousas claras, nun exercicio de malabarismo quere facernos crer:

1. Que se “confundiran coa terminoloxía” e na vez de negociar daquelas un acordo para introducir unha “carreira administrativa”, fixeron un acordo sobre a carreira profesional, publicando varias veces a “confusión” no DOG. Pretenden, a ver si cola, que o acordo que fixeron con CCOO e UGT non existe e polo tanto non se derivan dereitos del.

Horario de verán 2022

 Horario oficial:

Do 16 de xuño ata o 15 de setembro deberán realizarse 6 horas diarias continuadas de traballo entre as 8:00 e as 15 horas. O cálculo do cumprimento da xornada laboral será en cómputo diario.

Horario flexibilidade automática:

Do 16 de xuño ata o 15 de setembro, deberán realizarse 6 horas diarias continuadas de traballo entre as 8:00 e as 15 horas. O cálculo do cumprimento da xornada laboral será en cómputo diario.

Ata o 30 de xuño será posible compensar débeda do mes de maio e ata o 31 de xullo débeda da primeira quincena do mes de xuño. O tramo horario de compensación será de 8:00 a 15:00 horas.

Horario flexibilidade conciliación:

Do 16 de xuño ao 15 de setembro, deberán realizarse 6 horas de traballo diarias na franxa horaria autorizada pola Secretaría Xeral Técnica na resolución de concesión de flexibilidade por conciliación. O Cálculo do cumprimento da xornada laboral, será en cómputo mensual.

Ata o 30 de xuño será posible compensar débeda do mes de maio e ata o 31 de xullo débeda da primeira quincena do mes de xuño.

Horario redución de xornada de traballo diaria:

A nova proposta de carreira na Xunta chega con rebaixas

 

Función Pública envía ás organizacións sindicais un borrador para unha nova carreira profesional. O texto é de traca: cambia de nome á carreira profesional por carreira administrativa, para así xustificar esta nova proposta na que modifica os tramos do sistema extraordinario de carreira coméndose o 2021 para os grupos C1, C2 e AP; segue a excluír a metade do persoal na Xunta; e perpetúa a diferencia salarial entre os grupos baixos e altos.

O que destacamos:

A Xunta celebra o Día Internacional dos Arquivos sen cumprir a súa propia lei

 

O pasado 9 de xuño celebrouse o Día internacional dos arquivos e en todo o mundo as institucións arquivísticas celébrano con “días de portas abertas”, conferencias, presentación de libros e multitude de actos de difusión.

Na Xunta de Galiza tamén se fan, como non podía ser de outro xeito, actividades especiais de divulgación sobre todo nos arquivos históricos.

Pero que pasa cos arquivos administrativos? Cos que gardan o patrimonio documental dos últimos 35 anos de Galiza e que coincide basicamente co patrimonio documental da Administración galega?

O parlamento galego aprobou en 2014 a Lei de arquivos e documentos de Galiza que incidía na posta en marcha da rede de arquivos administrativos da Xunta de Galiza e obrigaba a elaborar un Plan de Arquivos no prazo de un ano, plan que ía detectar as deficiencias e problemáticas do sistema e poñerlle remedio.

Está feito o Plan no 2022? NON.

Isto supón que:

Toma de posesión de corpos xerais: que non che enganen co posto

 

O luns 6 de xuño é o cese das persoas que obtiveron posto no concurso de traslados de corpos xerais convocado en novembro de 2019 (tardou dous anos e medio en finalizar). E as tomas de posesión destes compañeiros e compañeiras van a coincidir coa posesión definitiva de quenes estaban en destino provisional.

Como o concurso de traslados xa fora convocado con atraso puido participar quen obtivo destino no concurso anterior. Así que foi enorme a cantidade de compañeiros e compañeiras que decidiron participar e obtiveron destino. Non só ocupando postos vacantes, senón tamén os cambios producidos en resultas.

As prazas vacantes ofertadas no concurso foron as existentes a xuño do 2020 (hai que sumar as resultas, que non son vacantes). Estamos nuns anos dunha alta cantidade de xubilacións, e todas as posteriores vacantes producidas durante estes dous anos, xeran un número enorme de prazas non ofertadas que van utilizar para as comisións de servizos.

RPT da área de Cultura: aprobada en Comisión de Persoal

 Aprobada en Comisión de Persoal  a creación de prazas de persoal arqueólogo e arquitecto.

