E para os da casa qué? (Promoción Interna agochada)

Posiblemente a parábola da Biblia máis inxusta sexa a do fillo pródigo. Aquél que abandona a casa, e volta anos despois recibe o mesmo ou mellor trato que o que botou toda a vida ao lado do pai.

Non sei se será unha alegoría acertada (e menos para nos que somos máis ben ateos) pero non deixa de haber un claro paralelismo co que pasa na Xunta de Galicia.

A Dirección xeral da Función Pública está enfrascada en solucionar as diversas problemáticas que lle botaron enriba por anos de inacción e chapuceo, como son a estabilización e a funcionarización, cousa que está moi ben; pero esto non pode facer que outros problemas non teñan solución.

E xa non falamos dos concursos de traslados, as chapuzas nas comisións de servizo ou de estruturas infladas por arriba; senón que falamos da Promoción Interna.

O persoal funcionario ten tamén dereitos, e un deles é a mellorar na carreira administrativa, somos xente preparada con anos de estudio e esforzo que merecemos unha oportunidade para mellorar.

Pero a Xunta de Galicia furtanos esa posibilidade ao agochar debaixo da alfombra 942 prazas das ofertas sin convocar dende 2020.

Cantas expectativas de mellora xa se teñen furtado por non convocar esa prazas!!! Cantas horas de estudo levamos feito para non poder demostrar a nosa mellora profesional!!!! Cantos cartos invertidos en academias para nada!!!!

O persoal funcionario de carreira tamén existe!!!!

Estes días estamos asistindo a unha verdadeira tormenta de actividade e tamén de despropósitos na Función Pública desta casa. Por un lado están os procesos de consolidación a través do concurso de méritos e concurso-oposición derivados da Lei de estabilización de emprego e por outro lado están a desenvolverse as funcionarizacións de todo o persoal laboral fixo.

Tamén, e por fin, está rematándose o concurso de traslados da Administración xeral e as tomas de posesión dos procesos en destino provisional mais seguimos a esperar pola promoción interna que a ver se está lista para setembro.

O caso é que ante maremagnum de actuacións, o persoal que aprobou no seu día unha oposición non podemos quedarnos atrás nas nosas reivindicacións.

É xusto que a promoción interna vaia despois de libre?

No DOG do 6 de maio de 2022 publícase a Resolución pola que se convocan para a elección de destino definitivo as persoas aspirantes que superaron os procesos selectivos para o ingreso... de distintas quendas dos corpos xerais, tanto de promoción interna como de libre.

Ao problema de non ofertar todas as vacantes que teñan pasado polo concurso se lle suma agora o de ofertar vacantes que non pasaron polo concurso, entre elas, vacantes con nivel, como xefaturas de sección ou negociados.

Para retorcer isto aínda máis e seguir creando problemas e agravios, Función Pública decide que a orde de elección de destino será a seguinte: A1 PI, A1 libre, A2 PI, A2 libre, C1 PI, C2 PI, C2 libre.

En definitiva, que sobre a natureza do proceso (libre-promoción interna), priman o subgrupo/corpo na elección de destino: e establecen unha orde onde as persoas aspirantes que aprobaron na promoción interna van antes que os de libre do seu mesmo corpo, pero van despois dos aspirantes de acceso libre dos corpos superiores a eles.

A despromoción interna na Xunta de Galiza

Todas as Administracións públicas coidan do seu persoal, tratan que desenvolvan habilidades e coñecementos ao longo do tempo, que incrementen a súa formación e que acaden novas cotas de responsabilidades a través da promoción interna; e así o din as leis que regulan a función pública nas  institucións públicas. Pero todas?....Todas non!!! Unha irredutible Administración do Noroeste ibérico segue a machucar ao seu persoal que para poder superar a promoción interna (PI) vai ter que ir de procesión a Fisterra.

Manifesto da Xunta de Persoal de SSCC en contra das políticas de persoal da Xunta de Galiza

A Xunta de Persoal de SSCC ,a proposta da CIG, aprobou na derradeira permanente un manifesto en contra das políticas de persoal da xunta de Galicia. Este acto enmárcase no contexto do Informe publicado polo  Consello de Contas onde non deixou títere sen cabeza ao analizar  a xestión do persoal da Xunta de Galicia por parte da Dirección xeral da Función Pública. O Manifesto podes descargalo aquí.

