A CIG gaña as eleccións nos Servizos Centrais co 38% dos votos

Saca máis de 16 puntos á segunda forza máis votada.

Tras varios anos e no lugar máis complexo e máis incómodo para facer sindicalismo de clase e combativo, a CIG segue a ser a forza máis votada e con moita diferenza sobre o resto. A pesares que pasamos de 485 apoios aos 532, perdemos 1 representación do total de delegados e delegadas obtidas no 2015, quedando con 10. Esto resulta así pola entrada en escea dunha quinta entidade sindical.

Candidaturas	1- PR	2-FC	3-IN	4-CU	5-MR	6-PS	7-SA	8-MA	9-FONTIÑAS	10-ITINER.	TOTAL
CIG	53	53	59	78	43	43	67	53	29	54	532
CCOO	12	18	11	12	3	16	26	22	22	9	151
UGT	7	9	6	3	6	7	10	8	8	17	81
CSIF	33	28	36	20	21	26	27	39	22	29	281
SEPGA	27	29	49	11	33	16	43	47	34	30	319
Brancos	4	6	2	1	1	2		3	3	4	26
Nulos		2			3	2			1		8

 Descargar resultados desagregados

A participación tivo un gran dato para o que soe haber no noso centro de traballo (un 40%) chegando a un 48% de media, se ben nalguna mesa como a de Políticia Social pasouse do 60%. En todas as mesas, salvo a de Área Central, a CIG foi a forza maioritaria, destacando en Cultura e Educación onde obtivemos o 62% dos votos. Así foi o reparto por delegados/as.

A nosa é unha organización de clase e as compañeiras e compañeiros que resultaron elixidos proveñen dunha candidatura de unidade e plural. Porque só desde a unidade de clase se consiguen as grandes conquistas, os servizos públicos e os dereitos que hoxe xa temos asumidos como inalienables que son tal porque se loitaon non porque caeran do ceo. Benvidos e benvidas todos os compañeiros e compañeiras que queiran traballar na liña duns mellores servizos públicos para todas e todos, da dignificación da nosa profesión e en prol dos nosos dereitos laborais.

532 apoios, 532 grazas