Flexibilidade e teletraballo afectados pola posesión/cese do concurso xeral

A Dirección Xeral de Función Pública ditou o 27 de setembro instrucións sobre tomas de posesión e cesamentos derivados do concurso de traslados para a provisión de postos de traballo vacantes na Administración xeral da Xunta de Galiza.

Esas instrucións inciden na continuidade do dereito a flexibilización ou teletraballo das persoas que concursen en canto que o dereito quedaría en suspenso até que no novo posto de traballo se resolva favorablemente, e xa que logo, transitoriamente se perdería o dereito.

Dado o prexuízo que podería causar a un importante número de funcionarios e funcionarias, a CIG contactou con Función Pública para solicitar unha aclaración das instrucións. 

Apertura de rexistros en sábados inhábiles

O artigo 30.2 da Lei 39/2015, de Procedemento Administrativo Común das Administracións Públicas establece no seu tratamento do cómputo dos prazos que se excluirán dese cómputo os sábados, domingos e festivos. Isto fai que exista unha diferenza coa Lei 30/1992 en que os sábados estaban considerados como días hábiles na contabilización de prazos.

A apertura dos rexistros públicos nos sábados, desde a data de entrada en vigor da nova lei, que será a partir do día 2 de outubro de 2016, perderá a utilidade que tiña até o momento en que era precisa a súa apertura para garantir a presentación de documentación dentro dos prazos previstos nas diferentes convocatorias.

Concurso xeral: publicada a apertura do prazo posesorio

Tamén foron publicadas no web da Función Pública as instrucións detalladas para os diferentes casos de cesamentos e tomas de posesión.

Tal e como adiantábamos a semana pasada, hoxe 27 de setembro publicouse no DOG a resolución de Función Pública pola que se abre o prazo posesorio para os postos adxudicados no concurso xeral resolto no DOG do 27 de xullo.

O cesamento deberá efectuarse o luns 3 de outubro. O prazo de toma de posesión comezará a contar a partir do día seguinte ao do cesamento e será de tres días hábiles se non implica cambio de residencia, ou de sete días hábiles se comporta cambio de residencia.

Se a adxudicación comporta o reingreso ao servizo activo, o prazo de toma de posesión será dun mes.

ÚLTIMA HORA: concurso e procesos selectivos

Oficialmente confirmaron que a primeira semana de outubro terán lugar os cesamentos e tomas de posesión do concurso de corpos xerais. Oficiosamente, xa está en boca de todo o mundo que será o luns 3 de outubro o día dos cesamentos masivos. A semana que vén, probablemente o 27, sairá publicado no DOG a correspondente norma de Función Pública que o instrumentalice. A ver se desta vai a vencida e non cambian de idea dependendo dos resultados do 25, que xa cansan.

Ficou no esquecemento ese concurso de persoal laboral que ían convocar antes das eleccións ou o concurso permanente que ían poñer en marcha todos estes anos atrás, xa non digamos un concurso de corpos especiais ou doutras escalas máis pequenas.

Tras 3 anos, entra en vigor a flexibilidade horaria os venres pola tarde

Ao fin, entrou en vigor a modificación da regulamentación da flexibilidade horaria que permite traballar os venres pola tarde para aqueles postos compatibles. Curiosamente, a modificación da orde publicouse no DOG un venres, 16 de setembro pero non entrou en vigor até o sábado; resultado: o venres, 23 é cando realmente entrará en funcionamento.

Casi 3 anos despois da implantación da flexibilidade horaria na Xunta, por fin é posible traballar (e que conte oficialmente) os venres pola tarde como o resto de tardes de luns a xoves; é dicir, ata as 18.30, en todo caso, ou 20.00h, se o centro permanece aberto.

Aberto o prazo para solicitar o recoñecemento médico para o persoal que traballa en centros docentes

O prazo de inscrición será de 15 días naturais comprendidos entre o 16/09/2016 e o 30/09/2016.

Mediante Resolución da Secretaría Xeral Técnica da Consellería de Cultura, Educación e Ordenación Universitaria, do 13 de setembro de 2016, autorízase a difusión da campaña de vixilancia periódica da saúde para o persoal docente e non docente destinado en centros docentes públicos non universitarios dependentes da Consellería de Cultura, Educación e Ordenación Universitaria.

Un tribunal da UE declara ilegal a sucesión de contratos para cubrir prazas estruturais

A CIG-Saúde demándalle ao Sergas un plan de emprego e rematar coas taxas de reposición.

Dende a chegada do PP á Xunta en 2009, converteuse en práctica habitual no Servizo Galego de Saúde (Sergas) cubrir as prazas estruturais mediante a sucesión de persoal con contratos temporais. Agora, un tribunal da UE vén de declarar que isto vulnera a normativa europea sobre o traballo de duración determinada. A resolución reforza a demanda da CIG-Saúde a respecto da necesidade de eliminar de vez a taxa de reposición, rematar coa precariedade e que o Sergas sente negociar un plan de emprego plurianual.

Modificación do decreto 37/2006 de listas de substitucións

No DOG do luns 19 de setembro publicouse o novo Decreto 124/2016 que vén modificar o Decreto 37/2006 e que regula o procedemento para a provisión con carácter temporal de postos reservados tanto ao persoal funcionario (agás escalas sanitarias) como ao persoal laboral.

Comisións de Servizo dos meses de xuño, xullo e agosto de 2016

Un total de 471 comisións de servizo concedéronse ou renováronse neste período estival.

Repunte curioso (ou non tanto) das comisións de servizo en postos de subdirección xusto antes das eleccións autonómicas.

Concurso de traslados dos corpos xerais: a toma de posesión será para a primeira semana de outubro

Por que se retrasa a toma de posesión do concurso de traslados?

Na Mesa Xeral do pasado luns 5 de setembro Función Pública comunica que a toma de posesión para os funcionarios da Administración Xeral que concursaron será para a primeira semana de outubro.

En anteriores novas dicían que sería para primeiros de setembro aínda que, claro está, non había data para as eleccións ao Parlamento.

Feijóo devolverá o tempo perdido agardando por concursos de traslados e procesos selectivos

No mesmo acto prometeu tamén acabar co paro en 40 días, tropecentos floteis para os astilleros de Vigo e Ferrol e mesmo rematar a autovía da Costa da Morte até Fisterra.

Continuando co bo camiño, o presidente de Xunta acaba de asegurar que no vindeiro goberno creará unha "Consellaría do Tempo" ao estilo do "Ministerio del Tiempo" creado polo Goberno Rajoy para dar saída á problemática dos cronogramas na Xunta de Galiza.