Consellaría de Cultura e partidaria de privatizar en TRAGSATEC ainda que a Xustiza non llo permita

Neste artigo vai o resumo da sentenza gañada pola CIG do Tribunal Superior de Xustiza de Galicia, nº 14/2022, do 14/01/2022 en contra da privatización da Dirección Xeral de Patrimonio Cultural na empresa TRAGSATEC, o fallo non xera dúbidas e deixa moi claro que para a elaboración de informes técnicos previos ás autorizacións en materia de patrimonio cultural, e a Consellería de Cultura ten a obriga de facelo con persoal funcionario propio.

Fuxir do que di esta sentenza ou bordeala pode, dende o noso punto de vista, supoñer unha prevaricación administrativa. A  Asesoría Xurídica da CIG xa está estudar accións penais contra o persoal funcionario que incumpra a sentenza, así como contra os/as seus/súas xefes/as políticos/as do PP, que no seu ADN están as privatizacións para presuntamente coller mordidas ou pago de favores a empresas privadas.

Non quero adiantar máis porque a Sentenza 14/2022 que vai de seguido di claro, conciso e negro sobre branco o que pasa con estas privatizacións en TRAGSATEC, e non conformes con iso, a Consellaría de Cultura está pensando facer novas encomendas nesta empresa, bordeando a lei, e a CIG ten claro que imos aplican o punto anterior a todo o persoal funcionario e políticos/as que estén implicados/as nisto. Vai de seguido un resumo da sentenza:

1. Resumo da sentenza (TSX de Galicia, Sentenza 14/2022, 14-01-2022)

O Tribunal Superior de Xustiza de Galicia estima o recurso interposto pola CIG e declara nula a encomenda de xestión realizada pola Dirección Xeral de Patrimonio Cultural a TRAGSATEC para a elaboración de informes técnicos previos ás autorizacións en materia de patrimonio cultural.
A Sala considera que a encomenda vulnera a Lei 40/2015, a Lei 5/2016 do Patrimonio Cultural de Galicia, a normativa de emprego público e a xurisprudencia do Tribunal Supremo, ao entender que:

  • A Administración si dispoñía de medios propios suficientes (persoal funcionario e interino).
    • TRAGSATEC non acreditou dispoñer de medios propios idóneos, recorrendo maioritariamente a contratacións ad hoc.
    • A actividade encomendada non é meramente material ou técnica, senón que forma parte esencial da instrución do procedemento administrativo e condiciona o exercicio de potestades administrativas.
    • Produciuse unha externalización indebida de funcións reservadas ao persoal funcionario, o que supón unha “fuxida do Dereito Administrativo”.

2. Argumentos da sentenza para non poder externalizar os servizos
Estes son os argumentos clave que aparecen expresamente na sentenza e que fundamentan a imposibilidade de externalizar os servizos:

O mércores 3 de decembro abre o prazo para solicitar a carreira extraordinaria de 2025

 

👥 QUEN A PODE SOLICITAR?

• Persoal funcionario da Administración da Comunidade Autónoma de Galiza, escalas do persoal funcionario sanitario da Lei 17/89 e doutras Administracións que preste servizos nesta, e dos entes da LOFAXGA 45 a)
  
  
• O persoal laboral que asine o compromiso de participar e superar o proceso de funcionarización
  
  
• Sempre que NON obtivese ningún grao na convocatoria extraordinaria de 2024
  
  
• Estar en servizo activo o 31 de decembro de 2024
  
  
• Cumprir os requisitos de antigüidade e formación (ou, no seu caso, docencia, xefaturas etc.)
  
  

Da nosa administración, A QUEN EXCLÚEN?

OEP 2025: e repíteno outra vez, unha oferta de emprego ridícula e sen apenas promoción interna

 

Mentres o Presidente da Xunta xa anunciou a OEP 2025 no Parlamento o luns 17 de novembro, a directora xeral de Emprego Público (DXEP) convoca unha Mesa para a semana seguinte sen os anexos das prazas

A CIG-Autonómica denunciamos que a directora xeral de Emprego Público pretende levar á Mesa Xeral de Persoal Empregado Público do luns 24 un borrador de Oferta de Emprego Público (OEP) para 2025 sen remitir nin un só anexo coa relación detallada das prazas, malia o correo enviado por esta organización solicitando esa información básica para poder negociar. A situación é grave despois de sabermos pola prensa —e non pola Xunta— que o presidente Alfonso Rueda anunciou no Parlamento 700 prazas de acceso libre e 300 de promoción interna. Este proceder desvirtúa completamente a Mesa Xeral, converténdoa nun trámite baleiro no que nada se decide porque todo chega xa pactado e pechado.

Sen anexos e cun borrador cheo de eivas

Como xa é costume, a DXEP convoca unha negociación sen datos fundamentais, pois só contamos co borrador do decreto da OEP 2025 sen os anexos cos números de prazas. Da súa análise inicial destacan estes aspectos:

• Obrigan o persoal que acceda por promoción interna a permanecer no mesmo posto, sempre que este figure aberto ao novo corpo ou escala. Se o posto non está aberto, haberá que escoller destino. 
• Anexo II (PI separada): a forma de acceso será concurso-oposición.
• Anexo I (acceso libre): non se indica a forma de acceso.
• Mantense a fraude do grupo B transformado en C1, sen avanzar na ordenación profesional.
• Exclúense as escalas sanitarias da Lei 17, como xa ocorreu en anos anteriores (Sanidade irá por libre, publicando a súa propia OEP).
• Composición paritaria dos tribunais no conxunto da OEP, non en cada tribunal: medida simbólica pero con pouca repercusión real. O que se necesita é o informe de impacto de xénero previo.

A Xunta repite as eivas habituais e evidencia a mesma falta de vontade negociadora: oferta insuficiente, atrasos perpetuos e dependencia crecente das externalizacións.

O atraso estrutural: catro anos de demora e milleiros de vacantes acumuladas

Carreira extraordinaria para o acceso aos graos I, II e III: nin unha mellora con respecto ás convocatorias anteriores

 

A Administración volve a insistir cun modelo de carreira que non cumpre as mínimas expectativas nin da CIG nin das persoas empregadas públicas. De todos os problemas, eivas, discriminacións e desigualdade que leva consigo este modelo, e que levamos anos denunciando, non corrixen nin un.

Tráennos, ademais, un texto que foi negociado fóra das mesas e sen a presenza da CIG polas outras organizacións sindicais e isto é o produto desa submisión:

1. Seguen a teimar en que exista prazo para as solicitudes no canto da nosa proposta de que o recoñecemento dos graos debe producirse no momento en que a persoa empregada pública reúna os requisitos. Non admiten que sexa un sistema aberto análogo ao dos trienios ou ao dos sexenios do profesorado. O sistema de prazos implica que aínda que unha persoa cumpra os requisitos non vai poder acceder á carreira ata que a Xunta abra o prazo, e isto pode prolongar a perda do dereito en ata 3 anos. O prazo para solicitala vaise prolongar ata mediados de decembro de 2025 e terá efectos retroactivos dende o 01/01/2025.

BAREMACIÓN PROVISIONAL CONCURSO CORPOS XERAIS: DE VERDADE SERÁ EN NOVEMBRO?

Na mesa sectorial do día 13/10/2025, a dirección xeral de Emprego Público afirmou que a baremación provisional do concurso de corpos xerais sairía durante o mes de novembro, e repetiu a mesma afirmación na mesa xeral do 7/11/2025. Ante o recente anuncio de que as listas definitivas de admitidos e excluídos do concurso de corpos xerais estarían para o día 14 de novembro, pregunteime, iluso de min, se aproveitarían para sacar tamén a baremación provisional xunto a citada lista, pois parecía bastante lóxico.

Chamei esperanzado e xovial a Emprego Público e, como tantas outras veces, como si fora o protagonista dunha película cómica, recibín unha xarra de auga xeada na cabeza a modo de resposta: "O día 14 só sairá o listaxe de admitidos/as e excluídos/as. Sobre a baremación provisional no mes de novembro non te digo nin que si nin que non..."

Eu díxeno, vive deus que o dixen: “A directora de emprego público asegurou que a baremación provisional sairía perante o mes de novembro. Está nas actas das mesas sectoriais!”. Pero foi como falar ao profundo dunha cova ou ao fondo dun pozo. Case puiden escoitar o eco da miña voz ao outro lado da liña, como se me respondera un abismo.