Para máis inri o goberno galego, por parte do seu presidente,  escudouse vanalmente que parte da culpa da súa ineficacia está en que os procesos selectivos tardan porque os sindicatos piden 6 meses de tempo entre convocatoria e exames (que cara dura!!!). Ogallá só duraran 6 meses e non anos como nos teñen acostumados. Aproveitamos o texto para denunciar as principais eivas neste Titanic chamado Función Pública:

• Concursos de traslados regulares na súa convocatoria (anuais) e rápidos na súa execución (3 meses).
• Procesos selectivos áxiles e organizados por unha comisión profesionalizada.
• Promoción interna ampliada e que se base na medición de competencias reais e non exames inasumibles.
• Organización axeitada de todas as Rpts
• Comisións de servizo transparentes, obxectivas  e con procesos avaliables.
• Reactivación  da carreira profesional.
• Dotación de medios persoais e técnicos á propia DXFP para que poida cumprir en tempo e forma todas as súas competencia.

Este texto foi enviado ao resto de Xuntas de Persoal da Xunta de Galicia para facer un fronte común de todo o persoal funcionario, para facer ver aos nosos xestores e a opinión pública o que se move debaixo da alfombra dos grandes titulares de prensa.

Mobilización en San Caetano contra a demora do concurso de traslados

Mobilizámonos contra a demora do concurso de traslados e a ineptitude da dirección xeral da Función Pública

Arredor de 200 persoas, entre delegadas e persoal de servizos centrais, rodeamos este martes 23 de novembro, en manifestación, o edificio administrativo da Xunta de Galiza de San Caetano para esixir a dimisión do Director Xeral de Función Pública. É inadmisible a demora do concurso de traslados en seis meses máis, cando leva xa dous anos de retraso. Dilación que afecta tamén a outros concursos de traslados como os de corpos especiais, escalas e persoal laboral que levan, nalgúns casos, até 12 anos dende o último concurso.

Martes, 23 de novembro, é o día do cabreo

Barreiro vaite xa!

Levamos anos denunciando a desfeita na xestión da Dirección Xeral da Función Pública; anos de denuncias nos xulgados, anos de concentracións e mobilizacións, anos de broncas nas mesas do suposto diálogo laboral.

A cousa non mellorou e certamente empeorou e existen unha  manchea de eivas na organización do persoal da Xunta de Galicia: os concursos sen convocar nen resolver, a carreira profesional parada, as comisións de servizo a moreas, os procesos selectivos dando problemas un día si e outro tamén, xa non digamos nada de como se leva o da promoción interna, etc, etc.

Nos últimos meses recibimos centos de chamadas de cabreo por estes motivos, e mañán é o día no que tedes que mostrar ese cabreo. Así, a CIG Administración pública convócavos a todas e todos o MARTES DÍA 23 AS 11.00 HORAS NA EXPLANADA DIANTE DE PRESIDENCIA.

É a hora de berrar e mostrar a nosa indignación e non queixarnos só polos corredores, na cafetaría ou nos locais sindicais.

Acude e faite escoitar!!!!!

• As cinco Xuntas de Persoal Funcionario da Xunta de Galiza piden o cesamento do director xeral da Función Pública

Reunión da Permanente da Xunta de Persoal (03/05/2021)

 O pasado luns día tres, reuniuse a Comisión Permanente da Xunta de Persoal, onde tratamos os seguintes temas:

- FLEXIBILIDADE POR CONCILIACIÓN: A nova lei de impulso demográfico amplia este dereito ata que as crianzas teñan 18 anos; pero Función Pública segue a atrancar o tema coa xustificación dunha regulación pormenorizada ; pero xa sabemos que FP é como unha tortuga(e das máis lentas da especie); e despois de cinco meses non fixo nada.

Así que seguimos coma sempre; cada consellería fai o que lle peta: Unhas con bo criterio xa modificaron a solicitude ata os 18 anos ,  outras a base da presión do pesoal modifican puntualmente as peticións (con bolígrafo), e outras "ren de ren" ata que FP non diga algo non implementan a mellora.

A ver seño Barreiro xa está ben, se vostedes aprobaron a lei no Parlamento, vostedes teñen que aplicala, xa faltaría que non se cumplan as propias normas das que un se dota!!! Outra mención esquizofrénica para esta Función Pública.

