Publicación destacada

O Radón na Xunta ou como obter boletos para un cancro de pulmón

luns, 17 de novembro de 2014

Así mantén a Xunta os centros públicos de atención a persoas discapacitadas


Fai pouco foi o lamentable estado residencia de Caranza (Ferrol) a que saía nos medios por denuncia da CIG, da que se fixeron eco varios grupos políticos, dunhas reformas que non daban chegado. Agora son as compañeiras e compañeiros do CAPD da Coruña quenes nos avisan do desmoronamento da rampa de acceso ao centro, unha metáfora do que está a suceder coa xestión que fai a Xunta dos centros públicos de servizos sociais.

Esta mañá ás 11 ocorreu algo que se vía vir, que o Comité de Traballo e Benestar de A Coruña e todos os sindicatos levabamos tempo denunciando sen que o Director -Constantino Piñeiro Cajete-, e a Xefa Territorial -Pilar Caridad- fixeran nada.

A rampa do CAPD A Coruña -ex Santiago Apóstol- é moi vella, non está en boas condicións e sofre un bo paso de vehículos, ademais de que unha rampa tan pronunciada é antihumana para moitas das persoas discapacitadas que a usan.

Esta mañana parte da rampa, co arcén, veuse abaixo, ca enorme sorte de que nese momento non pasaba por riba do arcén  nengún camiñante e nengún coche por riba da rampa.

Facer constar que a foto está tomada lonxe e anque arriba á dereita, vese algo da caída, o caído é moito máis que o que se vislumbra na foto.

Hai pouco prantexouselle ao Director unha serie de elemental melloras e dixo que "gasto de diñeiro, nen falar"

O Director cumple a política do Partido Popular de que o traballo máis duro recae nos Colectivos que máis traballan de luns a domingo. Agora houbo todo un aviso e diante dese aviso a CIG de Traballo e Benestar de A Coruña urxe que non haxa un só punto inseguro no Centro porque xa era o último que faltaba que os traballadores nos lesionaramos por culpa dunha Xunta que non lle importan os Servizos Sociais.

Ningún comentario:

Publicar un comentario