Na Comisión de Persoal  do pasado 24 de Maio aprobouse definitivamente esta reforma de RPT.

Por mor da firmeza da sentenza xudicial do TSXG gañada pola CIG, a Xunta veuse obrigada a modificar a RPT da consellería de Cultura, Educación, Formación Profesional e Universidades e crear as prazas como estruturais. Porén unicamente crean 14 prazas das 17 que había en Tragsatec, e iso que as de Tragsatec só estaban en Pontevedra e servizos centrais e agora van cubrir todo o territorio, repartindo nas direccións xerais e nas catro xefaturas territoriais.

Con todo, na CIG Autonómica consideramos claramente insuficiente porque unicamente crean 8 na escala de arquitectura e 6 na de arqueoloxía que van desenvolver as tarefas de inspección informe e autorización materia de patrimonio artístico, histórico, arqueolóxico, paleontolóxico, arquitectónico, etnolóxico, antropolóxico…para calquera obra ou actuación que supoña un impacto ou estea en solo ou condicións de protección.

Non van en correspondencia coas escalas

As prazas creadas non van en correspondencia coas escalas, situándoas nun nivel base de corpos xerais (N20), co que o nivel e o salario vai ser moito menor que os dos seus compañeiros e compañeiras de titulación na consellería e que non se corresponde coa responsabilidade dos postos que van exercer. Todo un disparate. En números globais esta contratación supón un aforro anual de máis de 30.000 euros en comparación ao custo da encomenda con TRAGSATEC. Se o aforro é tan evidente, por que teiman en crealas en postos base?”.

Publicada a OEP-2022 extraordinaria, chapuceira, sen garantías e sen a identificación das prazas.

 

Publicada no DOG do 30/05/22 a Oferta de Emprego  Público  (OEP) extraordinaria de estabilización, sen a  identificación das prazas e con falta de concreción dalgúns  aspectos fundamentais que quedarán para a súa decisión no  momento das convocatorias.

Oferta extraordinaria sen a identificación de prazas nin  concreción de aspectos básicos

A falta de identificación das prazas ofertadas fai  difícilverificar o cumprimento dos requisitos da Lei/2021 e comprobar si o número de prazas ofertadas coincide coas dos listados que facilitou Función Pública. E xa adiantamos que as contas de hoxe non coinciden coas listaxes que levou a negociar. Ata faltan entes enteiros que incluso saían nos primeiros listados e agora, onde foron?

Outra negociación chapuceira e sen garantías

O persoal funcionario de carreira tamén existe!!!!

Estes días estamos asistindo a unha verdadeira tormenta de actividade e tamén de despropósitos na Función Pública desta casa. Por un lado están os procesos de consolidación a través do concurso de méritos e concurso-oposición derivados da Lei de estabilización de emprego e por outro lado están a desenvolverse as funcionarizacións de todo o persoal laboral fixo.

Tamén, e por fin, está rematándose o concurso de traslados da Administración xeral e as tomas de posesión dos procesos en destino provisional mais seguimos a esperar pola promoción interna que a ver se está lista para setembro.

O caso é que ante maremagnum de actuacións, o persoal que aprobou no seu día unha oposición non podemos quedarnos atrás nas nosas reivindicacións.

Concurso xeral e destinos provisionais: o prazo de toma de posesión abrirase a partir do 6 de xuño

Non era sen tempo, na Comisión de Persoal do 24/05/22, o director xeral da Función Pública confirma que o día 6 de xuño será a data de comezo do prazo de cesamento e toma de posesión

Despois de convocarse en novembro de 2019, o concurso xeral máis longo e berlanguiano da historia da Administración Xeral da Xunta de Galiza parece que chega ao seu final en xuño de 2022. No punto de rogos e preguntas da Mesa Xeral do 20 de maio, falouse deste tema mais foi na Comisión de Persoal do 25 cando deu a data definitiva. O venres 27 publicarase no DOG a resolución de cesamentos e tomas de posesión e a partir do 6 de xuño abriranse os prazos (o 6 os cesamentos e a partir do 7 as tomas de posesión). Estas datas afectan non só ao persoal que obtivo posto no concurso xeral senón tamén a quen estaba en destino provisional tras superar un proceso selectivo previo.

