martes, 30 de xaneiro de 2018

A Xunta represalía ao seu persoal de Xustiza suspendéndolle as vacacións e días de asuntos propios xa concedidos

Xa está presentada denuncia no Xulgado de garda contra a medida


Esta mesma mañá, a Dirección Xeral de Xustiza emitía unha instrución revogando os días de asuntos propios e vacacións xa concedidas para o mes de febreiro, ao tempo que informaba de que non se concederá ningún permiso durante ese mes. A decisión da Consellaría prodúcese tras a exitosa xornada de folga do pasado xoves, secundada por máis do 90% do persoal da administración de xustiza, e diante da perspectiva dunha folga indefinida a partir do día 7.

A Xunta defende prescindir de limpadores e subalternos para "solucionar o transporte en Galicia"

Esa é a resposta oficial da Consellaría de Infraestruturas e Vivenda á nosa denuncia sobre a nova subdirección de tan só 4 postos que pretenden crear en RPT e pola que lle preguntou Galicia Confidencial.

Na nosa denuncia inicial (que tamén recolleu o mesmo medio) criticábamos a inversión xeneralizada da pirámide dos recursos humanos na Xunta de Galiza e a falta de racionalización nas estruturas que logo compensan con recortes nas RPTs por abaixo; eliminan postos base que se cubren por concurso para crear postos altos que se cubren por libre designación. E o que eliminan como prestación directa, acaba sendo subcontratado. Nada criticábamos de que for unha subirección dun só posto, como se defende a consellaría; de feito xa decíamos nós que eran só 4, número que nos parece moi pequeno para crear unha subdirección.

luns, 29 de xaneiro de 2018

A Administración Xeral do Estado convoca 4.725 prazas correspondentes á OPE 2017

O prazo para presentar solicitudes é de 20 días habiles e remata o 26 de febreiro.



No BOE do 29/01/2018 publícanse varias convocatorias de emprego público da Administración Xeral do Estado (AXE). A máis chamativa resulta a macroconvocatoria para diversos corpos xerais e de informática cun total de 4.725 prazas; destas 2.180 son para acceso libre e o 2.545 para promoción interna.

mércores, 24 de xaneiro de 2018

"O Laboral" - Xaneiro 2018: Recuperar os dereitos roubados

https://drive.google.com/file/d/0B1evwCG_jwK2cWFkd1A3Y294ZHZRR3kyTE53Unc5X2JoZUJN/view
Fai click para descarga
Xa está dispoñible para descarga electrónica o boletín sindical da CIG "O Laboral" destinado ao persoal laboral da Xunta de Galiza que editaron as compañeiras e compañeiros de Ourense.

Neste número:
  • A CIG propón un acordo para recuperar os dereitos roubados
  • Resumo da xutanza entre o Comité Intercentros e a Dirección Xeral de Función Pública do 16 de xaneiro - valoración da xuntaza
  • Política Social vólvese rir do seu persoal
  • A Xunta néganos o dereito á promoción interna
  • Un cuarto do noso salario despareceu en 7 anos


venres, 19 de xaneiro de 2018

Financiar postos de libre designación coa eliminación de postos base: a subdirección de 4 postos

A Consellaría de Infraestruturas e Vivenda vén de remitirnos unha serie de documentación de modificación da súa RPT como consecuencia da publicación da modificación do seu Decreto de estrutura. Entre esta documentación está unha memoria complementaria, unha táboa de equivalencias  e uns acordos de transferencia de peresoal que non deixan contento a todo o mundo. Descargar documentación.

Resulta chamativo na memoria complementaria que para crear un posto de subdirección e outro de xefatura de servizo amorticen... outra subdirección e outra xefatura de servizo?? Pois non, amortizan un posto de limpador/a, un de subalterno/a e outro de legoeiro/a para financiar o posto de subdirección. Polo menos, o servizo creado financianno a través da amortización doutro servizo. Xa sabedes, a famosa estabilidade orzamentaria...

xoves, 18 de xaneiro de 2018

Arquivan a denuncia da CIG malia recoñecer ilegalidade na xestión dos helicópteros de incendios

Limita as posíbeis responsabilidades unicamente ao ámbito administrativo


O titular do Xulgado de Instrución nº 3 de Santiago de Compostela vén de arquivar provisionalmente a causa aberta a raíz da denuncia que a CIG-Administración Autonómica presentou na Fiscalía no ano 2012 pola adxudicación a dedo da contratación do servizo de helicópteros e brigadas as empresas Inaer e Natutecnia, respectivamente. Para o sector estamos diante dun "exercicio de surrealismo xudicial" xa que esta denuncia foi refrendada polas irregularidades que o Consello de Contas detectou nese e noutros contratos nos que o denominador común é a presencia en todos eles de Inaer.