Botando a vista atrás, lembrei con nostalxia a época en que os concursos convocábanse nunha data determinada e estaban resoltos nun ano xusto. Daquela, pensabamos que un ano para resolver un concurso era unha cousa excesiva, un desatino tremendo que non se explicaba. E iso que nesa morriñosa época os/as funcionarios/as éramos como artesáns e baremábamos os concursos coa man, contando os méritos como se contan moedas. Ante a nosa desesperación pola tardanza, dende as altas instancias, un tal Barreiro aseguraba que en canto houbera unha ferramenta informática, os concursos resolveríanse na metade dun segundo premendo co dedo índice a tecla ENTER.

Asina a Proposición Non de Lei pola cláusula de garantía salarial!

 

Na CIG consideramos unha promesa baleira o anuncio do Goberno de negociar un acordo salarial e chamamos á mobilización para acadar incrementos dignos que permitan reverter a perda de poder adquisitivo. Ademais, iniciamos unha campaña de recollida de sinaturas para avalar a Proposición Non de Lei (PNL) coa que demandamos unha cláusula de garantía salarial vinculada ao IPC para todo o persoal empregado público.

Na Área Pública da CIG (CIG-Administración, CIG-Saúde e CIG-Ensino) entendemos que non hai nada que celebrar na «intención» do Goberno español de sentar negociar un novo acordo retributivo para o persoal empregado público. Criticamos que as direccións de CCOO, UGT e CSIF se apresuren a vender como un éxito sindical este anuncio, cando se trata dunha promesa baleira, que pretende desactivar o crecente malestar do persoal e que, ademais, nin sequera se formula no ámbito da Mesa Xeral de Negociación.

Advertimos que, unha vez máis, se pretende negociar só cunha parte das organizacións sindicais con dereito a representación, fóra dos marcos institucionais que corresponden, e sacar un acordo pola porta de atrás que —moito nos tememos— seguirá afondando no deterioro salarial.

Neste contexto, na Área Pública da CIG avanzamos a convocatoria de mobilizacións para que tanto os orzamentos xerais do Estado como os orzamentos da Xunta de Galiza contemplen incrementos retributivos que revertan a continua perda de poder adquisitivo que ano tras ano sofre o persoal empregado público.

Lotería de nadal CIG 2025

Temos á vosa disposición a lotería de Nadal da CIG para o sorteo do vindeiro nadal (22/12/25).  Xogamos o mesmo número que anos anteriores, e as participacións voltan a ser de 5 euros sen recargo.

Os puntos de venda están no local da CIG en San Caetano, Edificio Central (Presidencia) 3º andar, teléfonos 981 545 909 / 981 545 987.

E no local da CIG en San Lázaro, baixo da Consellaría de Promoción do Emprego, teléfonos 981 546 999 / 881 997 290.

Ante as desilusión que nos dan cada día os responsable da Xunta (procesos selectivos eternos, concurso eterno, comisións de servizo sine die, promocións internas eternas...) a ver se podemos darnos unha alegría.

A CIG reclama unha suba do 5% para o persoal empregado público e unha cláusula de garantía salarial vinculada ao IPC

       A Área Pública da CIG (Administración, Ensino e Saúde) vén de iniciar a recollida de sinaturas da Proposición Non de Lei (PNL) para blindar por lei a revalorización salarial na Administración Xeral, o Ensino e a Sanidade.

A Área Pública da CIG  compareceu en rolda de prensa este luns para reiterar as demandas para garantir a recuperación da capacidade adquisitiva do persoal empregado público e dar a coñecer a campaña de recollida de sinaturas da PNL para o estabelecemento dunha cláusula de garantía salarial, de xeito que os salarios no sector público se actualicen automaticamente cada ano en función da suba do IPC real.

As federacións da Área Pública denunciaron que o Goberno do Estado aínda non trasladou ningunha proposta de incremento para este exercicio ou os vindeiros, malia que xa nos atopamos no último trimestre do ano. Dende a CIG-Administración Pública lembrouse que a última revalorización salarial que tivo o persoal empregado público foi o cobro dos atrasos correspondentes á suba do 0,5%, que se debería ter aplicado xa en xaneiro. Un incremento que para nada compensa a perda acumulada do 2,30% que supuxo a estafa do acordo marco 2022-2024, asinado polos sindicatos españois co Goberno.

Para reverter os efectos prexudiciais deste “pacto de perdas”, para este 2025 reivindicamos un incremento dos salarios do 5%, con carácter retroactivo a xaneiro; a recuperación íntegra das pagas extraordinarias recortadas dende 2010 no salario base e os trienios (conceptos que dependen do Estado); e a incorporación dunha cláusula de garantía salarial vinculada ao IPC.

 

A Xunta impón modificacións da Lei do emprego público de Galiza a través das leis de acompañamento e de orzamentos para o 2026 sen ningunha mellora

Dúas das normas máis relevantes para as persoas empregadas públicas como son a lei de orzamentos e a lei de acompañamento (lei de medidas fiscais e administrativas), o PP despachounas sen dar lugar sequera a unha negociación real. E para isto non nos enviou os textos das leis ata 20 horas antes da Mesa Xeral de Negociación de Empregados Públicos, e para poñer máis obstáculos enviou nova documentación media hora antes. A iso se lle chama mala fe negocial.

Pero non por iso renunciamos a expoñer as nosas demandas:

• Derrogación definitiva da lei de medidas temporais do 2012 e restauración dos dereitos recortados (9 días de asuntos propios, Fondo de Acción Social completo, dereitos do V Convenio, etc).
  
  
• Xornada de 35 horas semanais aplicando xa o que existe noutras administracións e compensación da redución a aqueles sectores que teñen outra xornada acordada.
  
  
• Concurso de traslados permanente, cun prazo máximo de resolución de 6 meses.
  
  
• Promocións internas mediante concurso de méritos sen límite de prazas.
  
  
• Comisións de servizos de superior categoría para corpos e escalas de subgrupos superiores se non existe persoal do propio corpo ou escala para cubrilas, tal e como existen noutras administracións.
  
  
• Complemento de antigüidade tendente a igualar os trienios.
  
  

Calendario laboral Compostela 2026: un día de moscosos a maiores e outro que non

O Diario Oficial de Galicia (DOG) publicou en data 20/06/2025, unha vez aprobado polo Consello da Xunta, o calendario laboral de Galiza para o próximo ano 2026. 

A normativa estatal, fixada polo Real Decreto 2001/1983, establece as 14 festas anuais de ámbito nacional non recuperables, remuneradas e de carácter obrigatorio. Destes 14 festivos, dous son elixidos por cada concello. Dos outros 12 restantes, 9 son de carácter obrigatorio e non substituíbles a non ser que coincidan en domingo: 1 de xaneiro, Venres Santo (3 de abril), 1 de maio, 15 de agosto, 12 de outubro , 1 de novembro (este ano coincide en domingo e a Xunta de Galiza cambiao polo 19 de marzo San Xose), 6 de decembro (este ano coincide en domingo e a Xunta de Galiza cambiao polo 24 de xuño San Xoan), 8 de decembro e 25 de decembro. 

Ademais, outros tres festivos de carácter nacional poden ser substituídos polas comunidades autónomas: o 6 de xaneiro, que nunca se cambia, agás que coincida en domingo; o Xoves Santo (2 de abril) que Galiza non cambia tradicionalmente. E dáselle a opción ás comunidades entre o 19 de marzo e o 25 de xullo. Sempre se elixe o 25 de xullo, xa que é o Día Nacional de Galiza, tal e como quedou establecido polo Decreto 8/1978, do 10 de xullo.

Pola súa banda, o Concello de Santiago de Compostela aprobou como festivos locais para 2026 a Ascensión e o martes de entroido, este sustituindo a San Roque o coincidir en domingo. A Consellaría de Emprego, Comercio e Emigración publicou a totalidade de festivos locais para o ano 2026, Resolución DOG xoves 30 de outubro de 2025 .

Concursos (ordinarios e específicos). Carreira. E máis (información da MSF 13/10/25)

 

Na rolda aberta de intervencións da MSF do 13/10/25, a directora xeral de Emprego Público e Administración de Persoal (DXEP) deu información de: 

Concursos ordinarios de traslados

A CIG preguntou pola situación de todos os concursos de traslados que están en execución, pola situación das medidas xudiciais que afecten aos concursos, e polas previsións dos concursos que faltan por convocar. 

