TELETRABALLO COVID: UN REINO DE TAIFAS

 A cousa COVID non pinta nada ben...e a Xunta toma medidas cara a galería sobre todo.

Como xa sabemos dende hai moitos meses a mellor seguranza nos centros de traballo é non estar amoreados, non vir en buses cheos e non sobrepasar unha presencialidade de mínimos.

Menos cartaz e máis teletraballo

Así (tras meses de espera) xa o entendeu a consellería de Cultura e Educación que o pasado día 19 xa aprobou un teletraballo Covid por quenda en grupos burbulla.Despois a cousa complicouse e esta semana tivemos novas restriccións e mesmo unha intervención do presidente da Xunta chamando a aplicación intensiva do teletraballo, mesmo facendo alusión a Adminsitración Pública.E nesto, todos (e sobre todo os departamentos de persoal) estivemos a esperar unha instrucción de Función Pública para ver como se artellaba o tema, no tocante a quendas, ratios,  xustificacións, etc..

Pero xa se sabe, Función Pública nen está nen se lle espera (concurso dixit), e aqui comezou o reino de taifas Galicyan Style, e así:

- Unhas consellerías adoptaron plenamente a instrucción de Cultura (burbullas ao 50%).

Cada un fai o que lle peta

- Outras entenderon a magnitude do problema e foron  máis alá, dando un teletraballo xeral e mantendo uns  servizos mínimos imprescindibles (presencialidade dun  10%).

- E outras como Sanidade (si, si, Sanidade) non fixeron  NADA,  e ata este momento manteñen ao 100% do  persoal adminsitrativo atado ao banco de traballo. Vamos  unha verdadeira cafrada nestes momentos.

A CIG levou á Xunta de Persoal a queixa, e de ahí sairon escritos de denuncia cara o noso presidente, o conselleiro de Facenda e todas as secretarías xerais. Espero que reacciónen os que teñen que xestionar...

Tamén compre decir que os grupos burbulla ao 50% poderían estar ben ahi unhas semanas pero agora movémonos nun contexto diferente onde hai que evitar ao máximo posible a presencialidade. O 50% xa é unha medida ordinaria aprobada para o teletraballo ordinario (que comeza a aplicarse nuns días) pero agora falamos de teletraballo COVID, situación extraordinaria esixe medidas extraordinarias, e iso sería manter un 10% de presencialiade.

Estamos a falar de medidas condicionadas no tempo e que poden e deben ser revisadas cada 15 días, así xa o presidente falou do horizonte do 17 de Febreiro.

Dirixímonos logo a todas as persosas que ocupan as secretarias xerais técnicas para que tomen conciencia deste problema e implementen urxentemente un teletraballo COVID que sexa similar en todos os departamentos e que manteña a mínima presencialidade posible

OS BUSES DA XUNTA: OU COMO SER UN COELLO DE INDIAS PARA SANIDADE

Segue día a día a vergoña de ver por un lado decenas de restriccións pola situación da pandemia no país, e polo outro ver chegar os buses da Xunta a Servizos Centrais repletos a máis non poder de persoal que ven de viaxar ata hora e media nun entorno sen ventilación onde a distancia e de ombreiro a ombreiro.

Amáis xa está recoñecida a infección por aerosois que fai moito máis perigoso os sitios pechados con acumulación de xente, que é xusto o que acontece nun medio de transporte.

A baixada de pantalóns cara aos servizos de transporte no DOG do pasado luns fai ver que interesa máis a saúde da conta bancaria de Raúl López que a saúde dos centos de traballadores que circulan cada día nos seus buses (e noutros).

E que fácil sería solucionar o problema, xa non pedimos que dupliquen buses, que ven o poderían facer, senón que fomenten o teletraballo dunha santa vez, co que se reduciría polo menos á metade a cantidade de xente viaxando e iso redundaría enormemente na saubridade da viaxe.

Pero como  temos xestores que seguen anclados na Adminsistración de 1980 e queren ternos a todas/os aquí xuntiños, da implementación do  teletraballo COVID nada de nada.

Polo de pronto xa hai sospeitas de contaxio nalgunha liña de bus, e a cousa non vai mellorar.

A nivel legal queda claro que a mesma Xunta está a incumplir a súa lexislación, pois o persoal público non ten reserva de asento, simplemente un dereito de uso a través dun bono, por eso denominamos a este servizo o infectódromo legalizado.