A situación non deixa de ser vergoñenta e a xestión nefasta, xestión que non tivo consecuencias máis que para centos de persoas participantes e para as que estaban en destino provisional. Dous anos e medio para resolver un concurso. Esto era o que entendía o director xeral por "concurso permanente"? Esiximos responsabilidades ao máis alto nivel e un cambio de rumbo na xestión dos nosos dereitos e senón terannos en fronte.

A totalidade das informacións e demandas da CIG na Mesa Xeral do 20/05/22 foron as seguintes:

EGAP: convocatoria extraordinaria de actividades de formación continua

No DOG do 25/05/2022 a EGAP publica a RESOLUCIÓN do 24 de maio de 2022 pola que se convocan, con carácter extraordinario, actividades de formación continua para o persoal ao servizo da Administración xeral da Comunidade Autónoma de Galiza, das entidades públicas instrumentais do sector público autonómico e da Administración institucional.

Trátase dunha convocatoria extraordinaria de novas edicións dos cursos máis demandados da convocatoria ordinaria do primeiro semestre. O prazo de presentación de solicitudes abranguerá desde o día seguinte ao da publicación desta resolución no DOG ata o 3 de xuño de 2022. Coma sempre, un máximo de 5 solicitudes. Hai algúns cursos abertos tamén a persoal de Xustiza e Universidades.

Máis información na resolución da convocatoria.

A xustiza volve darlle a razón á CIG e anula outra comisión de servizo... no Concello da Coruña!!!

O alto tribunal entende que a praza debería terse incluído no concurso de méritos publicado un mes despois

Se no mes de abril era o Xulgado do Contencioso Administrativo nº4 o que anulaba tres comisións de servizo na área de Servizos Sociais por falta de transparencia nos criterios de avaliación, esta semana o TSXG emitiu sentenza pola que bota abaixo a resolución  do Concello da Coruña pola cal se nomea outra comisión, neste caso na Xefatura de Infraestruturas, ao entender que esta praza debería terse incluído na convocatoria do concurso ordinario de méritos para a súa cobertura mediante este procedemento.

Proposta de modificación da RPT de Cultura após das demandas da CIG

Función Pública remitiunos a proposta de modificación de RPT da Consellería de Cultura, Educación, FP e Universidade, que afecta basicamente a postos da Área de Cultura e en concreto da Dirección xeral de Patrimonio Cultural e areas de cultura das xefaturas territoriais.

Estamos a falar de postos de persoal arqueólogo e arquitecto; postos que son creados agora despois de que o aumento exponencial de emisión de informes fose solucionado ilegalmente coa contratación de persoal de Tragsatec a través de encomendas de xestión. A CIG denunciou xudicialmente esta trapallada e despois de catro anos, e tras a correspondente sentenza que nós dá a razón, a Administración recúa. Pero non todo está ben, pois:

É xusto que a promoción interna vaia despois de libre?

No DOG do 6 de maio de 2022 publícase a Resolución pola que se convocan para a elección de destino definitivo as persoas aspirantes que superaron os procesos selectivos para o ingreso... de distintas quendas dos corpos xerais, tanto de promoción interna como de libre.

Ao problema de non ofertar todas as vacantes que teñan pasado polo concurso se lle suma agora o de ofertar vacantes que non pasaron polo concurso, entre elas, vacantes con nivel, como xefaturas de sección ou negociados.

Para retorcer isto aínda máis e seguir creando problemas e agravios, Función Pública decide que a orde de elección de destino será a seguinte: A1 PI, A1 libre, A2 PI, A2 libre, C1 PI, C2 PI, C2 libre.

En definitiva, que sobre a natureza do proceso (libre-promoción interna), priman o subgrupo/corpo na elección de destino: e establecen unha orde onde as persoas aspirantes que aprobaron na promoción interna van antes que os de libre do seu mesmo corpo, pero van despois dos aspirantes de acceso libre dos corpos superiores a eles.

OEP extraordinaria 2022. Xuntanza 13/05/22

Continuamos as xuntanzas entre Función Pública e os sindicatos (CIG, CSIF, SEPGA, CCOO e UGT) para discutir os criterios e as bases da Oferta de Emprego Pública extraordinaria (OEP) do ano 2022, afectada pola Lei 20/21, de temporalidade.

