O Goberno da Xunta insiste no seu plan de
devolvernos o 25% da paga extra de Nadal de 2012 en dous cómodos prazos no 2015
e 2016.
Ese 25% coincide coa parte devengada desa extra
antes do recorte, eses 44 días que a Xustiza recoñeceu en diferentes ámbitos
que non podían quitarnos con carácter retroactivo e que algunhas
Administracións xa devolveron.
A Xunta non é unha charcutería, e aínda que chourizos habelos, hainos,
non queremos “metade de cuarto” de paga extra, queremos o que é noso, o que se nos
debe... ou non hai que pagar o que se debe, Sr. Feijóo, e máis cando estamos
falando das nóminas das que dependen moitas familias e comen as nosas fillas e
fillos?
Por iso, animamos ás traballadoras e traballadores públicos galegos a colocar nos seus postos de traballo cartaces como os que acompaña esta publicación.
Descargar cartaz
Ningún comentario:
Publicar un comentario