Unha batería de leis oportunistas que resultan unha operación de distración e maquillaxe coa que apuntarse ao carro dos tempos de
"renovación" que nos queren facer crer que están correndo. A realidade é
que está lei non avanza na participación cidadá real; reduce o número de
sinaturas para unha proposición de lei si (e para as de non de lei tamén) pero ao final para debatela na cámara ou non (só para iso, non para facer un referendum
popular nin nada polo estilo) ten que contar co apoio dun grupo
político, algo que xa viña sucedendo.
Por suposto, faltaría máis, recolle o dereito a preguntarlle o que
queiramos á Xunta (que xa nos responderá se lle da a gana) e propoñer o que queiramos ao Parlamento (que nos fará algo máis de caso que a Xunta por iso de que hai varios partidos, pero tampouco convén facerse moitas ilusións da súa efectividade dado o xogo de maiorías). En
fin, esto non é participación cidadá, esto é un pseudo dereito de
petición.
Esta nova lei únese ás anteriores de transparencia, do Consello de Contas, de financiamento de partidos políticos e de asistencia letrada ao persoal da Administración, coas que a bo seguro se vai acabar coa corrupción, os demanes e o caciquismo da clase dominante no noso país...
Ningún comentario:
Publicar un comentario