Blogue da CIG San Caetano (Xunta de Galiza - Servizos Centrais)
Inauguramos na CIG SSCC unha nova convocatoria pública denominada "Toxos e Flores" nas que de cando en vez imos por en cadalso público ou en valor as actuaciósn de determinados departamentos desta nosa Xunta de Galicia nos Servizos Centrais. E non nos enrollamos máis e este ano os premios van para...(ruido de bombos).
1.- Flor de ouro
O caso é que fomos quen de incorporarnos ás novas teconoloxías para tratar entre outros temas como:
- A actuación da comisión permanente da XXPP nestes meses de pandemia: ligada sobre todo a solicitar medidas sanitarias anti-covid na volta ao traballo, incorporación do teletrabalo a todos os postos (mención expresa do bo facer da Consellería de Política Social da que deberían copiar moitas outras), implementación de mámparas e máscaras; e solicitude de información e seguimento dos contaxios en SSCC...
Recordar, que por moito que se lles encha o peto a Xunta, esta compra de máscaras non foi digamos "voluntaria", e veu forzada pola denuncia das delegadas de prevención da CIG en todo o pais, o que conlevou a que houbera varias dilixencias da inspección de traballo conminando á Xunta a repartilas entre todas/os as traballadoras e non como ata o de agora que cada consellería facía o que quería e unhas repartían máscaras e outras non.
Coma sempre, achegamos o calendario do novo ano cos festivos nacionais, autonómicos e locais para Compostela. Agardamos que sexa vosde axuda. Podédelo descargar picando na imaxe ou dende esta ligazón: Calendario CIG 2021 Agardamos que a Administración xa defina no Portax os dias de asuntos que corresponden para o ano 2021, que segundo as nosas contas deberían ser dous máis, ao cadrar dous festivos nacionais en sábado.Felices Festas!!!
- Formato peto, tamaño tarxeta de crédito.
- Formato mesa, tamaño folio triangulado.
- Formato parede, tamaño A3 (destes temos moi poucos).
Podedes pasarvos polo local de San Caetano a recollelos, (chamade antes por se acaso 45909), ou mesmo para despois do Nadal podemos pasar a levalos a algún sitio se non podedes achegarvos.
Felices Festas a tod@s!!!
Xa non lle podemos chamar novas pois son cousas sempre vellas (levan meses no tinteiro) e por riba sen solucionar, por eso elaboramos a nova acepción denominada Antinova que vai ser adxudicada no diccionario ao bon facer do señor Director xeral da Función Pública. Van esas antinovas:
* CONCURSO: Xa non podemos decir nada pois se nos revolve o estómago. O que está claro e que depende das tomas de posesión. Por certo seguen a sacar prazas da listaxe coa excusa de amortización e inmediatamente aparecen dadas en Comisión de servizo (señores de Turismo , entre outros, vai por vos).
* TOMAS DE POSESIÓN: Parece que van para adiante, pero agora está o follón de que non hai prazas para escoller (claro mestúraselle todo ao mesmo tempo: concurso, consolidación, estabilización, PI). E estamos a observar incrédulos como hai algunha organización sindical que ata propón sacar das listaxes as prazas cubertas por interinos. Como sigamos así imos ter que ofertar as prazas dos gabinetes....
* CONCURSOS DE CORPOS ESPECIAIS: Aparte do de gardacostas que están no allo, o resto virá para o ano que ven; ou sexa ide pensando no 2025 máis ou menos, visto o que pasou no Concurso xeral.
* CARREIRA PROFESIONAL: A cousa non pinta ben, pois seica non hai cartos e amáis temos as novas incorporacións das funcionarizacións; pero se recortamos as axudas a La Coz de Galicia. as externalizacións a mansalva (Tragsa, Tragsatec, Indra, e Boquete style) e as papatorias en San Caetano, igual temos xa algo no peto.
* COVID: Despois de varias denuncias a inspección de traballo xa sabemos que a Adminsitración ten que suministrarnos máscaras (ten de prazo ata decembro) e parece que vai xestionar unha compra masiva; pero seguimos con problemáticas como unha instrucción do uso da máscara no posto de traballo e da ventilación das unidades, así como unha implantación urxente do teletraballo COVID. Pero a esto último xa vimos na última reunión que o señor Barreiro dixo que non se ía implantar mentre a situación da pandemia seguira nestes termos (debe pensar que é boa...)
*TELETRABALLO: Andamos a voltas coa nova regulación do teletraballo ordinario, e xa imos coa terceira versión. O texto mellorouse notablemente coa aportación das OOSS pero segue a ter certo sabor discrecional. Na vindeira semana aprobarase; e esperemos que se poida solicitar con celeridade.