O DXFP fai un repaso aos últimos cambios no documento de criterios da OEP (repite algunha das cuestións expostas na xuntanza anterior):

Vacacións e concursos de traslados

A ninguén se lle escapa que as tomas de posesión do concurso de traslados de corpos xerais anunciadas para finais de maio / principios de xuño van provocar inconvenientes na xestión dos cadros de vacacións dos centros. Iso por non falar de que pode chegar xente nova a desempeñar novas funcións cunha inminente ausencia de persoal para formalo. Na maioría de centros os cadros de vacacións fican sen facer debido a situación volátil das tomas de posesión.

Non está de máis recordar dúas cuestións: as vacacións son irrenunciables e a Administración ten obriga de formar ao seu persoal para os novos postos. Con relación ao primeiro, os cadros de vacacións deberán reordenarse (se estiver xa elaborados) coa nova realidade do novo persoal e tendo en conta a normativa vixente que establece unhas preferencias e criterios de desempate na selección das datas. Que non vola intenten colar con iso de que sodes as novas e de que "aquí xa eliximos todas, ti colle o que queda". Iso non é así.

A xustiza anula o nomeamento de tres comisións de servizos por falta de motivación... no Concello da Coruña

Determina que non houbo transparencia no proceso de selección ao descoñecéronse os criterios de valoración dos méritos.

O xulgado do contencioso administrativo nº4 da Coruña declarou non conforme a dereito a resolución pola que o Concello da Coruña cubriu tres postos de dirección en Servizos Sociais mediante o procedemento de comisión de servizo. A sentenza conclúe que na súa decisión o Goberno municipal non foi transparente e incluso entende que os criterios de valoración empregados foron elaborados para cada caso especificamente, sen que existiran baremos homoxéneos, cuantificábeis e computábeis.

Concurso de traslados de corpos xerais e elección de destino definitivo: remata o cachondeo coa data de toma de posesión?

Tralo cachondeo destes últimos meses sobre a apertura do prazo de toma de posesión e a falta logo de postos para ofertar nos actos de elección de destino definitivo, cremos que agora pode ir á vencida, máis con este director xeral nunca se sabe. Fala, xa non de meses, senón días concretos: 30/31 maio - 1 de xuño.

Estamos ante o concurso de traslados da Xunta de Galiza máis vergoñento da historia: convocado en novembro de 2019 e resolto en febreiro de 2022 cunha presunta toma de posesión a finais de maio deste mesmo ano. Vale que houbo unha pandemia polo medio pero a  Administración, alomenos a que non implicaba cuestións presenciais, seguiu funcionando dixitalmente... salvo o concurso de traslados.

E agora qué? Pois esta é a información que temos do propio director xeral. Porén, ben é certo que vai haber multitude de movementos en período prevacacional e as eivas que van causar nos servizos van ser considerables, unha eivas que se verían reducidas de implantar o concurso aberto permanente.

Concurso de traslados e destino definitivo de corpos xerais: non dan as contas

Función Pública quere que sexamos os sindicatos quen decidamos quen vai quedar damnificado pola súa incompetencia. E mentres tanto, o concurso para cando?

Recibimos un correo de Función Pública (mércores 27) cos números de prazas que queren ofertar para destino definitivo ao persoal de corpos xerais que está actualmente en destino provisional (tanto de promoción interna como de acceso libre). E as contas non dan para A1, así que bótanse a un lado e piden aos sindicatos que decidamos quen vai resultar prexudicado.

O problema de falta de prazas de A1

Función Pública envíanos os listados das prazas susceptíbeis de ser convocadas nos procesos de estabilización

De entrada percibimos erros e faltas, como os postos do Consorcio, Illas Atlánticas, Educación, etc. Aos listados provisionais engaden outros que poden excluír prazas dos primeiros.

A Xunta convocounos para este venres co fin de explicar este galimatías. Agardamos ter canto antes uns listados en condicións para presentar achegas.

Función Pública non autoriza a difusión e advirte que: “trátase de documentos de traballo que conteñen información de detalle sobre os servizos públicos autonómicos e os empregados públicos que prestan servicio neles, por esta razón, prégase destinar esta información exclusivamente aos fins de consulta e alegacións solicitados e evitar a súa difusión fóra dos canais que a Xunta de Galicia pon a disposición das organizacións sindicais para exercicio das súas funcións”.