A DXEP respostou:

• Que no mes de novembro publicarán o baremo provisional do concurso de corpos xerais
• Que a continuación publicarían o baremo será o de escalas sociais
• Que non tiñan novidades xudiciais
• E punto final
  
  

Concursos específicos

Promoción interna de corpos xerais (para MSF 13/10/25)

 

A directora xeral de Emprego Público e Administración de Persoal convocou unha xuntanza da Mesa Sectorial de Persoal Funcionario que será o luns 13 de outubro, coa seguinte Orde do día:

1. Bases da convocatoria da promoción interna separada ao corpo superior-A1 Descargar
   
   
2. Bases da convocatoria da promoción interna separada ao corpo de xestión-A2. Descargar
   
   
3. Bases da convocatoria da promoción interna separada ao corpo administrativo-C1 Descargar
   
   
4. Bases da convocatoria da promoción interna separada ao corpo auxiliar-C2 Descargar
   
   

Queda fora desta mesa, as bases da convocatoria da promoción interna separada á escala de persoal de servizos xerais (PSX)-C2, borrador que tamén enviaran o día 8 de outubro conxuntamente cos de corpos xerais.

Nas catro convocatorias de corpos xerais, reducen un pouco do programa a Lei 7/2023, para a igualdade efectiva de mulleres e homes de Galiza. E nas bases de A1 e A2 modifican o número de preguntas do primeiro exercicio para igualar o número de preguntas ao da convocatoria anterior (pasa de 180 a 160 en A1, e de 160 a 140 para A2).

Unha vez que pase por Mesa Sectorial, queda pendente a súa aprobación nunha Comisión de Persoal posterior.

A CIG demanda o establecemento dunha cláusula de garantía salarial para o persoal empregado público

 

Desde o ano 2010 o persoal empregado público perdeu máis dun 20% de poder adquisitivo

A CIG rexistrou esta mañá unha Proposición non de Lei para que o Parlamento de Galiza inste á Xunta a dirixirse ao Goberno do Estado para que presente de inmediato unha proposta lexislativa que estableza unha cláusula de garantía salarial para o persoal empregado público, de xeito que os seus salarios se actualicen automaticamente cada ano en función da suba do IPC real. Unha suba que debe ser independente e complementaria dos incrementos salariais que poidan acordarse no ámbito da negociación colectiva xeral.

Xustifícase esta demanda porque desde o ano 2010, o persoal empregado público está a sufrir unha perda continuada de poder adquisitivo que, supera xa o 20%. Unha situación da que responsabilizou ás políticas económicas impulsadas polos sucesivos gobernos do PP e do PSOE, xunto co impacto das crises económicas e a pandemia da COVID-19, que tiveron consecuencias moi negativas nas condicións salariais do persoal ao servizo das administracións públicas.   

Rebaixas salariais       

Persoal da Xunta de Galiza reclama unha solución inmediata á parálise dos concursos de traslados (Concentración 30/09/2025)

 

A CIG demanda unha prelación xusta, axilidade na resolución, máis medios e a duplicidade dos postos bloqueados por medidas xudiciais

Traballadoras e traballadores da Xunta de Galiza concentráronse na mañá do martes 30 de setembro de 2025 diante do edificio administrativo de San Caetano para esixir unha solución inmediata aos concursos de traslados, paralizados dende hai anos. Con esta protesta, convocada pola CIG, reclamamos que se garanta unha prelación xusta de dereitos na provisión dos postos, a axilización da resolución dos procesos multiplicando os medios humanos e materiais e a duplicidade dos postos bloqueados de maneira cautelar por resolución xudicial.

A CIG salientou que esta paralización afecta a milleiros de persoas empregadas públicas da Administración galega e culpou á Dirección Xeral de Emprego Público (DXEP) de provocar este descomunal problema ao non convocar concursos de traslados durante lustros ou décadas. A esta non convocatoria súmase que a Administración xeral da Xunta lle deu destino provisional a persoal que lle correspondía destino definitivo e que agora o reclama xudicialmente, ocasionando con isto unha situación de alteración moi grave da orde lóxica de adxudicación de postos, que ademais ten consecuencias sobre os procesos selectivos onde hai persoal pendente de nomeamento.

A CIG critica a caótica xestión do Goberno galego en materia de persoal de incendios

    

Alertamos de que se están a facer chamamentos en plena vaga de lumes sen tempo para formar en prevención.

Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir.

Temos datos de chamamentos en referencia ao aviso das coberturas que se van realizar, pero non sabemos cal é o criterio de cobertura, cantas prazas en total hai vacantes e se quedan prazas sen cobertura.

Lembramos que ano tras ano a CIG esixe a cobertura de todas as vacantes do SPIF antes de que comece a campaña para que dea tempo a formar nas tarefas do posto e en prevención de riscos laborais ás novas incorporacións e para que poidan coñecer minimamente a operativa do dispositivo.

Mais a Xunta vén de facer os últimos chamamentos de persoal o pasado venres 15, que constitúen os números 16 e 17 desta campaña dende que os chamamentos comezaron no mes de abril. Nesta ocasión cubríronse 198 baixas (non vacantes, senón substitucións) que non sabemos cando se xeraron, cando comezaron e por que non se cubriron antes.

Situación do concurso de traslados e dos destinos das escalas de enxeñarías, arquitectura e ciencias

   

A directora xeral de Emprego Público e Administración de Persoal convocounos para falar deste asunto o día 06/08/2025. Antes da resolución do concurso de traslados de enxeñarías, arquitectura e ciencias xa tiveran que retirar dous postos por medidas cautelares de persoas en destino provisional que demandaron o destino definitivo. Pero despois de publicar a resolución do concurso o 11 de xullo, recibiron outros 9 autos de medidas cautelares. 8 deles son por procedementos ordinarios e 1 por extensión de efectos de sentenza. Das 9 medidas cautelares, 8 afectan a postos xa adxudicados ao concurso e que agora se ven obrigados a non adxudicar. A outra medida cautelar non afecta a postos adxudicados no concurso.

Prevén que a primeiros de setembro poidan chegar máis medidas cautelares e xa non poderán cumprir co compromiso de que en xullo/agosto serían as tomas de posesión do concurso e destinos definitivos dos procesos. Non sería ata setembro, sempre e cando poidan garantir a seguridade xurídica do proceso.

Respecto do concurso de traslados:

• As persoas afectadas non serán só as 8 ás que se lles adxudicaron os postos agora retirados por medidas cautelares, senón tamén todas aquelas ás que se lles adxudicou por resultas un dos postos que puideran deixar esas 8 persoas.
  
  
• Non farán unha rebaremación. É dicir, que as persoas que por medidas cautelares queden sen posto, quedarán directamente fora do concurso, sen opción a adxudicárselle outro. Xustifican isto alegando que se rebareman e finalmente a xustiza rexeita no futuro a petición dalgunha das persoas á que lle deron medidas cautelares, hai risco de que a totalidade do concurso quedase anulado. Tal e como fan, os efectos futuros dunha sentenza desestimatoria serían só sobre os postos retirados.
  
  

Respecto das eleccións de destinos:

O PP despreza ao persoal bombeiro forestal

Xa sabiamos que para o PP a culpa dos lumes é de todo o mundo menos deles. Agora ben hoxe coñecemos unha mensaxe tremenda da presidenta do PP do Barco de Valdeorras nas redes sociais.

Que esta señora afirme que a única culpa dos lumes a teñen os incendiarios e algún das brigadas forestais supera tódolos límites e ahí sí que se van atopar de fronte coa CIG.

E non contenta con iso, tamén di que se o persoal das brigadas quere traballo que se adique a outro que non sexa temporal. En conclusión non están nin se esperan melloras na política da prevención dos lumes cando cargos do PP se adican so a pensar na temporalidade asociada á extinción dos lumes.

O persoal bombeiro forestal da Xunta está facendo todo o que pode e mais contra esta lacra arriscando a súa vida e non so non se están a respetar os seus dereitos laborais senón que agora os cargos do PP se adican a calumnialos nas redes sociais.

O que deberan facer os do PP é disculparse públicamente e dende logo tomar medidas contra os seus cargos por estas saídas de testo.

Dende a CIG non imos tolerar este maltrato ao persoal do servizo de incendios e tomaremos as medidas oportunas.

Concursos de traslados

Asistimos á Mesa Sectorial de Negociación de Persoal Funcionario do 10/07/25, onde a directora xeral de Emprego Público e Administración de Persoal (DXEP) facilitou a seguinte información relativa aos concursos de traslados.

ESCALAS DO SERVIZO DE GARDACOSTAS

A adxudicación de postos será publicada no DOG do 14 de xullo. A información xa está dispoñible no web de Función Pública. As datas de cese e toma de posesión serán nunha resolución posterior, coincidindo coas tomas de posesión definitiva dos procesos selectivos.

ENXEÑARÍAS-ARQUITECTURAS-CIENCIAS

A adxudicación de postos será publicada no DOG do 11 de xullo.