Resumo da xuntanza do Comité Intercentros coa Dirección Xeral da Función Pública: 16/01/2018

Tras varias solicitudes do Comité Intercentros, o día 16 de xaneiro a DXFP convoca a unha xuntanza informativa ao máximo órgano de representación do persoal laboral na Xunta de Galicia, na que se trataron os seguintes temas: concurso de traslados, proceso de estabilización, xubilación parcial, adscricións temporais, postos en incapacidade permanente total, entre outros.

mércores, 17 de xaneiro de 2018

Borradores de novas convocatorias de procesos selectivos para alegacións: 487 prazas de corpos xerais

Achéganos Función Pública un lote de borradores de ordes de convocatorias de diferentes procesos selectivos para as súas alegacións. 

Na súa maioría (471) trátase de convocatorias para persoal funcionario de corpos xerais, subgrupos A1, A2, C1 e C2, derivadas da OPE 2017 (e acumuladas coas non executadas de 2016 e 2015). Tamén mandan dúas convocatorias cunhas poucas prazas (16) para as escalas de informática, subgrupos A1 (8) e A2 (8), por promoción interna, da OPE de 2016.

Kronos nos centros de Cultura: solución ou desfeita?

Presentación da tarxeta Kronos
Dende a implantación do sistema de fichaxe (kronos) na  Xunta de Galicia, sabíase que esto (e non podía ser doutra maneria) ía chegar máis tarde ou máis cedo a todos os centros externos aos servizos administrativos centrais; así a Dirección Xeral de Avaliación e Reforma Adminsitrativa está estes días introducindo o sistema de fichaxe nos arquivos, bibliotecas e museos dependentes da Consellería de Cultura, Educación e O.U.

Antes de nada decir que dende a CIG estamos a favor do control horario de todos os traballadores e traballadoras da Xunta de Galicia (incluído persoal de libre designación), que os centros teñan horarios similares e que as compensacións horarias sexan reguladas, xustas e iguais.

Pero non se pode comezar a casa polo tellado, dende a Administración  (e especialmente dende Cultura) deben saber que nos centros culturais o persoal está penado por horarios extraordinarios; polos que por riba de non cobrar un euro vailles traer problemas agora cando se enfrenten a fichar nun sistema que non lles recoñece eses horarios. Así os horarios se excepcionan  en que o persoal fai tardes, sábados e domingos coas súas correspondentes libranzas; esto non está recoñecido polo Kronos o que fai que a partir de agora cada traballador teña desviacións horarias que non son reais.

martes, 16 de xaneiro de 2018

'SOS Sanidade Pública' chama a mobilizarse contra a política de demantelamento da sanidade do PP

A plataforma convoca conentracións comarcais o mércores 24 de xaneiro e unha manifestación nacional o domingo 4 de febreiro en Santiago


Representantes da plataforma SOS Sanidade Pública compareceron esta martes en rolda de prensa para anunciar a convocatoria de concentracións comarcais para o vindeiro día 24 de xaneiro e unha manifestación nacional en Compostela para o día 4 de febreiro, ás 12:00 horas, con saída da Alameda. A plataforma denuncia a política de recortes, privatizacións e a mala xestión do Partido Popular, alerta das graves consecuencias que isto ten para garantir unha atención de calidade e chama a todas as usuarias e usuarios a defender o sistema sanitario público galego.