ISTO É TAL CUAL O QUE ENVÍAN DENDE FUNCIÓN PÚBLICA

O concurso de corpos xerais e as tomas de posesión das persoas que están en provisional....para xuño?

Temos constancia a través de Función Pública de que a toma de posesión do concurso de corpos xerais vai ser para maio-xuño.

Isto indica que non parece que queiran cumprir coa palabra dada polo director xeral de Función Pública nas últimas reunións, de que na primeira semana de maio se publicaría a resolución e na primeira quincena sería a toma de posesión.

Intuímos que se a resposta é “maio-xuño”, a idea que teñen é que se prolongue ata aí, e desmintiría así o ruxe-ruxe que está a circular que fala de setembro. E xunto con esta toma de posesión ten que haber simultaneamente a das persoas que están en provisional despois dos procesos selectivos de promoción interna e libre anteriores.

 

A CIG convoca mobilizacións en cidades e vilas este Primeiro de Maio

A CIG convoca 16 manifestacións para conmemorar o Primeiro de Maio, Día Internacional da Clase Traballadora, baixo o lema “Contra a pobreza, políticas públicas e salarios dignos”. A central sindical acompaña esta reivindicación cun paquete de propostas para facer fronte ao descontrolado incremento de prezos dos produtos básicos.

 MANIFESTACIÓNS

A Coruña: 12h desde a Praza de Vigo

Cee: 12h na Praza Concha Blanco.

Compostela: 12h desde a Praza Roxa

Ribeira: 12h desde a Praza do Peixe

Ferrol: 12h desde o local da CIG (Avda. de Esteiro)

Función Pública comeza os traballos para a OEP de 2022 sen buscar a participación e o consenso

A lei da temporalidade obriga a ter publicada a oferta de emprego público de estabilización antes do 1 de xuño deste ano. A Xunta vai con atraso e presenta uns criterios para elaborar a oferta sen listaxes de vacantes nin descrición da súa situación

Apenas quedan dous meses e Función Publica convocounos o venres 8 de abril unha reunión informativa sobre un BORRADOR DE CRITERIOS COMÚNS PARA A APLICACIÓN DO PROCESO DE ESTABILIZACIÓN DERIVADO DA LEI 20/2021, DE 28 DE DECEMBRO, DE MEDIDAS URXENTES PARA A REDUCIÓN DA TEMPORALIDADE NO EMPREGO PÚBLICO (descargar), que ven sendo a súa adaptación da resolución da Secretaria do Estado dun conxunto de recomendacións para a aplicación da lei. Temos ata o día 21 de abril para enviar alegacións. 

ANUNCIO COMISIÓN DE SERVIZOS PARA PRESIDENTE

Visto que non se poñen de acordo, que se congreso, que se dedazo con forma de congreso, que Puy, que Rueda, que se a avoa fuma... a CIG San Caetano quere contribuír á estabilidade do noso País anunciando unha comisión de servizos para cubrir a praza que deixa (ademáis da que ten en Facenda) o noso Alberto.

Non confundir esta comisión cos centos delas que van saír cando se resolva a toma de pose do concurso, agardamos tela resolta antes diso.

Campaña Renda 2021 para a afiliación da CIG

Comezou a campaña da renda 2021, e desde xa podes solicitar cita para facela na CIG no seguinte enderezo: https://oficina.cig.gal/renda.

As rendas elaboraranse preferiblemente por teléfono. No caso de que non dispoñas dos medios ou coñecementos necesarios, podes solicitar cita chamando á centraliña da CIG de  Compostela  (981583200)  onde, logo  de darche a  posibilidade de  dirixirte  a  túa  federación; atenderase a chamada por parte do persoal administrativo.

As cotas sindicais aboadas durante todo ano 2021 ascende a cantidade de 145,20€, da que non necesitas  certificación para metelas  na  declaración da renda,  no apartado correspondente. En caso de que non pagaras todo o ano, ou estiveras no colectivo de xubilados, parados, ingresos reducidos ou necesitar unha certificación ponte en contacto co telefono indicado anteriormente.