* CONCURSO ESPECÍFICO: Pois aínda que pareza mentira existir existe, de feito xa se negociou alá polo ano 2018 pero debeuse meter nun caixón. Temos así centos de xefaturas de servizo aínda en comisión de servizo, que ben poderían deixar liberadas moitas prazas de nivel 25 para o concurso de méritos dos mortais.
* COMISIÓNS DE SERVIZO: Se un o pensa ben a Xunta é actualmente unha Gran Comisión de servizo, pois dado o bloqueo e retraso dos concursos, as comisións están todas nunha situación de ilegalidade, cruzándose e recruzándose para que non cante moito que pasan dos catro ou cinco anos. Onde está aquela tan demandada regulación obxectiva da concesión das comisións? Seguimos como na época Fraga, ou peor....
Chegaronnos onte novas sobre a organización do servizo na cafetería de San Caetano que pasa ser a seguinte:
Dende a CIG SSCC facemos un chamamento a todo o persoal para que sexa escrupuloso no cumprimento da normativa COVID , e facer dos edificios públicos un lugar o máis seguro posible; a pesares da mala xestión interna da propia administración coa negativa a baixar as ratios de persoal nos seus departamentos.
Nesto temos que exceptuar e nos congratulamos delo á conselleríade Política Social que está a conceder gran cantidade de teletraballos e a comunicalos debidamente aos órganos de representación de persoal; parabéns (vedes, cando o fan ben sabemos recoñecelo).
E que fácil sería solucionar o problema, xa non pedimos que dupliquen buses, que ven o poderían facer, senón que fomenten o teletraballo dunha santa vez, co que se reduciría polo menos á metade a cantidade de xente viaxando e iso redundaría enormemente na saubridade da viaxe.
Pero como temos xestores que seguen anclados na Adminsistración de 1980 e queren ternos a todas/os aquí xuntiños, da implementación do teletraballo COVID nada de nada.
Polo de pronto xa hai sospeitas de contaxio nalgunha liña de bus, e a cousa non vai mellorar.
A nivel legal queda claro que a mesma Xunta está a incumplir a súa lexislación, pois o persoal público non ten reserva de asento, simplemente un dereito de uso a través dun bono, por eso denominamos a este servizo o infectódromo legalizado.
O que propoñemos dende a CIG de SSCC e que todos os conselleiros/as e secretarios xerais a semana que ven viaxen , non no seu estupendo coche oficial, senón nos buses cos seus traballadores. Así terían conciencia do problema e igual o tentaban solucionar. Eso si sería dar exemplo............ pero esto non é Suecia.
Como sabedes acaban de decretar o peche perimetral dos concellos de Compostela, Ames e Teo; o número de casos non para de medrar na área sanitaria (imos por máis de 1300 activos) e os positivos nas sedes da Xunta en servizos centrais tamén van medrando (pese a que non nos dan información nengunha).
A día de hoxe aínda andan a marear o tema do teletraballo ordinario (acaban agora mesmo de achegarnos o segundo borrador) que xa chega tarde.
As secretarías xerais técnicas seguen a mirar para outro lado mentras seguimos a ter as oficinas cheas de xente; e os buses seguen petados, queremos teletraballo xa e para elo non podemos esperar polo teletraballo ordinario. Hai que artellar urxentemente un teletraballo COVID polo menos ata Nadal.
Para seguir presionando ideamos dende a CIG en servizos centrais unha campaña de información en todos os centros, para elo aparte dos contactos con todas as secretarías xerais técnicas que estamos a ter, diseñamos este cartaz para que toda aquela xente que esté indignada con este tema (que espero que sexades moitas/os) o descargue, imprima e o coloque no seu ordenadore, no taboleiro da unidade, nas portas ou onde estimedes; o caso é que os responsables saiban que estamos moi pero que moi cabreados coa súa falta de xestión.
Nós xa os poñemos polos taboleiros para que a nosa dignidade esté por riba da súa indignidade!!!
Última hora na AAPP dos diferentes países:
Reino Unido: Teletraballo
Francia : Teletraballo
Italia: Teletraballo
Xunta de Galicia: estamolo a pensar, pero a Xunta é sitio seguro e non pasa nada....e amáis no queremos que a rasquedes na casa...
Este ano coas especiais condicións motivadas pola pandemia e para que non teñades que desplazarvos dende fora de San Caetano, a toda aquelas persoas que queiran algunha participación e non poidan achegarse ao local podedes ou ben mandarnos un correo (cig.sscc@gmail.com) ou chamarnos ao local sindical (981 545909) e iremos a levala aos vosos centros de traballo.