O que  propoñemos dende a CIG de SSCC e que todos os conselleiros/as e secretarios xerais a semana que ven viaxen , non no seu estupendo coche oficial, senón nos buses cos seus traballadores. Así terían conciencia do problema e igual o tentaban solucionar. Eso si sería dar exemplo............ pero esto non é Suecia.

A conselleira de Política Social pasa da problemática do seu persoal e céntrase en louvar a Fundación Amancio Ortega

A conselleira de Política Social fixo hoxe caso omiso das advertencias a respecto da problemática laboral que repercute negativamente na calidade asistencial dos centros da súa competencia, entre eles os de maiores e os de menores. A comparecencia de Fabiola García produciuse a petición dos grupos parlamentarios da oposición, aos que o sector de Autonómica da CIG-Administración lles trasladou a situación real dos cadros de persoal e da atención aos usuarios/as.

Cada vez menos persoal quere traballar en Política Social polas precarias condicións laborais

A CIG quere denunciar a situación que están a sufrir os/as traballadores/as da Consellería de Política Social na Xunta de Galiza, situación que incide directamente no deterioro evidente dos servizo públicos de benestar.

Dende o ano 2012, a Xunta de Galiza do Partido Popular de Feijoo o único ao que se adicou, con respecto ao persoal ao seu servizo, foi a eliminación dos dereitos de traballadoras e traballadores.

Esta situación, que se resume na eliminación de cuestións básicas para o persoal como é o librar dous días seguidos á semana, librar fins de semanas alternos, compensar con descanso o traballo en festivos e domingos, conciliar a vida laboral e familiar (por sistema a Consellería de Política Social denega todas as conciliacións que se solicitan), etc.... resúmese en que cada vez menos persoal de asistencia directa (ATS/DUE, Aux. Clínica) queira traballar na consellería e se vaian a traballar ao SERGAS, con mellores condicións, tanto económicas como laborais.

O director da Función Pública: "improductivo, anodino e con moi pouca vergoña"

Así titula O Voceiro de maio a súa editorial adicada ao director xeral da Función Pública, responsable de boa parte dos problemas do persoal público da Xunta de Galiza que os trata sen interese, sen presa e de xeito anodino. Moito falar de productividade pero logo pouco aplicarse o conto, moita mentira tamén e pouca vergoña. Descargar O Voceiro.

Neste número tamén abordan os seguintes temas:

Reunión do Comité Intercentros coa Consellaría de Politica Social

O día 28 de febreiro e logo de varias solicitudes, representantes do Comité Intercentros mantiveron unha xuntanza coa Secretaría Xeral Técnica da Consellaría de Política Social na que se lle expuxeron as seguintes cuestións: carteleiras de traballo, problemas nos centros con traballadores/as non aptos, discriminación persoal a quendas, descanso domingos e festivos, conciliación familiar,  descontos por IT, entre outras.

ASINA: Pola rehabilitación da Escola Infantil Santa Susana (Santiago de Compostela)

O Comitè de Polìtica Social de A CORUÑA, xunto a nais e pais e persoal da Escola Infantil de SANTA SUSANA en COMPOSTELA, estamos a loitar porque 80 prazas de educaciòn infantil non marchen polo desague...como xa pasou noutros tristes casos.

Necesitamos a tua sinatura.

https://www.change.org/p/alberto-nu%C3%B1ez-feijoo-presidente-da-xunta-de-galicia-pola-rehabilitaci%C3%B3n-da-escola-infantil-santa-susana-santiago-de-compostela?recruiter=17978672&utm_source=share_petition&utm_medium=email&utm_campaign=share_email_responsiveAlberto 

O Voceiro - Nadal 2016: Rey Varela inensible, cruel e irresponsable

Xa está dispoñible para descarga o número de Nadal de 2016 do Voceiro, o boletín informativo da sección sindical da Consellaría de Traballo e Benestar da Coruña.

Neste número:

• Rey Varela: insensible, cruel e irresponsable

• Mobilizacións e convocatorias, cambios no comité, residencia de maiores de Caranza,  CAPD A Coruña

• Cobertura cero do persoal laboral de atención directa de Política Social durante as festas do Nadal

• Humor: Feijóo "Feliz Navidad! Viva el vino!"