As encomendas da Consellería de Cultura a TRAGSATEC xa son ilegais

    

O TSXG vén de confirmar a firmeza da sentenza gañada pola CIG

A CIG foi sempre moi combativa coa externalización do traballo público, e así levamos tempo loitando. Incluso coa externalización semipública a sociedadades como TRAGSA ou TRAGSATEC a través das encomendas de xestión, onde as propias sociedades públicas contratantes non tiñan nen capacidade técnica nen persoal para desenvolver tarefas propias das empregadas e empregados públicos.

Así o pasado mes de xaneiro, fíxose xustiza e a sala do contencioso do TSXG declarou ilegais as encomendas que a Consellería de Cultura estaba a facer con TRAGSATEC para elaborar os informes arqueolóxicos de obras e intervencións na contorna dos camiños de Santiago e bens protexidos.

A sentenza, demoledora no seu fundamento, fixo por de cor ao conselleiro e á responsable de Patrimonio Cultural que saíron sinalados como verdadeiros artífices desta desfeita.

O TRIBUNAL SUPREMO DALLE A RAZÓN A CIG: inadmitido o recurso da Xunta pola carreira profesional

 

O Tribunal Supremo lémbralle á Xunta que non hai nada que casar porque a xurisprudencia é clara: a carreira profesional ten que ser para todo o persoal

A sentenza gañada pola CIG contra a orde que regula o grao I do sistema extraordinario da carreira profesional xa é firme ao inadmitir o Tribunal Supremo o recurso da Xunta e por tanto se confirma a obriga que a sentenza gañada no TSXG establece para a Xunta de “reconocer el derecho de estos colectivos a participar en el procedimiento de reconocimiento del grado I de carrera profesional, y condenar a la Administración a estar y pasar por tal declaración.” 

Fundaméntase a providencia na “carencia no recurso de interese casacional obxectivo para a formación de xurisprudencia.” E isto é así porque o Tribunal Supremo xa se pronunciou en innumerábeis ocasións no sentido de que a carreira profesional ten que ser universal.

A Xunta ten agora dous meses para executar a sentenza e incluír a todo o persoal que cumpra os requisitos (sexa funcionario de carreira ou persoal interino ou laboral) no ámbito subxectivo do primeiro grao extraordinario.

Aínda que algunhas compañeiras e compañeiros xa o comezachedes a cobrar (incluídos os atrasos) porque as sentenzas individuais foron mais adiantadas, este pronunciamento o fai xa con carácter xeral para quen cumpra os requisitos que xa se estableceran para o persoal funcionario de carreira.

Coas sentenzas gañadas na man, na CIG estamos dispostas/os para negociar con Función Pública as modificacións necesarias para dar este dereito a quen ata o de agora se lle negou.

E non esquecemos tampouco que a Xunta suspendeu unilateralmente o dereito ao cobro do grao II, polo que non imos admitir que se negocie unha cousa sen poñer en marcha a outra.

Que se poñan a traballar e se senten a negociar sen esgotar o prazo que nos obrigue a solicitar a execución de sentenza.

O bluff dos procesos selectivos da Xunta de Galicia

Leva ás mesas de negociación procesos que poden ter os condicionantes da lei de temporalidade, asigna conscientemente prazas erróneas aos distintos sistemas selectivos, e ademais pasa olimpicamente da promoción interna convocándoa sen fase de concurso como se fose unha oposición libre.

Na Comisión de Persoal do 30 de marzo a Xunta aprobou varios procesos selectivos polo sistema de oposición pola quenda de libre das ofertas de emprego de 2019, 2020 e 2021.

Na CIG advertimos que hai prazas das ofertas anteriores que hoxe poderían estar afectadas pola lei de temporalidade e que todas estas convocatorias poden rematar xudicializadas porque hai intereses encontrados e incluso é posible que dentro duns anos aparezan sentenzas de nulidade de ditos procesos, o cal vai ser un problema moi grave.

Un erro de principio

Dende a CIG temos sinalado que ata que non se aporten os datos de todos os postos vacantes indicando as condicións de ocupación non se pode determinar que tipo de sistema de acceso se escolle segundo o que establecen as leis. Nestes momentos coa entrada en vigor da lei de temporalidade que pode afectar a ofertas de emprego anteriores, non se pode avanzar en convocar procesos selectivos sen ver como queda o cadro final.