Neste concurso detectamos tres postos que foron ofertados como vacantes para a primeira fase, e que desapareceron da adxudicación. Son:

• MAC040000336560006 Parque Nacional Illas Atlánticas A1 Enxeñeiros de Montes.
• MRO191000036001060 Xefatura de Sección FOGGA A1/A2 enxeñeiros agrónomos/enxeñeiros técnicos agrícolas.
• MRC030000115770014 xefatura de sección Dirección Xeral de Defensa do Monte. A1/A2. enxeñeiros de montes/enxeñeiros técnicos forestais.
• Facilitamos os códigos á DXEP e reclamamos que nos digan: 1) se existen máis postos desaparecidos, 2) unha explicación individualizada de cada un deles. A resposta da DXEP é que recibiron auto xudicial de medidas cautelares que ordena a retirada de dos dous postos do concurso. Do terceiro di que investigará e informará. Insistimos en demandar información individualiza de todos os postos retirados.
  
  

DE EMPREGO PÚBLICO Á ETERNIDADE: procesos de promoción interna a C2, C1, A2, A1, procesos libres, concursos varios, estabilizacións..

Dende hai un tempo están a desenvolverse diversos procesos selectivos por quenda de promoción interna e libre. O caso é que emprego público demora tanto en resolver as diversas fases e tarda tanto en pasar ás seguintes (aínda que poda facelo) que, en moitas ocasións, solápanse as novas convocatorias co a resolución das antigas. Isto fai que os empregados públicos non teñamos a posibilidade de planificar o noso tempo dun xeito adecuado.

As novas convocatorias dos grupos C2, C1, A2 e A1 de promoción interna están previstas para outubro de 2025 e os exames a maioría para maio e algúns para xuño. Moitos/as dos/as traballadores/as están inmersos en anteriores convocatorias e están pendentes da fase de concurso para saber se obtiveron praza.

Por poñer un par de exemplos, as persoas que promocionan dende asociacións profesionais ao grupo C2, levan esperando dende abril; e as que promocionan do grupo C2 ao C1 fixeron o único exame da promoción... o 2 de febreiro!! Se Emprego Público actuara con algo de axilidade, moitos/as deles e delas poderían planificar o verán para estudar ou apuntarse unha academia ou, por fin, para descansar de tanta lei. A desidia por parte de Emprego Público á hora de comezar as fases de concurso vai sempre en prexuízo das persoas traballadoras.

O mesmo pode dicirse do concurso xeral de traslados o dos concursos de escalas, que se convocan cada milenio e tardan outro milenio en resolverse, ou das fases de concurso de acceso libre, como a fase de méritos do proceso selectivo para a Inspección de Turismo, que levan esperando dende maio.

A espera é tan longa que, en ocasións, hai xente que acaba xubilada ou, no peor dos casos, xa nin está vivo (coñezo algunha situación de primeira man).

Confírmase a estafa: cando nos paguen os atrasos do 0,5% levaremos perdido o 2,30% en tan só tres anos

 

O Goberno ven de aprobar a suba salarial adicional do 0,5% confirmando a perda do poder adquisitivo do persoal empregado público . Esta miseria é froito do pacto salarial de CCOO e UGT, e agora pretenden de novo vender como un éxito o que foi un “pacto de perdas”

Os tres protagonistas da última tomadura de cabelo ás empregadas e empregados públicos saíron nestas últimas horas a felicitarse por algo insólito: imos cobrar os atrasos que nos deben! O goberno central, CCOO e UGT aplauden como un éxito que vaiamos cobrar unha suba do 0,5% cun carácter retroactivo de 18 meses.

Se xa é un escándalo que ese pagamento non se tivese producido cando correspondía (xaneiro do 2025) aínda o é máis que ninguén das persoas responsábeis poña o acento no realmente importante: como queda o poder adquisitivo dos e das empregadas públicas logo do pacto salarial 2022-24? Estivo ese pacto á altura das circunstancias? Respondeu á necesidade de recuperar o que nos recortaron previamente? Estabilizou cando menos o noso soldo ao respecto do IPC? Todas as respostas a estas preguntas son a mesma: un rotundo NON.

O efecto do pacto sindical estatal de 2022 (vencido en 2024) foi unha suba do 9.8% (computando xa o 0.5% que imos cobrar agora). Neste mesmo tempo, sen contar este ano 2025, o IPC subiu un 12,10%. Isto supón unha depreciación do noso salario dun 2,30%. 

A carreira profesional volve á mesa de negociación (17/07/25), acompañada dunha BOMBA PARA A CARREIRA ORDINARIA

 

Sete meses despois do primeiro borrador, envían para a Mesa Sectorial de Negociación do Persoal Funcionario (MSF) e Mesa Xeral (MX) de Empregados Públicos do xoves 17 uns novos textos dos graos I, II e III extraordinarios da carreira profesional (carreira administrativa para o persoal funcionario e complemento do desempeño para o persoal laboral). Á Dirección Xeral de Emprego Público e Administración de Persoal levoulle sete meses poñer cambios tan radicais como trocar a palabra “proposta” por “borrador”, e pouco máis.

A maiores, acompañano cun bombazo, un borrador de anteproxecto de decreto que regula o sistema ordinario de carreira. O texto endurece moitisimo os criterios para a obtención dos graos e engade o requisito dunha avaliación do desempeño que mesmo pode influir nos futuros concursos de traslados (mesmo pode supor a perda de destino).

Os graos I, II e III extraordinarios da carreira profesional

Descargar:

• Borrador da carreira administrativa extraordinaria para os graos I, II e III da MSF 17/07/25

• Borrador do complemento de desempeño extraordinario para os graos I, II e III da MX 17/07/25
  
  

Os documentos que achegan son idénticos aos que xa enviaran en decembro do 2024. Non aceptaron nin unha soa alegación.

E con isto seguimos no camiño dunha carreira profesional lenta, farragosa e cos pagos troceados en catro anualidades. Para o grao III farán falta 17 anos pero como non cobraremos o 100% ata 2028, así que na práctica serán 21 anos. E seguimos coas exclusións e condicionantes como estar en activo a 31 de decembro de 2024 ou ter que agardar a que decidan abrir o prazo para solicitalo (non é como os trienios, que o cobras en canto os cumpres).

Estas convocatorias extraordinarias tiñan que estar negociadas a finais do 2024. E a estas alturas aínda van á MSF para mediados de xullo, quedando pendente a súa aprobación en Comisión de Persoal e publicación en DOG, cando xa estamos en pleno verán. 

Queremos unha carreira profesional sen tronzar en anualidades, automática ao cumprir os requisitos e para todo o persoal, que non dependa da vontade de que a Xunta decida convocar, nin se empregue para chantaxear ao persoal empregado público. 

Carreira profesional ordinaria e avaliación do desempeño

Descargar

• Anteproxecto de Decreto polo que se aproba o sistema de carreira administrativo do persoal funcionario e laboral e avaliación do desempeño (MX 17/07/25)
  
  

O sistema ordinario de carreira tiña que estar negociado antes do verán do ano 2019, segundo o Acordo de concertación do emprego público de Galiza asinado por Xunta+CCOO+UGT. E cando estamos en pleno verán do 2025, envían un borrador directamente á MSF, sen ningunha xuntanza previa, sen borradores de traballo, cun texto durísimo. 

Rueda culmina a creación do «Instituto Galego de Trolas» (IGT), en suplantación do IGE

    

Co silandeiro cesamento do director do IGE, Rueda liquida o que até o de agora fora o Instituto Galego de Estatística, vendido ás empresas privadas e transformado nun medio de censura máis, xunto coa RTVG

Esta é a crónica dunha suplantación fría e rapidamente calculada. Dende o intre en que Rueda encargou un informe á medida á empresa Sondaxe —grupo de La Voz de Galicia— para desdicir, previo pagamento, a «Enquisa estrutural a fogares. Coñecemento e uso do galego» do Instituto Galego de Estatísica (IGE), feita pública o 11 de outubro de 2024, e que destapaba a situación crítica da lingua galega, xa todo quedou dito. A cabeza do até entón director do organismo de maior relevancia da estatística pública de Galiza quedou sentenciada, só era cuestión de tempo... As críticas a Rueda, Feijoo e, en xeral, a todo o PP, pola deliberada incompetencia na xestión da política lingüística, non tardaban en chegar, e dirixirse tamén cara ao conselleiro de Cultura, Lingua e Xuventude, José López Campos. Saldábanse de contado dende dentro do propio PP, coa dimisión e baixa no partido do seu coordinador de Cultura o 19 de novembro de 2024. 

É A XUNTA DE GALICIA UN ESPAZO SEGURO PARA AS MULLERES?

 

Despois da denuncia por presunta agresión sexual ao conselleiro Alfonso Villares, descubrimos varias cousas:

- A primeira é que o seu homónimo, Alfonso Rueda, sabía dende hai meses a existencia da denuncia sobre o seu home de confianza.

