A CIG solicita a dimisión de Beatriz Mato por exclavismo e crueldade laboral

Beatriz Mato, a conselleira que acepta regalos de empresarios, imponlle ao persoal laboral das residencias de maiores, centros de menores e Benestar social unhas condicións laborais de escravitude e de crueldade física e psicolóxica.

 

Desde a CIG de Traballo e Benestar da Coruña solicitamos a dimisión dunha conselleira que prioriza a súa vida social e mundana e despreza a situación das traballadoras e traballadores de atención directa dos servizos sociais e dos usuarios destes centros.

A situación do persoal laboral en Traballo e Benestar é calificada polos represetantes sindicais da CIG como "o colectivo máis castigado polos recortes e roubo de dereitos conqueridos historicamente, dentro do persoal laboral da Xunta. As traballadoras e traballadores das residencias da terceira idade dos entros de menores, todos os que estamos en atención directa e facemos quendas de traballo somos tratados como parias exclavizados, pola conselleira Beatriz Mato".

Novidades flexibilidade e teletraballo

A semana anterior nos dirixiamos á dirección xeral da Función Pública solicitando os datos da implantación da flexibilidade e teletraballo que nos remiten desde principios de agosto (deberán ser mensuais). Tamén solicitábamos información sobre o proxecto Morpheo  que tiña previsto a partir de comezos de 2014 permitir a tramitación telemática tanto da flexibilidade como do teletraballo, así como as vacacións, permisos e licenzas, a través da sinatura dixital incorporada nas tarxetas das empregadas e empregados públicos.

Pois ben, responden que en breve van convocar a chamada "comisión de seguimento" da Orde de xornada, flexibilidade e teletraballo,  que non volveu a reunirse trala súa constitución aló por febreiro.

Solicitan que se temos calquera pregunta, consulta, proposta, puntos para a orde do día, etc, que llas enviemos antes da celebración da comisión de seguimento para que o poidan mirar e así darnos unha resposta na propia comisión.

Por outra banda, o 31/10/2014 presentamos recurso diante das Instrucións de flexibilidade, teletraballo e xornada laboral, na liña do recurso xa presentado contra a orde que o regulamenta por vulneración na lei de igualdade con relación á flexibilidade familiar.

Recoñecemento da antigüidade por servizos prestados noutras Administracións

Para o persoal funcionario viña sendo recoñecido en base a unha normativa do Estado bastante antiga. Porén, para o persoal laboral, o recoñecemento da antigüidade por servizos prestados en Administracións fóra da Xunta de Galiza era "Misión imposible", o que obrigaba ao persoal laboral a acudir á Xustiza, máxime trala directiva europea 1999/70 que así lle recoñece o dereito.

Ben, agora a Administración está tendo reunións co Comité Intercentros e di que "asume a súa responsabilidade" e con esta orde pretende amañalo. Por suposto que estamos de acordo e pedimos celeridade na tramitación e entrada en vigor, agora ben que implica a "asunción de responsabilidade"?  Quen lle vai devolver o tempo e diñeiro perdido ás traballadoras e traballadores que tiveron que reclamar este dereito en vía xudicial?

Actualización: o 11 de novembro, reunida a Comisión Paritaria do V Convenio Colectivo para o Persoal da Xunta de Galiza, acordou por unanimidade, informar favorablemente esta Orde que recoñecerá os servizos prestados en calqueira administración pública a efectos do cómputo para o recoñecemento de trienios do persoal laboral.

Actualización 15/12/2014: publicada no DOG a ORDE do 1 de decembro de 2014 pola que se ditan normas relativas ao recoñecemento do complemento salarial de antigüidade ao persoal laboral temporal ao servizo da Administración da Comunidade Autónoma de Galicia.

Xa temos lotaría de Nadal

Dispoñemos xa de participacións de 5€ do número 84.535 para a lotería de Nadal, unha forma lícita, aínda que remota, de aumentar o patrimonio persoal. Estas participacións non levan recargo.

Por certo, e xa que falamos de cartos, hai cousas que non podemos agardar que as solucione a lotaría:

No Estado español as 20 persoas máis ricas poseen tanto como os 14 millóns de persoas máis pobres (do recente informe de Intermon Oxfam sobre a desigualdade)

Os concursos permanentes acabarían co caciquismo na Xunta

Imaxinade que queda unha vacante nun lugar que vos interesa ou hai un posto de nivel apetecible. Imaxinade que a solicitades e imaxinade que a solicitan 9 persoas máis. Ata aquí nada difícil de imaxinar. Agora ben, imaxinade que o posto llo asignan a persoa que teña máis puntos segundo o baremo do último concurso. Imaxinade tamén que se puidera actualizar ese baremo no primeiro trimestre de cada ano. Poñede ese baremo nun Decreto e teríamos un concurso permanente.

Na actual lei da Función Pública se recolle que os concursos de traslados serán anuais. O V Convenio Colectivo do Persoal laboral mesmo chega a falar do concurso de traslados permanente. Non se cumpre nin o un nin o outro. A realidade son moreas e moreas de comisións de servizo e adscricións temporais ditadas con absoluta arbitrariedade (salvo no persoal laboral que teñen como criterio obxectivo a antigüidade e a pertenza ao centro – e aquí si se cumpre, non como no persoal funcionario-).

O perdón da Xunta a COPASA con parte das nosas nóminas

O proxecto de Lei de acompañamento dos Orzamentos para o ano 2015 leva unha disposición adicional (a quinta) ben curiosa: Articulación dos principios de estabilidade orzamentaria e sustentabilidade financeira no réxime contractual da concesión de obra pública da Autovía da Costa da Morte

Pois ben, debaixo desta lousa vén un cheiro a podre:

A Xunta perdoa á construtora media Autovía da Costa da Morte

Ao final resulta que imos pagar ata 2036 un total de 745 millóns de € por algo que vale menos de 200. E iso sen ter en conta que lle acaban de perdoar 17 quilómetros de autovía á construtora (dun total de 42)... pero iso si, a empresa será compensada (aínda por determinar) polo gasto realizado e seguirá ingresando 745 millóns de € por menos traballo (toda unha xestión eficiente e racional). Que nota vai sacar na “avaliación do rendemento” a persoa responsable disto?? Ai, non, que son altos cargos e aí non hai avaliación do rendemento máis que cada 4 anos...

E por certo, a empresa á que lle perdoan o compromiso é COPASA que aparecía como donante en negro do PPdG nos informes policiais sobre os papeis de Bárcenas:

O PP galego ocultou dous millóns de euros de adxudicatarias da Xunta

Non somos traballadoras e traballadores públicos de segunda

Veñen sendo moitas as ocasións nas que se comenta que na Xunta non somos "traballadoras e traballadores públicas de segunda" aínda que o pareza. E o pode parecer por moitas cousas: os concursos de traslados aquí son cada lustro, a promoción interna ni se sabe, a cada volta cambian as convocatorias radicalmente, co cal non sabes ao que aterte, e por último, nas pagas extras.

Mentres as traballadoras e traballadores públicos da Administración Xeral do Estado cobran as extras completas, aquí levamos desde o 2013, incluído, cobrando 2/3 de paga extra para que ao Sr. Feijóo lle salgan as contas, iso sí, eles sen apretarse para nada o cinto.

Para maior desatino, unha vez que en Madrid anuncian que devolverán no 2015 o que os xulgados recoñeceron como noso da paga extra secuestrada de 2012 (ao redor dun 25%), na Xunta son tan miserábles que o van facer en dous cómodos prazos: un 12,5% en 2015 e un 12,5% en 2016.

Descargar cartaz