EGAP - convocadas actividades formativas para preparación promoción interna (con medios propios parece ser)

No DOG núm. 48 Mércores do 11 de marzo de 2020 publícase a RESOLUCIÓN a convocatoria de actividades formativas en liña de apoio á preparación das probas selectivas para o acceso, pola quenda de promoción interna, a diversos corpos da Administración xeral da Comunidade Autónoma de Galicia.

Ofertan catro actividades formativas dirixidas, cada unha delas, a apoiar a preparación das probas selectivas para o acceso, pola quenda de promoción interna, aos corpos superior, subgrupo A1; de xestión, subgrupo A2; administrativo, subgrupo C1; e auxiliar, subgrupo C2 da Administración xeral da Comunidade Autónoma de Galicia, que deberán desenvolverse segundo as bases detalladas no anexo.

A Xunta non protexe ao seu persoal no tema do coronavirus

Xa vimos vai semanas o que lle importa á Xunta a reunión dos Comités de Seguridade e Saúde Laboral, pero é que nin co tema do coronavirus queren reunirse a tempo. Tamén co tema do radón demostrou un desleixo fóra do normal.

O día 5 de marzo 2020 solicitamos a convocatoria do Comité de Seguridade e Saúde Laboral de Intercentros para acordar a implantación  de medidas de prevención de riscos perante a infección do COVID 19 no ámbito laboral do Xunta de Galiza. A resposta da Xunta foi convocarnos para o día 17 de marzo.

A día de hoxe a Xunta non implantou medidas específicas de protección fronte este virus infeccioso nos centros de traballo. É necesaria a convocatoria dos Comités de Seguridade e Saúde laboral para propor e avaliar ditas medidas e valorar a determinación do risco. Tralas medidas adoptadas polo Consello de Ministros este martes na Función Pública da Administración Xeral do Estado, a Xunta debera aprobar algo similar este xoves.

O concurso xeral suspendido polo coronavirus ou que?

Semella esta a única medida implantada polo Goberno da Xunta con relación a este tema ou non, tampouco se pronuncia nin sobre o concurso nin sobre o plan fronte o coronavirus nos propios centros da Xunta, que son moitos.

O concurso xeral convocouse a finais de novembro e a día de hoxe aínda non se abriu nin o prazo para solicitar os postos. Semella pois que o concurso permanente era eso, vivir nunha situación permanente de espera polo concurso.  Dende a CIG xa denunciamos varias veces a deixadez destes máis que malo, os siguinte, director da Función Pública Galega cos dereitos dos traballadores e traballadoras desta administración. Neste caso vamos falar do dereito a movilidade e a carreira profesional a traves do concurso. 

Á Xunta de Galiza non lle importa a saúde do seu persoal

O día 24/02/2020 tivemos reunión ordinaria do Comité de Seguridade e Saúde Laboral de Servizos Centrais, despois de ano e catro meses sen reunir dito comité, cando a lei di que se ten que reunir cada tres meses (a acta da reunión anterior e do 15/10/2018).

Dicir que o presidente, que é o que organiza hora, dia e convocatoria, non asistiu, e mandou un substituto. Comentar tamén que sendo a hora e tendo un comité paritario entre representantes da administración e representantes das organizacións sindicais de 10 membros por cada parte, estaban 9 membros das organización sindicais e 4 da Administración. O presidente substituto tivo que facer varias chamadas para que asistira un máis para ter quorum, e facer un paripé de reunión con catro “mariachis” que non tiñan materia para dar explicacións (non se avaliara ningún centro da súa consellería) e onde faltaban os principais actores. 

Horario de entroido 2020

Achegan aos servizos de Persoal o horario extraordinario con motivo das festas de Entroido. Aos traballadores/as  que prestan servizo en Compostela ao seren o martes de entroido festivo só nos afecta o horario de mércores:

a) Horario oficial: Entrada o mércores as 9.00 horas

b) Horario flexibilidade automática: Horario de entrada as 9.00, ou tendo unha redución dunha hora e quince minutos na parte flexibe.

c) Horario flexibilidade por conciliación: Redución dunha hora e quince minutos na franxa horaria de de traballo.

Reunión da XXPP co Director xeral da Función Pública

O pasado martes 11/02/2020 a permanente da Xunta de Persoal de Servizos Centrais mantivo unha reunión co Director Xeral da Función Pública que xa anteriormente tiñamos solicitada co Consellerio de Facenda dende novembro. O señor Valeriano decidiu pasar de nós (seica está enfadado dende que o metemos na fiscalía pola desfeita das oposicións de Turismo) e ordeou que fose o director xeral da Función Pública quen nos atendese. Dicir  que xa tiñamos solicitada tamén co sr. Barreiro unha reunión previa pero como sempre non nos contesta aos escritos e dende logo ganas de falar con nos non debe ter moita (pero como mandaba o conselleiro tivo que achantar). Na citada reunión aproveitamos para tratar os seguintes temas:

1.- Entregámoslle o novo Regulamento da Xunta de Persoal de SSCC. Aquí falamos da lealdade institucional entre os órganos da administración, e concretamos que  débese responder aos escritos que se presenten, por poñer un exemplo na anterior lexislatura non nos responderon dende a Función Pública Galega a máis de 20 escritos presentados  (recordemos que estamos a falar de que representamos a preto de 3000 persoas; funcionarias e funcionarios da Administración atuonómica). Tamén abordouse a idea de que deberíamos ter un enlace como Xunta de Persoal na paxina web de Función Púlbica, asimesmo se falou do tema de acceso a  REXEL no que a Xunta de Persoal despois de moitas xestións para que esté habilitado como receptora/remisora de documentos, a cousa aínda non vai. (recordemos que entre outras cousas temos que informar de todas as flexibilizacións por motivos familiares).

 2.- Solicitamos información do  concurso específico, que o director despachouno con un "está pendente do informe do Consello Consultivo", logo parece ser que se porán con elo de inmediato. 

Póliza de accidentes do persoal ao servizo da Administración Autonómica da Galiza

A Consellería de Facenda formalizou unha póliza de seguro cuxo obxecto é a cobertura dos riscos de accidentes do persoal da Administración da Comunidade Autónoma que se defina como asegurado.

A Compañía indemnizará en caso de falecemento, incapacidade permanente total, incapacidade permanente absoluta, gran invalidez ou invalidez parcial, en todas as continxencias derivadas de enfermidade profesional ou calquera accidente (Laboral ou non laboral que non estea expresamente excluído pola póliza) sufrido durante as 24 horas do día polo Asegurado e en calquera parte do mundo.

Adicionalmente a póliza establece a posibilidade da contratación dun seguro de vida e outro de accidentes, voluntario, para o persoal amparado pola mencionada póliza, tal e como está recollido no Anexo I da póliza. Esta adhesión voluntaria é totalmente independente da póliza da que é tomadora a Consellería de Facenda. Para calquera trámite, os interesados poden poñerse en contacto coa corredoría de seguros intermediaria na póliza: AON GIL Y CARVAJAL, SAU, CORREDURÍA DE SEGUROS, no correo-e: adhesionvoluntaria.xunta@aon.es teléfono: 981216013