Para elo será bo que faledes entre as compañeiras/os para pedila toda xunta e non teñamos que voltar de segundas.
Esperamos este ano dar algunha alegría para contrarrestar o COVID e ao Barreiro.
O xoves, 22 de outubro, toda Galiza entrou en fase dous o que implica fortes limitacións na vida diaria (máximo reunións de 5 non convivintes, entre outras). Nalgúns concellos agravan estas limitacións e pasan a nivel vermello (Compostela entre eles) e outros teñen confinamento perimetral. A pesar de todo iso, a Xunta segue sin implantar o "teletraballo COVID" para o seu persoal e actualmente só o contempla en supostos de "peches de centros escolares" ou "persoas sensibles". As concretas restricións pódense consultar nun DOG bis publicado o mércores a última hora.
Parécenos dunha irresponsabilidade inescusábel someter ao persoal que actualmente pode prestar os seus servizos en réxime de teletraballo (e cuxa presencia non resulta necesaria de xeito continuado) obrigalo a desprazarse a centros de traballo (moitas veces en concellos con peor situación sanitaria) onde a única medida de protección que presta a Xunta actualmente son mamparas, xel hidroalcólico e frechas no chan.
Desde a CIG amosamos o noso rexeitamento ao borrador de acordo sobre o teletraballo no emprego público remitido pola Xunta ao entender que supón un retroceso en dereitos con respecto á actual regulación. Entre outras cousas, a proposta reduce as xornadas para acollerse a esta modalidade e dificulta a conciliación laboral e familiar ao eliminar a flexibilización horaria.
Este documento proposto pola Administración demostra que desconfía do teletraballo como sistema eficaz de organización e que tampouco ten interese en organizalo; é mellor ter a xente nas mesas (tamén na casa) agardando a recibir ordes, sen planificar nin facer un verdadeiro traballo por obxectivos. A Xunta está a quedar con esta proposta como o antivacinas ou o anti 5G do teletraballo, con medos infundados e pouca capacidade organizativa.
Dende mediados de xullo e cando se fixo obrigatorio o uso de máscaras (DOG 18 de xullo) a CIG-Administración demandou que a Xunta de Galicia subministrara estas a todo o seu persoal. Ante a negativa da administración levamos facendo unha campaña de denuncias en todos os centros de traballo para que subministrara as máscaras; tamén o denunciamos nos Servizos Centrais.
 |
A Xunta como sempre, actuou dunha maneira moi desorganizada e houbo centros onde suministrou máscaras (Turismo, Sanidade) pero na maioría deles e sobre todo nos edificios administrativos cada un tivo que traer a súa.
Agora a Inspección de traballo da Coruña fixo un requerimento para que a Adminsitración autonómica cumpra coa súa obriga como empresa tamén nos edificios administrativos. Podedes velo no enlace do final desta noticia; pero basicamente ven a dicir:
- Dende a orde todos os centro de traballo teñen que suministrar máscaras aos seu traballadores e traballadoras como medida de seguridade.
- As unidades administrativas non son (como dí a Xunta dunha maneira torticeira) centros privados senón públicos onde todos os departamentos son susceptibles de acceso público.
Coa aprobación da reforma do EBEP (publicada no BOE do pasado mércores 30 de setembro) o teletraballo pasa a ser un dereito consolidado ao igual que o son as vacacións, as baixas laborais ou acudir ao médico.
Á espera do urxente desenvolvemento desta nova normativa por parte da Xunta (modo retranca ON) estamos empantanados entre a escasa regulación do teletraballo ordinario e a mínima posibilidade de teletraballo COVID e o saco de "causas excepcionais".
Pero aínda así, non todo o persoal directivos comprenden esta situación. Hoxe traemos un exemplo de como se pode ter unha actitude torticeira, irresponsable e irracional á hora de enfrontarse a unha concesión de teletraballo, onde o único límite debe ser o mantemento do servizo público.
Trátase do caso do interventor da consellería de Facenda, que logo de estar teletraballando na pandemia, solicitou o teletraballo ordinario en Xuño, pois como todos, non quería expoñerse a un risco innecesario de contaxio de Covid nun edificio tan ateigado como é o de San Caetano.
O caso é que a consellería mirou para outro lado e pasaron os tres meses de rigor, co que este dereito consolidábase como silencio positivo.
Todos os días nos contades sobre compañeiros/as positivos COVID ou contactos de positivos nas diferentes consellerías (a última de hoxe parece ser que foi en Función Pública); levamos dende principios de setembro co mesmo conto.
