Publicación destacada

O Radón na Xunta ou como obter boletos para un cancro de pulmón

luns, 15 de xuño de 2015

Os novos borradores da promoción interna sen cambios para unha nova Comisión de Persoal o 16 de xuño

O persoal funcionario pedíalle vai menos de dúas semanas ao máximo responsable do Goberno galego negociar o modelo da súa promoción interna, non impoñelo. O único que fixo o Presidente da Xunta foi "aparentar" que eran razonables pero cos seus actos demostran que este Goberno non o é.

Os feitos foron os seguintes: o venres 5 de xuño ían ir xa para aprobar a unha comisión de Persoal uns borradores que Función Pública pretendía impoñer sen atender ao berro unánime dos sindicatos en nome do persoal funcionario pedindo negociar. A Xunta de Persoal interceptou ao Presidente da Xunta tralo Consello o 4 de xuño e pediulle que parase tal aberración. Ao día seguinte suspenderon a Comisión de Persoal e prometeron negociar outro modelo.

O martes 9 remitían outro modelo que dicían era o do 2004 pero que non se parecía en nada para os subgrupos A1 e A2 e daban ata venres para presentar alegacións. Os sindicatos presentaron as seguintes alegacións conxuntas e ese mesmo día recibían convocatoria para unha vindeira Comisión de Persoal o 16 de xuño. Xunto con esa convocatoria veñan uns borradores extacatemente iguais que os quemandaron o día 9. Tamén enviaron a convocatoria dunha reunión previa o día 15 co director xeral da Función Pública.

Que pretende nesa reunión? Explicarnos que a súa postura é inamobíbel? Cumprir a súa promesa e poñer o modelo do 2004 e non un híbrido facendo máis ilóxica aínda que os anteriores borradores as probas para A1 e mesmo para o A2?

Sr, director, hai máis modelos fóra da Xunta, pódese apreciar avances na supresión do 3º exercicio para o A2 ou do establecemento dun segundo tipo test para o C1, pero hai que seguir traballando e buscar un modelo obxectivo e transparente que garanten os test e primen os coñecementos e non exclusivamente a sorte que garante ter un temario pechado de normas concretas e non un temario aberto que non está publicado en nigures.

Con estas propostas o que van provocar é deixar vacantes prazas, o cal é unha inmoralidade tendo en conta a nula carreira profesional que tivo o persoal funcionario desta administración e a irregularidade nas convocatorias da promoción interna. Que interese oculto ten en dificultar, xa non o aprobado, senón a preparación dos subgrupos A1 e A2? A que presións está sometido para blindar o acceso a estes subgrupos? intereses políticos ou tan só corporativos?

O Goberno da Xunta, e por delegación o seu director xeral da Función Pública, non está sendo razonable e o saben. Prefiren sucumbir a presións corporativas e intereses políticos.

Documentos relacionados:



Ningún comentario:

Publicar un comentario