Función Pública envía unha listaxe de prazas chea de erros nas datas de ocupación

Concursos, oposicións, RPTs e máis asuntos en xuntanzas do mércores 30/03/22

 

Discutimos o concurso de traslados de estatística (en rogos e preguntas falamos dos demáis), aprobáronse 9 convocatorias de procesos selectivos e unha modificación da RPT de Amtega. Tamén se falou doutras RPTs e doutras cuestións que poden ser do teu interese.

O mércores 30 de marzo asistimos a tres xuntanzas convocadas polo director xeral de Función Pública. Foron: a Comisión de Persoal (CP), a Mesa Xeral de negociación de empregados públicos (MX) que abandonamos, e a Mesa Sectorial de Funcionarios (MSF). Engadimos algunha cousa tratada na MSF que tivemos o venres 25.

CONCURSO DE TRASLADOS DE ESTATÍSTICA

Tratouse na Mesa Sectorial de Funcionarios. É un concurso pequeno que afecta a poucos postos. Para a CIG:

Como tería a Xunta que identificar as prazas de estabilización para a oferta?

 

A lei 20/2021 de temporalidade outorga as administracións públicas unha taxa adicional para a estabilización de prazas. Cantas prazas e en que quendas teñen que saír a estabilizar na OEP da Xunta e o quid da cuestión, máis polo de agora Función Pública non avanzou nin sequera unha listaxe provisional e o tempo estáselle a botar enriba. Non aceptamos chapuzadas con números globais e, se non o fan ben, o conflito esta servido.

Sería posible a promoción interna mediante concurso?

 

A Administración tráenos borradores de procesos selectivos de acceso libre polo sistema de oposición. E sabido que a CIG sempre promoveu como sistema de acceso o concurso-oposición. Por outra banda, a nova normativa estatal sobre a temporalidade contempla agora o sistema de concurso de méritos como sistema de acceso en determinados casos.

Pois ben, nós que sempre tratamos de defender un modelo onde se conxugue o esforzo das persoas opositoras coa valoración do tempo traballado, poderíamos estudar e valorar que haxa unha oferta de prazas libre, é dicir, só por oposición para que a xente nova, os opositores e opositoras que están a estudar poidan ter opción de acceder á Administración Pública.

O feminismo galego convoca concentracións en repulsa á violencia machista

A CIG chama a participar nas mobilizacións que se farán en cidades e vilas este martes, 22 de marzo

A CIG fai un chamamento a participar nas mobilizacións convocadas polo feminismo galego para este martes, 22 de marzo, en varias localidades do país, en repulsa ao feminicidio de Jessica Méndez, de 29 anos, asasinada en Barro polo seu veciño, que a acosaba incesantemente.

Desde a Confederación Intersindical Galega unímonos ao rexeitamento da violencia machista e facemos un chamamento á mobilización de toda a sociedade galega contra este asasinato, que non computará nas cifras oficiais por non existir unha relación sentimental entre Jessica e o seu asasino. Que o silencio non nos faga cómplices. Ningunha agresión pode quedar sen resposta.

Lugares e horas das concentracións xa confirmadas:

Reunión con Función Pública sobre a lei da temporalidade e a reforma laboral

O día 10/03/2022 tivemos unha reunión “informal” á que nos convocou Función Pública para falar sobre o Real Decreto-lei 32/2021, de 28 de decembro, de medidas urxentes para a reforma laboral e sobre a Lei 20/2021, de 28 de decembro, de medidas urxentes para a redución da temporalidade.

Hai que dicir que finalmente nada nos trasladou en relación á reforma laboral e o que fixeron foi básicamente informar a grandes trazos sobre a lei de temporalidade.

Despois de facernos un resumo da lei 20/2021, destaca o director xeral que a data tope que van tomar para determinar o  cómputo das  prazas afectadas polos procesos de estabilización (concurso-oposición e concurso de méritos)  vai ser o 30 de decembro de 2021, data da  entrada en vigor da lei. Entendemos que o que van facer é ter unha foto fixa a esa data das prazas existentes que cumpran cos requisitos.

A CIG convoca mobilizacións polo 8M, Día Internacional das Mulleres Traballadoras

Chega o 8 de marzo, o Día Internacional das Mulleres Traballadoras no que facemos visíbeis as loitas pola igualdade e a non discriminación que levamos pelexando durante tódolos días do ano.