- CONCURSO: (esto si que é esquizofrénico), aínda que parece que a cousa se move coa vindeira constitución da Comisión de Baremación, temos que seguir presionando, senón igual nos levan a 2022!!!. Veredes proximamente algo polos taboleiros que amosa a indignación do persoal; tamén lla mandaremos a Barreiro e a Valeriano. Esto do concurso da Adm. xeral na Xunta de Galicia é para sair xa como tema principal do programa televisivo Cuarto Milenio de Iker Jimenez.

- MÁSCARAS: Deben pensar que co anagrama da Xunta xa aguantan 150.000 lavados. Pois non señores, se repartistes máscaras en Novembro con un uso total de 4 meses; a cousa xa está amortizada. Compre logo un novo reparto urxente senón imos pensar que o primeiro reparto non foi feito con motivos de saúde senón pura propaganda.

-CARREIRA PROFESIONAL: Señor Barreiro, o que se acorda (aínda que non sexa con nos hai que cumplilo). Xa avisabamos cando se negociou este tema da febleza do acordo.  Hai que abrir xa a petición do segundo grao e as solicitudes do primeiro; cada día que pasa debedesnos cartos. Moitos fondos de resiliencia e nada para cumplir os acordos co persoal.

ANTINOVAS DE FUNCIÓN PÚBLICA

 Xa non lle podemos chamar novas pois son cousas sempre vellas (levan meses no tinteiro) e por riba sen solucionar, por eso elaboramos a nova acepción denominada Antinova que vai ser adxudicada no diccionario ao bon facer do señor Director xeral da Función Pública. Van esas antinovas:

* CONCURSO: Xa non podemos decir nada pois se nos revolve o estómago. O que está claro e que depende das tomas de posesión. Por certo seguen a sacar prazas da listaxe coa excusa de amortización e inmediatamente aparecen dadas en Comisión de servizo (señores de Turismo , entre outros, vai por vos).

* TOMAS DE POSESIÓN: Parece que van para adiante, pero agora está o follón de que non hai prazas para escoller (claro mestúraselle todo ao mesmo tempo: concurso, consolidación, estabilización, PI). E estamos a observar incrédulos como hai algunha organización sindical que ata propón sacar das listaxes as prazas cubertas por interinos. Como sigamos así imos ter que ofertar as prazas dos gabinetes....

* CONCURSOS DE CORPOS ESPECIAIS: Aparte do de gardacostas que están no allo, o resto virá para o ano que ven; ou sexa ide pensando no 2025 máis ou menos, visto o que pasou no Concurso xeral.

* CARREIRA PROFESIONAL: A cousa non pinta ben, pois seica non hai cartos e amáis temos as novas incorporacións das funcionarizacións; pero se recortamos as axudas a La Coz de Galicia. as externalizacións a mansalva (Tragsa, Tragsatec, Indra, e Boquete style) e as papatorias en San Caetano, igual temos xa algo no peto.

* COVID: Despois de varias denuncias a inspección de traballo xa sabemos que a Adminsitración ten que suministrarnos máscaras (ten de prazo ata decembro) e parece que vai xestionar unha compra masiva; pero seguimos con problemáticas como unha instrucción do uso da máscara no posto de traballo e da ventilación das unidades, así como unha implantación urxente do teletraballo COVID. Pero a esto último xa vimos na última reunión que o señor Barreiro dixo que non se ía implantar mentre a situación da pandemia seguira nestes termos (debe pensar  que é boa...)

*TELETRABALLO: Andamos a voltas coa nova regulación do teletraballo ordinario, e xa imos coa terceira versión. O texto mellorouse notablemente coa aportación das OOSS pero segue a ter certo sabor discrecional. Na vindeira semana aprobarase; e esperemos que se poida solicitar con celeridade.

* CONCURSO ESPECÍFICO: Pois aínda que pareza mentira existir existe, de feito xa se negociou alá polo ano 2018 pero debeuse meter nun caixón. Temos así centos de xefaturas de servizo aínda en comisión de servizo, que ben poderían deixar liberadas moitas prazas de nivel 25 para o concurso de méritos dos mortais.

* COMISIÓNS DE SERVIZO: Se un o pensa ben a Xunta é actualmente unha Gran Comisión de servizo, pois dado o bloqueo e retraso dos concursos, as comisións están todas nunha situación de ilegalidade, cruzándose e recruzándose para que non cante moito que pasan dos catro ou cinco anos. Onde está aquela tan demandada regulación obxectiva da concesión das comisións? Seguimos como na época Fraga, ou peor....

Seguen paralizados os procesos selectivos de corpos xerais pendentes de resolución

381 persoas pendentes da decisión de Función Pública de rematar os procesos selectivos de corpos xerais; destas, 267 son de promoción interna.

