Publicación destacada

O Radón na Xunta ou como obter boletos para un cancro de pulmón

venres, 20 de maio de 2016

Oposicións de libre "antes de agosto" e segundos exercicios de promoción interna "previsiblemente" en xullo

Dixera o director da Función Pública que os exames de persoal funcionario de acceso libre ían ser en xuño. Pois ben, na última xuntanza xa nos volveu falar de "antes de agosto", o cal é unha forma sutil de dicir que máis ben en xullo, con sorte. Recordamos que nos dixera en abril que a principios de maio teríamos esas datas. Recordamos tamén que isto xa non é novo, o que non é serio.

No caso da promoción interna, as datas concretas coñecéronse con mes e medio de antelación, o cal tampouco é demasiado. As datas dos exames, canto menos o mes, debería coñecerse e respectarse na data da propia convocatoria como sucede noutras Administracións.

Na promoción interna dous tribunais xa sacaron anuncios coa data previsible do 2º exame, que apuntan a xullo. Falamos da promoción interna ao subgrupo C1 (1ª quincena) e ao subgrupo A2 (2ª quincena). Tal como anunciara o director xeral, dera este aviso, así que deberían saír tamén as previsións do resto de exercicios para o resto de subgrupos.

Ningún comentario:

Publicar un comentario