Publicación destacada

O Radón na Xunta ou como obter boletos para un cancro de pulmón

mércores, 27 de abril de 2016

Reunión cos grupos parlamentares pola problemática na Inspección de Servizos Sociais

Logo do acordado no último pleno da Xunta de Persoal dos Servizos Centrais da Xunta de Galiza, unha representación deste órgano entrevistouse cos grupos parlamentares do BNG, PSG-PSOE e AGE o pasado 26 de febreiro. A situación de desconexión, por parte da consellaría, con respecto á Xunta de Persoal; que roza o desprezo máis absoluto cara as constantes reclamacións laborais que se teñen presentado, negándose a recibir aos e ás representantes do persoal dende o ano pasado; provocou este paso adiante pola parte sindical que optou por denunciar o caso no Parlamento Galego.

Nestas xuntanzas expúxéronselle, aos distintos deputados e deputados que nos atenderon, o conxunto da problemática laboral que existe nesta unidade administrativa (falta de avaliación dos postos de traballo e dos riscos psicosociais, problemas de organización e reparto do traballo, actas de inspección que se agochan en caixóns...), problemática que é necesario solucionar polo ben do persola e para o bo funcionamento dos Servizos Sociais do noso país.

Tanto os representantes do persoal traballador como os dos partidos políticos da oposición coincidiron en reclamar e defender a independencia do persoal inspector na súa labor e actuación, algo que, os responsables da Consellaría de Política Social ignoran constantemente. Unha situación coa que semellan estar moi cómodos, agravada aínda máis se cabe dende a última remodelación desta consellaría.

Todos os grupos parlamentares da oposición intereseránose profundamente pola situación exposta e comprometéronse a presentar iniciativas parlamentares que requirisen á Xunta de Galiza, por unha banda, a información e a resposta que non dá á Xunta de Persoal e, por outra, a reclamar a resolución desta problemática.

Agardamos dende a CIG, dado que é unha cuestión que levamos anos reclamando e denunciando, que as xestións e accións que se leven a cabo axuden para que, dunha vez por todas, o persoal inspector dos Servizos Socias obteña un recoñecemento e dignificación da súa labor e as melloras laborais que está a reclamar.

Os nosos fillos e fillas, os nosos maiores, o persoal dependente, a poboación en risco de exclusión social (que tal e como están os tempos, pode ser calquera...), en definitiva, a situación dos Servizos Sociais, tanto públicos coma privados, o pilar funduamental dunha sociedade neste teórico estado de benestar que nos venden todos os días, precisa da labor fundamental do Servizo de Inspección. Non agardemos a que calquera día pase algo.... 

Novas relacionadas:

Ningún comentario:

Publicar un comentario