- A segunda, que o presidente de todas as galegas prefire darlle unha aperta a un presunto agresor (os tribunais determinarán se o é ou non) á vista de todo o mundo que solidarizarse, aínda que fose dun xeito xeral, coas vítimas de agresión sexual.

Vaia, que en vez dun presidente prudente (perdón pola rima) que acepta a dimisión do seu conselleiro sen máis comentario e que se solidariza con todas as vítimas de agresión sexual, este HOME, con maiúsculas, non dubida en falar da posibilidade de recuperar a Villares para a política e de darlle unha aperta fraternal en público. Só lles faltou poñer unha alfombra vermella e despedilo con bágoas e panos, un agasallo e a  promesa de que farán todo o que sexa para que retorne. A verdade, que case o fixeron... O espectáculo foi vergoñento.

En paralelo, faise un xuízo mediático pola dereita periodística escudriñando até o último detalle da vida da presunta agredida, como se non tivera suficiente coa experiencia.

Pero imos ó importante: que tipo de mensaxe está transmitindo ás mulleres? Que tipo de mensaxe está transmitindo á sociedade?

Horario de verán 2025: corta e pega o do 2024

Función Pública vai publicar a seguinte nota sobre o horario de verán do 2025:

HORARIO DE VERÁN 2025

Horario oficial:
Do 16 de xuño ata o 15 de setembro deberán realizarse 6 horas diarias continuadas de traballo entre as 8:00 e as 15:00 horas. O cálculo do cumprimento da xornada laboral será en cómputo diario.

Horario flexibilidade automática:
Do 16 de xuño ata o 15 de setembro, deberán realizarse 6 horas diarias continuadas de traballo entre as 8:00 e as 15:00 horas. O cálculo do cumprimento da xornada laboral será en cómputo diario.
Ata o 30 de xuño será posible compensar débeda do mes de maio e ata o 31 de xullo débeda da primeira quincena do mes de xuño. O tramo horario de compensación será de 8:00 a 15:00 horas.

Horario flexibilidade conciliación:
Do 16 de xuño ao 15 de setembro, deberán realizarse 6 horas de traballo diarias na franxa horaria autorizada pola Secretaria Xeral Técnica na resolución de concesión de flexibilidade por conciliación. O cálculo do cumprimento da xornada laboral, será en cómputo mensual.

Ata o 30 de xuño será posible compensar débeda do mes de maio e ata o 31 de xullo débeda da primeira quincena do mes de xuño.

Horario redución de xornada de traballo diaria:
Do 16 de xuño ao 15 de setembro, deberá realizarse diariamente dentro da franxa horaria autorizada polo órgano de persoal correspondente para a concesión desa redución de xornada o tempo de traballo que se determine mediante a seguinte fórmula:

A Xunta agranda as diferenzas nos soldos incumplindo normativa báisca: Escala de Finanzas e Letradas/os

Suba salarial de 6000 € na Consellaría de Facenda e na Atriga nas prazas do nivel 28 e nivel 30. E o resto de persoal... que???

A CIG foi convocada a unha xuntanza coa Consellería de Facenda e Administracións Públicas o 4 de xuño de 2025 para tratar as modificacións das relacións de postos de traballo (RPTs) da propia Consellaría e da Axencia Tributaria de Galiza (Atriga).

A modificación de RPT que nos presentan, por unha banda, é para a adaptar a Consellaría de Facenda ao Decreto 141/2024 e as súas modificacións, onde se regula a estrutura orgánica da Consellaría; e por outra banda, os cambios da RPT son para a reorganización dalgúns servizos.

Non obstante, a modificación da RPT obedece, fundamentalmente, a darlle cumprimento á Lei 4/2024, do 27 de decembro, de orzamentos xerais da Comunidade Autónoma de Galiza para o ano 2025. Isto quere dicir que se pretende facer o mesmo que fixo Presidencia hai uns meses cando lle subiu máis de 5000 € ao persoal letrado de nivel 30, así como na parte proporcional no caso das prazas de nivel 28, para equiparalos/as ás remuneracións dos|as letrados/as do Consello Consultivo de Galiza.

Escala de Finanzas: suba de 6.000 € nos complementos específicos en prazas de nivel 30 e parte proporcional nas de nivel 28

Concursos específicos; cese interinos/as; estado concursos; e máis (CP 03/06/25)

 

O martes 3 de xuño participamos na Comisión de Persoal na que quedou aprobado o modelo de bases para a provisión de postos mediante o concurso específico, figura creada principalmente para xefaturas de servizo, algunhas seccións e dirección de centros.

A proposta da Xunta foi rexeitada polos catro sindicatos con representación na Comisión de Persoal (CIG, CCOO, CSIF e UGT).

As grandes liñas do voto en contra da CIG son:

• Non se esixe un prazo de tempo para a convocatoria e provisión dos postos, o que vai permitir que poidan manter as prazas en comisións de servizos
• Valoran méritos obtidos en comisións de servizos. É dicir, que valoran méritos obtidos discrecionalmente, sen criterios obxectivos.
  As consellerías poden modificar totalmente o baremo, o que lles vai permitir "personificar" as bases da convocatoria individualmente para cada posto.
• Todo o proceso de selección das persoas quedará en mans das consellerías, sen un mínimo control por parte da dirección xeral que exerce as competencias en materia de persoal (a D.X. de Emprego Público e Administración de Persoal-DXEP)
  
  

En definitiva, que vamos a unha Administración cos postos intermedios sometidos ao poder político. O persoal funcionario perde algo máis da súa independencia.

Rolda aberta de intervencións

Máis atrancos para a xubilación anticipada con coeficientes redutores

Publicado o Real Decreto 402/2025 que regula o procedemento previo para determinar os supostos para xubilación anticipada mediante coeficientes redutores. 

Confírmase o recorte nas pensións ao non recoñecerse a xubilación anticipada nin garantirse os coeficientes nos traballos máis penosos. O novo Real Decreto recolle os criterios para que os traballadores de actividades penosas, perigosas ou insalubres teñan a posibilidade de acceder á xubilación anticipada, determina se ese colectivo ou actividade poderá ter dereito aos coeficientes redutores, pero non contempla un procedemento para a súa aplicación directa.   

Na perigosidade da actividade terase en conta a incidencia de baixas no colectivo tanto por continxencias comúns como por profesionais e sucesos graves con resultado de morte ou incapacidade permanente. 

Un procedemento previo e complexo 

O procedemento resulta extremadamente longo e difícil, consta de tres partes que son o inicio da solicitude, emisión de informes da Seguridade Social, do Instituto Nacional de Seguridade e Saúde no Traballo e para persoal da Administración requírese tamén do Ministerio de Traballo e Administración Pública. Despois dun trámite de audiencia e alegacións remitirase a unha Comisión de avaliación que emitirá unha resolución do procedemento que permitirá iniciar o trámite de rebaixa da idade de xubilación. Sinala como mínimo seis meses unha vez iniciado e que de non conseguilo non se poderá iniciar outro en 4 anos. 

Estará disposta a nosa Administración a cotizar máis?

As Consellarías de Medio Rural e Política Social e Igualdade denegan o permiso parental

 

O permiso parental de oito semanas, até que a/o menor cumpra oito anos, está regulado, agás polo de agora a súa retribución, e está incluído na carta de permisos do Portax

No Portal do empregado/a público da Administración da Xunta (PORTAX) aparece este permiso e está activo no apartado de solicitudes. Aínda que o Pórtax omite a información da normativa básica, pódese solicitar por semanas completas, cunha antelación de 15 días e até que o fillo ou filla cumpra 8 anos de idade. 

No Consorcio non o incluíron na carta de permisos, licenzas e vacacións no Portal da/o Empregada/o, que é a aplicación que  utilizamos para as solicitudes, polo que é descoñecido para grande parte do persoal e temos que solicitalo por fóra.

A Consellería de Política Social e Igualdade e a Consellería de Medio Rural denegan este permiso sistematicamente con diferentes “xustificacións xenéricas” que incluso se basean na falta de desenvolvemento regulamentario, e non dan opción a acordar novas datas como indica a norma cando hai problemas de necesidades do servizo: denégano e punto. Outra vez son as mesmas consellerías, xunto co Consorcio, as que máis maltratan ao persoal xa que sabemos que noutros departamentos poden gozar deste permiso sen problemas (eso sí, sen retribución). 

«Por unha EGAP transparente e en Galego». Mobilízate o 15 de maio diante da EGAP!

Compañeira/Compañeiro:

O vindeiro xoves 15 de Maio imos facer unha CONCENTRACIÓN diante do edificio da EGAP en Fontiñas, Compostela.

