Concurso de traslados: a realidade pon a cada un non seu sitio

FP intenta puentear á CIG pero nos xa estamos curados destas trapalladas

Hoxe sae no DOG a ampliación de prazo para a resolución do concurso de traslados da Adm. Xeral. O motivo: que se van facer 6 meses desde a publicación da listaxe definitiva de persoas admitidas e excluídas e aínda non se resolveu. Pero é que o escándalo é que desde que se pechou o prazo para participar (aló por decembro de 2019) pasaron 16 meses; 16 meses para publicar unha listaxe de persoas admitidas e excluídas!!! E que non busquen a escusa na COVID porque a Administración galega seguiu funcionando en modo de teletraballo.

Primeiro dicir que xa nos dá a nos ata vergoña falar deste tema, pois de todas as falcatruadas, ineptitudes e faltas de xestión da Función Pública (nomeadamente do sr. Barreiro) dos últimos anos quizais esta sexa a que leva a medalla de ouro.

Pero por moito que feda o tema temos que seguir informando, e seguiremos pese a que Barreiro non nos ten en moita consideración; pese a que somos a forza máis votada no persoal funcionario, prefire filtrarlle onte a información a outros sindicatos amigos para que fagan campaña de información de primeira man.

Indo ao meollo da cuestión, podemos dicir que non nos enganábamos, pois no texto a propia administración recoñece o que dicía a CIG alá por Xaneiro:

-        O concurso non se vai resolver ata que finalicen os procesos selectivos de libre/estabilización.

E porqué hai que esperar? Por que alguén meteu a pata no seu día e incluíu os famosas postos ocupados por persoal laboral indefinido e fixo que todo o proceso fora preso da finalización dos exames. O problema témolo no grupo A1 onde hai que corrixir máis de 600 exames de tema e a cousa non avanza. Espero que tanto a DXFP como o Tribunal poñan todo o que teñen que poñer para axilizar o proceso.

Pero por se acaso houbera follón xudicial, FP cúrase en saúde e amplía o prazo non a un termo concreto senón que se escuda no artigo 23 da Lei de procedemento, onde literalmente di que se poderá ampliar un prazo  nun procedemento por circunstancias  especiais a unha data igual a que tiña o procedemento, ou sexa que se interpreta  NOUTROS SEIS MESES.

As nosas contas xa ían por aí pero agora teñen que saír do cubil e dar a cara, poida que esperemos logo ata abril....

E o tipo segue sen dimitir, e Feijoo e Rueda apoiando.