Non hai na Xunta unha verdadeira práctica de transparencia, non informan aos Comités de seguridade (salvo a honrosa excepción de Cultura), non coñecemos as medidas específicas tomadas; non sabemos de número de casos nen departamentos; ou sexa a Xunta fala moito do Covid e protocolos pero na súa casa non actúa conforme ás súas normas.
Nen máscaras nos dan.
Todo esto liga coa paralización das solicitudes de teletraballo (agora xa ata suspenden os procedementos desde as secretarías xerais técnicas para evitar o silencio positivo porque non lles chegan os informes preceptivos de Función Pública e Avaliación...) e seguen a marear a perdiz entre as Secretarías xerais e Avaliación e Función Pública, dando largas e sen facer unha verdadeira política de persoal anti-pandemia nin proconciliatoria que faría que no caso de acontecer algún caso COVID o impcato fose moito menor e de paso facilitarlle os dereitos ao traballo a distancia e de conciliación ao seu persoal.
Señor Feijóo, onde quedou a transparencia? E o sentidiño? E a aposta pola conciliación? E a Administración eficiente? O iso é só para os descursos na TVG?
- Primeira na frente: Xa é coñecido o caso do interventor delegado da súa consellaría (xa o explicamos noutro artigo) que foi cesado por exercer o seu dereito ao teletraballo ante o silencio positivo.
- Segunda no mentón: Esta consellería segue a enviar ao seu persoal inspectores a traballar sen as mínimas medidas de protección (máscaras, guantes, pantallas), e despois nos queixamos de que suben os contaxios.
1.- Analiza se as túas funcións poden ser desenvoltas en modo de teletraballo (a inmensa maioría dos servizos administrativos si que o son); se estiveches teletraballando con "normalidade" en conexión remota desde a casa durante os meses do confinamento a resposta é que si.
A Xunta de Persoal de Servizos centrais está a observar como cada día que pasa se está a incorporar máis xente ao traballo físico, voltando a unha situación de seminormalidade, que contradí a situación pandémica que padecemos.
Así acabamos de remitir unha carta aberta para que todas as secretarías xerais técnicas (máximo órgano competente en temas de persoal nos Servizos Centrais) adopten unha postura proactiva no tocante ao teletraballo e fomenten e aproben rapidamente actuacións directas que permitan reducir o número de persoal presencial polo menos nun 50%. Estamos a detectar un atraso importante nos informes conxuntos da Función Pública e Avaliación para as solicitudes do teletraballo.
As delegadas de prevención da CIG en servizos centrais veñen de presentar unha denuncia ante a Inspección de traballo da provincia da Coruña pola falta de medios materiais e persoais que debe proveer a Xunta de Galicia cos seus traballadores e traballadoras; pero ademáis denuncia máis cousas como:
A Xunta decidira por maio aprazar todos os procesos selectivos ata pasar o 1 de outubro. Segundo o conselleiro de Facenda, porque llo pediron algúns sindicatos nunha conversa entre amigos (non existiu negociación). Daquelas a CIG defendeu que non era bo paralizar todo ata unha data determinada, que o correcto era reactivar todo en canto as condicións o permitisen, fose antes ou despois do 1 de outubro.
Chegamos a esa data, e o nivel de contaxio volve a ser perigoso. Que facemos? Debe a Xunta retomar os procesos selectivos?
Función Pública prometeu o 29 de xullo que estaban a estudar a proposta que lle facíamos, pero que non terán resposta ata a primeira quincena de setembro. Rematou a primeira quincena e seguen sen dar sinais de vida.
É máis, hoxe 16 de setembro, publican no DOG os tribunais dos procesos selectivos dunha OEP posterior, entre eles os dos corpos xerais, e seguen sen resolver o que teñen pendente.
A Área Pública da CIG non asinará o acordo co Ministerio de Administracións Públicas sobre traballo a distancia tras fracasar as negociacións na Mesa Xeral. O seu portavoz, Xabier Picón, explica que o Ministerio presentou unha proposta inicial “bastante cativa” á que a central sindical presentou unha serie de alegacións que “foron asumidas en boa parte” pero só para a súa inclusión na exposición de motivos, mais “sen carácter vinculante para as distintas administracións públicas”. Fronte a isto, a CIG demanda que se teñan en conta para a súa inclusión no articulado e que obriguen ás administracións ao seu cumprimento. Demanda coa que coinciden as outras organizacións sindicais presentes na mesa de negociación.
O texto que podedes descargalo dende aquí; incide na posta en marcha inmediata de protocolos claros de actuación, limpeza, teletraballo, que van redundar na minoración da incidencia da propagación do coroavirus.
