Publicación destacada

O Radón na Xunta ou como obter boletos para un cancro de pulmón

mércores, 27 de abril de 2016

Función Pública esquécese do Concurso de corpos xerais (aseguran que está tramitándose)

Por non falar do concurso de persoal laboral, o de corpos especiais ou o tantas veces prometido concurso permanente.

Pasaron máis de tres semanas dende que rematou o prazo para facer alegacións ás puntuacións provisionais do concurso e a Xunta de Galiza aínda non convocou a comisión que as resolverá.

Parece que o goberno de Feijoo está a xogar novamente coa vida do persoal funcionario en función dos tempos electorais que manexa o Partido Popular sen importarlle que, polos seus intereses, se poida ver atrasado un concurso do que están pendentes os traslados, reunificacións familiares e/ou carreira profesional de 2.809 persoas.

Dende a CIG esixímoslle a Función Pública que deixe de cumprirlle os caprichos electorais ao PP e comece a actuar con profesionalidade e eficiencia e proceda a convocar, con carácter inmediato, a Comisión de valoración do concurso de méritos co fin de resolver as reclamacións das persoas aspirantes e así  resolver definitivamente do Concurso de traslados de corpos xerais antes do verán deste ano.

Na Comisión de Persoal  do  27 de abril, o representante da Dirección Xeral da Función Pública informa que seguen cos trámites previstos e que se están preparando as diferentes reclamacións para que proximamente a Comisión as revise; non da un prazo concreto. O 20 de maio cúmprese un ano desde a convocatoria deste concurso.

Novas relacionadas:


1 comentario:

  1. Vai para un ano dende que se convocou, ala por o 209/05/15, e dende a propia Función Pública dixeron que se resolvería nun prazo de sete meses, que por fin do 2015 estaría resolto, a día de hoxe 4/5/16 ainda non temos o listado definitivo de puntuacións, lamentable, para un concurso totalmente informatizado, faremos un cabodano por o espíritu deste concurso xeral que parece que esta morto, como casi todo en mans dos irresponsables da Función Publica Galega.

    ResponderEliminar