Función Pública prometeu o 29 de xullo que estaban a estudar a proposta que lle facíamos, pero que non terán resposta ata a primeira quincena de setembro. Rematou a primeira quincena e seguen sen dar sinais de vida.

É máis, hoxe 16 de setembro, publican no DOG os tribunais dos procesos selectivos dunha OEP posterior, entre eles os dos corpos xerais, e seguen sen resolver o que teñen pendente.

EGAP - convocadas actividades formativas para preparación promoción interna (con medios propios parece ser)

No DOG núm. 48 Mércores do 11 de marzo de 2020 publícase a RESOLUCIÓN a convocatoria de actividades formativas en liña de apoio á preparación das probas selectivas para o acceso, pola quenda de promoción interna, a diversos corpos da Administración xeral da Comunidade Autónoma de Galicia.

Ofertan catro actividades formativas dirixidas, cada unha delas, a apoiar a preparación das probas selectivas para o acceso, pola quenda de promoción interna, aos corpos superior, subgrupo A1; de xestión, subgrupo A2; administrativo, subgrupo C1; e auxiliar, subgrupo C2 da Administración xeral da Comunidade Autónoma de Galicia, que deberán desenvolverse segundo as bases detalladas no anexo.

Promoción interna ou putada interna? : cambios ridículos

As bases das convocatorias dos procesos selectivos de promoción interna a corpos xerais correspondentes á OEP-2019, xa pasaron por Mesa Xeral de Negociación o mércores 18. E xa temos data para a Comisión de Persoal, o venres 20, día en que se van aprobar definitivamente. A súa publicación en DOG, segundo as intencións do director xeral de Función Pública, quedaría adiada para xaneiro.

A CIG defendeu:

• Queremos negociación de criterios xerais. Estamos fartas de que anden a bandazos, con cambios importantes entre convocatorias similares negociadas en poucos días de diferencia.

Promoción Interna Corpos Xerais. Borradores para Mesa Xeral

Función Pública enviounos os borradores das convocatorias de promoción interna a corpos xerais. Fixo por partes. Primeiro C1 e C2. Dias despois enviounos A1 e A2 con tan só dous días para alegar o que dificulta a difusión da información, a recepción das alegacións que nos achegan os compañeiros e compañeiras e o seu estudo en condicións adecuadas.

A CIG presentou as alegacións por escrito, pero o mesmo día que remataba o prazo para presentalas recibimos novos borradores dos catro grupos, con cambios importantes. 

Os borradores iniciais eran inaceptábeis (desaparecera o mérito de grao e traballo desenvolvido, e a antigüidade non había por onde collela). Os novos son algo mellores, pero continúan sendo malos segundo a CIG.

Xa está aquí, xa chegou: a promoción interna de corpos xerais (A1 e A2)

Se a comezos da semana pasada, remitía Función Pública os borradores do C2 e C1, remiten agora os do A1 e A2 cun prazo de 48h para facer alegacións (até o venres 13).

Borrador A1: 46 prazas

Borrador A2: 127 prazas

Como no anterior caso, hai unha diminución de temario (en termos absolutos) aínda que nestas convocatorias entra lexislación específica que non lle entra aos aspirantes de libre ou mesmo normas que por promoción interna entran en maior extensión (cuestión difícil de comprender). O desenvolvemento dos exercicios son 2 de tipo test para o A2 (teórico e práctico) e de tipo test (teórico-práctico) e outro de temas no A1. Porén, tampouco hai saco de preguntas...

Xa está aquí, xa chegou!: a promoción interna de corpos xerais

Ou canto menos un par de borradores de convocatorias, as do C1 e C2:

• Borrador convocatoria C1: 195 prazas
• Borrador convocatoria C2: 52 prazas

Así a bote pronto hai unha disminución de temario, faise nun único exercicio a parte teórica e práctica, pero cambiase bastante a fase de concurso na puntuación, non se fala de gardar nota e non nos dan as contas coas prazas convocadas no C2, parecennos moi poucas. Por certo, tampouco hai saco de preguntas...