O persoal de xustiza está chamado a mobilizarse en Santiago o 25 de xaneiro

Coincidindo coa nova xornada de folga convocada no sector


Á espera de que se produza unha nova reunión entre a representación social e a Xunta de Galiza, o comité de folga continúa adiante coa convocatoria do paro xeral na administración de xustiza galega do vindeiro xoves 25 de xaneiro. Coincidindo coa folga, para ese día está convocada tamén unha manifestación en Santiago de Compostela, á que están chamados/as a participar os 2.500 traballadores e traballadoras do sector. A marcha sairá ás 12:00 horas da Avenida Xoán XXIII e rematará diante do Parlamento, na rúa do Hórreo.

mércores, 10 de xaneiro de 2018

A CIG denuncia á Xunta por negarse a medir o canceríxeno radón nos seus edificios

Estudos científicos relacionan o gas radón co cancro de pulmón.  Algúns estudos cifran no 25% o total de casos de cancro de pulmón detrás dos que se atopa este gas. A emisión deste gas é especialmente alta no noso país e na nosa comarca de Compostela. Resulta moi perigoso en sotos, semisotosm baixos e outras zonas pouco ventiladas.

A CIG expuxo en reiteradas ocasións no respectivo comité de seguridade e saúde laboral  a queixa e inquietude do persoal público polos niveis de gas radón nos edificios administrativos da Xunta de Galicia en Servizos Centrais, sobre todo nos sotos destes, onde normalmente se traballa en xornada ordinaria. Pediuse que se mediran os niveis de este gas, xa que Santiago de Compostela é unha zona de alto risco pola morfoloxía do seu chan. 

xoves, 4 de xaneiro de 2018

A Xunta entrega máis de 2 millóns de euros en subvencións aos medios de comunicación nun só día

Os últimos días do ano deixan no DOG a publicación de varias axudas aos medios de comunicación.

En concreto, o 29 de decembro publicouse a resolución das axudas concedidas a empresas xornalísticas e de radiodifucións que actuén no noso país cun gasto total de 1.666.194,87 €.

mércores, 3 de xaneiro de 2018

O noso país perde postos de traballo e gaña precariedade e temporalidade

A baixada do paro non significou un aumento do número de persoas afiliadas á Seguridade Social


O noso país rexistrou 3.710 persoas ocupadas menos en decembro con respecto ao mes anterior a pesar de que o paro baixou nese período en 2.162 persoas, o que significa que este descenso do paro non se produciu porque as persoas afectadas atopasen un posto de traballo senón porque ou ben se deron de baixa dos servizos públicos de emprego ou decidiron probar sorte na emigración.

Boletín sindical: Mobilización para recuperar dereitos

https://drive.google.com/file/d/15CmkXUVGHzaecRsWMoOdE5NTCwdGHtTs/view?usp=sharing
Xa está dispoñible para descarga un novo boletín sindical da CIG. Desta volta cos seguintes titulares:
  • Mobilización para recuperar dereitos: Opoñémonos ao vergoñento acordo de incremento do SMI asinado por PP, UGT, CCOO e patronal
  • Iniciativa lexislativa popular contra a eucaliptización de Galiza
  • Contra o desmantelamento e a privatización da Sanidade Pública: 24 de xaneiro
  • Ferroatlántica quere liquidar os convenios de empresa cun acordo marco estatal
  • Denuncia penal contra o Estado e a Xunta polas mortes nas obras do AVE en Ourense

martes, 2 de xaneiro de 2018

A EGAP convoca novos cursos de linguaxe administrativa galega

O DOG do 2 de xaneiro publica a convocatoria da EGAP dos cursos de linguaxe administrativa galega para o persoal ao servizo das distintas administracións da Comunidade Autónoma de Galicia para o ano 2018.

En colaboración coa Secretaría Xeral de Política Lingüística, a Escola Galega de Administración Pública (EGAP) convoca 28 edicións e 700 prazas de cursos de linguaxe administrativa galega e linguaxe xurídica galega dirixidas aos empregados públicos da Comunidade Autónoma de Galicia.

Os cursos van dirixidos ao persoal público destinado nas administracións territoriais, institucionais, entes públicos instrumentais do sector público da Comunidade Autónoma de Galicia, así como ao persoal da Administración de xustiza e persoal de administración e servizos (PAS) das tres universidades do sistema universitario galego.

A EGAP publica o plan de formación para 2018

O DOG do 2 de xaneiro publica o Plan de formación para o ano 2018 dirixido ao persoal ao servizo da Administración pública da Comunidade Autónoma de Galicia, ao persoal das entidades públicas Instrumentais e da Administración institucional, ao persoal ao servizo da Administración de Xustiza de Galicia, ao persoal ao servizo das entidades locais de Galicia e ao persoal de administración e servizos (PAS) das tres universidades do sistema universitario de Galicia.