Publicación destacada

O Radón na Xunta ou como obter boletos para un cancro de pulmón

luns, 11 de maio de 2015

Non hai cambios substanciais nos borradores: a promoción interna segue sendo outra "putada interna"

Crearase moitas espectativas sobre os terceiros borradores das convocatorias de promoción interna de corpos xerais de persoal funcionario. Na Mesa Xeral do 13 de marzo comentara o director xeral de Función Pública que ían realizar "cambios substanciais" que ían na liña do demandado polos sindicatos e que mandaría os borradores en breve. A realidade é que nin mandou os novos borradores en breve, nin estes traen cambios substancias.

Dan un prazo para facer alegacións ata o 13 de maio, aínda que serán flexibles. Previsión de convocatoria maio/xuño. Non nos fiamos, se ben por primeira vez achegan uns borradores con data de realización do primeiro exercicio "non antes do 2 de novembro" co que agora si, poidería ser. Agora ben, vistos os precedentes, ata que estea publicado no DOG, non o creeremos.


Foron 9 meses desde os anteriores borradores e tanto agardar para uns cambios que distan moito de ser significativos; o modelo de promoción interna é exactamente igual ao que formulaban desde un principio: manteñen o mesmo número e tipo de exercicios que nos anteriores borradores; o mesmo número de exercicios que para acceso libre. Que vantaxe ter pois nesta Administración ter aprobado unha oposición?

Di o director xeral da Función Pública que non é unha proposta pechada, que aceptan discutir cambios, pero sempre que as nosas propostas non afecten ao modelo que van presentar, que non o van modificar. Esta postura incumpre así o artigo 24 do Decreto 93/1991 que recolle que nas convocatorias para o acceso a corpos ou escalas por este procedemento [promoción interna] deberá establecerse a exención de probas encamiñadas a acreditar os coñecementos xa esixidos no corpo ou escala de orixe.

Na fase de oposición quitan algúns temas tanto dos primeiros como sucesivos execercicios (de xeito común a lei de racionalización do sector público galego caese dos exercicios de todos os subgrupos), eliminan a lectura pública do último (no caso do A1 e A2) e na fase de concurso quitan a limitación de 8 anos para a valoración dos cursos, así como pasan a valora os cursos de idiomas das Escolas Oficiais de Idiomas (algo que se manteñen férreos a cambiar no borrador da convocatoria de concursos de traslados) e pouco máis.

Como lle dicíamos ao conselleiro de Facenda, non poden deixar 5 anos sen convocar as sucesivas prazas de promoción interna separada nas Ofertas de Emprego Público e vir agora a rachar co modelo das últimas dúas convocatorias de promoción interna (2007 e 2009) sen máis explicación; nestas dúas últimas convocatorias había exactamente un exercicio menos que en acceso libre e estos eran realmente obxectivos pois eran de tipo test.  Aínda por riba, precisamente agora, despois dun contexto de sucesivos recortes nos nosos dereitos, queren recortar tamén o noso lexítimo dereito á promoción profesional?

Que podes facer agora mesmo? Axúdanos a presionar

  Descarga, imprime e pega, por exemplo, algún destes cartaces no teu centro:

Ningún comentario:

Publicar un comentario