Concentración mércores 19 xuño: petición de concursos inmediatos e demisión do director xeral de Función Pública

A CIG-Autonómica convoca unha mobilización para denunciar a nefasta xestión de persoal de Función Pública; exixir a convocatoria inmediata de concursos de traslado; a “chapuza” da funcionarización obrigatoria; as amortizacións de postos e o peche de servizos; procesos de promoción interna; axilidade nos procesos selectivos; unha verdadeira carreira profesional, consolidada e universal. Vai ser este mércores, día 19 de xuño, ás 11:00 horas, diante da consellaría da Presidencia, no edificio administrativo da Xunta en San Caetano.

Queremos a dimisión do actual director xeral de Función Pública. Sobran os motivos. Se estás cabreada ou cabreado, ven a protestar connosco.

A CIG denuncia que Función Pública non convoca os concursos de traslados porque non lle dá a gana, atrasándoos con escusas absurdas (os últimos foron: para persoal laboral en 2011; para administración especial en 2012 e para administración xeral en 2015). Por que se nega a convocar un concurso anual como si hai en ensino?

Para cando os segundos exames da promoción interna? E no resto de procesos?

A CIG trasladoulle estas preguntas ao director xeral de Función Pública.

Centos de compañeiras e compañeiros que concorren á promoción interna non saben a día de hoxe cando se celebrarán os segundos exercicios deses procesos selectivos. Nen sequera unha data aproximada.

Tendo en conta que agora comeza un período vacacional, e co fin de conciliar a vida laboral e familiar, saber si se celebrarán as probas no verán, antes ou despois, parece de sentido común, e non parece correcto que, a diferenza doutras Administracións as persoas funcionarias da Xunta que concorren a estes procesos non saiban se se van poder desprazar durante o período vacacional, se collen antes ou despois as vacacións para aproveitalas como período de estudo, ou simplemente como van xestionar o seu tempo en función dunha data que todos/as deberíamos coñecer xa.

Moita sorte, compañeiras e compañeiros de promoción interna.

Dende a CIG queremos desexar moita sorte a todas e todos os que se van presentar esta semana ao primeiro exame da promoción interna. Estas son as datas:

- Subgrupo C1 > martes, 7 de maio de 2019, ás 16.30 horas, no recinto da Feira Internacional de Galicia en Silleda.

- Subgrupo C2 > venres, 10 de maio de 2019, ás 16:30 horas,  na Facultade de Dereito de Santiago de Compostela.

- Subgrupo A1 > sábado, 11 de maio de 2019, ás 10:00 horas, na Facultade de Dereito de Santiago de Compostela.

- Subgrupo A2 > sábado, 11 de maio de 2019, ás 16:00 horas, na Facultade de Dereito de Santiago de Compostela.

Son moitas e moitos os que estes días faltan ao seu traballo, moitas horas estudando para poder progresar e moi poucas prazas. Moito esforzo por culpa duns procesos inhumanos, nos que non se sabe cando van saír, cando van ser as probas, como vai ser o exame, que nos vai entrar... e xogando coas datas por parte de Función Pública sen ter en conta ao persoal que se deixa o seu tempo, a súa vida e os seus cartos en academias. 

E por que non unha promoción interna como a funcionarización?

No Acordo de concertación que asinaron CCOO e UGT xunto coa Administración, establecen un proceso de funcionarización para o persoal laboral fixo. Ao fío deste proceso, que sería unha promoción interna horizontal, a Xunta e os asinantes do acordo establecen unha promoción interna vertical encuberta para determinadas categorías subíndoas de subgrupo.

Nese proceso a maioría das categorías de persoal laboral quedan fóra da reclasificación, e por suposto, todo o persoal funcionario, pero o certo é que esa reclasificación a van facer e non parece haber ningún impedimento.

De aí, que si se pode facer para determinadas categorías de persoal laboral tamén se poderá facer para todo o persoal funcionario que voluntariamente acepte. E máis cando no borrador da OEP de 2019 só se contemplan 263 para a promoción interna das 2.653 totais de todos os corpos, xerais e especiais, e escalas. 

Oposicións, RPTs e outras informacións do 18 a 22 de febreiro

Semana completa a do 18 a 22 de febreiro, con xuntanzas coa Administración todos os días. Tratáronse modificacións de tres RPTs, convocatorias de seis procesos selectivos, o réxime de prestación do persoal veterinario da consellería do Mar, comisión de seguimento do consorcio, procedemento da formación en igualdade e violencia de xénero, importe de niveis de complemento específico e plan de formación do SPDCIF.

A estratexia da Administración está clara: pasar de períodos de nula actividade a outros de sobreexcitación de xeito que aos sindicatos nos resulte imposíbel procesar e difundir a información.