Co lema «Por unha EGAP transparente e en Galego» esiximos a demisión da directora que, dende que entrou no posto, está a desmontar, literalmente, a institución. Á xa opacidade endémica uniuse o peche da biblioteca, a privatización de cursos, a dedocracia co profesorado, a falla de valoración das enquisas que realiza o alumnado, a baixada da calidade, a escaseza de cursos, sobre todo de linguaxe administrativa, a precaridade do persoal lingüista e, agora, a galegofobia.

Lembramos que o ano pasado directamente eliminou os actos conmemorativos do Día das Letras Galegas, e que non hai ningún tipo de fomento da lingua galega, cando estamos a ver que o castelán se está a converter na lingua de uso cotiá, non só nos órganos da EGAP, senón tamén na formación.

É importantísimo manter unha formación continua de calidade e na nosa lingua, na que todas teñamos oportunidade de acceder aos cursos cunha oferta suficiente e equilibrada para atender as diferentes necesidades do persoal empregado público.

Diñeiro para letrados/as e control político do IGE

A Presidencia da Xunta consumou un incremento retributivo para o seu persoal da escala de letrados/as e un cambio na estrutura para un mellor control político do Instituto Galego de Estatística. Estas medidas foron aprobadas na Comisión de Persoal do xoves 8 de maio de 2025, co voto en contra de CIG, abstención de CCOO e UGT, e voto favorable de CSIF.

Letrados/as

Non cuestionamos que o persoal funcionario da escala de Letrados/as da Presidencia da Xunta, teñan unha alta carga de traballo que xustifique unha mellora retributiva de 5.000 € anuais. E tamén concordamos en que vexan as súas retribucións homologadas cos equivalentes do Consello Consultivo de Galiza. O caso é que os letrados e letradas da Presidencia da Xunta de nivel 30 quedan cun Complemento Específico de 30.193,94 €/anuais, e os/as de nivel 28 quedan con 23.444,12 €/anuais.

Foi unha decisión imposta na Lei de orzamentos, sen negociar, que deixa fora a todo o resto do persoal, que vai con niveis dende o 10 ao 30, con retribucións brutas anuais dende os 20.000 ata os 60.000 €.

Tan só o incremento do complemento de específico (5.000 €) dos letrados e letradas de nivel 30, case iguala o total anual de específico que cobra un persoal funcionario de nivel 10 (uns 6.500 €/anuais).

A CIG non se opón a que se incrementen 5.000 € aos que máis cobran, pero tamén para os que menos. Queremos un incremento de 5.000 € brutos anuais de xeito lineal para todo o persoal ao servizo da Administración Autonómica de Galiza. Queremos unha revisión global das retribucións, cun incremento dos niveis mínimos, e un estudo do nivel que corresponde a cada posto axustado ás dificultades técnicas, dedicación, responsabilidade, quendas, etc.

Deslocalización de postos

Situación do teletraballo na Xunta de Galicia: que está a suceder?

O teletraballo é unha modalidade de prestación de servizos que compre manter na nosa Administración, resultado da negociación colectiva na que se acadou o Acordo coa CIG en decembro de 2020. O obxectivo foi substituír ao “teletraballo da Covid” e que tivera a maior vocación de permanencia posible e, deste xeito quedou regulado na Orde do 14 decembro de 2020 pola que se publica o Acordo sobre a prestación de servizos na modalidade de teletraballo na Administración da Comunidade Autónoma de Galiza.

Mais estes meses estamos a ver como en determinadas unidades tentaron limitar o teletraballo ou incluso chegaron a suxerir a idea de que non se ían conceder determinados días. Na CIG avisamos de que isto non se podía facer “as bravas” e que se tiña que seguir o procedemento establecido. Porén, quedamos preocupadas/os ante o aumento de manifestacións contra o teletraballo por parte de persoas que teñen responsabilidade na xestión do persoal en varios departamentos e centros directivos, polo que falamos coa Dirección Xeral de Emprego Público por se houbera cambios unilaterais por parte da Administración, cousa que non íamos admitir.

Entón, que hai de certo nos rumores sobre a deriva antiteletraballo?

Concentración da CIG 09/05 12:00h. diante de San Caetano por una vivenda digna

 

Este vindeiro venres 9 de maio as 12 horas temos unha concentración diante da Xunta de Galicia en San Caetano, por unha vivenda digna, dende a CIG entendemos que a vivenda é un dereito e non un negocio, non só o decimos dende a CIG se non tamen o pon a Constitución Española, por eso invitamoste a sair uns minutos e que te concentres con nos por unha vivenda digna e asequible para tod@s.

AS MENTIRAS DO PP de Galicia e as de ALTRI

 Agora vamos en serio falar de datos e de declaracións que fixeron tanto políticos do PP de Galicia e directivos de ALTRI para enganar e manipular á poboación de Galicia.

- A Planta de ALTRI abarca unha superficie e 366 hectáreas, dez veces máis que o terreo da planta de ENCE en Pontevedra. A celulosa de ALTRI vai instalar unha cheminea a de 75 metros de altura, consumirá cada ano 1,2 millóns de toneladas de eucalipto e cada día usará un máximo de 46.000 metros cúbicos de auga, o equivalente a todo o consumo da provincia de Lugo, logo devolverá o río Ulla 30.000 metros cúbicos de auga convenientemente tratada, ou sexa con unha porcentaxe alto de contaminantes de metais pesados e a unha temperatura 3 graos superior a do río, iso e o que din o dos 3 graos, porque e o máximo permitido na lexislación actual, ou sexa que van ser unha termas o río Ulla, con metais pesados e moi contaminantes para producir 400.000 toneladas anuais de celulosa e outras 200.000 toneladas de fibra téxtil.

A CIG concéntrase pola mellora dos salarios e dereitos nos servizos públicos

 

Na concentración o sindicato maioritario en Galiza demandou do goberno estatal unha mellora salarial que recupere as perdas dos últimos anos e unha xubilación digna.

Representantes sindicais das tres federacións da Área Pública da CIG (Administración, Ensino e Saúde) concentráronse o xoves 24 diante da Delegación do Goberno estatal para exixir do Goberno a inmediata negociación dunha suba salarial que recupere o que se perdeu, como mínimo, desde o pacto sindical de CCOO e UGT de 2022 e no que se salvagarde que as retribucións nunca estarán por debaixo da evolución dos prezos.

O que as empregadas e empregados de todas as administracións públicas levan padecendo desde hai anos é un deterioro dos seus salarios e dereitos. O máis grave é que para reforzar esa perda de poder adquisitivo e, por tanto, empeorar os seus dereitos, contouse coa complicidade inexplicábel dos sindicatos estatais.

Que pasa co permiso parental de 8 semanas?

 

A Administración da Xunta que segundo o PP "defende as familias", segue sen normalizar o permiso parental de 8 semanas, nin o retribúe nin o concede a todo o persoal que ten dereito.

O permiso parental de 8 semanas para o coidado de fillos e fillas menores de 8 anos foi introducido en xuño do 2023 no Estatuto Básico da Persoa Empregada Pública ante a obriga marcada pola Directiva (UE) 2019/1158.

Se ben polo de agora non é un permiso de ampla solicitude na nosa Administración, está claro que é un permiso moi necesario para a conciliación, no especial para o seu uso nas adaptacións e vacacións escolares. E por riba de todo, trátase dun permiso que garante a atención adecuada das crianzas achegando tranquilidade e capacidade de previsión aos pais e nais que traballan.

Denegacións do permiso parental

Concursos traslados, carreira profesional, sentenzas destinos, concurso específico, teletraballo

 

O pasado venres 11 de marzo, tivo lugar unha xuntanza da Mesa Sectorial de Negociación de Persoal Funcionario, na que se trataron os seguintes asuntos: 1) concurso de traslados de profesores e mestres de escolas náutico-pesqueiras, e de axentes de extensión pesqueira, 2) concurso de traslados de arqueólogos/as, delineantes, arquivos, bibliotecas e museos.

Na rolda aberta de intervencións, a directora xeral de Emprego Público e Administración de Persoal (DXEP) deu información das previsións dos próximos concursos de traslados, carreira profesional, concursos específicos e teletraballo.

1) CONCURSOS DE TRASLADOS DE: ESCALAS DE PROFESORES E MESTRES DE INSTITUTOS POLITÉCNICOS MARÍTIMO-PESQUEIROS, AXENTES DE EXTENSIÓN PESQUEIRA

2) CONCURSOS DE TRASLADOS DE: ARQUEÓLOGOS, RESTAURACIÓN, DELINEANTES, ARQUIVOS, BIBLIOTECAS E MUSEOS

No concurso 1): listado inicial de postos a ofertar eran 75. A consellería retirou algún, quedando 72. Nas bases corrixen o erro de deixar sen máximo o baremo de permanencia e conciliación.

