Primeiro de Maio: Recuperar dereitos para avanzar

Mobilízate coa CIG! Consulta todos os lugares e horas das mobilizacións ao final da nova.

Camiñamos cara ao 1º de Maio, Día Internacional da Clase Traballadora, coa necesidade de tomar as rúas para esixir un cambio real e profundo nas políticas executadas coa escusa da crise, porque segue a medrar a precariedade e a pobreza laboral e continúa a perda de poder adquisitivo da clase traballadora galega.

As novas formas de explotación laboral introducidas coas reformas laborais están a fomentar un empobrecemento xeneralizado da clase traballadora e un incremento das discriminacións de xénero, ao que se lle suma o desmantelamento da nosa industria, os ERE, os peches e a deslocalización de empresas.

Chega a famosa batería de preguntas da funcionarización

A Dirección Xeral de Función Pública achegounos os borradores das baterías de preguntas, separadas por grupos e por temas, para que aleguemos, segundo nos indican, "sobre a súa redacción ou estilo"... incrible, primeiro sacan aos sindicatos dos tribunais das oposisicións e logo nos piden que participemos na redacción do que serán as baterías públicas de preguntas das que sairán as destes "procesos". Miráde e comprobade como se parecen ao que soen ser os exames Xunta...

Pasadas as eleccións, seguimos propñendo: E por que non unha promoción interna como a funcionarización? Tamén analizábamos o tema na seguinte nota: Ir aos exames das oposicións na Xunta coas preguntas e cos temarios na man.

RPT de Medio Rural: falta 1 millón de euros e non saben de onde van sacalo

Amortizan sen explicación de 181 postos de traballo, o que consideramos inadmisible.

O martes 23 de abril tivemos a primeira xuntanza pola RPT de Medio Rural. A Secretaria Xeral Técnica dixo que a modificación era debida aos cambios na estrutura e a creacion das 549 prazas de reforzo de verán de bombeiros forestais (nada de prevención, só extinción) pero que non ían tocar as oficinas agrarias comarcais nin os distritos polo de agora, a espera dun estudo de carga de traballo e organización desta administración periférica que dá servizo ao rural galego. As RPT de AGACAL e Fogga din que as están a preparar e negociaranse despois desta.

Os concursos permanentes ou como rematar co caciquismo na Xunta

Imaxinade que queda unha vacante nun lugar que vos interesa ou hai un posto de nivel apetecible. Imaxinade que a solicitades e imaxinade que a solicitan 9 persoas máis. Ata aquí nada difícil de imaxinar. Agora ben, imaxinade que o posto llo asignan a persoa que teña máis puntos segundo o baremo do último concurso. Imaxinade tamén que se puidera actualizar ese baremo no primeiro trimestre de cada ano. Poñede ese baremo nunha disposición xeral e teríamos un concurso permanente.

Na antiga lei da Función Pública se recollía que os concursos de traslados serán anuais e nunca se cumpriu; na actual, os concursos non se enfocan como un dereito senón un sistema de xestión de recursos humanos e proba disto é que borraran calquera referencia temporal. Iso cando non o enfocan como unha ferramenta de propaganda eleitoral. O V Convenio Colectivo do Persoal laboral si chega a falar do concurso de traslados permanente pero dado o xiro da funcionarización, a Xunta non parece interesada en permitirlles tampouco a mobilidade.

Alegacións ao borrador do concurso de traslados de corpos xerais

O prazo para presentar alegacións ao borrador rematou a principios de abril e desde entón nada sabemos. Achegámosvos, para insistir co tema, as alegacións presentadas pola CIG e aproveitamos para emprazar ao director xeral de Función Pública celeridade e boa fé no proceso negocial, así como o concurso aberto e permanente para todos os procesos. 

Foron moitas as persoas que nos achegaron as súas consideracións e xunto coas liñas aprobadas nos nosos órganos internos serviron de base para configurar as alegacións presentadas. A parte das cuestións previas nas que rematamos que se acabe co cachondeo nos concursos, as alegacións tocan todos os apartados: requisitos, obriga de concursar, antigüidade, méritos específicos, grao persoal, traballo desenvolvido, tempo de permanentecia, medidas de conciliación, formación, titulación, etc.

