Concurso específico, destrución de postos en Educación… e moitas preguntas sen resposta

 

O venres 31 de xaneiro asistimos a dúas mesas de negociación nas que se trataron os seguintes asuntos: o modelo de concurso específico, a RPT de Educación e a RPT por sentenza xudicial. 

Na rolda aberta de intervencións fixemos moitas preguntas sobre concursos de traslados, procesos selectivos, carreira profesional, e moito máis. Porén, a directora xeral de Emprego Público, para variar, responde co que xa sabemos: se preguntamos cando van rematar un proceso, di que agora está en baremo provisional e despois virá o definitivo... Vaia novidade! Para iso non fai falla que diga nada!!! E así con todo…, non se sae de que están «analizando» e «valorando», e a previsión para todo é «proximamente».

• Concurso específico

Vai ser unha tomadura de pelo, no sentido de que non queren regular a puntuación de cada mérito, e quedará ao que decidan as consellerías en cada convocatoria. Así van poder adaptar as bases das convocatorias segundo conveña en cada caso, para axustalas o máximo posible a unhas persoas funcionarias determinadas que queiran colocar nas prazas. Dende a CIG non podemos consentir que cada consellaría faga o seu “cortijo”, cremos que tampouco responde a unha administración seria e rigorosa.

Ademais, néganse a poñer un calendario para que as consellarías convoquen a cobertura dos máis de 800 postos de concurso específico, polo que veremos como seguen as comisións de servizos en fraude de lei, moitas delas con máis de 10 anos. 

Chama a atención que o borrador das bases que nos entregou a Dirección Xeral de Emprego Público

A CIG ofrece axuda contra a presión da Xunta ós técnicos polo proxecto de Altri

Segundo a prensa nacional, o “BNG alerta das presions sobre os funcionarios da Xunta encargados de visar o proxecto de Altri”. A dimisión do director xeral de Calidade Ambiental en setembro, así como o malestar dun subdirector xeral disconforme cos informes favorables que desexa que se preparen dende o executivo de Alfonso Rueda, da boa proba disto.

Ao ver a gran movilización social contra o proxecto de Altri na manifestación celebrada o 15 de decembro de 2024 en Santiago de Compostela (máis de cen mil persoas), os políticos do PP queren desfacerse da súa responsabilidade para cos galegos e galegas, e trasládala ós/ás técnicas/os da Xunta de Galicia.

Na CIG estamos seguros de que a información ofrecida pola prensa nacional é certa: a Xunta de Galicia, comandada por un aprendiz de Trump chamado Alfonso Rueda, que ten mellores formas, pero obxectivos similares (o beneficio duns poucos por enriba do beneficio colectivo), vai presionar os/as técnicos/as para que os informes que redacten estean alineados cos seus intereses. Estamos convencidos de que as ordes para facer os informes xa están dadas.

Por este motivo, dende a CIG, ofrecemos ós/ás técnicos/as encargados de analizar o proxecto da macrocelulosa ultracontaminante e darlle o visto e prace, o noso apoio e asesoramento para calquera asunto relacionado que estimen necesario que axude a conservar a súa independencia e soberanía sobre os informes que teñan que emitir.

Por un novo modelo de carreira profesional: liñas básicas das alegacións da CIG

   

Hai uns días a Dirección Xeral de Emprego Público e Administración de Persoal (DXEP), achegounos unha proposta de “acordo” polo que convocan os graos I, II e III extraordinarios da carreira administrativa e do complemento de desempeño (de aquí en diante referirémonos a eles como carreira profesional). O documento pretende reeditar os acordos anteriores sen apenas cambios substancias.

Dende a CIG temos claro que esta é unha oportunidade que se abre para cambiar o modelo de carreira, e fundamentalmente facela inclusiva para que ninguén que cumpra os requisitos quede sen dereitos, áxil para que todo o mundo poida acceder aos graos que lle correspondan segundo os servizos prestados, e permanente, para non depender de que se abran ou non períodos de solicitude. Por iso trasladamos as liñas xerais das nosas alegacións a esta reedición da carreira.

Non debe existir prazo para as solicitudes

Igual que acontece cos trienios, que se cobran de xeito automático ao cumprir os anos; ou tomando como exemplo a carreira profesional do persoal docente, os sexenios, que se cobran a instancia de parte, o noso sistema de carreira debe ser aberto, sen agardar a que a Xunta teña a ben convocar, e o recoñecemento dos graos debe producirse no momento en que as persoas empregadas públicas reúnan os requisitos.

Isto ten que ser así para que non nos atopemos, por exemplo, con casos de compañeiras/os que ao ter só 16 anos e 11 meses non poidan acceder ao grao III ata dentro de 3 ou 4 anos. E o mesmo sucede co resto dos graos.

E tamén para evitar que quen accedeu a un grao en xaneiro de 2024 vexa limitado o acceso ao grao seguinte.