A dirección da EGAP aposta agora pola externalización

 

As persoas á fronte da EGAP escúndanse na falta de medios para a privatización da elaboración dos temarios de promoción interna e libre do persoal da Xunta de Galiza, un antigo compromiso que a EGAP incumpre ano tras ano.

Na CIG levamos moitos anos lembrándolle á EGAP o compromiso de elaboración dos temarios, tanto no referido á promoción interna como á libre. Até o de agora as respostas sempre foron evasivas, e remitíasenos á responsabilidade de Emprego Público neste asunto e que a Escola estaba aberta a propostas.

Mentres, no ano 2024 asistiamos á privatización dos temarios da escala de orientación laboral (grupo A2), licitados e asignados vía contrato menor de servizos e tramitación ordinaria á empresa Noroeste de Valor Asociados, S.L. cun orzamento base de 17.847,50 €, e sobre os que se advirte de que se trata duns temarios de apoio, non oficiais e que contan cun aviso de exención de responsabilidade por parte da empresa.

A DESFEITA NAS DAS RPT´S NA XUNTA DE RUEDA

 

Na  Administración Autonómica do señor Rueda cando hai que enchufar enchufase e cano hai que amoldar unha praza amoldase.

As relación de postos de traballo deben ser os documentos técnicos que desenvolvan as prazas e as súas características dentro de unha consellería. Teñen que estar baseadas en datos obxectivos, en funcións a desenvolver e formación axeitada para cada posto. ¿Pero sempre foi así? Pois non, herdadas da truculenta época Fraga moitas RPT´s se facían “ad hoc” para colocar amiguiños/as ou xente recomendada afín á ideoloxía e ao partido dominante.

TELETRABALLO: O QUE DIN OS DE "ARRIBA" E O QUE FAN OS DE "ARRIBA"

De un tempo a esta parte estamos a recibir en Servicios Centrais informacións contraditorias acerca do teletraballo:

Por unha banda, viñeron ou chamaron ao local da CIG en San Caetano traballadores/as para comunicarnos que querían restrinxirlles o teletraballo dende unha determinada data. Non se podería teletraballar nin os luns nin os venres. Ante esta noticia fomos falar cun/cunha “xefe/a” confirmáronnos que había ordes de “arriba” para restrinxir o teletraballo por “razóns de servizo”.

Por outra, ante as preguntas á directora xeral de emprego público na comisión de persoal do día 27 de marzo, sobre se había algunha instrución para a restrición do teletraballo os luns e os venres, esta negou a maior dicindo que non existía ningún tipo de restrición.

Sen embargo, despois da comisión de persoal, resulta que diferentes persoas de diferentes servizos insitiron en que se sigue a falar da modificación dos días nos que se permitiría teletraballar. Hoxe mesmo dixéronme varias persoas dunha Subdirección encadrada na Dirección Xeral de Emprego Público, que lles comunicaron dun xeito verbal que a partir de maio non se poderá teletraballar nin os luns nin os venres. 

Ante estas informacións, creo que é necesario lembrar varios aspectos:

1º Unha resolución de teletraballo só pode modificarse por outra resolución. Hai que seguir o procedemento establecido na orde. Non valen ordes verbais nin correos electrónicos.

 

A CIG comenzou coa campaña da renda 2024, so e para afiliados/as, si queres que che axude pica no enlace que vai de seguido donde pon "ACCESO". O/A afiliado/a pagou todos os trimestres de 2024 a cuota normal pagou 161,40 € que o pode deducir na declaración da renda 2024, o que pagou menos por o motivo que for, chegará un certificado dos pagos a partir do día 10/04/25. Para outras informacións pode chamar o telefono comarcal de Compostela 981 58 32 00 .

Campaña Renda

Recuperar dereitos e salarios

 

A CIG-Administración Pública realizou mobilizacións nas diferentes comarcas contra a precariedade salarial e para avanzar nos dereitos laborais. Con este obxectivo reclamámoslle ao Goberno español que convoque a Mesa Xeral das Administracións Públicas para abordar unha serie de medidas que permitan reverter o empobrecemento no contexto de negociación dos Orzamentos Xerais do Estado. Porén o Goberno do estado pretende fuxir de novo da mesa legal de representación para buscar outro pacto salarial de perdas cos sindicatos estatais cos que se reuniu o pasado 24 de marzo.

Lembramos que os últimos acordos asinados por CSIF, CCOO e UXT deixáronos unha perda de máis do 20% de poder adquisitivo e non foron capaces de derrogar a lexislación que nos impuxo os recortes na administración. O Goberno do estado, coa complicidade dos sindicatos estatais, pretende agora novamente, alcanzar un acordo fóra do ámbito legal de negociación, sen atender as reivindicacións maioritarias dos empregados/as públicos da Galiza e dando por bo que continuemos a perder poder adquisitivo.

Esta situación non é asumíbel, polo que demandamos que se estabeleza por lei unha cláusula de garantía salarial ligada ao IPC real, que opere todos os anos, para que así o que suba o IPC o suban tamén os nosos salarios. A CIG somos o sindicato maioritario no sector público en Galiza e defendemos tamén chegar a acordos salariais plurianuais que permitan gañar poder adquisitivo recuperando cando menos unha parte do que nos roubaron. Por iso para 2025 propomos un 5% en liña co que subiron os salarios no ámbito privado.

A CIG denuncia a opacidade da EGAP na selección, retribucións e compatibilidades do persoal formador

 

Entre os cometidos da Escola Galega de Administración Pública (EGAP) atópase a formación do persoal propio da Administración. Boa parte desta formación impártea persoal empregado público, que é  seleccionado polos órganos de dirección das diferentes consellerías en colaboración coa EGAP.

A Lei 53/1984, do 26 de decembro, de incompatibilidades do persoal ao servizo das Administracións Públicas; o Real Decreto 598/1985, do 30 de abril, sobre incompatibildiades do persoal ao servizo da Administración do Estado, da Seguridade Social e os Entes, Organismos e Empresas dependentes; e o propio Estatuto Básico do Persoal  Empregado Público, regulan as actividades das persoas que traballan nas adminisracións públicas en canto a posibles incompatibilidades se refire.

Na CIG preparámonos para iniciar posíbeis accións xudiciais contra a EGAP

A CIG leva solicitando dende hai meses unha serie de documentación en canto a retribucións, criterios de escolla do persoal docente, e outras cuestións da formación; información toda ela á que como representación legal do persoal temos dereito para exercer un control e vixilancia. A día de hoxe non tivemos ningunha resposta por parte da EGAP, polo que vimos de remitir outra solicitude, como paso previo ás accións xudiciais, na que instamos tanto á EGAP como á Dirección Xeral de Emprego Público, a que:

Concurso de traslados xeral: novos postos de resultas e ampliación do prazo de solicitudes de postos

 

No DOG do 03/04/2025 publican a RESOLUCIÓN do 1 de abril de 2025, da Dirección Xeral de Emprego Público e Administración de Persoal, pola que se modifica a Resolución do 20 de marzo de 2025 pola que se acorda a apertura do período de presentación de solicitudes de elección de postos de traballo e o procedemento da xustificación da posesión de méritos e requisitos do concurso ordinario para a provisión de postos de traballo vacantes da Administración xeral da Comunidade Autónoma de Galiza.

Incluíen os 16 postos que se relacionan no anexo I desta resolución na relación de postos da fase de resultas.

As persoas solicitantes de postos que impliquen contacto habitual con nenos, nenas ou adolescentes ou que teñan como destinatarios principais a persoas menores de idade, deberán acreditar unha certificación negativa do Rexistro Central de Delincuentes Sexuais.

Amplían o prazo en 7 días hábiles para a presentación de solicitudes de postos de traballo e acreditación de méritos indicado no punto primeiro da Resolución do 20 de marzo de 2025 (DOG núm. 56, do 21 de marzo) ata o 24 de abril de 2025.

