A Xunta saca adiante a lei do plus dos altos cargos

O día 30 de setembro remataba o prazo para presentar alegacións. As 4 organizacións presentes na Mesa Xeral fixeron unha rolda de prensa de que aquí non se vai seguir facendo o paripé e que se queren sacar o texto tal e como está (co plus dos altos cargos, persoal directivo, carreira administrativa dependente de informes subxectivos, concursos específicos, etc.) vai a ir ao Parlamento sen o apoio de ninguha central sindical.

A Función Pública respondeu convocando para o 6 de outubro, unha Mesa Xeral na que levou o mesmo texto remitido o 19 de setembro, sen cambiar unha coma. De reunirse si que se lle ve intencións (que hai que aparentar bo rollito, que veñen as eleccións), agora ben, de chegar a acordos, non lle vemos moito ánimo... para que, se teñen a maioría??

O conto rematou o día 14 de outubro cun levantamento da CIG da Mesa Xeral porque nos estaban tomando o pelo: lin e lian pero non discutían, nin negociaban nada.

Finalmente o día 16 de outubro, levárono a unha Comisión de Persoal para ser votado. Como ten maioría a Administración (que non é un órgano paritario), a pesar de ser votado en contra por todos os sindicatos, o texto saiu para adiante cunha patada para o Parlamento galego.

A CIG podía votar en contra por moitos motivos, pero sobre todo por pretender deseñar unha Administración ao servizo, non da xente, senón do partido político no poder e da súa corrupción.

Atención á nota da Voz sobre este tema:

A Xunta pecha sen apoio sindical o anteproxecto de lei para avaliar ao funcionario

E por que non lle chaman " a lei do plus dos altos cargos", "a lei do persoal directivo" ou "a lei que non pon coto aos asesores políticos"??

Insisitimos que o da avaliación do rendemento é unha cortina de fume para distraer a atención do que pretenden con esta reforma: blindar as Administracións galegas para a casta (recuperar o plus de altos cargos, traer directivos da empresa privada, discrecionalización dos dereitos das empregadas e empregados públicos...), e se non es compracente coa casta, pois sempre lles queda a "avaliación do rendemento" para defenestrar a túa carreira administrativa. 

Queren súbditos, non traballadoras e traballadores públicos.