Reunión da Xunta de Persoal coa vicesecretaría xeral da vicepresidencia: infraestruturas nos servizos centrais

O pasado martes 22 a Comisión Permanente da Xunta de Persoal reuniuse coa vicesecretaría xeral da vicepresidencia da Xunta de Galicia para tratar diversos temas que nos afectan.

Á reunión asistiron por parte sindical os nosos compañeiros da CIG , Toño Fernández como presidente e Fulgencio Fernández como secretario da Xunta de Persoal e tamén acompañdos dun representante de CCOO e do SEPGA.Pola parte da administración foi interlocutor o vicesecretario xeral.

Os temas tratados foron:

• A evolución da contratación das obras interiores de San Caetano: onde se vai a sacar o concurso de adxudicación de redacción do proxecto, para posiblemente a mediados do 2020 comezar unhas obras, que aparte de necesarias polo avellentamento do edificio, conlevarán unha importante modificación e estruturación da situación actual das unidades administrativas.

• A necesaria medición do gas Radón, tanto en San Caetano (aproveitando as obras) como en todos os edificios de servizos centrais, sobre todo naqueles de alto risco (como por exemplo o edificio de Mazarelos, actual sede de Emigración).

• A tramitación de alta en REXEL da Xunta de persoal pola emisión dos informes das nosas competencias (basicamente flexibilidade) e pola facilitación de comunicacións da Administración (mobilidade de unidades, obras, prevención de riscos..)
  Información das futuras obras de construcción do novo edifico de San Caetano 2: o tema o leva a axencia galega de infraestruturas e non hai moita máis información que a publicada nos xornais. Demandaremos logo información da AXI neste tema.

• Elaboración dun taboleiro web da Xunta de Persoal onde colgar información como as actas das reunións, acordos, enderezo das delegadas/os, canle de comunicación, etc.