Publicación destacada

O Radón na Xunta ou como obter boletos para un cancro de pulmón

venres, 10 de xuño de 2016

Segue estancada a flexibilidade e o teletraballo na Xunta

Actualmente hai 8.953 persoas na Xunta con horario flexible mais só 150 con algunha xornada a semana con teletraballo.

A Administración remítenos os datos acumulados das flexibilidades horarias e do teletraballo con relación á data de 31 de maio. Volve ralentizarse o aumento do teletraballo que en termos globais ten unha implantación que só se pode cualificar de ridícula: 150 persoas das 2.000 inicialmente previstas pola propia Xunta. Xa seguía ralentizada a flexibilidade, que só aumenta de xeito máis destacado nos servizos periféricos, onde agora comezan a abrir a man, xa que nos Servizos Centrais é practicamente total.

Seguen abrindo tamén a man, moi pouco a pouco, co teletraballo. As novas resolucións desta modalidade de traballo van para postos informáticos (3), 1 posto letrado/a, 1 xefe/a de Gabinete, 1 Subinspector/a urbanístico, 1 Inspector/a farmacéutico, 1 Xefatura de servizo Facenda, 1 Xefatura de sección (tamén en Facenda). Porén, houbo 1 denegación dun posto de asistente/a social. Na flexibilidade desta volta tamén houbo 2 denegacións en servizos periféricos en 2 postos de auxiliar administrativo con horario especial.

Xa leva en marcha a orde que regulamenta a flexibilidade e teletraballo desde 2013 e os números do teletraballo están pedindo unha reforma que facilite a implantación real desta modalidade de xornada laboral. Por outra banda, a flexibilidade estase estancando e sería hora de mirar a ampliación a outros colectivos onde non chega e por suposto modificacións que faciliten a conciliación alí onde xa está implantada. Recordamos que recentemente fixeron unha pequena modificación, acabando co absurdo de non permitir flexibilizar os venres pola tarde e ampliaron ata as 20.00h o horario de referencia en centros que non son edificios administrativos, sempre e cando collas as chaves. Máis información

ATOS RELATIVOS ÁS FLEXIBILIDADES E TELETRABALLO APROBADAS
31 MAIO 2016

Flexibilidade automática
APROBADAS
SERVIZOS CENTRAIS
SERVIZOS PERIFÉRICOS
7.895
2.949
4.946


Flexibilidade POR CONCILIACIÓN
APROBADAS
SERVIZOS CENTRAIS
SERVIZOS PERIFÉRICOS
1.058
417
641


TELETRABALLO
APROBADAS
SERVIZOS CENTRAIS
SERVIZOS PERIFÉRICOS
90
71
19
PRORROGADOS
SERVIZOS CENTRAIS
SERVIZOS PERIFÉRICOS
60
43
17
TOTAL: 150
TOTAL: 114
TOTAL: 36


Ningún comentario:

Publicar un comentario