A Xunta de Galiza crea unha nova categoría na administración pública: “chico/a para todo”

Dende a CIG-Autonómica exixen que se inclúan nas categorías existentes no V Convenio

“A Xunta de Galicia leva 8 anos incumprindo o convenio colectivo para o persoal laboral da Administración galega e negándose reiteradamente a convocar a mesa de funcións para definir as mesmas en todas as categorías, tal e como recolle o convenio, e agora pretenden eliminar todas as funcións de dito persoal para crear categorías que fagan de todo”.

A CIG presenta conflito colectivo para reclamar os días 24 e 31 de decembro do persoal laboral de Política Social

A Resolución do 24 de febreiro de 2016 da Dirección Xeral da Función Pública, pola que se ditan instrucións sobre o réxime de vacacións, permisos e licenzas (DOG n.º 44, do 4 de marzo 2016), establece na súa instrución 14.4 o dereito a dous días adicionais de asuntos particulares cando  os días 24 e 31 de decembro coincidan en sábado ou domingo.

A Consellería de Política Social interpreta a súa maneira esta resolución e denega ao persoal dos seus centros os dous días adicionais de asuntos particulares que se conceden ao resto do persoal da Xunta de Galiza. Así, a Subdirección Xeral de Persoal da Consellería de Política Social enviou, a través das xefaturas territoriais, a seguinte nota de rexime interior:

24 e 31 de decembro: Política Social na súa liña de roubarlle ao seu persoal

O SUBDIRECTOR XERAL DE PERSOAL, EDUARDO MATO, ENVIOU AOS CENTROS DE TRABALLO DE POLITICA SOCIAL UNHA INSTRUCCIÓN QUE SEGUINDO NA SUA LIÑA, ROUBA DESCARADAMENTE OS DOUS DIAS A MAIORES QUE ESTABLECE O ACORDO DE PERMISOS, LICENZAS E VACACIÓNS PUBLICADO NO DOG.

Informe sobre o abandono e precariedade nos centros de atención directa da Consellaría de Política social

Membros do Comité de Empresa de Política Social da Coruña, acompañados de Suso Seixo (Secretario Xeral da CIG), de  José Vázquez González (Secretario Nacional Sector Autonómica FSP-UGT Galicia) e membros doutros órganos de representación, en apoio, presentaron hoxe no rexistro xeral da Xunta de Galicia o INFORME SOBRE SITUACIÓN DOS CENTROS DE ATENCIÓN DIRECTA (Residencias de Maiores, Centros de Menores e CPAD da Coruña), de POLÍTICA SOCIAL NA PROVINCIA DA CORUÑA.

Descargar informe

Presentan un informe que detalla o "abandono e deterioro" nos centros de atención directa de Política Social

O Comité de Empresa de Política Social da Coruña, CONVOCA ROLDA DE PRENSA, para presentar maña mércores 11 de maio de 2016 o INFORME SOBRE SITUACIÓN DOS CENTROS DE ATENCIÓN DIRECTA (Residencias de Maiores, Centros de Menores e CPAD da Coruña), DE POLÍTICA SOCIAL NA PROVINCIA DA CORUÑA.

A situación de deterioro e abandono destes centros ten chegado a unha situación alarmante e os recortes e non cobertura de postos de traballo amenazan a calidade das prestacións e o mantemento dos servizos básicos a prestar aos usuarios. Hai que ter en conta que durante os dous mandatos de Nuñez Feijoo non se abriu nengunha residencia de maiores, nengún centro de menores nin nengunha escola infantil. Nestes anos de goberno do PP, todo foron privatizacións e recortes para os orzamentos dos centros de atención directa.

A CIG denuncia escaseza de persoal e material na Residencia de Maiores de Volta do Castro de Santiago de Compostela

A CIG diríxelle un escrito ao conselleiro para denunciar a escasez de persoal e material na Residencia de maiores Volta do Castro, recordándolle os seus compromisos parlamentarios.

A sección sindical da CIG de Política Social da Coruña, pon no seu coñecemento os seguintes feitos que consideramos moi graves e que están a dificultar a calidade dos servizos prestados a 150 residentes de Residencia de Maiores Volta do Castro:

Terceira reunión das cartelerias do persoal da Consellaría de Política Social da Coruña

Terceira reunión coa xefatura territorial para coñecer os criterios das carteleiras de 2016, o comité de empresa demanda que se cumpra o artigo 18.6 do convenio e ter unha negociación por unhas quendas de traballo xustas e equilibradas.

