luns, 30 de marzo de 2015

Continúan os problemas co persoal do CAPD da Coruña

Este luns, 30 de marzo, no Informativo de Radio Coruña ás 14.13 e ás 19.13 sae algo.
O CAPD A Coruña -Centro de Atención para Persoas con Discapacidade- ten un problema estrutural de falla de persoal.

Este problema estrutural agrávase pola política que leva a Consellería de Traballo e Benestar de cubrir as baixas a partires do 14º día; de cubrir menos da metade do persoal que ten vacacións; e de non cubrir, especificamente, as vacacións das persoas que están xubiladas parcialmente e as baixas das persoas que están xubiladas parcialmente.

Esta suma de feitos provocados pola política da Consellería produce uns resultados tremendos no CAPD A Coruña que se traduce nunha sobrecarga brutal para as traballadoras e traballadores, que xa soportamos a inhumanidade dos TURNOS MACHACADORES que temos, e na baixa de calidade na atención que deben ter as persoas que atendemos.


Esta última semana está a ocorrer no CAPD o seguinte por non cubrirse as seguintes ausencias: as vacacións de dous Educadores xubilados parciamente; unha baixa dunha Educadora xubilada parcialmente; unha baixa dunha Camareira; unha baixa dunha Camareira xubilada parcialmente; catro baixas de catro Coidadores.

A Consellería está a practicar unha política inhumana que o Director do CAPD segue ao pé da letra. Esta política baseada no aforro público das cousas importantes para as persoas máis desfavorecidas, de recortar onde máis dano fai é a que a CIG denuncia, é a política que ten que mudar.

Ningún comentario:

Publicar un comentario