Accións convocadas con motivo do Día Internacional pola Paz e o Antimilitarismo

O martes 24 de maio nas cidades de Compostela, Ferrol, Ourense e Vigo

Con motivo da conmemoración este martes, 24 de Maio, do Día Internacional das Mulleres pola Paz e o Antimilitarismo, a  BDS-Galiza e a Marcha Mundial das Mulleres (da que a CIG forma parte),  convocan unha serie de actos para reivindicar a fin dos conflitos e o dereito das mulleres e do pobo Palestino a recuperar a súa terra.

Horarios e lugares das accións

• Compostela, ás 20:00 horas está convocada unha concentración e unha acción de rúa na Praza do Toural.

• Ferrol, ás 19:00 horas está prevista unha charla-presentación da campaña no Ateneo Ferrolán.

• Ourense, ás 20:00 horas está convocada unha concentración e unha acción de rúa na Praza do Ferro.

• Vigo, ás 20:00 horas está convocada unha acción na rúa peonil do Calvario.

Dende a CIG faise un chamamento a participar nos actos convocados pola Marcha Mundial das Mulleres e a BDS-Galiza, apoiando e dando a coñecer a acción da Flotilla da Liberdade “Mulleres Rumbo a Gaza” na que mulleres de todas as partes do mundo se farán á mar para resaltar o importante papel desempeñado polas mulleres palestinas na loita do seu pobo e as súas resistencias non só ao estado de Israel senón tamén á discriminación e o patriarcado.