Descargar alegacións

Se non te funcionarizas devolves a pasta da carreira

Continúa o circo do despropósito coa funcionarización: que si batería de preguntas, que si promoción interna encuberta nalgunhas categorías, que si non lle aclaran á xente os efectos sobra a súa concreta situación ou retribucións ou quen entra ou non entra, se o van ligar coa integración dos chiringuitos; agora tamén co cobro da carreira profesional.

Unha cousa é o que dicía ou o que non dicía o acordo de concertación social, o que dicía ou non dicía o director xeral da Función Pública e outra o que aparece na Orde de confección de nóminas publicada no DOG do 15 de abril. Mentres tanto o recurso da CIG contra o acordo de concertación social segue o seu camiño no Tribunal Superior de Xustiza de Galiza.

A CIG gaña as eleccións nos Servizos Centrais co 38% dos votos

Saca máis de 16 puntos á segunda forza máis votada.

Tras varios anos e no lugar máis complexo e máis incómodo para facer sindicalismo de clase e combativo, a CIG segue a ser a forza máis votada e con moita diferenza sobre o resto. A pesares que pasamos de 485 apoios aos 532, perdemos 1 representación do total de delegados e delegadas obtidas no 2015, quedando con 10. Esto resulta así pola entrada en escea dunha quinta entidade sindical.

Candidaturas	1- PR	2-FC	3-IN	4-CU	5-MR	6-PS	7-SA	8-MA	9-FONTIÑAS	10-ITINER.	TOTAL
CIG	53	53	59	78	43	43	67	53	29	54	532
CCOO	12	18	11	12	3	16	26	22	22	9	151
UGT	7	9	6	3	6	7	10	8	8	17	81
CSIF	33	28	36	20	21	26	27	39	22	29	281
SEPGA	27	29	49	11	33	16	43	47	34	30	319
Brancos	4	6	2	1	1	2		3	3	4	26
Nulos		2			3	2			1		8

 Descargar resultados desagregados

A CIG gaña as eleccións sindicais de persoal funcionario

Con 46 delegadas e delegados, a CIG revalida o primeiro posto na representación de persoal funcionario nas cinco Xuntas de Persoal.

Os resultados globais das votacións do xoves 11 de abril son os seguintes:

2019
	CIG	CSIF	CCOO	UGT	SEPGA	Total
Servizos Centrais	10	5	3	1	6	25
A Coruña	8	5	4	3	5	25
Lugo	8	5	2	4	4	23
Ourense	6	9	5	3		23
Pontevedra	14	2	3	2	4	25
Total	46	26	17	13	19	121

Modificacións ás bravas dos horarios de conciliación familiar

Estes días son nas Oficinas Agrarias Comarcais, mañá quen sabe. É este o compromiso da Xunta coa conciliación? É este o seu apoio á familia?

A Consellería de Medio Rural está a enviar estes días escritos polo que se modifica, polas boas, os horarios flexibles por conciliacicón familiar ao persoal das Oficinas Agrarias Comarcais.

Segundo a información que temos, estarían a chegar os escritos ao persoal técnico (veterinarios/as e enxeñeiros/as tec. agrícolas), baseándose en que estas oficinas teñen un carácter de oficina de rexistro e atención ao público.

O caso é que, segundo se desprende da notificación, ou aceptan a modificación que lles propoñen (de 09:00 a 14:00) ou lles revogan o horario por conciliación familiar. Sen máis.

Boletín CIG-Saúde Laboral, nº 31: as mutuas a controlar as baixas por enfermidade común

Presentámosche o Boletín da CIG de Saúde Laboral, nº 31, publicación en materia de prevención de riscos laborais e saúde laboral, elaborada polo Gabinete Técnico Confederal de Saúde Laboral da Confederación Intersindical Galega.

Neste número:

• Campaña da dereita política e empresarial para que as mutuas tamén controlen as baixas laborais por enfermidade común.
• Procedemento xeral de actuación en caso de enfermidade ou accidente que impida traballar.
• A Seguridade Social, as empresas colaboradoras, as mutuas e o Partido Popular: crónica dunha xestión nefasta e irregular.
• A enquisa hixiénica, unha ferramenta imprescindible no procedemento de avaliación de riscos.

Mesas e horarios definitivos nas eleccións do 11 de abril

O horario de votación será de 9:00 a 16:00h en todas as mesas excepto a intinerante que pecha ás 15:30h.

