Función Pública coa enchenta de Nadal

A Función Pública está a indixestar

Chegannos noticias de que a Dirección Xeral da Función Pública está a punto de rebentar de gordura; pois vai ter un menún de Nadal cáseque indixesto.

Así a bote pronto vémoslle na cociña para estes vindeiros meses as seguintes viandas:

• Desenvolvemento dos procesos de consolidación e estabilización da Adm. Xeral e algunhas escalas.
• Desenvolvemento dos procesos selectivos das escalas de política social.
• Posta en marcha do Decreto de funcionarización e reforma das relacións de postos de traballo.
• Avance na consecución da carreira profesional.
• Xestión e resolución do concurso de traslados da Adm. Xeral
  
• Resolución dos procesos de promoción interna.
• Convocatoria da nova promoción interna.
• Convocatoria dos procesos de consolidación es estabilización da adm. Especial.
• Convocatoria do concurso da Adm. Especial.
• Convocatoria do Concurso específico.

A maioría dos temas sinalados son procesos con enorme atraso que coinciden todos no 2020; por exemplo o concurso da Administración Especial ou o mesmo concurso específico negociado a toda presa hai xa un ano.

Pero non vos preocupedes que a cociña destes pratos parece que está asegurada, pois Función Pública vai chamar a decenas de cociñeiros e cociñeiras dos servizos de persoal de todas as consellerías para axilizar o follón. Vivan as horas extras!!!. E iso que temos unhas listas de agarda preciosas para poder tirar delas, pero eso non mola, o que mola é ter a xente sete anos en comisión de servizos.

Se aínda nos vos chamaron non vos preocupedes que igual vos toca ser membro dalgún Tribunal; xa sabedes que Función Pública sempre fai a elección dos vogais por sorteo ((-:.

Xa vedes que a Función Pública, con enchente incluída está preparada, pero que non vaia a pasar que a cociña a privaticen como fixeron cos comedores escolares e nos cociñen os concursos e os procesos selectivos desde fóra...

Para tanta indixestión a CIG xa ten preparada un gran lote de manzanilla.