Boletín CIG-Saúde Laboral nº 59 - marzo 2025

   

Boletín do Gabinete Técnico Confederal de Saúde Laboral da CIG. Neste número:

• Riscos psicosociais e saúde mental no traballo:
  • Que son os riscos psicosociais?
  • Que importancia ten o problema?
  • Que se pode facer para previr e xestionar os riscos psicosociais?
• Prevención e xestión dos riscos psicosociais relacionados co traballo
  • Apoio ao persoal que se enfronta a retos profesionais ou persoais
  • Deseñar lugares de traballo que teñan en conta as diferenzas e eliminen os obstáculos á participación
• Evidencia científica sobre a relación entre os riscos psicosociais e a saúde mental nos lugares de traballo
• Datos do estado español
  • Continxencias profesionais
• Carga de transtornos mentais atribuíble a factores psicosociais laborais
• Estado da saúde mental na empresa
  • Principais factores que favorecen o benestar e unha boa saúde mental nos lugares de traballo
  • Exemplos de temas a incluír no plan de promoción da saúde mental na empresa
• Detección de necesidades
  • Sinais de alarma e benestar no traballo en materia de saúde mental
• Estudo do módulo especial da EPA 2020, "Accidentes laborais e problemas de saúde relacionados co traballo". Saúde mental no traballo (INSST)

Descargar

A «lotería» dos cursos de linguaxe administrativa da EGAP

     

Anos, e mesmo décadas, para conseguir completar os dous niveis (medio e superior) de linguaxe administrativa galega: este é o panorama ao que nos enfrontamos o persoal da Administración xeral da Xunta e entes instrumentais, dada a reducidísima oferta de prazas ano tras ano.

A EGAP ten por lei entre os seus fins a difusión e a normalización do idioma galego na Administración Pública, a capacitación lingüística do persoal e maila participación na fixación da linguaxe técnica, administrativa e xurídica galega. Estes fins están en consonancia co estipulado no propio Estatuto de Autonomía de Galiza, na Lei 3/1983 de normalización lingüística (LNL) e no Plan Xeral de Normalización da Lingua Galega (PXNLG). Os poderes públicos, ademais de potenciar o emprego do galego, teñen que dispoñer os medios necesarios para facilitar o seu coñecemento; e, no caso da Administración da Xunta, teñen como obxectivo específico do PXNLG  mellorar a calidade do idioma falado e escrito polo persoal empregado público.

Porén, unha queixa unánime e abafante do persoal dende hai moitos anos é a imposibilidade de conseguir unha praza nos cursos de linguaxe administrativa da EGAP. E como non vai selo cando 5000 persoas temos que competir por 900 prazas?!

Plan de formación anual 2025 continuísta e sen resposta ás necesidades reais

O TRÍO DA VERGOÑA: RUEDA, VÁZQUEZ E LORENZANA

 

Lembren estes nomes: Alfonso Rueda, Anxeles Vázquez e María Jesús Lorenzana. O tres forman o que o outro día, na Pobra do Caramiñal, chamábase o trío da vergoña.

Rueda parece un neno caprichoso que non sabe dar o seu brazo a torcer. Aínda que as galegos e galegas digamos ALTRI NON e MINA DE TOURO NON, por miles, por centos de miles, el fai oídos xordos e sigue enrabietado. As outra dúas, Ánxeles e María Jesús, son coma as familiares compracentes que lle rin as gracias ao neno caprichoso.

Todo isto estaría moi ben e sería moi divertido se nas mans dese home e desas mulleres, non estivera o futuro da Galicia. Un futuro que está comprometido por un empeño que ninguén entende, nin sequera os/as seus/súas compañeiros/as do PP. O que escribe tivo a oportunidade de falar con moitos, pero, aínda que comprenden e están de acordo coas persoas que loitamos contra ALTRI e a MINA DE TOURO, ninguén o di en alto, aínda que vin a varios/as deles/as na manifestación.

O trío da vergoña escúdase en que tivo maioría nas pasadas elección xerais.

Pero señor Rueda, señora Vázquez, señora Lorenzana, ter maioría non significa facer o que lle dea a gana. Cando votou, a xente non coñecía este proxecto destrutor, non sabía a que viña encima, todos e todas ignorábamos de que se trataba. Ademais, non pode impoñernos un modelo destrutivo e neocolonial que irá moito máis aló dos catro anos do seu mandato.

Concurso traslados arqueoloxía, lingüistas, restauración, delineantes, arquivos-bibliotecas-museos, marítimo-pesqueiros e extensión pesqueira (borradores 17/03/25)

 

A Dirección Xeral de Emprego Público achegounos os borradores das convocatorias dos seguintes concursos de traslados, con prazo de alegacións ata o venres 21. Se é do teu interese, contacta coa CIG.

• Concurso ordinario para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galicia, escalas de profesores numerarios de institutos politécnicos marítimo-pesqueiros, de mestres de taller de institutos politécnicos marítimo-pesqueiros e de axentes de extensión pesqueira. Descargar
  
  
• Concurso ordinario para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galicia (escalas de expertos lingüistas; de arqueólogos; técnica de restauración; técnica de delineantes; de facultativos de arquivos, bibliotecas e museos; de axudantes de arquivos, bibliotecas e museos; técnica de arquivos, bibliotecas e museos; auxiliar de arquivos, bibliotecas e museos. Descargar

Días antes, enviaronos os listados de postos para estes dous concursos, tamén con prazo de alegacións ata o venres 21. Ligazón

Emprego Público permite a retirada de máis de 200 postos do concurso de corpos xerais

 

Na Mesa Sectorial de persoal funcionario celebrada o día 14/03/2025 a Dirección Xeral de Emprego Público trae como asunto a “modificación de postos ofertados no concurso de Administración Xeral”.

Anúncianos que retiran 212 postos do listado de postos do concurso de Administración xeral, dos que 168 postos son dunha única consellería: a Consellería de Emprego, Comercio e Emigración. Deses 212 postos, cerca de 30 os retiran para as eleccións de destino de persoas con discapacidade intelectual da Agrupación profesional de persoal subalterno e do corpo auxiliar. Comentan tamén que os postos retirados non se van utilizar para dar destinos nos procesos de estabilización.

Baixo a escusa de modificar os postos das oficinas de emprego, retiran case a metade dos postos vacantes da Consellería de Emprego. E certo que o 80% son postos base, pero iso non é desculpa para retiralos.

Estamos de acordo en que polas condicións específicas dos postos das oficinas de emprego, se estude actualizar os niveis (xa veremos cal é a proposta) para facelos atractivos para as persoas que concursen a eles. Pero precisamente, si o problema é que os postos das oficinas de emprego non se cobren con persoas funcionarias de carreira, estamos no momento xusto para facer o contrario ao que pretende a consellería: eses postos están no listado do concurso de traslados de administración xeral, e polo tanto, para a CIG deben permanecer nese listado.

Impulso aos concursos de traslados, e os destinos dos procesos selectivos serán definitivos

   

Despois de esixir durante anos que os impulsen, aceptan retomar os concursos de traslados xa convocados e poñer en marcha os que faltan. As tomas de posesión das persoas que están en destino provisional e das que aproben os procesos selectivos serán en postos definitivos unha vez resoltos os concursos de traslados

Na última Xanela (febreiro/2025), volviamos a esixirlle á Xunta que axilizara os concursos de traslados. Na Comisión de Persoal do venres 7 de marzo, a directora xeral de Emprego Público e Administración de Persoal (DXEP) anunciou: que aceptan dar prioridade a convocar e resolver os concursos de traslados; que as tomas de posesión dos procesos selectivos serán directamente definitivos, unha vez resoltos os concursos de traslados; excepciona os procesos de persoal laboral e de escalas en que non existe persoal funcionario, nos que directamente haberá toma de posesión definitiva sen agardar por un concurso de traslados.

Esto é o anunciado pola DXEP na Comisión de Persoal:

O TSXG sentenza a favor da CIG co que emenda a carreira de depredación ambiental do País emprendida pola Xunta do PP

 

O alto tribunal interpreta que privatiza os procedementos de avaliación ambiental, externaliza a súa tramitación e a pon en mans da empresa privada. A sentenza cuestiona proxectos como Altri ou a Mina de Touro e chama a particulares, entidades e asociacións interesadas no procedemento a que soliciten a súa suspensión administrativa.

O Tribunal de Xustiza de Galiza ven de emitir sentenza favorable á demanda interposta pola CIG na que se impugnaba o Decreto 102/2023, polo que se regulan as entidades de colaboración ambiental e se crean o rexistro de Entidades de Colaboración Ambiental da Comunidade Autónoma de Galiza e o Banco de Persoas expertas en avaliación ambiental.

Este Decreto, que se formulou ao abeiro da Lei de simplificación administrativa e de reactivación económica aprobada polo PP, serve para substituír o traballo do persoal funcionario público por empresas colaboradoras privadas co obxectivo de facilitar a autorización de proxectos con impacto ambiental como os parques eólicos ou a minería extractiva, ou industrias de alto impacto ambiental.

O decreto regula as empresas “colaboradoras” ambientais, que poderían encargarse de todo o procedemento administrativo de autorización incluídos informe, control e avaliación ambiental, deixando ao persoal funcionario da Xunta unicamente a sinatura nos procedementos de autorización, que o terían que facer sen posibilidade de contrastar o rigor dos datos e a tramitación realizada pola empresa.