Achegamos información definitiva da localización e horarios das mesas de votación, froito da reunión mantida o martes a última hora con Función Pública para a loxística da xornada electoral e que trae algún cambio e comentario, a saber:

• A mesa nº 2 (Facenda) pasa a constituirse na Sala de Xuntas da consellería (planta baixa).

• No salón grande de Presidencia votarán as mesas nº 1 (Presidencia), nº 3 (Economía e Industria), e nº 4 (Cultura e Turismo)

• No salón pequeno de Presidencia votarán as mesas nº 5 (Medio Rural) e nº 6 (Política Social).

Este xoves, 11 de abril, VOTA CIG

11 de abril, eleccións sindicais persoal funcionario Servizos Centrais 

Este xoves, o persoal funcionario imos decidir quen nos vai representar os vindeiros catro anos diante da Administración; quen se vai sentar diante daquelas persoas que dirixen o goberno da Xunta, esas persoas que levan anos recortándonos o soldo (agora dannos faragullas) e os nosos dereitos (onde quedaron os 9 días de APs ou o Fondo de Acción Social?). 

Quen teña enfronte a Administración non é unha cuestión calquera, as traballadoras e traballadores do público temos que ser a garantía duns servizos públicos de calidade e iso non se fai se nós, todas e todos, as de calquera grupo, as de calquera escala, ou sexa: TODO O PERSOAL, non temos uns dereitos laborais que garantan unha carreira profesional independente e unhas condicións económicas e laborais dignas. 

O Boletín nº 228: Eleccións persoal funcionario Servizos Centrais

Xa está dispoñible para descarga electrónica O Boletín nº 228 dos Servizos Centrais da Xunta de Galiza. Neste mes de abril céntrase nas eleccións á Xunta de Persoal dos Servizos Centrais mais non só coa presentacion da candidatura ou co programa senón cun balance de feitos.

Neste número:

• Editorial: Votar non vale para nada... VOTA Á CIG, O VOTO QUE VALE
• En destaque: A CIG na Xunta de Persoal. O que defendemos.
• A Contra: Candidatura. Coa CIG todo o persoal funcionario importa

Disposición provisional das mesas eleitorais

A CIG denuncia o desmantelamento das oficinas agrarias comarcais

Dende a central advirten de que falta xa unha quinta parte do persoal por amortizacións ou falta de dotación orzamentaria

A CIG-Administración Autonómica denuncia que a falla de dotación de persoal e medios nas oficinas agrarias e a privatizacion ou extinción das funcions que realizan os profesionais destas oficinas de atención ao cidadán, labrego/a e gandeiro/a “producirán a sua desaparición en poucos anos”.

A necesidade de asentar poboación no rural que dinamice un sector primario produtivo compatible co entorno e o medio, asegure a prestación de servizos na poboación e sirva como única medida sostible a curto e medio prazo contra as vagas de incendios forestais “contraponse coa política da Xunta de Galiza que está a realizar un desmantelamento efectivo das oficinas agrarias comarcais, precisamente na lexislatura que Feijóo denominou do medio rural".

A Xunta privatiza a elaboración de informes sobre o impacto das obras no patrimonio cultural

A CIG denuncia que TRAGSATEC non ten persoal cualificado e esixe a creación de prazas na Dirección Xeral

O pasado 25 de marzo saía publicado no Diario Oficial de Galiza unha nova encomenda de xestión con TRAGSATEC pola cal se externaliza parte do servizo de elaboración dos informes sobre o impacto das obras que afectan a bens do patrimonio cultural e á súa contorna de protección. A CIG denuncia esta nova externalización de emprego público e esixe á Xunta que cree as prazas necesarias neste departamento para garantir a tutela do patrimonio cultural.

A encomenda, por valor de preto de 150.000 euros, ten unha duración de catro meses e carácter retroactivo a inicios de marzo, unha artimaña coa que a Xunta pretende dar visos de legalidade ao traballo que TRAGSATEC veu desenvolvendo para a Dirección Xeral de Patrimonio entre xaneiro e marzo, logo de ter rematado a vixencia dun primeiro contrato en decembro.