NOVA REUNIÓN: luns, 28 decembro 2015, a Xefatura Territorial tendo en conta a petición formulada polo Comité de Empresa respostou por escrito ás alegacións ás propostas de carteleiras de traballo de 2016, e nesta reunión tratase de valorar a contestación da Xefatura Territorial.

17D: A marcha das velas do Parlamento á porta santa

Pola recuperación dos dereitos ao descanso e a conciliación da vida familiar do persoal de atención directa de política social. Mais de 300 persoas participaron con velas nun recorrido reivindicativo e emotivo.

O xoves, 17 de decembro, celebrouse en Compostela, en xornada de tarde, a MARCHA DAS VELAS POLA DEFENSA DOS DEREITROS DO PERSOAL LABORAL DE POLITICA SOCIAL. O motivo de dita MANIFESTACIÓN  é demandar da Consellería de Política Social, anteriormente de Traballo e Benestar, a defensa dos servizos sociais, contra os recortes en atención directa e contra as privatizacións. Denunciando as especiais condicións de traballo do persoal dos centros dependentes deste departamento da Xunta de Galicia. Negándose en todo momento o dereito de negociación e impoñendose carteleiras de traballo abusivas e machacadoras, sen posibilidade de conciliar a vida laboral e familiar.

Derrogación da lei de medidas: terceiro asalto, xoves, 17 de decembro

Quen algo quere, algo lle custa

Dentro do calendario de mobilizacións emprendido desde os comités da Consellaría de Política Social, o vindeiro xoves, 17 de decembro terá lugar a 3ª data da manifa que partirá do Parlamento de Galiza ás 17:00h e rematará na Praza da Quintana. Desta volta, como novidade a manifestación discorrerá con velas.

Cómpre recordar que o proxecto de Lei de Orzamentos 2016 mantén prorragadas boa parte da Lei de medidas de 2012 entre as que se atopa a suspensión do artigo 19 do convenio colectivo (dereito a descansos en domingos e festivos) que empeora a prestación dos servizos públicos. Outras como a de "pagar por enfermar" xa forons convetidas en permanentes a través da Lei de emprego público. Pero a recuperación económica non era sólida!? Pois non o é a recuperación dos servizos públicos.

Política Social segue pasando polo arco do triunfo as sentenzas do TSXG

Reunirse coa representación do persoal non equivale a negociar.

O Comité de Empresa de Política Social da Coruña con data 25 de Novembro de 2015 trasladaba un escrito á Xefatura Territorial é á Secretaría Xeral Técnica co fin de proceder a unha negociación real das quendas de traballo e os seus criterios. Recordamos que este comité ten gañadas tres sentenzas ante o TSXG por incumprimento da Xunta da súa obriga de negociar as carteleiras, a última de outubro deste ano.

Pois ben, recibiron ao comité de empresa o 1 de decembro (o que fan 3 sentenzas do TSXG...). As persoas representantes da consellaría din o seguinte:

A manifestación pola derrogación da lei de medidas e polo concurso de traslados percorre Compostela

Pasadas as 10:30 horas, saía de diante do Parlamento de Galiza a manifestación do persoal laboral da Xunta a que tamén se lle uniu persoal funcionario en apoio. A demanda principal foi a recuperación dos numerosos dereitos laborais, salariais e sociais –recollidos no V Convenio Colectivo- sustraídos polo goberno do PP nestes últimos anos, so pretexto da crise. A marcha finalizaba diante do edificio administrativo de San Caetano.

Ver galería de fotos

En primeiro lugar, reclamouse a derrogación  da Lei 1/2012 de medidas do emprego público pola que se suspenderon os artigos 19; o 29 de dereito a comedor; o 34.2 e a disposición adicional terceira, referida ao fondo de acción social. Unha lei que aínda sigue en vigor, cando non os seus artigos incorporados á actual Lei de emprego público como o de pagar por enfermar.

Manifestación: POLA RECUPERACIÓN DOS DEREITOS DO V CONVENIO

Xoves, 26 de novembro.

Saíra ás 10:30 dende o Parlamento de Galiza con chegada a San Caetano.

Convoca Comité Intercentros.

POLA DERROGACIÓN DA LEI DE MEDIDAS.

PARTICIPA!