Nesta xornada de loita polos dereitos das mulleres traballadoras chamamos a todo o persoal da Administración Pública galega a que secunde, na medida das súas posibilidades, as mobilizacións que a Secretaría da Muller da CIG convoca neste día baixo a reivindicación da fin da desigualdade e contra os gobernos que teñen a responsabilidade de garantir os nosos dereitos.

Estamos a rematar o ciclo dunha pandemia que evidenciou de xeito claro a importancia que tiveron os sectores dedicados aos coidados, e o dobre custo que tivo para as mulleres por seren maioritariamente feminizados os sectores esenciais e por teren que asumir os traballos de coidados nas súas casas (dobre xornada).

Toma de posesión do concurso xeral: abril?

Na última Comisión Persoal, de 2 de marzo, preguntamos ao director xeral da Función Pública polo ruxe-ruxe que circula de que a toma de posesión do concurso sería en setembro, tendo en conta que nas súas últimas palabras falaba de marzo ou abril. Este indicou literalmente que será en "en marzo ou máis ben en abril, e que en ningún caso valoran que poida ser en setembro".

Di que xa remitiron as consellerías todos os postos susceptibles na elección de destino definitivo de quen están agora en destino provisional (nomea tanto promoción interna como A1, A2, C2 e AP de acceso libre). As dúas tomas de posesión (concurso e elección de destino definitivo) serían coordinadas.

Unha vez tomada posesión os/as de concurso e os/as de destino provisional, irán posteriormente os/as que están agora en execución (que contan que vaian rematando neste semestre).

Resumo das xuntanzas dos días 28/2 e 1 e 2 de marzo con Función Pública

O luns, martes e mércores de entroido tivemos xuntanzas con Función Pública por dúas RPTs e falamos de asuntos como as tomas de posesión de corpos xerais (concurso e procesos selectivos), a aplicación da lei da temporalidade, situación das RPTs (o que incide no concurso especial), a carreira profesional e funcionarización.

Retribucións Persoal Xunta 2022

Tras repartir o folleto das retribución 2022 polos centros físicos, deixamos aquí a versión dixital para a súa consulta. Aproveitamos para informar mais non sen reivindicar a recuperación da perda do poder adquisitivo e as 35 horas semanais.

Unhas retribucións para 2022 que contemplan unha suba do 2% que xa se comeu a suba interanual actual do 7% do IPC (e o que virá) por se xa non era pouca a perda de poder adquisitivo acumulado desde 2010. Recordamos que seguimos coas pagas extras recortadas (entre outros dereitos) que suma un 5% de recorte adicional. E pasou a crise financeira e así seguimos. Temos que poñer de actualidade aquel mítico lema da CIG de "as pagas extras querémolas completas!".

Descargar folleto

Entroido 2022: modificación da xornada dos días 1 e 2 de marzo

A Dirección Xeral de Función Pública fixo público un aviso sobre a modificación da xornada de traballo dos días 1 e 2 de marzo de 2022 pola celebración das festas do Entroido. A modificación ten os seguintes termos:

Horario oficial: a hora de saída do martes 1 será ás 14:00 horas e a de entrada o mércores 2 será ás 9:00 horas.

Horario de flexibilidade automática: a hora de saída o martes 1 será ás 14:00 horas, quedando reducida en 30 minutos a parte fixa e en 45 minutos a parte flexible do horario. A hora de entrada o mércores 2 será ás 9:00 horas, quedando reducida nunha hora e quince minutos a parte flexible do horario.

Horario de flexibilidade por conciliación: a hora de saída o martes 1 e o de entrada o mércores 2 queda reducida nunha hora e quince minutos dentro da franxa horaria autorizada.

Carreira profesional: interésanche as disputas sindicais?.....a nós tampouco

Sabemos que moitas persoas están fartas de ver “guerras” entre as organizacións sindicais, neste caso sobre o asunto da carreira profesional. Pero tamén queremos que comprendas que si se difunden bulos ou mentiras, dende a CIG non podemos calar porque iso sería outorgar ante a desinformación e transmisión de bulos.

A algunhas persoas ás veces isto as leva a pensar iso de “todos os sindicatos son iguais”. Pois non, non somos iguais. E agora CSIF que estivo agochado co asunto da carreira profesional asoma a cabeza para dicir que CCOO e UGT mal pero que a CIG tamén. Así que vamos a aclarar unhas cantas cuestións nas que faltan á verdade.