Non hai que esixir estar activo nunha data

Por unha xornada máxima de 35 horas para todo o persoal, e 32 para xornadas especiais

 

A CIG ven de rexistrar os milleiros de sinaturas recollidas no 2024 entre o persoal da Administración Autonómica solicitando a implantación con carácter inmediata das 35 hora de xornada semanal para todo o mundo da Administración xeral e un horario máis reducido para o persoal con xornadas especiais.

Na Administración Galega hai xa varios sectores (Sergas e persoal dos centros de Política Social), onde a xornada de 35 horas é xa unha realidade. Mesmo temos diferentes administracións públicas do Estado español, de distinta cor política, con esta xornada con carácter universal para todo o seu persoal. Xunto a isto, vemos como noutros estados europeos a semana laboral de 4 días está a implantarse con éxito.

A CIG solicita da Xunta de Galiza que implante con carácter inmediato a xornada semanal máxima de 35 horas para todo o persoal, e de 32 horas para as xornadas especiais (fins de semana, quendas, nocturnidade ou xornada partida). Ademais instamos a camiñar de cara a un obxectivo de xornada máxima de 32 horas e de catro días laborais con carácter ordinario.

35 horas XA para todo o persoal empregado público da Xunta de Galiza!!

Non era necesario reclamar o grao I da carreira do ano 2019 antes do 17 de xaneiro

   

Ante as dúbidas que se suscitaron por unha campaña alentando a todas aquelas persoas ás que non lle concederan o grao I da carreira en 2019 a presentar unha reclamación previa, e logo de ser estudado o caso pola nosa asesoría concluímos que NON É NECESARIO PRESENTAR NINGUNHA RECLAMACIÓN.

Se alguén presentou unha reclamación NON pasa nada, non sobra, pero vai ser irrelevante.

Lembra que o acordo asinado no 2019 por CCOO e UGT privaba ao persoal interino e temporal da carreira. Que a CIG gañou a sentenza contra ese acordo. Que a forma de executala por parte da Xunta foi abrir a carreira posteriormente para ese persoal, cando o resto xa cobraba o grao II.

A CIG presentou hai dous anos, un incidente de execución de sentenza para denunciar que a Xunta e os asinantes non cumprían coa sentenza ao non facela retroactiva ao ano 2019.

Por todo isto, o verdadeiramente determinante para facer efectivo o dereito á carreira ao persoal excluído no 2019 vai ser, SEMPRE, a resolución que dite o Tribunal Superior de Xustiza de Galiza (TSXG) sobre a demanda de execución forzosa presentada pola CIG en relación á SENTENZA QUE GAÑAMOS polos seguintes motivos:

Oferta de emprego público do sector público autonómico para o ano 2024

 

No DOG do 31/12/2024 publican o DECRETO 198/2024, do 27 de decembro, polo que se aproba a oferta de emprego público correspondente a prazas de persoal funcionario e laboral da Administración xeral e das entidades instrumentais do sector público autonómico da Comunidade Autónoma de Galiza para o ano 2024.

O anexo I recolle as prazas que se ofertan para cubrir as necesidades de recursos humanos, con asignación orzamentaria, que deben proverse mediante a incorporación de persoal de novo ingreso con cargo á taxa de reposición de efectivos prevista para o ano 2024.

O anexo II recolle as prazas que se ofertan de promoción interna, que os procesos selectivos se realizarán en convocatorias independentes das ordinarias de novo ingreso.

O anexo III recolle as prazas que se ofertan de promoción interna para o persoal laboral fixo da Administración xeral da Comunidade Autónoma que van ser obxecto dun proceso de funcionarización, nos termos sinalados na disposición transitoria primeira da Lei 2/2015, do 29 de abril, do emprego público de Galiza, e na disposición transitoria segunda do Real decreto lexislativo 5/2015, do 30 de outubro.

O anexo IV recolle as prazas que se ofertan de promoción para o persoal laboral fixo da Administración xeral da Comunidade Autónoma, nos termos sinalados na disposición adicional décimo sétima da Lei 2/2015, do 29 de abril.

O anexo V recolle as prazas de persoal laboral de entidades instrumentais do sector público autonómico da Comunidade Autónoma de Galiza para o ano 2024.

Carreira profesional: graos I, II e III extraordinarios (borrador 30/12/24)

A Dirección Xeral de Emprego Público e Administración de Persoal (DXEP), achegounos unha proposta de “acordo” polo que convocan os graos I, II e III extraordinarios da carreira profesional. Con este documento pretenden reabrir o prazo para solicitar os graos I e II extraordinarios, e abrir por primeira vez o grao III extraordinario.

Os requisitos de formación serían de 40 horas para o grao I, 80 para o grao II, e 180 para o grao III. Unha vez recoñecido cada grao, o cobro será escalonado en catro anos, cunhas porcentaxes que empeoran ás aplicadas en convocatorias de carreira anteriores. Non modifican os importes de cada grupo (só os actualizan).