A CIG reclama do goberno galego que supere a taxa de reposición imitando á OPE do Estado

Limítase a cubrir baixas mentres a Administración Xeral supera en 2.843 prazas

A Xunta de Galiza vén de anunciar unha oferta de emprego público (OEP) para 2019 que a CIG valora como insuficiente e que non mantén nin recupera emprego perdido xa que apenas cobre as baixas que se produciron o ano pasado. A falta de interese do Goberno galego en recuperar o emprego que destruíu nos últimos anos nos servizos públicos faise patente ao comparar a súa OEP coa que vén de presentar a Administración Xeral do Estado, que supera amplamente a taxa de reposición de efectivos.

Esiximos que a Xunta deixe de xogar eleitoralmente cos concursos de traslados e que os faga permanentes

A Xunta de Galicia anunciou hoxe ás organizacións sindicais na reunión da Comisión de Persoal que nos vindeiros meses convocará un concurso de traslados para persoal funcionario con 1.500 postos, o que supón un incremento do 16% respecto ao anterior concurso.

Así comezaba a nota de prensa que sacou a Xunta ese mesmo día tras a Comisión de Persoal. Pouco despois chegaba o ansiado borrador que xa vos comentamos nesta nova xunto co que máis importa: o cando. E precisamente no cando ten moito que ver esta nota a a vindeira batería de citas eleitorais e ter medianamente contento ao persoal público.

É unha fraude que teñan pensado convocar en maio de 2019, cando precismanente se cumpren 4 anos da anterior convocatoria. Unha fraude tendo en conta o que se dicía na antiga Lei de Función Pública, que con menos medios electrónicos falaba desa frecuencia de 1 ano sempre incumprida porque primaban "as necesidades do servizo" ou ter a case todo o mundo en comisión de servizo, máis ben. 

Xa está en marcha o maratón profesional na Xunta, con dificultades técnicas adicionais

Xa está en marcha o maratón profesional na Xunta.

O pasado 28 de marzo publicouse no DOG a orde que regulamenta o acceso extraordinario ao grao I para persoal funcionario de carreira e persoal laboral fixo (co chantaxe engadido de que adquira o compromiso de funcionarizarse...).

O luns, 1 de abril, abriu oficialmente a aplicación no Portax para facer as solicitudes e xa tivemos un montón de queixas sobre os problemas técnicos para solicitala ou simplemente para acceder ao propio Portax a facer outras xestións alleas á carreira profesional.

As solicitudes están acumulándose todas nestes primeiros días con expectativa de que entre así xa na nómina de abril. Cómpre recordar que o prazo para solicitude é de 4 meses e que a carreira cobrarase, de ter dereito, con efectos económicos desde o 1 de xaneiro. En todo caso, demandamos a Función Pública que informe polo miudo desta situación e a corrixa canto antes para non perxudicar os nosos dereitos.

Admitida a trámite a demanda da CIG polo Acordo de Concertación do Emprego Público de Galiza

O Tribunal Superior de Xustiza de Galiza admite a trámite o recurso contencioso-administrativo presentado pola CIG contra a Orde do Acordo de Concertación do Emprego Público de Galiza pactado pola Consellería de Facenda e os sindicatos CCOO e UGT.

Desta forma da comezo a loita xudicial da CIG para a salvagarda dos dereitos do persoal e así dar solución das inxustizas deste mal Acordo que non recupera os dereitos laborais e económicos perdidos na última década e establece discriminacións entre o persoal empregado público.

Nesta demanda a CIG fixa os seguintes obxectivos:

E por que non unha promoción interna como a funcionarización?

No Acordo de concertación que asinaron CCOO e UGT xunto coa Administración, establecen un proceso de funcionarización para o persoal laboral fixo. Ao fío deste proceso, que sería unha promoción interna horizontal, a Xunta e os asinantes do acordo establecen unha promoción interna vertical encuberta para determinadas categorías subíndoas de subgrupo.

Nese proceso a maioría das categorías de persoal laboral quedan fóra da reclasificación, e por suposto, todo o persoal funcionario, pero o certo é que esa reclasificación a van facer e non parece haber ningún impedimento.

De aí, que si se pode facer para determinadas categorías de persoal laboral tamén se poderá facer para todo o persoal funcionario que voluntariamente acepte. E máis cando no borrador da OEP de 2019 só se contemplan 263 para a promoción interna das 2.653 totais de todos os corpos, xerais e especiais, e escalas.